憶食尚臘味煲仔飯

营业中

休息中

說到尖沙咀佐敦一帶的中菜館依一間也是我推薦的，常常在海港城逛完街，也會特意走過兩個街口來吃一份臘味炒飯。臘味炒飯非常香淋的小碎肉，配上脆口的花生，又加上菜心粒粒解膩，天衣無縫的設計，無論味道還是口感都是一流！跟餐還有一碗燉湯，可以說來這裡吃飯的重頭戲吧，湯味鮮甜無比 十分足料，湯底完全不會油 材料十足，喝完說只有兩個字 「滿足」！再叫上一份上湯菜心，不吃菜不行吧，但薑絲和肉絲也吊了一些味道出來，令人吃菜也不會覺得很單調。

與朋友聚會時嚟過呢間餐廳，這裡的煲仔飯及小菜做得很不錯。心裡一直都想帶老爸嚟，趁今日放假，與他過來食午餐，老爸廚藝精湛👨‍🍳，對食物要求高，享受美食嘅同時又要乾淨坐得舒服，他說這樣才算是一件美事。嚟呢度都好方便，地鐵柯士甸站A文匯街出口，行1分鐘便到。餐廳樓底高，座位舒適，還以屏風相隔提高客人私隱度。我哋點咗：✨廣式臘味煲仔飯有不同口味煲仔飯選擇，我哋選咗「廣式臘味煲仔飯」，店員把整個瓦煲送上，打開煲蓋，熱騰騰♨️，香噴噴，店員隨即幫我哋灑上蔥花芫荽，加上煲仔飯豉油，撈勻。臘味有臘腸、臘肉及臘鴨，味道甘香醇厚；飯粒分明、粒粒油潤煙靭，每一口都好滋味；食至最底，仲有金黃香脆的飯焦，脆而不燶，如米通香脆，吃完暖心又暖胃。🥬上湯娃娃菜新鮮的娃娃菜，以清甜的上湯濃烹煮而成，清爽好味。🐥薑蔥爆雞煲以薑片、蒜頭、乾蔥這廚房香料三寶爆香，然後加入雞件，不但把雞件去腥，還增鮮提味，這道菜惹味十足。😋這裏的店員招呼周到，而且有笑容，我哋兩個都好滿意，會再來。

去完新近揭幕之M+博物館，清風送爽，溫煦陽光，散步好時機，信步往佐敦道方向，途經文匯街，見此全舖以西式裝潢，但賣點是中式煲仔飯，有點好奇。入店，是連串禮貌式招待話語，還以為進了酒店cafe。店內裝修更為清晰，是一派英式cafe風格，角落之沙發椅尤為舒適。有提供大碗熱水洗餐具，但根本是多餘，所有東酉乾淨得不能挑剔，因此洗碗架生原封無須動。既然煲仔飯是店內熱推，就來個有板鴨、臘腸、臘肉的，每件排列有緻似閱兵，配上一碟蔥花，甜䜴油。繞圈灑上醬油有含蓄的滋滋響聲很治癒，先來一片臘肉，它是最搶眼球，果然柔靭濃香，肥瘦相間，再配一口甜油飯，終明白為何那麼多飯控煲仔飯瘋狂。臘腸甜、腸衣還有輕微脆。板鴨有點偏鹹，但切得夠小巧，撈白飯恰好。一直逃避吃生炒骨咕嚕肉之流，不是調味太酸就是肉太硬，這碟咕嚕肉令我改觀，肉是半肥瘦，肉邊還有炸豬油渣那種脆口甘香，令我對日後吃此橙紅色的物體再次燃起信心。菜心一碟也顯刀功，薑片厚薄均等，全呈平行四邊形，菜沒渣夠鮮。地方恬靜，侍應亦適時現身不會無故快速收碟打擾，市區難得一個愜意的食點。最後強迫症似的使出吃奶之力刮了煲仔沾有甜䜴油的飯焦，少許煙靭脆口，精華所在，完美句號。

