慧食貓

营业中

休息中

今天和妹妹們逛葵廣，吃完好好味的玉子燒後未夠喉，繼續「掃街」，見到旁邊有間賣手抓餅的店子，門前餐牌展示了A-G款口味的手抓餅，分別有蟹柳、腿蛋肉鬆、咸牛肉、蟹籽呑拿魚、腿蛋芝士豬柳和煙肉腿蛋等，正在想著吃哪一款之際，店員問我們是否第一次吃，介紹我們吃店長貓推介的腿蛋肉鬆，如想豐富一點就選腿蛋芝士豬柳，於是我和二妹點了豐富的腿蛋芝士豬柳，三妹選吃腿蛋肉鬆加芝士。手抓餅即叫即整，雖然賣相不錯，但店員記錯，先做了兩份腿蛋肉鬆，其中一份加芝士，再做腿蛋芝士豬柳，算了吧，反正我們已付款。這是我點的腿蛋芝士豬柳，一咬第一口已有驚喜，手抓餅煎得十分酥脆，皮薄又餡料豐富，一大片生菜和蕃茄片令手抓餅有點清新，蛋煎得香口，芝士溶入了和火腿很配合，豬柳肉質很美味juicy 。手抓餅很有份量，可以當正餐吃醫肚，食到最後仍有餡料，絕不欺場。留意返的是店員給我們手抓餅時，手抓餅是用兩三張紙巾包著的，起初以為是給我們抹咀抹手的，吃完之後發覺成手油，終於知道紙巾的用處了。

本身住港島 成日去太安樓食手抓餅 但係一直未試過夾生菜蕃茄第一次嚟葵廣 去搵慧食貓🐱但原來逢星期一例假 摸門釘反正第二日得閒 再去葵廣覓食吧哥哥好好人 知我琴日撲個空就送多幾片🍅叫左雞蛋芝士原味($20) 一路等一路同哥哥吹水哥哥特登煮到隻蛋少少生 八成熟 更多蛋汁🍳一食 脆卜卜 係好食+脆+便宜過太安樓嗰兩間真係有驚喜 而且加左生菜蕃茄真係好好味 而且冇咁油建議有辣味調味料 同埋多啲蔬菜選擇(e.g. 粟米 蘑菇)呢!點解慧食貓你喺葵涌咁遠

店裡提供七款預先配搭的口味供選擇，如配搭不合心意，還可以自選配料，比較新奇的選擇是榴槤味手抓餅。第一次吃沒什麼概念，於是選了預設口味的火腿雞蛋肉鬆手抓餅，不知哪來的觀念覺得有手抓餅的地方就有肉鬆，哈。店子有兩位員工，由於人手短缺，客人是自行把錢放在碟子上，再從碟中取走所需零錢，並報上要買的口味。好的是感到店家對客人的信任，店員不會看客人放下或取走多少錢；不好的是沒來吃過的人不知道店子作風，店員又主力放在製作食物，我呆站着不知所措，等待期間看見別人把錢放下自行找續才懂得跟着做。頭一兩口咬下去只吃到餅皮，那時候的確有被稍稍驚艷到，餅皮非常鬆脆，雖然摸在手上油油的，但在口裡完全感覺不到油膩。手抓餅特有的一層層口感分明，質感偏乾，水份少有助做出更脆的口感，這是我目前吃過最鬆脆的手抓餅！然而配料方面我就不太喜歡了，好的是店家足料製作，不吝嗇放入大量肉鬆與沙拉醬；不好是肉鬆放太多太咸，沙拉醬過多味道太重，當手抓餅跟配料一起吃，手抓餅與火腿蛋的存在感被嚴重壓下去，只覺得在吃酸咸酸咸的調味料......由於手抓餅皮很好吃，還是有意再來光顧，但下次大概會自選口味，手抓餅單包芝士，簡簡單單應該不會再咸過頭

每次到葵涌廣場行街，都忍不住到一樓買一件手抓餅，企定定食😋😋即使葵廣選擇多。慧食貓手抓餅味道款式多。我最愛肉鬆火腿蛋$25👍🏻手抓餅皮脆，餡多👍🏻女生食一份可當正餐！老闆人很好，信任客人自行找贖。。而且記性奇好，即使下單後8分鐘返去拎，他都會記得你叫什麼味😂 記得你排第幾個。。如果其他客未返來，會優先整你的👍🏻👍🏻有時揾食，味道重要之餘，還愛一份人情味❤️ 支持香港小店！😋😋

同朋友約去葵廣行街，心情就好似喺台灣啲夜市咁⋯咩都想試，咩都想食，眼闊肚窄🙃喺慧食貓旁邊食玉子燒等拎嘢食，好長龍呀，等吓等吓就受唔住手抓餅既引誘⋯一人叫咗一份食😂🙈呢個落單哥哥仔好利害，買完無單無號碼牌就叫你去附近行十幾分鐘後返黎拎，咁多人幫襯佢⋯佢係咪真係記得我俾咗錢架⋯😏十幾分鐘後返黎，佢又真係記得😂服了你👍重點講返個手抓餅，不得了，真係好好味👍配料好多，火腿、蛋、大量肉鬆、生菜⋯醬汁就有茄汁同沙律醬⋯呢幾樣好普通既食材加埋落個手扒餅度一齊食好加分💕😊不過食起上黎有啲狼狽⋯會一手都係油🙃建議你拎定紙巾/濕紙巾準備抺手👍

