慢煮屋

营业中

休息中

今晚同朋友約左觀塘，佢介紹左呢間位於工廈的慢煮屋係裝修簡約、環境舒適和性價比高的日式餐廳。-朋友點左慢煮牛腹扒冷蕎麥面牛腹扒以慢煮方式烹飪，牛香肉嫩冷蕎麥配上醬汁，容易入口。加配大大只的炸海佬，食落更脆口！ -我點左慢煮三文魚配牛油果丼慢煮令三文魚肉香入味，配上新鮮的牛油果。這個丼飯絕對是個健康之選。-我地加左小食 日式餃子外表煎得脆口，正常發揮。-飲品都有唔少選擇，呢杯係芒果乳酸梳打，正常發揮😆-食物好健康！ 唯餐廳位於工廈，等候升降機需時呀！

這晚相約和朋友晚飯，我選了位在觀塘駱駝漆大廈的慢煮屋。店內的環境乾淨企理，座位不會太狹迫。澳洲和牛拼牛舌定食，定食套餐有主食、溫泉蛋及水果。牛舌不是厚切軟嫩那種口感，而是爽脆彈牙；和牛帶點油脂香。稍嫌醬汁比較少，整份定食較為乾身。慢煮牛腹丼，轉配冷鳥冬要加$12，牛腹的賣相與份量都比較吸引。一片片牛腹的色澤粉嫩，肉質軟稔不會韌，肉味濃郁。牛腹面層的蒜蓉汁不會太過濃味。冷烏冬彈牙煙韌有咬口。芝士雞翼，跟餐加$12有兩隻，簡簡單單的在燒雞翼面層鋪上芝士再火炙，賣相普通。雞翼外皮金黃微焦，外皮脆而肉嫩，仍有肉汁，不會乾身。芝士份量不多，不能為雞翼增添芝士滋味。朋友點凍咖啡要加$16，我點黑牛才需要加$18，可樂面層有一大球冰凍香滑的呍呢嗱雪糕，令人滿足。雖然牛腹味道不錯，但其他食物都只是普普通通，未能留下深刻點。

觀塘駱駝漆向來美食雲集，本身鐘意食日本野既我同朋友搵到間日式丼飯店，就黎幫襯下。睇menu價錢算實惠，而且選擇都唔少。澳洲和牛M8丼 $88M8和牛肉質鮮嫩細膩，一啲都唔韌，油脂分佈得宜，熟度剛剛好又保留住啖啖既肉汁。而且飯份量相當足夠，食完都好飽肚。慢煮牛腹丼 $80果然慢工出細貨，肉質粉嫩軟腍，配溫泉蛋錦上添花。加左小食芝士雞翼，煎香脆帶芝士鹹香，都幾惹味。配菊花蜜健康又可以解膩。芝麻蛋糕配雪糕 $52見平日少食芝麻幾新鮮就叫左，估唔到芝麻香咁濃郁，味道唔錯。

每次嚟觀塘駱駝漆大廈都要做定心理準備，因為部lift真係排晒長龍架！當然lunch time期間就更加恐怖，但為咗食好西，無懼嘅A姐一於接受等lift挑戰！今日目標就係駱駝漆大廈3座嘅慢煮屋。餐廳以日系風格同食物主打，賣相唔錯喎！慢煮火炙牛腹扒丼: lunch time時間唔長，本身仲驚慢煮嘅火炙牛腹扒丼嘅上枱時間會好耐，好彩都係等咗大約5分鐘，賣相仲要唔錯喎！身為飯桶嘅我，慢煮屋可以叫多飯呀！但點解上枱時一啲都唔覺得多咗飯嘅，至於牛肉雖然鋪滿成碗飯，但全部都好短身又薄切，份量真係一啲都唔多，重點係牛肉有啲韌，係完全咬唔開。講到最好味，應該係碗中嘅溫泉蛋喇！鮮菠蘿乳酸特飲: 無餐叫，呢支飲品要成$20，絕對係有啲太貴。味道方面，酸酸甜甜啦，杯入面仲要啲類似jelly嘅東西。

