慧食貓

营业中

休息中

慧食貓佢個薄餅超級脆，食落一啲都唔油😍 加上用料都好夠，食落啖啖都有餸好滿足！個老闆仲會唔收錢先 等做好咗先會叫你比錢，加上都多人叫，所以都要等5-10分鐘，但真係要一試。

好少寫食評嘅我真心想讚吓呢間小店！標準九龍人今日因爲義工組織開會所以嚟咗呢區，上網見幾多人講呢間所以試吓，講真材料都係現成嘢，味道正常合理，難得嘅係服務態度，真係一流，香港少見，絕對值得比廿幾蚊幫襯支持。

手抓餅對我黎講係好穩陣既食物，未試過唔好食，呢間都無令我失望。$12做底算平既價錢，可以自己再加唔同既餸入去。今日同朋友食左個咸牛肉手抓餅 ，好多料，好食! 餐牌上仲有好多唔同既選擇，但因為太飽，所以只係試到一樣。不過今日係星期六真係好多人，又唔可以一邊行一邊食，因為不停撞，又搵唔到唔阻人既位企(因為已經比人企哂)。店主應該好鍾意隻貓，睇睇下餐牌會見到佢。因為咁所以叫慧食貓？ 結論：性價比高，可以不斷回頭。

睇左openrice食評好耐，一直都想試下呢間既手抓餅，呢排係葵芳附近做野，終於有機會試到呢間野我之前有次轉登黎，佢冇開門，大家記得check左佢營業時間先，如果唔係就摸門釘啦！（不過葵廣仲有咁多野食，實有其好野食）我自己都係台灣工作過一排，佢呢個同台灣果啲係唔係好似😂😂😂地道既台灣手抓餅去台灣先食啦～但我一直都覺得手抓餅要有雞蛋同肉鬆既，雞蛋係同塊餅皮一齊落去煎（不過呢間係分開煎）雖然唔夠正宗，不過熱辣辣出爐，都好好味架啲料都夠多，肉鬆係我至愛

呢位整手抓既哥哥，佢成間舖得自己一個，咩都係佢做，但係佢記係特別好，首先你同佢講左你要邊款，款色可以係揀佢指定既A至G，再加以加配料，又或者成個餅都係自定村料，同佢講好左之後，佢會叫你大約幾多分鐘之後返去拎，唔使比錢住，通常都係等8-15分鐘。返到去哥哥就會記得你，重點係佢完全冇用紙筆MARK低過! 跟住取餅後自行係枱面給錢找錢! 因為陣間仲要食其他野(葵芳太多美食)所以今次叫左個自定材料(揀左2個餸咋)既手抓餅：一共$21 豬肉鬆加芝士。其實中間咩村料都唔太重點，因為都係現成野，唔會整得難食，主要係黎食佢個手抓餅餅底，餅底好煙UN，哥哥技術超到家，雖然一腳踢，但絕對冇粗製濫造既感覺，件件手抓餅都煎到一模一樣!!一樣咁好味!!下次黎葵芳都會再黎!!

已經唔係第一次食呢間啦!!呢間啲手抓餅好好味架!!除左係台灣先食到呢個味道，係香港仲未食到第二間有咁既水準，如果有朋友仔有其他推介記住同我講等我去試下，因為呢間話曬都要去到葵芳先食到，有啲遠!而且佢好似唔係日日都開工。有一次去到冇開門。一面失落! 今次叫左個G手抓餅：$24火腿雞蛋煙肉手抓餅。佢會自動配左生菜同埋沙律醬，如果唔要既朋友仔記得落單時同哥哥講，佢會記得架!! 手抓餅拎上手熱辣辣!火腿煙肉雞蛋都係一啲普通野，重點其實係佢個餅，真係煎得好好食，唔會過油又香口，真係好似去左台灣一趙咁!

其實我一向都好歧視手抓餅呢種食物，入面用嘅牛油之多，食一件簡直用咗半生人 qouta... 就喺我等緊隔離個玉子燒之際一直聞住個味，又見 keep 住有人 order 最終都係敵不過心魔，叫咗個火腿雞蛋芝士豬柳手抓餅。選擇都唔少，我叫咗個 F。呢個就係火腿雞蛋芝士豬柳手抓餅，除咗個名入面講嘅材料之外入面仲夾咗番茄同生菜，食嗰陣無咁膩。整體黎講好好食。雖然食完都係好滯但係保證唔會後悔。如果閣吓好彩的話仲可能會見到貓店長啊～

試食餐廳：超級自助壽司店（葵芳葵富路7號葵涌廣場C73號舖）、慧食貓（葵芳葵富路7號葵涌廣場B01C號舖）美味指數：$26三文魚腩拼帶子壽司（4.5/10）、$28火腿雞蛋芝士豬柳手抓餅（7/10）-小女子早前已介紹過葵涌廣場的美食，但到過葵廣的食客們都知道，要試遍葵廣所有小店，是需要花很多時間的，且不斷有新店落成，可說是無盡的掃街天堂。-「超級壽司」在葵廣已開業多年，價錢普通，小女子偶然看到它所售的三文魚腩厚身肥美，就作一試。失望的是，飯粒不似人手握製，顯得方形又厚實之餘，過多白飯亦掩蓋刺身的鮮味，就算單吃三文魚腩，其油分不重且淡味。-手抓餅是香港近年興起的街頭小吃，售賣點大多是自選餡料，逐樣收費，但「慧食貓」就拼好各種款式，除開配料屈指一算，收費一點也不貴。小女子的火腿雞蛋芝士豬柳手抓餅只需$28，配料豐富，即叫即煎，吃下去手抓餅鬆脆可口，芝士呈流心狀態，有吃漢堡包之感。