自從哥仔帶我在這食第一次手抓餅之後，每一次到葵廣都要食😆。今次都係😋。腿蛋肉鬆手抓餅($23)喜歡吃的時候熱呼呼，喜歡老闆把手抓餅煎得脆脆，喜歡配料簡單而美味，腿蛋肉鬆蕃茄生菜沙拉醬，合來吃味道咸甜得宜，太好了👏。每次吃水準都沒有下降，吃下很有滿足感。老闆記性好也nice。在葵廣不捨得試別的。食咁多次小吃貨誠意推介推介😁。真想搶返哥仔的那一半返來吃👻。Encore度 9/10。

每次去葵廣Shopping都會想起人情味小店『慧食貓』的台式手抓餅，下單後老闆會叫你過一會再來拿，不用拿飛，老闆也會記得哪位客人點了什麼。今次點了「火腿蛋肉鬆手抓餅」，還是那麼好吃，蛋是7-8成熟，蛋漿滑溜溜的，跟肉鬆簡直是一流配搭～再加上沙律醬和茄醬，每一啖也有莫名的口感！每一份只要$20左右，真的很抵吃！------------------------------By alvahana (ig: alvahana)

星期五happy Friday 準時放工, 有時間就去咗葵芳掃街. 朋友介紹食手抓餅, 見到有我鐘意食嘅肉鬆, 就即刻買咗. 因為即叫即整, 老細一個人"一腳踢", 生意又好所以要等15min. 手抓餅一拎上手, 好有重量. 雖然多人等但絕不求其, 手抓餅好香好脆. 好足料, 蛋, 火腿, 超多肉鬆加埋生菜沙律醬, 好好味超滿足. 可惜蕃茄已經冇哂. 本來打算掃街, 但已經食唔落其他野. 值得推介值得一讚老細好friendly. 睇住佢一邊煎餅, 一邊落單, 仲要記住每個人唔同要求. 十分犀利!

帶朋友黎葵芳掃街，自己都忍唔住要食下。我都係而家先知葵芳有手抓餅揀左咸牛肉手抓餅，廿二蚊，佢個餅身硬d，唔鬆化，加埋生菜沙律醬，咸牛，味道可以再食，涵料都好足，不過我個人鍾意食再鬆d既餅身。佢仲可以自己配搭或者跟佢既setting。Good take!!

已經食過幾次試過a,b餐都幾好味本身得手抓餅可能會油啲，但佢加埋蕃茄同生菜食起上黎平衡返，同健康啲個人覺得配肉鬆食真係一流，有機會再試下其他味如果女仔食，一個都夠飽仲有你比完錢，唔洗攞牌，之後返黎攞野食，個哥哥會認到你個下幾有人人情味

想搵d 飽肚既野食下，手抓餅有蛋有肉有澱粉質就岩晒小店樓面只有1人經營，加上手抓餅即叫即做，落單要等5至10分鐘先有，人多需時更長....本來想試水蜜桃鴨胸，可惜已賣晒，改試火腿蛋肉鬆口味新鮮熱辣的手抓餅好鬆脆，口感好好，配埋香口的配料好正，推介只售23蚊一份好抵食

這個手抓餅超驚喜，意想不到的好吃，不得不推！火腿雞蛋煙肉手抓餅 $24⋯這價位有三種配料算便宜了，更不要提它還附有生菜和蕃茄😻。雖然手抓餅總會有點油膩和熱氣，但有了蔬菜整體變得fresh。這樣算是有五種配料，咬下去總是怕會掉碎屑，太多料嘴巴太小🙊。令人驚喜的手抓餅，#TPY可一可再。ps還有榴蓮味手抓餅😂@hktpy 《K》

即叫即整，用料新鮮！食一份咸牛肉手抓餅，有生菜有蕃茄，都算好健康！☺😊老婆食左個火腿雞蛋芝士豬柳手抓餅，味道好夾，又唔肥膩，可以當正餐食！☺😊😀😁😅😂

每次黎葵芳，必定會嚐這間！二十多元的手抓餅，即叫即製，落單時檔位哥哥仔都會貼心地提示等候時間，之後就可以四處逛逛才回來。期間沒有單據或號碼牌，因為哥哥仔會認得你今回吃的是生菜蕃茄肉鬆蛋手抓餅，超脆的餅底，yummy。如果同我一樣懶得四圍逛，企定定等食，哥哥仔仲會問你想唔想多醬。另外，旁邊仲有紙巾提供，服務一級捧！

火腿雞蛋肉鬆手抓餅.酥脆香口的手抓餅 包著各種材料😉 咬一口 有齊火腿雞蛋肉鬆生菜蕃茄沙津醬 每種配料都好夾😍 每啖都超滋味 只是略嫌手抓餅煎得有點點油 好飽肚 自己吃一份 當正餐絕對可以呀