戀 (太子集團中心) (已結業)

In light of covid pandemic, we were unable to travel to Japan. But it did not matter as we felt like we are in Japan already when we had dinner at Tsukiau.The restaurant is spacious, decorated in a wooden style and they offer a wide variety of japanese cuisine ranging from sashimi, yakiniku, oysters, bendo bowl set, etc. We ordered the following dishes as well as two cups of draught beer(1) Clam cooked with Sake- The clams tasted nice and without sand/impurities within. Sake makes the flavor sta

這間位於尖沙咀太子集團中心的居酒屋，面積不是很大，但座位距離也足夠，不會有侷促的感覺。🍡串燒六式拼盤（$268）和牛、雞肉、牛舌、五花茘枝肉、羊肉、雞翼一次過試晒六款串燒，五花茘枝肉味道較突出，多了一點清新茘枝香味！🍡吞拿魚中拖羅刺身（$158）and 🍡帶子刺身（$78）吞拿🐠厚切，油脂分佈均勻。帶子好鮮甜！🍡海老天婦羅（$198）🦐好大隻，不過味道略為淡，建議食時最好沾上天婦羅汁。🍡清酒煮蜆（$108）比想像中多蜆，蜆也大隻，湯很清甜。🍡蒲燒鰻魚壽司（$58）鰻🐠燒得很香！🍡香燒菠蘿 ($42）🍍燒得恰到好處，還可以減低整晚油膩感覺！

恋 Tsukiau地址：尖沙咀北京道12A號太子集團中心6樓居酒屋格局以木作裝修, 以日本串燒為主打菜, 仲有好多日本美食, 如刺身, 壽司, 天婦羅, 鍋物等等。串燒拼盤推薦, 來到必要品嚐, 皆因串燒是好出名, 食過都會忘不了那份滋味, 推薦串燒拼盤, 有齊和牛、雞肉、羊肉、牛舌、雞翼枝、五花荔枝串。要了鹽燒來帶出風味,一次過端上來,最好由淡味的白肉開始食, 雞>豬>牛>羊次序。一夜干鹽燒花魚$108, 魚經過一晚風乾, 叫”一夜干”, 就好似DRY AGED 牛扒咁, 水份蒸發掉, 魚味更見濃, 肉質更實。 花魚燒香後魚肉香噴噴, 用鹽燒已帶出食物味道, 不需花巧，魚肉一絲絲更紮實濃味。人大了小吃生冷食物, 想食碗暖暖的和牛炒飯 $128 ，炒得粒粒分明好吃牛油果吞拿魚沙律$158沙律賣相七彩繽紛，裏面有漬過嘅吞拿魚、牛油果、新鮮沙律菜，健康好味。有擠擠冰做甜品, 童年回憶返曬來!

恋 Tsukiau地址：尖沙咀北京道12A號太子集團中心6樓6/F, Prince Tower, 12A Peking Road, Tsim Sha Tsui太子集團中心成了飲食新貴, 好多環境好, 裝修高雅的餐廳都在裡面, 客LIFT 都是排滿了人等上餐廳。今日想食日本菜同串燒, 就去了Tsukiau這間居酒屋, 見介紹是用了專業燒鳥爐，近千度高溫燒製串燒。聽到已經想試和電子火爐燒出來有什麼分別。串燒為餐廳主打當然第一樣點來試啦, 串燒六式拼盤，可選鹽燒/汁燒，我覺得鹽最能帶出食物味道，拼盤有和牛肉串、雞肉串、牛舌、五花荔枝肉串、羊肉串同埋雞翼各一。厚切牛舌口感一流, 雞翼皮燒到脆口鹹香,味道實在不錯, 五花荔枝肉甜鹹平衡返。豚肉鍋湯底好甜, 有豆腐, 紅蘿蔔片, 長蔥等, 鍋物材料簡單調味, 味道清新天能突顯食材自身味道。門口旁有個雪櫃, 放滿了日本雪條, 可以任吃哦, 果汁味重好好吃, 冰凍振上腦。