今晚去觀塘食飯，去咗間近日幾多人推介嘅慢煮屋吃晚飯。美國牛板腱丼牛板腱嫩滑，肉質鮮美，隨餐有隻溫泉蛋，加埋飯落去食真係好夾！而且我最鍾意就係佢個醬汁，整體十分美味。日式餃子餃子外皮薄脆，內餡飽滿，裡面包著新鮮的肉類和蔬菜，煎得咁好味真係唔容易。日式豚肉拼牛舌尖丼豬肉肥美香嫩，牛舌則帶有獨特的嚼勁，兩者搭配在一起，口感特別豐富。再加上飯底的醬汁和紫菜，簡直是美味的完美結合。芝士雞翼雞翼表面金黃酥脆，雞肉鮮嫩多汁，淋上濃厚的芝士醬，讓人一試成主顧。菊花蜜熱菊花蜜香氣撲鼻，飲一啖真係暖上心頭。蘋果金寶芝士蛋糕上面嗰層好香脆，中間就係綿密的芝士餡同蘋果片，底部有餅乾，味道酸甜可口，亦能感受到蘋果的清新，簡直完美作為餐後甜點，讓人滿足。

餐廳位於駱駝漆大廈第三座，就近觀塘地鐵站，位置算方便，環境簡約舒服，主打丼飯、定食和沙律套餐。蜜脆活鰻魚丼鰻魚口感外脆內軟，表面沾滿了蜜蜂，味道甜蜜可口，咬落有一定韌度，肉質結實，採用新鮮活鰻，有別一般蒲燒鰻魚，配料有糖心蛋、香蔥，整體丼飯味道豐富。澳洲和牛M8丼和牛肉質軟熟，完全無柴既質感，肉和脂肪分佈分例均勻，牛既油脂香味特別濃郁，配料有半熟蛋和小份沙拉。跟餐附有時令水果，今次係西瓜粒，爽口多汁，甜度十足。真鵝肝味道甘香純厚，鵝肝油香味濃郁，一小口就令口腔充滿甘香，表面煎得焦香，有少許脆口既感覺。多春魚火候掌握得不錯，熟度剛剛好，不會太過焦香影響味道，魚肉鮮嫩可口，表面有灑上適當份量既七味粉，凸顯其鮮味。熱百香果茶

觀塘嘅駱駝漆大廈出咗名多嘢食😝所以阿豬同阿龔就去朝下聖🐷我哋就去試咗出名食慢煮嘢嘅慢煮屋😋👍🏼.🐔照燒慢煮鳥肉芝士爆丼($68)👩🏻身為一個#芝士控，見到餐牌寫住🧀芝士爆丼❗，梗係諗都唔洗諗即刻點翻個先啦😋！芝士味都幾香濃，雞肉口感軟滑，慢煮嘅雞肉唔會韌仲幾juicy添💦份量就夠晒足🍱！仲差啲食唔晒......唔好問點解牛肉飯無close up睇，果時阿龔👦🏻手機得480像素，#睇個Animal video都高清過佢.........我👩🏻又無幫佢影到😢對唔住大家🍌.🐂慢煮火炙牛腹丼($88)入面嘅慢煮牛腹肉份量唔單止多，而且仲好juicy好有牛味🐂將個温泉蛋撈埋啲牛同飯度一齊食🥳絕對喺非常之好味👍🏻美中不足嘅喺蔥嘅份量太少(👦🏻食咩都要落大量蔥)😂大食嘅阿龔表示食多碗都無問題🥰

