戶井北海道米比薩 (已結業)

8:03取輪候號碼，8:29入座。。。等候期間有5張吉枱。。。等待不是一個問題，而等待的時候有多個4個職員見到有人等，但竟然沒有一個人走過來安排座位，個個見到都當看不到。總之完全讓你感受零存在感。結果客人自行入座。入座後，穿黑色制服的女待應滿場飛，邊做邊掟餐具。餐廳的碗碟少不免破損。餐廳內會時不時出現喪屍待應及藍色手套女郎。當然少不了衣衫不整的待應，總之不想看的春光也能看到。如果還想看見廚房的工作人員，只要望望樓面就會看到他們美妙嘅catwalk。食物就真係充滿特色。頭盤有又酸又凍的忌廉湯，加無味沙律。主菜有重味海水蟹，還有一定不會再食第二次嘅炒飯pizza。

星期日屯門食午餐，預左要等位食飯，拎左幾間唔同餐廳既飛，最後依間最快就入去食~ 其實之前都食過幾次，果時覺得d食物都唔錯~ 今次叫左個二人餐同一個蛋包飯餐~ 二人餐有冰鎮海鮮併盤，北海道芝士豆腐焗波士頓龍蝦意大利麵，千島芒果煙三文魚米比薩，甘味盛合，冰試管~ 海鮮併盤質素ok, 可能因為有d冰凍住，感覺比較新鮮~至於米比薩味道唔錯，但就好易散開，以前食過都唔會咁易散，唔知係咪換左唔同米~ 龍蝦意大利麵d麵唔錯，味道好香，但隻龍蝦就冇咩肉同味道偏淡，肉質有少少實~蛋包飯選左菠菜味，配牛柳粒&牛肝菌汁，牛肝菌汁配飯味道香口，牛柳粒就老左少少，蛋就唔覺有菠菜味~甘味盛合係由三個甜品組成，包括焦糖燉蛋，朱古力慕絲，士多啤梨汁椰果配雪糕~ 焦糖燉蛋蛋味濃，焦糖好脆，而朱古力慕絲香而滑，士多啤梨個甜品我就覺得一般，味道好似唔係好夾~ 冰試管我估計應該係巨峰提子汁，味道都ok~ 另外，依家叫某d餐會送Haagen-dazs雪糕批，但因為我地食得太飽，待應主動問我地想堂食定拎走，我覺得服務都幾貼心~

食左火炙三文魚沙律同午餐豬扒意粉。午餐有湯，唔知乜菇湯，酸叔味，個片包係林嘅，意粉痴埋一舊豬扒好硬。沙律個三文魚係無味，芝土陣味好怪。唯一出色係杯凍檸水同送的哈根打斯雪條。後悔，千揀萬揀。

今晚和阿女去了屯門Vcity行街 ,我和阿女行完之後就在Vcity吃飯，就揀去戶井吃晚餐，我已經來了3次,這裡價錢夠平呀 ,我和阿女叫了168元套餐，有意粉/薄餅/飲品十分抵食，薄餅以米飯而制做,米飯味道亦幾好吃,意粉亦都OK,味道整體幾好,服務同環境亦都OK

晚餐食北海道米比薩，真係比佢既賣樣吸引咗就去食佢，點知係唔好食明明我地叫既野食都應該係熱辣辣咁送出黎，但黎到既係唔熱。講下個北海道帆立貝蟹肉米比薩，米比薩上層有帆立貝同蟹柳，仲有勁多芝士，批邊既飯烤得唔脆，飯仲有Ｄ濕濕地唔乾，飯底唔夠厚所以飯底係硬既。大板燒上層放咗好多木魚絲，個醬汁就ok既，只係唔夠熱同埋鰻魚鯹咗Ｄ~焗薯係最好既，牛肉粒夠淋，薯蓉夠熱。甜品就普普通通。

真係好難食，見過鬼到怕黑 諗住同男朋友撐枱腳，點知d野食中伏到令人接受唔到,基本上得意粉同餐前小食好味，其他就GG餐湯：起伏，扮忌廉湯配蒜蓉包 ，點知係冇咩味嘅糊仔…昆人都唔洗感呀！？配蒜蓉包，完全兩回事囉 餐前小食+意粉：小食好味，煎炸野我好like。意粉好味，夠晒濃味又唔會食唔飽 米pizza:吹到主打菜，口感完全形容唔到，又冇咩味，得個批邊脆脆地但批底基本上係偏濕嘅焾爛飯 飲品（冰管）：得個樣得意，其實份量又少，得一兩啖，味道又普通，同水果味汽水冇分別 甜品：冇咩特別話好食，不過不失總結，伏完一次唔會再幫襯佢，食呢餐地獄餐收左我地三百幾，超唔抵，最後食完又唔算特別飽…比呢個價錢食放題食到爆肚仲好

