手拉麵小廚

营业中

休息中

價廉物美,再會手拉麵小廚.叫左兩人餐$148,有酸辣湯,醉轉彎,回鍋肉,拉麵,蝦米津白,涷菜蜜酸辣湯:辣味十足,可以再酸D就更好.醉轉彎:酒味唔太重,反而有小小杞子香,雞肉唔會爛.回鍋肉:細左D,香辣夠味,食到尾反而有小小過鹹.拉麵:冇咩特別.蝦米津白:好鹹香,津白香甜.涷菜蜜:送嘅冇咩要求.

今日途經新蒲崗,見到此店就想食小籠包,所以走入內.開頭見到環境好一般,有小小驚架.不過是但啦,冇事嘅!叫左:羊肉搶湯拉麵,小籠包.羊肉搶湯拉麵:一出來就傳出好香嘅羊蘇味,好香,個麵好特別,手拉出有粗有幼嘅麵條.湯底好正.小籠包:好食個鼎泰豐,個皮超薄,薄到見到D湯在你面前走來走去,功夫一流,湯汁好有薑味.可能皮超薄嘅關係,肉就小左D.整體好正,價錢都合理.

這兩天見到好多關於這店的食評，引得我口水流，一於趁放假去新浦崗試試。這個區甚少踏足，今次的確慕名而來。一條衍慶街，原來都有很多不同類型餐廳，就相連幾條街道亦大部份為食肆，住新蒲崗嘅居民，如果每日晚飯都試唔同食店，恐怕要用三四月先試得完。跟老會合後就叫來幾款食友的推介！先來醉雞雞件大概有四份一隻，皮黃肉厚，上面灑了幾粒杞子令賣相更吸引，急急起筷。冰鮮雞味當然不能太苛求，但最起碼做得入味，皮脆，肉質亦算嫩，花雕酒味香濃，只稍嫌差了一點點甜，而我吃至第三件時竟然有些微酒意！小籠包包的size比其他吃過的都要大，包皮薄得可以見到裏面的湯汁，夾起輕輕咬穿一個小洞，熱盪盪肉汁流到碗裏面，趕緊一灌入口，那鲜甜真令人回味。就這一味小籠包也值得再來。最後是羊肉搶湯麵一上枱已令我有好感，新鮮滾熱辣，份量又大，急急喝啖熱湯，味道像減輕了的上海湯麵，羊肉味道含蓄，是未發揮到極致，有些不夠過癮。還好麵條也是好貨，是不是自家出品不知道，只知道吃入口裏面感到麵條的滑溜，浸住熱湯咬下去又夠煙韌，再來些微辣豆版醬沾羊肉，也夠享受。老爸的豬排担担麵，我沒試，但一位八十二歲小孩子，整個麵只吃淨一半湯汁，這個唔會差吧……

好多朋友介紹我黎食 一於試下啦舖頭唔太起眼 冇乜裝潢 出面都有人排隊本身都好鍾意上海野食小籠包好味到..... 重點係又唔油 皮又夠薄擔擔麵都好食 手拉麵(?) d麵質好好最重要係個價錢!!!!!!平到 佢d餃都唔錯 曾經有一次叫外賣 30分鐘後返到屋食 依然不失水準應該係我食過最好食既上海菜 最抵食晚一餐

上次路過，今次同兩個鍾意食上海嘢嘅朋友嚟食嘢，足足叫咗七樣餸，每款都大大碗大大碟，真喺大滿足。大大碗嘅《酸辣湯》，見到又紅又多料，以為一定辣到飛起啦！原來只喺有啲辣，而且辣度適中，唔會辣到無哂味覺，容易入口，好多雲耳配料，完全喺開胃嘅最好選擇！上海菜點少得《小籠包》呢？就咁睇就已經睇到包裏面浸滿哂湯汁，真喺皮薄餡靚。最重要喺包皮夠彈性又有口感，夾起嚟唔易穿。《回鍋肉炒拉麵》又喺好有特色，諗住夾少少試吓啦！點知一夾之吓，成個麵都夾起哂，每條麵粗幼都有所不同，好明顯喺同一個粉團拉出嚟，絕唔喺用機打。而且道辣度又喺啱啱好。而且薄薄嘅回鍋肉彈牙可口。《花雕醉雞》一向都喺小弟嘅最愛，依到嘅醉雞大大隻，只喺碎骨多左少少，但可接受。醉雞肉質有口感之餘，又浸滿花雕嘅酒香，好味！《羊肉搶湯拉麵》當然又喺手拉麵啦，羊肉唔會太羶 ，湯底濃郁，味道合適中，夠味但唔咸，飲咗幾啖湯之後都無飲過水，可見無落味精。《雞絲粉皮》其實同其他店鋪嘅出品差唔多，因為唔喺咩功夫菜。不過粉皮有彈性，唔會一夾就斷，而且勝在有種清新嘅感覺，而且又喺好大碟。《豆沙鍋餅》外脆內暖，豆沙餡甜而不膩，明顯喺天然嘅豆沙甜味，唔錯唔錯。三個人，

