慧食貓

营业中

休息中

去葵涌廣場食野最開心除左平靚正之外 就係有好多不同既選擇 去完台灣有時都掛住台灣既美食 睇到有手抓餅就衝埋去買黎食 個個位置總共有3個店舖都係食店 所有好多人係到排隊 太多不同選擇 最後揀左G-火腿雞蛋煙肉手抓餅 因為係即叫即制 落單既時候老闆話要等十分鐘 比左錢行個圈番黎再拎 (自助式比錢 好似以前買翻版咁) 唔洗比單 全靠老闆自己記住客人叫左D咩同誠信 順便行左陣街 番黎等左陣就有得食 火腿雞蛋煙肉手抓餅即制所以拎上手超熱 望落去好似好油 但食起上黎又OK 手抓餅好酥脆 咬起上黎有好多層 加埋入埋有不同既材料 一啖實左好難食得哂所有料 雞蛋加左D沙律醬有畫龍點精既功效 令成個手抓餅食上黎有D酸酸地中和一下油膩感值得再次回味

葵涌廣場真系一個好地方：多野行又多野食，價錢仲要好平行到去一樓見到好多人買野食，當然見手抓餅鋪是重點位，好多人排隊。排隊都排左一陣，店員好快手記左我叫左既口味手抓餅，之後講要等十五分鐘左右，因為即時制作加上多人光顧原因。 我地等左十五分中，熱乎乎手抓餅完成，份量十足大大片新鮮生菜內包左咸牛肉，睇落似系吞拿魚醬，咬落去好有牛肉味，牛肉加左好味沙律醬😋...個餅皮香脆同好香，一看似系好油，但咬落去又不油仲要系酥脆...好味又吾會好油膩 味道令人難忘，但是還是值得推介一下...

葵芳美食多，工作的關係再次踏足此地！多不勝數的食物， 決定選台式手抓餅試一下。 慧食貓美食店，平民食料製作出美味食物。 A-G款式，超多款式·任君選擇！決定試人氣之選「火腿雞蛋肉鬆手抓餅」 即叫即造，用心之選。期待中，唔知好唔好食呢？還可以加錢自由配料，的確不錯！ 新鮮即叫即整手抓餅，薄薄的蛋香配上生菜、沙律醬、茄汁等，分外惹味。還有手抓餅不算太油膩，而且鬆脆可口。

原味手抓餅 加芝士雞蛋 ($21*)即點即烘保證夠熱辣辣 入面已配上生菜蕃茄醬汁醬汁是微酸的沙律醬 唧入了不少而略多份量餅身滿斥著蔥油香 油光不少有點膩但入口酥脆手抓餅總是邪惡的化身 加入了芝士更有濃厚感不過芝士未太融化 而且雞蛋蹤影難尋就未太出色或者其他配搭 如漢堡扒會更惹味 又唔使揀Rating💁(6.9*/10*)

今日見到呢間舖 叫左咸牛肉手抓餅$22 即叫即整超足料 有菜 有番茄 所以食落口唔太油膩 個餅皮超酥脆同好香咸牛肉唔係超咸 似吞拿魚 但有牛肉味 而且佢加左好味既沙律醬 食落好juicy 加埋菜同番茄食落口好豐富冇又比較健康同3樓個間比 呢間比較唔油膩同埋多料

葵涌廣場的小食店越來越多，由三樓吃到地下最低層，保證三日也吃不完。這次回家前，買了個台灣著名的手抓餅，上次台灣之旅在夜市一試難忘，不禁有點期待...付款後，店員告知十分鐘後再回來取，美食是值得等待的，先周圍逛逛。即叫即做的手作餅，熱辣辣，對於天氣變冷，暖手一流。餅皮色澤金黃酥脆，可惜不夠蓬鬆，入口依然緊實，雞蛋火腿煙肉配上醬汁，滋味不錯，雖然沒有台灣的味道這樣令人難忘，但是還是值得推介一下...

葵涌廣場真係好多小食店!!呢間慧食貓以台灣手抓餅打出名堂次次經過都好多人，今次Vi揀左最熱賣既一款，都要4個字之後先翻去拎手抓餅好香微脆, 厚薄適中, 裡面有超多肉鬆但蛋就太薄,因為肉鬆太多所以搶左蛋同火腿既味道,不過配左沙律醬幾好食,但Vi就唔中意有生菜同蕃茄, 覺得有d唔match,但overall都係幾好食既手抓餅, 去唔到台灣食住呢個頂住先

聽聞已久，但小弟其實冇食過手抓餅，一日行過葵芳見到有間新開既過既小食店有得食，就抽起條筋想試下。我當時食既係有夾炒蛋，生菜同煙肉的手抓餅($25)，後尾先見到人話識食一定要試淨餅，咁先試到個餅整得好唔好食，下次我會再試下淨餅。個餅好香，又熱辣辣，天寒地凍有塊咁既野擺入口確實係正，未食過同唔到第二間比較，餅面酥脆但個心軟，覺得算好食，至少會介絡人食同想再試其他味，炒蛋同煙肉普通，但茄汁好夾味，$10~$20幾蚊抵唔抵食就見人見智啦，我覺得個整餅個師傅係有水準既！除左手抓餅仲有章魚丸，一樣標榜即叫即整，未試，有機會再挑機，推薦比鐘意係葵廣掃家既大家。