無錯今次要為大家介紹既係尖沙咀全新登場既日式居酒屋 - 戀佢係位於尖沙咀既北京道餐廳成個環境都好chill 好有日式和風味道食物個方面 今次為大家介紹既係佢地既剌身拼盤點解？除左鮮甜美味之外 佢個份量超多有甜蝦，吞拿魚，帶子…等基本上係舌尖上既享受除左剌身之外 佢地既餃子都好好食係皮薄多汁咬落口啲肉汁係咇哂出黎超正有興趣既朋友仔記得bookmark定地點: 尖沙咀好美道: 8/10環境: 8/10價錢: 人均$250-$350

話說前排尖沙咀開左間特色既居酒屋今次要為大家介紹既係 - 戀餐廳主打係食壽司同串燒為主今次分別點左:-剌身拼盤-壽司-炸餃子-三文魚海膽剌身丼鑑於本人係剌身控 今次點左好多剌身類既食物overall 佢既剌身係勁新鮮特別係海膽 佢係超鮮甜 Location: TSTPrice : $250-$350/p.pEnvironment (10 is chill): 7.5/10Yummy (10 is delicious): 8/10

朋友喜歡嘗新，知我喜歡日式料理，便拉我到新開的居酒屋大快朶頤。環境開揚，日系風格裝修仍是新簇簇的。牛油果吞拿魚沙律（$158）頭盤先來沙律清清味蕾與腸胃；以油醋汁作調味的鮮菜沙律，再配上口感豐實的牛油果，十分開胃。加上角切吞拿魚更令人欲罷不能。特選壽司三色拼盤，六件（$125）吞拿，三文與甜蝦，可謂壽司組合鐵三角。甜蝦壽司甘甜彈牙，最適合優先品嘗。三文魚壽司新鮮之餘，口感豐盈。吞拿魚壽司，肉質細膩，油香豐富，回味無窮。日式餃子（$68）煎餃子作為主食，香脆外皮及多汁的肉餡，恆久至愛。一夜干鹽燒花魚$108 醃製一夜再鹽燒的花魚，除了咸鮮味濃郁外更帶點燒烤香味，可算是今晚的主角。花魚肉質結實，幾滴檸檬汁提鮮，格外可口。梳打買一送一，點了荔枝藍蝶花梳打及水蜜桃梳打兩杯只需$38，超級抵飲，　飄雪泡芙（$68）餐後甜品亦選擇甚豐，泡芙脆皮包著雪糕軟心，感覺完美。

老闆好nice周圍都同啲客人傾下計，整體黎講食物好味同環境舒服，啱曬同啲朋友傾心事，最中意食串燒，大推鹽燒雞軟骨同雞皮，鹽燒係最正既調味，雞軟骨夠爽口，雞皮燒到微脆，主菜我哋點左海膽三文魚丼飯，份量十分足夠，海膽濃郁細膩嘅口感，好幸福啊一啖食落去，好creamy口腔仲有餘味，三文魚刺身都好新鮮，至於壽司就推介火炙三文魚同埋蔥吞拿魚蓉卷，火炙嘅效果增加左油膩感，入口即溶，另外一口和牛粒同埋清酒煮蜆都不妨一試，牛肉雜菜鍋都要大讚好好食，湯底清甜好飲，材料豐富，有大冬菇、芋絲、肥牛、大量生菜等等，讚！