朋友遠道到屯門來訪，相約 Vcity 中食肆層裡的 Toi。之前已經來過，吃過他們主推的米披薩。算特別的，但不吸引我這個無米人。今次正值午茶時份，四處都人潮。剛好見這家靜靜的，門前竟然也有推薦，造有特色潮食雪糕吐司層層疊。難得服務員都沒有嫌剛生兒一時未慣地方，要奶，一直哭得震天，幫忙送來熱水溫奶；一點點的友善包容，頓時好感大增。這讚文有一半時分來自他們這天的態度。說回去吃，這雪糕造的精美度絕不比茶木的差。只是若能使雪糕融化時間再拉長一點更好，相信是碟子的溫度問題。吐司的層層方塊脆度可以有進步空間；以$63一份來算，這價錢是該有刁鑽的客評，繼續修正，這一系列甜品，我看好的。再下來，就是客量！有玻璃窗，有陽光輕輕灑入，縱然窗外景色一般，但主區內悠閒太太聚聚下午，這會是首選！

I decided to try this restaurant because the rice pizzas seemed to be quite interesting and the models of them looked on point. I ordered one which was labelled as being of the most popular. It sounded good - sea salt butter scallop rice pizza or something along the lines. In the end it was dry and bland and tasted like cheap canteen baked seafood rice. My friend's beef steak was apparently even worse than the ones at school canteens. Definitely not worth the price. Service was mediocre, I had t

今日係我最細嘅表妹生日，所以今晚我們去咗「戶井北海道米比薩」喺屯門V City店食晚飯！我們叫咗北海道帆立貝蟹肉米比薩、千島天婦羅大蝦米比薩、鰻魚大阪燒、海鮮什錦牛乳蛋包飯、鮮南瓜海鮮意大利麵同墨魚汁野菌大蝦意大利麵！北海道帆立貝蟹肉米比薩同千島天婦羅大蝦米比薩嘅賣相非常吸引，用煎香咗嘅米飯嚟做pizza餅底，煎得非常黃金香脆同煙韌彈牙，非常惹味，帆立貝同天婦羅大蝦都相當大隻同鮮味十足！海鮮什錦牛乳蛋包飯嘅鷄蛋炒得好香滑唔會過火！墨魚汁野菌大蝦意大利麵嘅大蝦超大隻，肉質新鮮彈牙，墨汁麵嘅麵質都幾彈牙，味道濃郁！而甜品我們就叫咗芒果聖代、草莓聖代、安倍川紅豆年糕、天使與魔鬼特濃巧克力布朗尼、黃粉金時牛乳刨冰、北海道牛乳白玉子！芒果聖代同草莓聖代嘅生果好新鮮，雪糕非常香甜軟滑！安倍川紅豆年糕嘅年糕煙煙韌韌，口感十足！

上次嚟食過蛋包飯, 今次點都要試下佢個招牌菜, 雖然好多人都話唔好食好油, 但作為食家的我, 點可以唔親自試下呢~  蘑菇湯+多士  蘑菇湯 -> 超勁多蘑菇碎, 咁樣反而令d蘑菇味更出, 仲容易消化d, 好飲過d忌廉蘑菇湯  多士 -> 雖然脆, 但唔熱, 而且唔夠牛油同蒜茸味  照燒帆立貝蟹肉米比薩呢個應該係一人份量, 即平時食pizza, 都有分大批細批同迷你批, 呢個size介乎迷你批與普通批之間, 但份量盡對係一人剛好~有好多款選擇, 但個人不喜歡太齋同辣, 所以選咗呢個~一上枱時好香的飯焦味, 因為佢個邊同底都真係飯焦來的, 我估計佢有煎香佢, 再放料上面去焗, 開頭食都覺得唔錯, 但當你食到一半時, 你會覺得牙軟, 因為d飯焦都幾勁, 咬到牙都軟, 又黏牙, 唔適合小朋友同老人家, 味道偏甜, 可能係用照燒汁關係, 但總體嚟講都未係太差, 如果係鍾意食飯焦果d人, 我相信佢地會好鍾意~  熱檸水個杯就好靚好特別, 但入面杯嘢飲就冇乜特別, 而且叫咗好耐先上, 明明都冇乜人, 都唔知點解d飲品次次都係要等好耐~其實如果唔係貪呢間唔駛等位, 同埋又