黎葵廣點可以唔食手抓餅 雖然間鋪係比較偏僻既位 但自從食過一次後 每次黎都好想繼續試 全部都只係$23起 唔算太貴可惜唔係每次去都會開門咁今次就叫左推薦既火腿雞蛋肉鬆手抓餅（$23）店長要跟順序做 好好人會叫我地行下先 15分鐘後先返黎拎即叫即做 好期待到拎個時都係自己將錢放入碟內 再自己找錢 哈哈手抓餅依然係之前咁大份 材料又好豐富 勁正 手抓餅好薄 煎得好香脆 雖然有啲油 但有蕃茄同生菜 都幾fresh最驚喜係有好多肉鬆 好好味整體配搭唔錯 值得再試

去葵芳廣場行街 如果好肚餓都會好想食呢間手抓餅 😆😆因為佢同其他好唔同 呢間整嘅好足料 好多料而且嘅皮整得好香脆！ 😍😍😍食一個已經好滿足🤤🤤🤤老闆會好貼心咁驚你等得耐 因為係即叫即整嘅 會叫你行陣街先 15分鐘後黎拎👍不過價錢就有d 小貴 $24 左右 睇你揀嘅料 可以食到餐m 記 不過我覺得係我食過最好食嘅！👍👍👍

去葵涌廣場買衫當然要去食埋野啦行過尼間平時多人到俾人圍既手抓餅, 難得無人,梗係即刻整返個嘆下先,但諗左好耐, 唔想食肉,驚會飽食唔到其他野, 幸好有就咁叫手抓餅,加塊芝士又唔會貴 ,又唔會太多手抓餅本身偏油 但佢加左生菜同蕃茄, 變左好食好多, 唔會太油膩既感覺加芝士其實係有d唔抵,可能係因為佢係就咁夾入去啦如果佢夾入去煎耐d再俾我會開心D, 咁個芝士就會更溶更拉絲 咁加左個少少錢就感覺會抵d同值D我一買完拎走個陣,又開始被圍了幸好已買

去到葵廣美食多羅羅但要搵到堅好食嘅都有一定嘅難度哩個抓餅真心推薦台灣一街都系嘅抓餅香港真系少之又少好食嘅就更難啦今次朋友介紹下去到哩間「慧食貓」估唔到又真系咁好食喎雖然只系點左🧀➕🥚芝士加雞蛋抓餅但真系又抵又好食呀附送左兩片大大片嘅🍅同生菜芝士半融化狀態配合雞蛋加埋蔬果嘅清甜令到成塊抓餅口感豐富得嚟又唔膩芝士呈現拉絲狀態而抓餅既香酥又熱辣辣🌮好味道題外話老闆超好記性一個人唔洗用紙落單邊做邊用腦記仲順次序做比客人眼見當時起碼有10個以上客都完全考唔到老板超犀利支持小店

每一次黎葵涌廣場都會唸下食咩好因為選擇真係特別多，以前就只有三樓，依加每一個角落都係野食，加上我有嚴重選擇困難症( ´▽｀)今次朋友帶路 佢話我一定會好喜歡的！一見到粉紅色＋喵星人店長＋一堆美戰擺設少女心就會源源不斷湧出黎老闆好有禮貌，有一份親切感，今次就試 『D』，即叫即整蟹籽吞拿魚手抓餅～～～攞果陣都會提你小心熱一口咬落手抓餅外層酥脆，有生菜，蕃茄配搭會減低油膩感，加上凍凍的吞拿魚，簡直係絕配。餡料份量絶對一啲都吾會手軟😚我第一次食都咇到食物袋周圍都係，所以建議搵個位坐係到食就會好啲^ - ^除左食物質素之外，小店最吸引到我既地方，係好濃厚既‘人情味’啊！

葵涌廣場有好多選擇，但係我每次必食既一定係慧食貓手抓餅即叫即做，新鮮滾熱辣強烈推薦火腿雞蛋肉鬆手抓餅$23餡料超多，難得既係老闆會加生菜+新鮮蕃茄+秘制醬汁要知道外間好多手抓餅都係逐樣餸收費，但係生菜蕃茄係包埋架就算你只係叫$12原味手抓餅，唔加任何餸，老闆都會夾生菜蕃茄比你，當然仲有佢既靈魂：醬汁抵食夾大件完全係形容慧食貓手抓餅美中不足就係.手抓餅太熱辣喇，拎住真係好辣手葵廣掃街的話好彩就會搵到個位慢慢食，唔好彩既話就真係有d"呢hea"，d餡料咁多，一咬就爆哂出黎喇不過慧食貓手抓餅既開放時間真係唔係好定時，有時我特登去拜會佢，點知摸門釘！

慧食貓芝士豬柳火腿蛋手抓餅 $28😍😍😍真係好足料塊豬柳好juicy唔似m記個豬柳咁dry 略嫌太多沙律醬 好邪惡手抓餅嘅餅底好脆唔油膩 只是真的太多沙律醬搞到塊餅食到後面變濕了 建議大家叫少醬