手拉麵小廚

营业中

休息中

這晚參加完個活動，老妹又在家休養晚餐...當然就買外帶嚕路癡的我，對這邊真的沒有很熟幸好有Angel陪著我找雞絲粉皮，卷曲的粉皮滑溜溜雞肉跟青瓜切成幼絲，搭上香滑的麻醬，很棒蔥爆牛肉炒拉麵回家的途中，一直聞著它的香味還挺磨人的！！ 牛肉的量很多，軟腍的肉質京蔥跟洋蔥也很棒，拉麵爽彈好吃值得為了炒拉麵再訪一次，下次要多嚐幾款不同的

今日專程來到此店試一下此店最出名的小籠包, 當然另外也需要加多樣食物, 那就決定是要雞絲冷麵。大概十五分鐘小籠包才到, 送上來時熱騰騰, 一籠五隻, 那些包皮很薄, 可以見到裡面的牛肉汁, 真是一咬落去流晒出來。絕對出色 ! 至於雞絲冷麵, 第一口咬落去, 好似很好味, 但之後越吃越咸, 但整體都OK . 埋單一個人$62, 有點貴, 室內有點舊像舊式上海店, 服務還可以 ~

因上次經驗，今日早少少6pm去到唔使等位，幸好真係早少少，6：15pm左右已經開始等位。今日食左小籠包，雞絲粉皮，羊肉搶湯麵。小籠包真係平靚正，一定要試！雞絲粉皮不過不失~羊肉搶湯麵外面較少有,羊味不太重，就算對羊肉一般也應該較易接受。可能老闆即場手打麵，所以都要等10分鐘。不過好食都無所謂啦😊

今日特登同肥妹仔早D黎!!試下佢地其他野食!!果然不負所望!!我地每人叫左一個扒羊肉拉麵!!呢個拉麵係見住個師傅即打出黎!!好彈口, 好有口感, 個湯夠晒濃!!正宗上海菜口味, 濃濃既香味, 簡直一絕!!不過最可惜係羊肉較少, 得一絲絲...如果多D會更好呢!!之後第二個係:::酸辣湯雲吞, 呢個熱辣辣!!而且入面料頭充足, 好多肉絲, 雲耳絲!!而且每粒雲吞大大粒, 實的的咁!!配合起來, 非常好呢!!最後一個係:::呢個上次已經食過一次架喇!!都係咁好味, 一效落去成啖湯必出黎!!比起好多大牌子店都要好味!!不過要成$30, 都OK貴架!!

23-5-2013(四）約七、八年前，我還在彩虹工作，很多時候在放工後，一個人便步行至新蒲崗逛遊。已很久沒來過新蒲崗了！是日中午，教完單簧管後，便舊地重遊來了這區影下街道相，並在 手拉麵小廚 吃午飯。點叫了 涼拌雞絲粉皮 及 小籠包。涼拌雞絲粉皮：超好吃！粉皮的外型晶瑩通透，吃下一小叢，非常爽滑；它加入了花生醬汁，與切絲青瓜、雞絲一起吃，非常入味。 小籠包：又是超好吃！外皮做得很透薄，夾起一件，內饀脹脹的，並有很多湯汁；吃下一口，肉鮮嫩多汁，讚！埋單共$60，很好吃的一餐！繼續支持小店！

呢幾日睇到OPENRICE既食評榜~發現新蒲崗呢間小店既大名~問下係個區做野既媽媽~佢都對呢間野有讚無彈BOR話佢既小籠包好正咁話~~所以今日一於同小豬去試下啦~一去到，門口已經有唔少既係度等緊喇由於門口有一個玻璃窗位俾人睇住師傅點樣整D手拉麵~所以成堆人圍住個玻璃窗~好搞笑XDDDD由於店入面空間都幾有限下..正值午飯時間既我地就要等位~等左大約15分鐘，有得食!!!!!TOTAL叫左3樣野~~等左10分鐘就黎喇!!!先上場既係雞絲粉皮!!!份量中等啦, 但望落雞絲就比較少喇..得一撮仔係頂..青瓜都爽脆~~粉皮略為厚左DD~ 不過可接受!佢既麻醬唔知係自家定咩呢...濃香味十足~~唔錯唔錯!!!第二樣登場既係小籠包!!! 我地叫左2籠添呀!一黎到~~嘩!!! 個皮薄到望到入面D湯架!!!!呢D真係一等一既功夫呀!!! 外表已經好吸引!!!咬開少少~~湯汁即刻湧出黎!! 成匙羹既湯汁呀!! 正!!!!皮真係好薄~湯同肉都好甜~入面既肉餡冇根亦唔會韌~不過咬落就散修修左DD但整體都好高水準!!!!!第三款登場係豬扒擔擔麵~豬扒質地好稔~醃既味道都唔錯~手拉麵既粗幼就有點不一~~唔係太吸

