成記麵家 (已結業)

其實成記係上水扎根很多年，一直以來都是街坊選擇，但現在的成記真是越做越差！食物本來算是過得去，但可能真是小本經營食材越嚟越難食（可能為咗少少成本都唔會換過一碗俾你）！蘿蔔有渣好普遍但最荒誕的是一隻雞翼黐住三五條毛，你叫個客點食？最激氣嘅係姐姐落錯單唔認！仲要屈個客！要個客硬食碗唔係自己想要嘅餸！俾你屈得今次你覺得個客下次仲會唔會嚟幫襯你？我終於明白譚仔三哥點解會咁成功。除咗味道好又多花款之外，服務態度都好重要！顧客食得開心，員工作積極，生意蒸蒸日上！咁就大家都happy！我就以後寧願去三哥都唔會再食成記！俾錢仲要一肚氣！😤

中午醫肚，車仔麵都是好選擇，今日試左呢度，叫左牛腩，紅腸，魚蛋同腩汁。幾種配料都是意料之中。不過你腩汁就比較淡，對於我嚟講唔多夠味。呢度連野飲都係40幾，叫經濟實惠。

回復寧靜嘅上水🌬🌬無咗水貨客走來走去，唔使再俾啲喼車爆我隻腳🚴🏻‍♂️連啲藥妝店都落晒閘，梗係要嘆番個靚lunch啊☺️成記車仔麵，從來未試過一人包場呀不過可能我食得晏，避開左lunchtime時間雖則係車仔麵，但有好多餸揀有好多配料選擇我今日就揀咗三個餸，分別係酸齋、鳳爪同埋牛筋呀🍜🟠酸齋好鍾意食呢度嘅酸齋，好入味估唔到配上車仔麵都咁夾🟡鳳爪另外鳳爪炆得好淋，仲有少少入口即溶嘅feel呀冇牙嘅阿婆都食到啊！🟢牛筋今日嘅牛筋就爭啲啦，可能早嚟食掛唔算炆得太淋，但尚算入味💁🏻‍♀️食車仔麵我始終都係愛好米粉，而配上呢度嘅腩汁都算係抵食之選

夜晚自己一個 所以去咗附近嘅成記麵家到食呢間都幾耐歷史今日就嗌咗 鴨腎豬腸東風螺油麵腩汁小辣鴨腎有4-5塊 中上豬腸乾淨爽口東風螺有啲硬油麵正常腩汁濃郁佢個小辣就偏辣總括而言呢個面都幾抵食$40，100分滿分我會比80分👍🏻👍🏻

今日工作在上水附近,行黎行去真係辛苦到爆炸,行咁耐人都餓晒呀,所以經過左上水成記麵家就入左去買返碗麵.之後拎返公司食紅腸,魚蛋,豬頸肉.菜,豬大腸加麵紅腸其實正常野魚蛋都夠晒入味,同埋彈牙豬頸肉夠晒淋,同埋夠晒入味菜都OK豬大腸就唔算好肥膩麵軟硬都OK

上水舊墟都幾多野食，之前都聽過呢間食車仔麵~去左新祥街嘅分店。叫左個3餸配米金粉，有豬大腸，金菇同豆卜。湯底顏色賣相ok, 同味道都幾重。開頭食覺得幾好，米粉吸晒啲汁，但食多兩啖就覺得味精太重了。。豬大腸好淋都幾好食嘅。

成記一路以黎都係我最鍾意嘅車仔麵店!!今次叫左油麵($10) 腐竹($6) 鴨腎($8) 豬腸($8)，$32食到飽飽，啲餸絕對唔係少！中辣配腩汁冇得輸，佢隻辣真係好好味，係出面唔會食到。腐竹索哂啲湯汁好正，又唔會太淋爛晒，仲有少少咬口 鴨腎豬腸入味，唔會韌！

搬到附近一年，已經去過N次！真心講，服務好，食物水準一直保持住，每次食都係味道一樣咁好！辣汁係靈魂！由小辣食到中辣！越辣越好食！價錢算係平嗰隻！餸嘅價錢同份量係合理嘅！我淨係想講，成日都掛住成記嘅車仔麵！❤️特推介係佢嘅酸齋！一定要試！其次係雞亦，蘿蔔，9菜！每次去，一碗4餸，一碗6餸，兩杯飲品，食到飽飽埋單都唔過百蚊！ 服務一流！朋友唔夠辣即刻整碗辣汁嚟， 試過忘記叫酸齋，補叫又得！ 真心講，唔係玩嘢！但係，店員真係好好，街坊生意，食佢陣人情味都夠晒！

住在上水的老街坊，都應該認識成記麵家車仔麵，從龍堔路後巷的一間小小的鋪頭，做到現在的新鋪，怕且都有三十年的歷史。成記車仔麵配料選擇與其他鋪頭無異，但勝在各樣配料的水準平均，加上辣汁辣得惹味，每次入上水定必光顧一下。