話說當天在尖沙咀參與新主題設施的開幕活動😆，玩了一整天後相當的疲倦😂，便走到附近吃晚餐囉～聽朋友說日式居酒屋 🇯🇵 戀 的環境舒適，我就約媽媽去試試啦～ 店內環境超級寬敞，佔地一整層，即使一大班朋友去光顧也沒問題。當天六時多到達，還沒有其他客人，可以仼我選位置啦💕! 「 唐揚炸雞🍗$68 」 炸雞有六件，炸得較為乾身，肉質比較結實。 「 日式煎餃🥟$68 」 煎餃有6隻，隻隻飽滿，如果煎香一點更好。 「 牛肉豆腐鍋🥩$158 」 還以為牛肉鍋是自己涮的，原來是煮好才呈上呢～牛肉是肥牛，肉質鬆軟，配有大量蔬菜，不錯耶😆。 「 燒雞翼🍗$32 」 雞翼燒得比較乾身，如果細火一點會比較好。 「 月見照燒免治雞肉串✨$68 」 有口感的免治雞肉串，蘸上蛋液比較好吃。 「 壽司三式拼盤🍣$125 」 壽司握得不錯，兩人分享剛剛好。 「 楓糖鮮果窩夫🧇$78 」 窩夫即叫即焗，味道有點像梳打餅乾😳，超級脆口的～ 「 芒果千層蛋糕🍰$58 」 相較之下，我們更愛千層蛋糕。餅皮軟而香，芒果好鮮甜呀🥭～

呢排天氣終於涼左似返冬天，一凍就會諗起日本鍋物，未搶到機票住就去住居酒屋頂癮先，呢間係尖沙咀北京道，環境超大仲有好多卡位，而且價錢都好合理五花荔枝肉 - 見就算串燒店都未必有得嗌，即刻要試返次，好香甜ge荔枝香氣平衡左五花肉ge油膩感海膽三文魚丼 - 為左塊海膽已經值回票價，好厚身勁鮮甜清酒煮蜆 - 蜆肉彈牙新鮮，令到個湯底都鮮埋，清酒湯底飲完暖笠笠牛肉豆腐野菜鍋 - 又係冬日必叫之選，濃濃牛香已經滲哂落豆腐同湯底度特選壽司三式拼盤 - 分別有三文魚、甜蝦、吞拿魚，雖然唔係咩特別種類ge魚，但新鮮已經夠海老野菜天婦羅拼盤 - 超豐富ge拼盤，炸蝦好大條，估唔到蔬菜同樣出色，有冬菇、茄子同南瓜，做到外脆內軟ge效果芒果千層蛋糕 - 居酒屋都有靚甜品食，好有誠意，柔滑cream包住厚厚芒果肉，仲有生果襯埋，食得好開心冷泡荔枝紅茶 - 又唔會太甜wor，好fresh ge感覺，茶底夠濃，由主食到野飲都keep到質素，很不錯！

最近同屋企人係尖沙咀搵左間日本野食啲裝修好簡約好舒服 一啲都唔迫打開本menu 樣樣都好吸引好想食佢價錢都唔算貴 最後樣樣都嗌啲試下雜錦魚生丼有三四款魚生 有三文魚 呑拿魚 帶子 鯛魚都幾新鮮 係個飯唔夠醋味如果個飯酸啲就prefect燒脆蟮同平時食嘅有啲唔同 平時係一塊塊上佢將塊蟮介到一格格甘 燒完好似粟米甘佢應該用左牛油去燒 所以食到陣陣牛油味日式炸豆腐炸豆腐冇得輸 配埋蘿蔔蓉 冇甘熱氣虎蝦刺身好大隻好新鮮 個頭勁多蝦膏

同屋企人食飯 帶左佢地黎食日本野好大好闊落岩晒佢地牛油果呑拿魚沙律 $158先食個沙律開開胃 柚子醋配沙律酸酸地好開胃呑拿魚一啲都唔少 仲有一粒粒芝士係入面一口和牛$128一口和牛熱辣辣上枱 好好味好有牛味洋蔥索晒啲汁 不過啲洋蔥有啲生 所以好辣五花荔枝肉 $32燒得岩岩好 腩肉薄薄甘 包住荔枝肉咬落有陣陣荔枝香蒲燒鰻魚玉子丼 $138有3大舊厚厚嘅鰻魚 燒到外面少少脆配埋玉子好好味紅豆抹茶奶凍 $48臨尾梗係要食番個甜品埋尾個奶凍好滑好好味 加埋個紅豆一齊食岩岩好