經過新蒲崗見肚餓，又咁啱經過間平平無奇嘅上海菜小店，即刻走入去試吓。裝修環境真喺好一般，仲有啲殘舊添。但下午茶時間冇謂叫碗拉麵食啦，所以叫咗碗八粒菜肉雲吞試吓。嘩，真係唔試過唔知咁好味，真喺皮薄餡靚，每粒雲吞都大大粒，落足料！平時食開嘅菜肉雲吞，都喺菜多過肉，未試過咁有肉味嘅菜肉雲吞！湯底又喺一絕，問過老板娘，原來喺豬骨濃湯，感覺好似食緊日本拉麵嘅湯底咁新鮮，完全冇落味精！簡單一碗菜肉雲吞，好有屋企嘅味道！30 蚊！真係值得推薦！

十二月一日 (星期日)記得早前在面書上被爆汁小籠包洗版，是來就是這裡，真是吸引得想立即去!!!是日，打算去Mikiki看聖鬥士展覽，又想起手拉麵就在附近坐言起行，立即相約黑洞伉儷齊去  倆口子對新蒲崗頗陌生，就直接搭的士到衍慶街車子不是停在店子正門，一路行一路行見到前面有家頗舊又不起眼的食店，原來就是手拉麵抱著懷疑，再用開飯double check，confirmed!找了一個卡位坐下，枱上貼了"食記M"的介紹嘩!對這裡更加有信心喇~肚子開始打鼓!人也到齊，起動!先來一碟雞絲粉皮先拌勻大量的青瓜絲與雞絲，撈入惹味開胃的芝麻醬，簡單美味粉皮煙韌有嚼勁，口感不俗這客雞絲粉皮，高質!來這裡，吃其招牌小籠包是常識吧即叫即蒸，一邊吃其他一邊等十多分鐘，一籠新鮮滾熱辣的小籠包便由廚房端出打開蒸籠，五大個飽滿的小籠包呈見眼前，真令人期待每隻也似乎即將要爆似的，皮卻是做得很好，不易破小口咬開，大量的湯汁隨之湧出，非常澎湃清香的湯加上鮮味的餡料，造就了全港數一數二的小籠包店名叫手拉麵，那就必試這裡的拉麵吧先來的是炒得非常有鑊氣的蒽爆羊肉炒拉麵拉麵每條分明彈牙，香口滿溢蒽爆羊肉亦挺香口，羊肉的羶味甚濃郁，

收工近近地走到新浦崗衍慶街的手拉麵小廚，小店格局但工廠區七點都坐滿便知係好野！點了$138二人套餐，小籠包皮薄煙韌多湯超鮮甜。葱爆牛肉香口惹味，拍青瓜微辣爽口滿蒜香！手拉麵是師傅即點即拉，煙韌又彈牙，配埋個津白加兩杯菜寬 兩個人食岩岩好！見人地食醉雞好似好正！下次一於再來吃！

新蒲崗衍慶街48號衍慶大廈地下]先來一客雞絲粉皮邊食邊等（＄30），每次來到吃小龍包的店子，總愛叫碟作冷盤小吃。花生醬似是加了糖水，味道偏甜，把醬香都蓋掉了大半。彈性十足的粉皮搭上涼快清爽的青瓜絲，兩種不同的食物質感在口中交流，簡單令人愛上。只 嫌雞絲少，有點不夠。酸辣湯水餃（＄32）一個價，就有酸辣湯位水餃兩款，以一個價享有最大叫它就做到了，紅得像溶岩的湯中，加了香菇、黑木耳、筍、蛋及肉絲等，豆板醬的辣，酸都具備了。上桌前還加了麻在增添，打生粉水時打得平均，沒有起塊。菜肉餃皮有皂水味未消退，不過不太影響因湯夠濃。肉餡豐富，瘦肉比例多，食落就更健康。＄30 5隻即叫即蒸製，刻意和水杯同影，因要顯示出隻小籠包好大，一隻就抵得上人家兩隻加起來的大小了。皮薄看到入面的湯汁和肉餡，狀甚誘人，吹彈可破卻有承托力。而內面的湯汁鮮甜而清澈，沒有白色脂肪塊，肉的精華全聚於一口湯中，不用點醋已甜得入心。 

突如其來的空閒，讓筆者可以吃自己真正喜歡的食物。馬上跳上巴士，往新蒲崗方向去。我既目的地，正是新蒲崗這舊區的手拉麵小廚，店子小小，裝修頗為殘舊，環境方面沒什麼值得說。然而，小籠包和拉麵均是我喜歡吃的東西，在門口可透過玻璃看見師傅在擀麵，對此店產生了一點興趣。先來一碗擔擔麵，看其湯底的顏色，跟市面很多上海館子的出品有別。呷口湯，微辣之餘，滲出點點花椒的麻香，味型更似四川的版本。麵條是即拉，可是仍有欠爽口，跟預期中有所出入。小籠包一客有五隻，賣相稱不上靚仔。外皮並不厚，咬落卻有些少黏牙。內裡的湯汁充盈，豬肉餡琢得幼滑，只是鮮味仍是差一點點，會是合格，但不是十分出色的傑作。加罐可樂，一個人飽足地離開。做人有時不用太有計劃，即興的想去邊就去邊，想吃什麼就吃什麼，自在！