住過上水的朋友，相信對成記車仔麵並不陌生，或許它的知名度不及永年、文記 、榮記，但其味美程度絶不遜色於任何一間。成記的辣汁令人拍案叫絕，辣辣的醬汁略帶少許咖哩味，令整碗車仔麵增加不少色彩。而且，價錢合理，車仔麵迷一定要試。

朋友介紹我去食呢間地區著名車仔麵，地點唔算難搵，中午時間要排隊出店外添！呢度係先買嘢食，然後店員會安排座位，再幫你拎去你坐嘅位置。今日唔係好肚餓底下食咗幾個淨餸，共用左$32。呢碗餸包括滷水蛋（$6）、滷水雞翼（$8）、蘿蔔（$6）、咖喱魚蛋（$6），同埋時菜（$6）。想食魷魚但賣晒 坦白講見到呢碗餸嘅色水淡淡的，當然比唔上銅鑼灣新記啦。不過我覺得滷水雞翼同滷水蛋都算入味，蘿蔔就一般啦，唔算太甜不過就冇渣。魚蛋同時菜都只係一般貨色。呢個價錢算抵食，可以濃味啲就更好喇。

已經由十多年前的巷仔舊舖幫襯到依家。是區內唯一可靠水準的車仔麵。但今天幫襯的時候，在女兒的湯面發現foreign object一隻！剛好老板經過，就話比佢聽，我都冇投訴或表視不滿。但老板一句唔好意思都唔講。黑口黑臉，望都唔望就咁拎走左。真係覺得佢好冇禮貌。雖然生意唔憂做，但連基本服務熊度都冇！而且新年流流，老板係樓面大声連珠炮發純熟咁用粗口鬧佢d員工。好影响心同食慾！但補充一句，老板娘是剛剛相反。友善和藹。

呢度講到佢"上水最好", 錯唔0西, 因為上水無競爭.老實, 食過車仔面都知, 魷魚豬皮係靈魂, 食過銅鑼灣榮記後會覺得, 呢度係唔合格.突別係新祥街店既蘿蔔, 質素比龍豐店差, 呢樣只要大家食過就明, 口就最公道, 除非你有特殊嗜好.上水食呢度係無得揀(唔計同區同字號), 無論價錢質素, 食多幾區多人食既車仔麵, 根本都唔想出呢間食"評".作為上水人, 公道講,當年佢在巷仔係幾好, 但只係"話當年", 你懂的。

原本想一個人走去新開東記食獨獨辣魚鍋，點知滿座，咁是鬼但食車仔麵，食完返歸休息。lucky 有背牆位坐，點知突然傳來股濃烈腐屍氣味，頂！情緒有點低落，要食辣辣辣辣加加辣，辣完就返屋企休息！上水無咩辣野快靚正，麻辣雞？辣魚煲？獨獨晚餐都係粉麵啦。蟹柳魷魚豬頸肉河粉大辣，大陸深紅色膠感蟹柳，又係您，可怕！完全無煮過，拆開膠套就算，凍冰冰仲好實硬喎，偏甜帶魚肉味。要烚到濕潤軟腍熱辣辣，索晒湯汁先好食架麻！豬頸肉估唔現味濃彈牙噃，正！依隻咩魷魚呢？水魷質感怪怪的、咖哩味怪怪的，感覺放左好多日。今次河粉烚得軟棉熱辣辣唔錯喎，次次鴛鴦都烚到又爛又散呢！連埋勁辣咖哩湯齊齊大大啖瀡入口，感覺良好，好味道！初時還未 feel 到好辣，但食左大半碗後，熱力從胃部向全身擴散，好熱啊！額頭及頸後冒汗喇！搞錯呀！浪費左我寶貴既 quota！人家突然想食勁辣撈麵先黎架乍，落單又唔同我講幼麵賣晒喎，依家侷住食河粉，雖然都好味，但我係想食麵囉！蟹柳豬紅豬頸肉雞中翼金菇鴛鴦大辣，5 送 1 麵 1 河唔過份啦，不過好貴啊！點解大辣都唔夠辣既？可能今次太大碗掛。河粉還可以，已烚到差少少就散晒。幼麵嚥韌彈牙夠實淨，吸湯吸辣

今日咁啱入到黎上水, 試下朋友之前介紹過的車仔面 - 成記同一般車仔面檔一樣, 成記的配料款式都夠多, 只要係張Order 紙度圈出想要的食物便可. 價錢都幾合理, 幾蚊都有碗兩餸面.我揀咗翼尖, 魚蛋同埋通菜配河粉. 份量好充足, 河粉亦都好夠新鮮好滑. 魚蛋係細細個食開個隻細細粒, 口感實淨彈牙個隻, 好味! 通菜都爽口.可惜翼尖唔夠味, 而且成碗面個湯底比較淡, 令到成碗面有d失色. 雖然我已經揀咗辣汁, 但唔覺得有辣味, 結果自己要再加辣椒油不過值得一讚係姐姐好好Service, 同D食客都有講有笑, 好有親切感. 食客同員工都一齊係度睇電視劇感覺好有趣