看食評好似唔錯,就黎呢到試下，　試後..　決定寫第一次的食評來到時已經8點多，但門口有著人龍, 唔想等, 1 小後回來, 行遲一步, 前面有兩人到步,　要排到第九 ,在門口看到師傅用一舊麵粉用手指拉拉就變成一條條麵 麵煮完過冷水 看似功夫,因而期待, 所以等呀等竟然等左30分鐘.兩人點了回鍋牛肉炒拉麵, 小籠包和酸辣湯拉麵上台時間比較慢,大約等了10分鐘才上第一道菜回鍋牛肉炒拉麵D麵好似用油撈過,只是將D 牛肉同其他配料蓋面, D麵咬落去冧，無咬口彈牙，完全無一般回鍋肉味道酸辣湯拉麵Ｄ麵咬落去同樣冧，味道一般小籠包有5個, 全部都是只是皮薄，但餡只亦有肉汁，食唔到有肉，未吃過小籠包沒有肉。我留意到老板娘從客人台上收回蒸籠並沒有棄掉籠中裏面的紙.　總結: 一定無下次，浪費 時間，差差差，不知知所謂

經阿妹介紹, 今日終於有機會去試下啦。舖頭細細, 六點到, 已經要等位啦。足足等左半個鍾先有得入座。一張細細既卡位, 要跟人撘枱, 迫得連袋都無位放, 要攬住黎食。我地兩個人叫左個2 人餐, 只需$1381) 醉轉彎: 好似醉雞咁, 有少少酒味, 凍食的, 好味, 雞唔肥。2) 小籠包: 超好食, 一籠5隻, 皮超薄, 超多湯, 我覺得比鼎x泰仲要好食。3) 蝦米津白: 菜很甜4) 蔥爆羊肉: 羊肉唔蘇, 送飯一流呢個餐仲配上2 杯熱菜蜜, 二個飯/上海麵佢d 上海麵係c 父自己手拉嫁, 係門口可以見到c父親手拉的。2個人最後飽到攬住個肚出門真係好抵食, 唔怕迫, 唔怕等, 一家要黎試。

支持小店!!難得新蒲崗有餐廳上榜,當然要來試試!對這區熟悉的人一定很快找到餐廳,真的很不起眼! 不介紹不會知道好吃!餐廳位子不多,2張六人圓桌和4個四人座卡位而已,幸好去的時間才剛12點,只有2桌客人想了好久就點了豬扒擔擔麵, 小籠包和雞絲粉皮上台時間比較慢,大約等了10分鐘才上第一道菜雞絲粉皮份量大,比外面的多好多,但沒什麼特別小籠包有5個,全部都是皮薄餡靚!!!真的很意外,因為其他餐廳為了留住肉汁,把皮弄厚一點但這家不但皮薄而且5個都沒有漏汁,真的有汁,而且味道很好。豬扒擔擔麵是黑色的,不像外面是啡色或者橙色,豬扒煎得很鬆脆。麵很有口感,不是一夾就開,我跟友人都說麵真的很特別,應該是自己弄所以才有這口感令我最想念的是湯,濃濃的花生味,有點漏,但全都給我喝光了最重要的是我沒有口渴,是沒有一點點的味精 !!

今日女朋友話想食上海野,不過又唔想去連鎖店....諗起早排搵到呢間手拉面,看食評好似唔錯,就黎呢到試下..唔多好味,皮不滑 肉不嫩. 有點"生生地"份量沒有想像多,雞絲份量OK,唔會好似食友講到禁多...味道可以.皮是薄,汁是多 (不過以上兩點也不是只有這可以做到.相反肉是比較散,好似肉碎....等的時間也比較耐.呢個面真係唔錯,面是手打拉面,雲吞皮薄餡靚 又富有肉汁.湯頭 有麻香而不辣 個人口味:6/10

