成記麵家 (已結業)

是日晚上的晚餐，好失望！入去叫外賣，已經嫌呢樣嫌個樣，但我無理。等一會，收銀員去點餸拎比我，同時好大聲同廚房講’外賣叫咁多餸，比小d米線。’當場嚇一跳，老實說一碗粉收我$34，比埋抽走個兩條粉我唔係過份！除此之外，我仲想講湯底好鹹。食完好想喝可樂的感覺。

我媽叫我出去食野.於是,無野做,又肚餓就走出去同啊媽食啦.上次咁岩經過呢度.無黎食到.所以今次就特登去呢度食返次啦一入到去,仲有個位.岩岩好啦.我就叫左我最鐘意既油麵,紅腸,魚蛋,腸仔.正啊!!!!!油麵:呢度煮得岩岩好.唔會太林....個三樣無咩特別.不過,我仲加左腩汁!好好味啊我仲加左杯檸茶添可惜好貴啦呢度...不過,我可能都係十次得一次黎呢度.唔係幾化算.

琴晚睇到樓下篇食評先知原來成記有得賣韮菜豬紅豬腸一訓醒眼耳口鼻都未執就衝落去買哈哈韮菜豬紅豬腸大辣$14 (外賣加$1)我真係無辣不歡不過我都係嫌唔夠辣入味到爆!!!!!!!!!!!!!!!!!以後去成記淨係食韮菜豬紅豬腸

早兩日放工先食過另一間舊舖,見新舖啱啱開張,花籃仲一個個擺係街,心思思下試試有無走樣.其實新店係由舊舖搬過黎(舊舖位處上水宣道小學旁邊橫巷),地方大了不止一倍,食物提供更多完化,而且有電視睇,比起舊舖,在清潔上,座位上及出品上,無疑是好得多.同舊舖不同的是,多了點菜紙,方便得多,不用排隊.一如以往,蘿白,豬腸,通菜配粗麵 :蘿白當造,充滿蔬果的甜味,又無渣,不過食得出有少許冰糖炆過,豬腸依然夠腍入味,脂肪位有部份去得幾清,加上少許辣汁,夠惹味,水準依舊.

上完堂3點幾, 同朋友去咗呢間成記新店食車仔麵! 以前响窄巷入面又細位又少仲好唔起眼, 依家搬咗黎呢度好好多. 地方光猛咗, 感覺好得多!下午茶時間本來諗住叫少少野食算, 但係一入到黎見到D野食又忍唔住! 最後每人叫咗一碗雜錦米, 仲要加多個小食: 韮菜豬腸豬紅 - 小食正! 我本身好鍾意食豬紅, 呢個整得好味又唔會太易散. 啱啱好. $13 抵!雜錦米粉 - 好抵食! 一個麵底+12款餸都係$27咋! 麵底有7款揀, 餸當然係每款得一兩舊, 不過都已經好大堆頭, 同埋冇邊想係唔好食既. 最好食係豬腸, 翼尖! 加$5 有餐飲, 冷熱同價. 叫咗奶茶, 味道ok店內的雜錦麵宣傳照. 咁當然碗麵黎到係冇排得咁靚啦. 哈哈~~ 但味道真係好得! 仲有好多其他野揀! 啱晒心多多鍾意左揀右揀既人雖然d位窄咗d, 不過呢個價錢同食物質素都好ok. 呢間已經變咗我既心水喇! 我得閒就會黎探你!