今日約了保險經紀兼好友做年度總結，唔係飲嘢咁簡單，食埋飯慢慢傾。店子簡約舒適，座位整齊，環境企理。有多款全日主食套餐，加錢可追加小食和飲品，仲可單點甜品。燒三文魚骨 ($38) 燒得金黃，味道鹹香，都有唔少肉，嫩滑油潤，好吃！ 每份套餐都包有溏心溏和水果，我點了澳洲和牛拼牛舌定食轉冷蕎麥麵（$78+$10）再加配海佬一隻（+$12）。冷蕎麥麵口感唔錯，點啲泠麵汁和加埋隻香滑溏心蛋就更正。和牛和牛舌都好嫩，有牛香，加上燒汁，味道好夾，兩樣都好味。水果是西瓜，又甜又多汁。除加配海佬 一隻外，再追加多一隻（$13），一人一隻才滿足。估唔到咁大隻，炸得好靚仔，勁香脆，又唔油，啖啖肉，鮮香彈牙！朋友要份美國牛板腱丼（$88）加配芝士雞翼，牛板腱舖滿飯面，份量好足。將溏心蛋連米飯同食，蛋汁滲入米飯中，正！牛板腱啖啖肉，有咬口，香嫩味濃，得！芝士雞翼（+$12/2隻）煎很好香，香口肥美，加埋面頭嘅芝士溶，鹹香美味。

今日放工黎開觀塘食野，好耐無黎駱駝漆，唔知依加變成點呢，朋友話要介紹一間正野比我。慢煮屋價錢還算ok, 夜晚60-70蚊就有交易。叫左個照燒雞扒丼，嘩好大份！雞件好厚真之餘仲有8件甘多，有夠誇張！味道黎講照燒汁好味，用黎撈飯真係一流！雞扒肉雖然厚但唔夠滑，少少失分。因為餐既緣故加左芝士雞翼，面頭有大量芝士，但灸燒過，真係好正！同場加映仲有送溫泉蛋，配埋雞扒吃就最正！飲品方面叫左個雪糕波蘿梳打，幾清新既配合，唔錯既👍

來了觀塘探班，和朋友來到著名多食肆的駱駝漆大廈覓食，去了慢煮屋試吓他們的健康簡約套餐。我們叫了2個套餐：牛油果三文魚丼，及慢煮雞胸烏冬，跟餐還有溫泉蛋及水果，還可以優惠價叫小食及飲品。小食叫了芝士雞翼、燒三文魚骨，及燒多春魚。飲品叫了菊花蜜，及百香果茶。~ 牛油果三文魚丼 : 這個丼非常有驚喜，三文魚細滑清香，牛油果、火龍果、蕃茄仔健康有益，最適合講究愛美人士食用。~ 慢煮雞胸烏冬 : 慢煮雞胸嫩滑低脂，蛋白質豐富。烏冬煙靱，有咬口，加埋隻溫泉蛋，正👍🏻~ 芝士雞翼 : 雞翼煎得外脆內軟，溶化的芝士惹味，這樣的配搭很不錯。~ 燒三文魚骨 : 燒得香香脆脆，甘香可口，三文魚骨厚肉滋味。~ 燒多春魚 : 多春魚燒到金黃色，魚皮焦香脆口，魚肉多汁嫩滑，非常美味。~ 飲品 : 叫了菊花蜜，及百香果茶，滋潤美顏，健康養生。在這裡吃午餐，很有家的感覺。食物款式實而不華，營養豐富，健康清新，價錢大眾化，加上店員非常親切，服務窩心，下次一定再來。

今日去左觀塘駱駝漆到買野順手食飯 我朋友就介紹左一間叫慢煮屋嘅餐廳，平日夜晚都坐到爆哂仲要等位呢到主打日式料理，有多款丼飯同定食，價錢都合理，而且唔收加一！慢煮牛腹冷面我加左錢轉左做冷面，因為呢排都仲有啲小熱，所以想食d清爽的口感嘅主食牛腹部位的肉質鮮嫩，用慢煮方法，保留了肉的自然風味。而冷面同牛腹肉係好match ，所以呢道菜式相當不錯🤤真鵝肝澳洲和牛M8丼😆呢個和牛丼則是一個視覺和味覺的雙重享受。M8的和牛肉質極為細膩，油花分布均勻，份量都好充足，內裡保持著肉汁的鮮美。煎香左嘅鵝肝入口即溶，簡直係為這道菜品增添了奢華感係個絕妙的搭配。😛啲飲吸收了肉汁後更加惹味！勁想追飯食🤤而每個餐都會配上生果同溫泉蛋所以相當豐富🧡