古語有云有麝自然香真係冇錯，估唔到幾隱蔽的小店只要好味就一定會有人排隊。 來到時已經9點多，但門口依然有著人龍，等呀等竟然等左20分鐘，入面環境細小雖然有卡位但要坐足4個人真係肥少少都唔可以。話雖如此這種店不是吃裝修而是吃實力，要實力當然不少得吃門口排隊時已經見到師傅做的小籠包和拉麵：豬扒排麵：師傅用一舊麵粉用手指拉拉就變成一條條麵 麵煮完過冷水令麵身收番緊帶咬感，功夫唷 豬扒也不錯下了功夫加進味道 但湯底和配料都過於單調小籠包X2：吃時小心因為爆汁多到冇人有，賣相打開覺得好掛為什麼那麼平不小谷起一粒，原來係爆汁關係，好味！雞絲粉皮：粉皮同醬一樣咁滑配了雞絲和青瓜那不同口感真的是更上一層樓皮蛋豆腐X2：有別於見到的豆腐切一片片，雖然少了這技術但豆腐落了功夫入了味加荽茜和皮蛋更好味，只是豆腐可以的話希望做得更滑炸曼頭：很大而炸得很脆 但3件感覺太多 有點油膩價錢合理 食物超出預期，絕對可以值得一試 但遺憾地方有D唔就腳

今日同肥妹仔決定試下呢間上海菜!!因為平時行過都唔會主動入去既...事關佢門面實在太細, 經過好多次都睇唔到!!但又見openrice d人話幾好食喎!!所以就搵到去試下喇!!我地叫左個$138套餐,有頭盤雞絲粉皮:::呢個粉皮入面D青瓜絲好爽口,加埋個花生醬底好濃郁,撈埋食口感一流, 不過雞絲就少左D...之後黎個小籠包:::佢個味道真係好正, D湯好多好濃!!差唔多一咬落去D熱湯就"必"晒出黎!!好食過好多大品牌鋪小籠包呢!!值得一讚, 不過如果散叫要成$30/ 5個!!都幾貴下, 如果以呢區食肆黎講!!跟住個主菜係蒽爆羊肉!!如果你鍾意食濃油赤醬既菜,呢個簡直係一流選擇!!而且都幾多配料添!!最後佢有得揀拉麵或者白飯!!雖然佢係淨麵, 但湯底都幾正!!都忍唔住飲左幾口湯!!整體黎講, 值得一試再試!!遲D午市希望可以試下佢果個羊肉搶拉麵!!同豆沙窩餅!!

看見食評和圖片極度吸引，於是特登走入去一試！1) 小籠包 $30：簡直一等一水準，價錢超值；皮薄多汁，肉質新鮮。評分(5/5)2) 豬頸肉担担麵 $38：豬頸肉好香好脆，似燒過咁，爽而又唔膩，驚喜之作！担担麵口感一流，唔係過冧亦無過硬，彈牙湯底有少少譚仔麻辣味feel，但唔會好spicy，反覺得好香口，飲完想再飲，配埋啲類似肉碎配料，真係絕配；提提各位花生醬在湯碗的底部，緊記要搞一搞先好開動呀！評分(5/5)3) 菜肉湯云吞 $30：云吞涵菜清甜肉鮮嫩，皮係茶記啲薄薄云吞皮，無得彈！唯不足湯底多咗味精，味變濃了。評分(4/5)

如果唔係見到OPENRICE甘好的評價, 我也沒有衝動來試.昨晚我地7時入到, 都已經滿座了. 好在只係等了10分鐘就有人走.姐姐也快手地把台面弄好比我地坐.我地食叫1. 小龍包 : 好多肉汁而肉D結實有咬口, 皮薄 而且唔會一夾就破. 最緊要既係附上既醋及姜C都係非常可口. 可見老闆選用既醋也是上品.食完一龍後我再叫一龍encore.2. 擔擔面: 很有麻辣香但不會太辣, 不過因為同平時食開的有一點不同. 所以本人不太喜歡. 如果面可以再彈牙一點便更好.3. 雞c冷面: 麻醬非常香口, 只是面條做得不夠彈牙. 總結: 一定有下次.

幾個月前,老公到本餐廳用餐,覺得味道不錯於是向我和兒子推介!今天,我們一家三口便到本餐廰用餐。我和老公叫了搶羊肉湯拉麵(38元)兒子則叫了四川擔擔麵(30元)還叫了雞絲粉皮(30元)及招牌小籠包(30元)不久,雞絲粉皮首先上碟,味道「麻麻」、太鹹!然後,手拉麵上碟,一咬下去,當場有種飄飄然的感覺ㄧㄧ湯底清甜、麵條堅靭彈牙,味道一流!!!最後,小籠包出場,小籠包的豬肉味道OK,但肉汁鮮美!由於本餐廳的湯麵味道十分吸引,加上我們仍未飽滿,所以我們再叫一個四川擔擔麵,不經不覺,我們合共付了196元了!我們希望下次能到本餐!我誠意推介本餐廰給大家!