黎呢到當然係食煲仔飯！店舖寬敞明亮，睇得出老闆對裝修設計別出心裁。點左2款煲仔飯，廣式臘味煲仔飯（有臘腸、臘肉同臘鴨）同香茹滑雞煲仔飯。上枱時一開煲蓋就聞到飯香😌，香噴噴嘅臘味油香四溢，簡直無得輸！冬菇味濃，雞肉滑嫩，佢哋嘅飯粒分明，配上秘制豉油，將飯既香味提升，食到最底還有金黃香脆的飯焦，脆而不燶，分外滋味，簡直係冬天嘅因物！鮑魚XO醬伴麵唔係熱辣辣，微暖，小小麻辣，同XO醬拌均吃，好食到不得了，真心推介。👍🏻整體食物、環境、服務都不錯，會一試再試！

天氣愈來愈冷，想食番煲暖笠笠嘅《臘味煲仔飯》😍😍🤗朋友仔介紹咗我嚟佐敦文匯街「憶食尚臘味煲仔飯」開餐🥢🥄店內裝潢設計高雅，好有西餐廳嘅feel ，環境唔錯坐得舒服又乾淨😊。呢度嘅👇🏻👇🏻💯絕對值得推薦，真係無得輸嗰隻呀😎！熱辣辣煲仔飯上檯🤩侍應一揭開個煲蓋香氣十足，臘腸、臘肉仲有板鴨整齊排列係飯面頭。侍應將蔥花灑上，再淋上醬汁，拌勻⋯食得😁。啖飯入口有濃厚煙燻香氣🥰土黑豬臘肉肥瘦相間，肉香肥膏爽口，板鴨鹹香肉爽，川式臘腸七分瘦三分肥夾帶麻辣辛香🌶️ 😋飯粒飽滿有嚼勁👍🏻👍🏻👍🏻食得差唔多，侍應就幫手刮出飯焦比我哋品嚐🤩飯焦又香又脆，呢煲確係極品👏🏻👏🏻！！仲有集香味、熱度、音效於一體嘅［川椒麻辣雞煲］🥰濃郁嘅風味醬汁，加上香甜嘅蒽同入味嫩雞件，「煲」氣十足嘅重口味小菜🥢😋。加埋碟

秋風起，呢個天氣最啱去食暖笠笠嘅煲仔飯，今日帶爸爸媽媽出去食嘢，想坐得好啲，就揀咗呢間。XO醬麵，麻香味重，用左西方嘅天使麵配中式XO醬，呢個中西合璧嘅配搭好挾！辣子雞丁，雞好香口，如果啲雞肉冇骨就完美！我怕辣冇食到啲辣椒🌶️屋企人話撈飯好正紹菜排骨煲，肉味重，好多黃豆，啲湯都好好味。之前有人問我一條IQ題最殘忍嘅廣東菜係乜～而家答案呼之欲出。我哋叫咗兩個，香菇滑雞煲仔飯/港式臘味煲仔飯。臘味超豐富，臘腸潤腸臘肉臘鴨樣樣有齊，配上秘製豉油，一流。而滑雞保持到雞肉嘅嫩滑，兩款煲仔飯各有特色。加上粒粒香米同飯焦，連平時唔食飯嘅媽媽都忍唔住食咗兩大碗！另外一提呢度嘅服務態度超好，不停為我哋加茶水，又為我地介紹佢馳名嘅臘味煲仔飯，敬業精神值得嘉許。愉快的一餐

路過就入左黎食🤣本身未入去以為只係一間食小菜同煲仔飯既餐廳😳對環境都唔會有咩期待但一入到去個環境好好 仲有少少優雅咁😳座位又夠大 同朋友傾下計超舒服自家制臘味抄飯 $88 （午）送有營老火湯首先叫左個午餐食 個臘肉同臘腸味好香而且食得出有油脂既香味😳抄飯本身唔濕又唔會太乾 😚濕度岩岩好同埋我好鐘意佢加左菜粒同花生增加個口感個老火湯不得不讚❗️ 真係落足料😳仲要好甜 好濃味辣子雞丁 $108 例鐘意食辣既真係要叫 個辣椒🌶️香味好出Bb辣者都食到既 唔會過辣 但個辣椒香味好好😚好食芥菜排骨湯 $108 例健康仔一定要叫個菜食🤣一上果時煲入面既湯仲滾緊!! 食到最後個湯仲係熱既 讚~湯加左少少胡椒 令個湯味更加豐富菜好嫩一D都唔乾 排骨重料😚