此舖是一間很小的舖，而且吃的人比較多，所以一般都要搭枱的.座位比較迫。平民價已算很不錯了!!一定要試麵,QQ的口感.花雕醉雞 $ 52雞肉幾嫩滑而且十分入味.招牌小籠包 $ 30必試!抵食!平均6蚊隻.擔擔麵 $38 麵質好,因為是即拉的,很彈,外面不易吃到.花生醬不是太濃,跟外面吃的有點不一樣.OK.羊肉搶湯拉麵 $ 38麵條好有彈性,羊肉羶味唔算太濃太羶,少少的羶味正適合我的口味.飲品菜蜜就麻麻了.可以不點.

昨天下午在旺角接原老婆收工..之前記得友人介紹新蒲崗有間好好食的上海拉麵小店...仲要係即叫即拉的...中午去到等左十分鐘就有位.都算快...睇睇餐牌...食物一般都係30-40蚊..一啲唔貴丫我同老婆點左酸辣湯拉麵:麵即叫即拉麵身幾爽有彈性.酸辣湯足料肉絲, 雲耳絲.豆腐干等..味道唔會好辣.夠酸...正菜肉雲吞:大粒,多菜豬肉餡,皮薄.味鮮.一碗有8隻...正...湯底白雪雪..應該係猪骨底...也很鮮味...正小籠包:..極之薄,豬肉餡料和肉湯汁都很甜比起那幾間專賣小籠包有名的名店..這裹的小籠包真的(有過之而無不及)分分鐘仲好味皮薄到可望見入皮..面D湯一口湯汁多到勇出黎今以真的要誠意推界給各小籠包粉絲..食完包你棟起手指公^^

起碼一兩年無寫食評,但今次就算重設密碼都好想寫一篇,因為食到好野係要同人分享的。事緣由一個鳥龍開始。某日放工同男友,在紅磡巴士站打算到旺角食飯,點知搭錯車/過站又好,去到新蒲崗先知,即刻仆落車,但已經唔知自己身處何方。一向路痴的我只懂有地鐵到的地方,心諗,反正肚餓,十年都唔到一次新蒲崗,不如就係度食埋飯啦。行下行下,見到呢間小店,我同男友都鐘意上海野,於是就入去一試。我係羊人,於是立即鎖定羊肉搶湯麵,男人叫左排骨面,加一籠小籠包。羊肉麵,湯好濃,料亦多,好正!唯一擔心之後會口渴,但最後都無~排骨麵都好食,小籠包皮簿多汁。離開時見到人龍排排座等位...就知係正野誤打誤撞之下食到美食,滿足!

好少介紹拉麵小籠包,不過食過呢間覺得真係值得推介!!睇吓價錢幾平民,最緊要又好食嘛!!雞肉幾嫩滑而且十分入味,得喎!睇張相已經見到啲湯汁,皮亦極之薄,不過肉就唔太夠鮮甜,有待改善!!麵條好有彈性,羊肉羶味唔算太濃,但都唔錯,三十幾蚊整體已經係十分好. 原來拉麵係即點即拉架,唔怪得知特別有彈性又好食啦!!呢個更有驚喜,因為個汁夠濃,牛肉冇化學味,京蔥又夠香,真係好好好食啊!!!大大粒,夠多菜,皮又薄,$30有五粒真係超級抵食!!!

這日與朋友之所以來到新蒲崗，其實只是因為大家前幾天傾開，發覺原來大家都有d掛住這間小店手拉麵小廚的小籠包，於是便相約一起到訪。我們12點多到達，午餐人潮還沒有開始。我們除了必吃的招牌小籠包（$30）外，再點了菜肉雲吞（$30）和蔥爆牛肉炒拉麵（$38）share來吃。一段時間沒食過，小籠包的水準保持到。小籠包的size比一般的稍大隻，皮薄煙韌，裡面包滿了熱辣辣的肉汁，很吸引！豬肉餡料和肉汁都很甜美呢，真的好食。一籠5隻，轉眼就被我們你一件我一件食完了。蔥爆牛肉炒拉麵炒得頗香，但就有點油膩。麵條粗幼有點不一，沒有機製的工整，相信真的是自家手工做的。論質感，這麵條有咬口，頗有麵香，我們都很喜歡。至於牛肉，份量雖可說多，但肉質和味道就只是很一般。我情願店方份量少些，但選用較優質點的牛肉。菜肉雲吞一份8隻，以這價錢份量很足呢。雲吞的菜肉餡料味道清新，感覺健康。店細細，坐得是有點逼，衛生程度滿意。店員亞姐服務醒目，有禮。滿意這小店的出品，值得我們下次再專誠到訪新蒲崗。