世界盃期間，又點少得同朋友出去睇波嘅時間。呢一晚阿根廷嘅比賽，時間開得早，朋友就話不如搵間餐廳有波睇有飯食。我哋就開住Wi-Fi，一路食一路睇波，地方又夠大真係唔錯。睇波幫手一定要叫熱氣，唐揚炸雞$68送啤酒，相信呢個係絕對無敵嘅組合，呢度嘅炸雞都幾好食，炸得好又香。最正係而家啤酒有得買一送一。串燒拼盤$268有和牛，雞肉，牛舌，五花荔枝肉，羊肉，雞翼，講真呢個價錢，有咁多不錯嘅食材，和牛燒得香嫩，五花荔枝肉鮮甜無比，牛舌厚切上燒得真係好出色。日本串燒無諗過會用孜然粉做調味，孜然羊肉$35好有水準，有點大漠風情。一夜干$108講真真係極級超值，因為自己喺屋企買一條一夜干用來燒都冇咁平，真正值得一吃。豚肉醬油炒麵$128，一上枱係熱辣辣出晒煙，就諗起上次喺大阪食過嘅炒麵，都兩個味道一樣咁好，絕對做到家鄉風味。海老野天婦羅烏冬$128，基本上話係廚師嘅推薦，天婦羅做得不錯，烏冬就乜特別，如果想要炸嘢水準，我覺得就咁叫天婦羅都開心。有人話呢度嘅鰻魚好得，飽飽地都試下啦，蒲燒鰻魚壽司$48，可以接受，個汁做得幾特別，我覺得下次可以食下壽司而唔係串燒。朋友已經約定，再有值得一齊睇嘅世界盃再黎食餐

用心製作嘅日本料理平時成日都講要食好嘢，又要精明，最好就係午市嘅時候去幫襯，因為通常午市嘅價錢比較優惠，日本餐就有定食，為咗慶祝我朋友搵到一份好嘅新工，佢應承請我食好嘢！聽同事講呢幢大廈其實有呢間新日本餐廳，就來試吓。我哋一人叫咗一個壽司定食。我叫咗個特上壽司拼盤，有十二件，要讚！特別係嗰兩件油甘魚，超鮮甜！我老友都係食壽司，們佢揀咗十件嘅火炙壽司，佢就覺得帶子最出色，大大粒，厚身，新鮮。因為知道其實串燒先係呢度嘅主打，我哋再加多咗幾客串燒share 食：鹽燒嘅六式串燒拼盤，豬、牛、羊、雞，可以話係樣樣齊！又加咗d燒蔬菜類：車厘茄、日本辣椒仔、冬菇，全部都好味！最窩心嘅係，職員見我哋掛住傾食得慢，d串燒凍哂都未食完，就攞咗個小燒爐出來，提議我哋燒熱返先食，就係呢個小關懷，已經知道呢度嘅服務質素好，仲要只係lunch time咋喎！其實呢種類似居酒屋嘅餐廳，友善嘅職員好重要，難怪同事會介紹！

戀上日本菜是香港人通病，我今晚又病發，來到新開的「戀」日式居酒屋。位於尖沙咀太子集團中心，每層樓面積不大，幸好卓椅擺設尚算寬敞，沒有一點壓迫感。吞拿魚中拖羅刺身（$158）帶子刺身（$78）先吃兩款刺身，所謂貴精不貴多，自選最喜愛的中拖羅及帶子。有點筋的中拖羅富嚼勁，吃得滿足。串燒六式拼盤（$268）和牛、雞肉、牛舌、五花茘枝肉、羊肉、雞翼，來到竟然有7串，皆雞肉串打孖上。拼盤最大的優點就是自己不用花心思挑選，已可以多嚐店主推介，這裏的另一優點是調味清淡，附上海鹽及醬汁，可以依照自己的喜好添味，正合我這些不喜歡吃得太鹹人士的口味。海老天婦羅（$198）一客四隻巨海老，炸得唔錯。清酒煮蜆（$108）蜆肉算是肥厚，沒有一隻不開口的，最喜歡個湯，非常清甜。蒲燒鰻魚壽司（$58）一客兩件，水準符合期望。香燒菠蘿（$42）最後香燒菠蘿，想不到半個上，一般都只有四至六件，燒過的菠蘿份外香甜可口，完美的結束。