老闆最近搬屋， 我幫手去搬野後， 老闆當然請我們食餐好， 新家附件有間煲仔飯餐廳裝修好靚， 食物海報都吸引， 所以一齊食呢間！食物果然好味， 手工空心麵由師傅手工製作，又無防腐劑﹑味精同色素，其中有款手工黃金麵將手工空心麵煎至焦脆，口感酥脆但不燶，真係少啲心機都唔得呀！另老闆點了酸辣手工空心湯麵加入辣椒油、花椒油、辣椒醬、老陳醋等調味料， 微辣香口， 麵條充分吸收湯汁！俱備了四川麻辣感覺！憶食尚臘味煲仔飯 佐敦文匯街22-24號地下2-4號鋪

約咗朋友喺佐敦食晏，天氣開始涼涼哋，朋友話想食臘味，問我有冇好介紹，咁我即刻腦袋急轉一下，記起呢間，就決定帶朋友一齊去開餐😆呢度有午市套餐，我哋叫咗 $88嘅「自家製臘味炒飯」，$88嘅「秘製咖哩雞皇飯」，午市套餐送「有營老火湯」；再加一個 $78嘅「上湯菜心」😆- 「有營老火湯」先上，係「蟲草花煲瘦肉」，老火湯味道非常鮮甜，見到落咗好多蟲草花，好好飲，應該係落足料😋- 「自家製臘味炒飯」：米飯炒到粒粒分明，飯粒咬落Q彈，加埋臘腸粒、臘肉粒、花生、醬油，非常香口😋- 「秘製咖哩雞皇飯」：雞肉🐓幾嫩滑，咖喱雞汁濃郁惹味，要來撈飯食好正😋- 「上湯菜心」：菜心🥬新鮮，落咗好多蒜片🧄同火腿絲一齊煮，簡單好味😋叫咗幾個餸都簡單好味，朋友同我都食得相當暢快😆

天氣涼涼地最啱食煲仔飯，同老公嚟到附近搵朋友，佢介紹話呢度煲仔飯唔錯，咁就行過嚟試一試。薑蔥爆雞煲上枱嘅時候熱辣辣，薑蔥爆到好香。雞肉香口入味，份量都唔少。瑤柱蝦米娃娃菜有瑤柱有蝦米仲有金華火腿，個湯都好好味，娃娃菜鮮甜。特式臘味煲仔飯重頭戲當然就係依個煲仔飯，職員先幫你加入蔥花，再加豉油攪拌。煲仔飯煮得剛剛好，但有少少飯焦，有焦香味，而唔係燶。出去食煲仔飯最怕一係冇飯焦一係就燶咗。上邊嘅臘肉、臘鴨同埋臘腸。油份完全滲入飯裏面，每一啖都香噴噴。

環境優雅乾淨，價錢唔貴，服務好，性價比好高～位置近佐敦九龍站果邊，好岩同屋企人一齊去！❤️自家製臘味炒飯 好有鑊氣，炒到好乾身既，調味洽到好處，加埋臘味都岩岩好唔會咸，好香好味好出色!! 🧡秘製咖哩雞皇飯 咖哩味好香，微微辣，仲有好多件好嫩滑既雞肉，好高質rrr💛有營老火湯 跟餐非常足料嘅燉湯，有蟲草花，元肉，好清甜，好有誠意既燉湯，完全估唔到個餐湯會咁高質，淨係飲個燉湯都抵！💚上湯浸娃娃菜 清甜既上湯浸娃娃菜，少鹽少油好健康