🎉觀塘慢煮屋🥩🔥【美國牛小排定食】🔥首推的就是這款超誘人的美國牛小排定食！一上桌就飄散著燒烤的香氣，肉質鮮嫩多汁，。搭配的醬料簡單而不失風味，讓牛肉的鮮美更加突顯。配上冷烏冬🍜冷烏冬彈牙有勁道，醬汁調製得恰到好處，既不過於甜膩也不失風味。再撒上一些芝麻和葱花，簡直是視覺與味覺的雙重享受！😋🧀【芝士雞翼】🧀外皮炸得金黃酥脆，內裡的雞肉卻依然鮮嫩多汁。芝士的濃郁與雞肉的鮮美在口中爆開🍰蘋果金寶蛋糕配雲呢拿雪糕🍰脆，內裡的蛋糕體軟糯香甜，搭配上冰凈可口的雲呢拿雪糕，簡直是夏日裡的小確幸。為整個餐點畫上完美的句號。觀塘慢煮屋無論是環境、服務還是美食都非常好🌟

今日同朋友嚟觀塘食晏，選了駱駝漆入面這間「慢煮屋」。餐廳以慢煮作招徠，全日主食選項非常豐富，有丼飯、定食、烏冬和沙律等可供選擇。大盛慢煮牛腹丼 ($108)，擺盤好靚，造型很有美感，粉紅嫩心，十分誘人！牛腹扒先以低溫慢煮，再用火輕輕炙過，入口帶陣陣牛脂香，拌流心溫泉蛋吃，更加滑溜。蜜脆活鰻魚丼 ($98)  鰻魚炸至脆身，再塗上蜜糖及黑椒等調味，外皮脆卜卜，內裡魚肉軟滑鮮嫩，入口啖啖肉，非常惹味。+$10  將丼飯轉成冷蕎麥麵，麵條煙韌滑身，清爽又開胃。套餐可以優惠價追加小食同飲品，揀咗芝士雞翼、海老、百香果茶及可樂。雞翼外脆內軟，配熱溶芝士，咸中帶香。海老新鮮彈牙，加上蝦頭內有唔少膏，邪惡又美味。

又去觀塘工業區尋找美食浩化工廈 ，每層都有舖頭shopping ，又多餐廳我哋行到去一座 比呢間餐廳吸引咗望入去都幾多人用餐🍽️ 餐廳係用慢煮嘅方法，用較低溫度長時間加熱的烹飪方法，目的是要帶出原料的最佳效果 👍🏻叫咗两份定食，一個雪糕🍧😁📌美國牛小排定食 牛肉咬口鮮滑，調味料醬汁方面非常之恰當，拌飯好好食。套餐跟日本雞蛋及西瓜一份 📌慢煮牛腹丼，冷烏冬牛肉厚薄適中，慢煮方法令到牛肉保留咗鮮味，口感，冷烏冬爽口彈牙📌飯後甜品 🍧 ice cream 好香滑 👍🏻👍🏻餐廳地點，服務，食物質素 ⭐️⭐️⭐️⭐️⭐️

This Japanese restaurant in Kwun Tong is known for its affordable prices and excellent service. The foie gras Australian wagyu don is mouthwatering, combining the tenderness of wagyu with the richness of foie gras for a delightful experience. ♥️Additionally, their mango yogurt soda is refreshing and a perfect compliment. The staff is friendly and courteous, enhancing the overall dining experience. Whether dining with friends or alone, this spot is an ideal choice.💕