今日午餐同學生妹 兩個人去左試米批芒果黑椒雞批 嘗算可以，如果可以多啲芒果就好了仲叫左個雞肉 加腸 意粉，個雞件可以濃味一點，似乎唔太入味而牛油果蘇皮 唔錯喎，賣相靚，入口配西柚汁，好味，個蘇皮係整得幾好仲有就係 好好坐 ，坐左三個鐘👍

見主餐牌好貴，於是叫左個$198嘅二人餐，諗住抵D，叫完先知樣樣都要加錢。見無乜野好食，再後加一個白汁芝士焗西蘭花。先黎個牛油果沙律配芝麻汁：個沙律好普通，個汁最特別。諗住係食開果隻日式芝麻漿，原來係麻油，食落無乜味道，又無香味，好特別。蕃茄大蝦意粉：意粉上擺著兩隻大蝦，都幾好樣。大蝦好堅硬，超有嚼勁，背部切開左，都唔順便清理埋D蝦腸，嘔心。意粉半生熟，後來聽到隔離枱投訴，侍應話西式煮法，算吧！個茄汁最怪，唔知係咪落左好多白醋，好難食。 米比薩：側邊位好燶，好硬，好難入口。中間位比較軟熟，好味好多。上面配料略少，並且唔夠芝士。好失望！ 焗西蘭花：西蘭花夠霖，薯茸少少咸，普普通通，但與枱上其他食物比較下，覺得好好食，係最好食。餐飲是無限量添飲汔水，好有汔水味，好飲。侍應值得一讚，有禮貌，有問必答，又詳盡。

放工約左姊妹食飯，因為佢幫我大忙，所以想慰勞佢，原本唔係黎呢間. 因為我晏收工, 過到v city, 想食既食肆都好多人, 最後唯有求其搵間食肆, 點知, 中伏了~呢間食店我地都係第一次幫襯. 店舖主打米pizza, 好似幾得意, 就叫左一個試下.在菜譜上凡點主菜, 可以$28 轉SET (包括: 餐湯, 蒜蓉包, 餐飲)呢個酥盒大就大, 不過成個都好似冇乜味, 蝦冇味, 菜冇味, 酥盒冇味....其實呢個米pizza真係好一般, 上面既炸蠔還可以, 但下面既米pizza的確幾難啃晒...米pizza 口感有點煙靭, 不過真係唔好食.....本人只係食左一件....我都唔想咁浪費, 但真係好難再食第二件, 而且冇勇氣打包拎走...意粉就好少少, 味道還可以, 會唔夠熱...好快就好硬入面有明太子, 蟹碎肉, 蟹棒, 同菇菌一齊煮.

母親節前夕，心血來潮、沒有計劃下想出街吃飯，簡直只可以是「夢想」。但有時夢想，都可以實現的...一家人在 V City 遊走了一遍，每間食店門口都站滿了等位的食客，終於找到這裡停駐﹝只差幾分鐘，門口又已站滿了等位的人﹞。這食店面積不大，入口尤其不起眼，而門口燈箱中的模型也只給我一個印象...日式薄餅店。不過看看餐牌上寫的卻是「米pizza」，究竟 米及pizza 怎樣crossover...當然要試一試，於是我們點了蒲燒鰻魚米pizza，再加上肉醬意粉、小食併盤、楊桃沙律，還有一樣時常出現於日本漫畫中，那些中學生放學後常去吃的...大板燒餅。米pizza一上枱，吸睛度對我來說已爆燈。用烤香了的米飯來取代傳統的pizza餅底，上面放滿了顏色豐富的配料，有納豆啦、紫菜啦、蛋粒啦、切粒鰻魚啦，真正是紅紅綠綠的。那味道呢，就好像我小時候吃的「飯焦」，非常香口。然而這道菜一定要「襯熱食」，放冷了的話，飯焦會變得硬。而那燒餅又有另一番風味，厚厚的一層包裹著豐富的菜絲，再加上甜甜的醬汁，入口軟軟的感覺跟米pizza有不同的口感。其餘的小食、意粉、沙律，雖沒有特別之處，但也很美味。 

表姐晚帶BB黎屯門，想坐得舒服D又吾洗停位，就係v city 搵食，係去左樓梯第一開日本野。之前都食過他的甜品放題，都覺得吾錯，所以同她們再來吃晚餐。田螺不錯，芝士算濃，小食份量少D，各人嘗試一點。沙律算豐富，煙三文魚味濃，汁少但味道夠喎。最開心是朱古力火鍋好多吾同的料選擇，好新奇，材料新鮮，朱古力不太甜，也不會過份稀。個意粉有點硬，但米pizza脆口料多，個醬幾夾，不錯。