黎到呢頭做野 附近好似都無咩野食甘 就入黎試下煲仔飯 甘岩天氣涼涼地餐廳間隔幾好 枱與枱之間都有段距離同埋有屏風相隔裝潢，餐具都幾靚我地叫左份娃娃菜，椒鹽一口骨同埋廣式臘味煲仔飯佢地有廣式臘味煲仔飯同埋川味臘味煲仔飯分別係廣式既臘腸係用茅台調 川味係會麻辣，烟熏味重d椒鹽一口骨 一上枱 香氣撲鼻 面頭鋪滿炸蒜唯獨口感就還好 未算係好脆 肉質再鬆軟d 會更好娃娃菜 好鮮甜 用上湯浸住 忍吾住飲左幾啖湯廣式臘味煲仔飯 材料都算豐富 有臘鴨 臘腸同埋臘肉臘肉肥瘦適中，肉質軟嫩 我幾中意呢間既臘肉臘鴨 瘦肉為主 外皮呈金黃色臘腸都好香最後飯焦可以用上湯上飯焦香脆 形成泡飯幾得意我地都未試過 又幾好食

今日午飯去左一間高檔版既煲仔飯餐廳，係位於佐敦既憶食尚臘味煲仔飯。玄米茶正。玄米好新鮮，米香茶甜。另有鐵觀音同菊花可選。茶介$15一位。如果食午餐可以免收茶位費。川味臘味煲仔飯 $158 小份 另加一川味臘味煲仔飯係用左廣式鮮肉臘腸丶廣式臘肉同南安板鴨三種臘味食材製作既煲仔飯，加入一d花椒醃制變身成四川風味。上碟前加入頭抽丶芫荽同蔥帶出香味。鮮肉臘腸富彈性同香味丶臘肉肥味香口丶南安板鴨皮脆肉厚，啱晒鐘意臘味嘅你。彩蛋在後頭，就係一層飯焦，脆過薯片，香過豬油！甜蜜咕嚕肉 ＄88 例 另加一甜蜜咕嚕肉係用油爆好既新鮮肉排，同三色椒丶紫洋葱同菠蘿一齊炒，完美保留左肉汁，味濃適合送飯。上湯娃娃菜 ＄78 例 另加一娃娃菜一開四上湯灼好，上面加上火腿絲丶姜片丶蒜片同百合，中和口腔油份。呢度裝修企理，枱同枱之間夠距離有私隱度，坐得算舒服。

近排天氣開始轉涼，所以都想食啲熱辣辣嘅嘢，諗起蛇羹同煲仔飯呢兩個選擇，但前排先食完蛇羹無耐，所以今次就食煲仔飯。😋講起煲仔飯不得不提呢間餐廳，之前自己都有幫襯過，煲仔飯同小菜味道唔錯，而且附近有停車場同鄰近地鐵站，交通十分方便。川味臘味煲仔飯 ($158 / 中) : 對上一次幫襯係食特色臘味，所以今次就試試另一款 😋 呢度嘅臘味無論味道同口感都非常有驚喜 😍 川味臘腸幾特別，味道帶點麻同辣，臘肉同臘鴨亦非常入味，可以講係惹味版煲仔飯。薑蔥爆雞煲 ($108) : 雞煲上枱時薑蔥味香噴噴，雞肉又香又嫩滑，炒得相當有鑊氣。門口位置仲放左好多包裝精美嘅送禮手信。

📍憶食尚臘味煲仔飯 秋天到咗 係時候又到食煲仔飯嘅季節😬食完煲仔飯成身都暖笠笠🥰 今次小編就同大家介紹一間位於佐敦嘅餐廳 佢哋另外都有賣唔同嘅臘味 如果係嗰度食完飯 覺得啲臘味唔錯嘅話 可以買返包返去整都得😆-廣式臘味煲仔飯 $158小編好耐未食過煲仔飯🤭 熱辣辣上枱 已經聞到好香嘅臘味味🤤嗰飯有小棠菜、臘腸臘肉等都好豐富🤤不過臘肉就咁食嘅話會偏鹹咗少少 但係撈勻連埋啲飯食就啱啱好😝 飯嘅份量適中 兩人啱啱好夠甜蜜咕嚕肉 $88有三色椒、菠蘿、咕嚕肉加醬一齊炒🤤食落酸酸甜甜 外脆內軟 咕嚕肉嘅份量都唔少 好味😋上湯菜心 $78有一啲生蒜放左係菜上面🤭食落會有少少辣上湯菜心個湯底幾好味🤤 食落又唔油 而且都幾大條🙆🏻‍♀️✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評📝外觀：★ ★ ★ ★ . 8回頭率：★ ★ ★ ★ ☆抵食指數：★ ★ ★ . 7✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