慢煮屋 (已搬遷) 新店位置

朋友推介觀塘呢間餐廳食dinner，所以決定今晚黎試下慢煮屋係觀塘工廈入面，出𨋢行到門口一眼就望到佢醒目既大招牌整間餐廳只有四款定食，分別是牛、魚、雞和豬。因為我們預先訂了枱，所以點薑汁醬燒豚肉丼可以升級有帶子。左諗右諗之後，我們最後決定點慢煮牛和豚肉丼首先送到上嚟嘅係薑汁醬燒豚肉丼，一片片嘅豚肉圍成一圈，中間放上一隻溫泉蛋和一隻帶子，豚肉烤得好香，食落有陣煙燻味，第一次食到呢種味道，好surprise 好正另外值得一讚嘅係一片片既豚肉厚度適中，食落一d都唔鞋，好有咬口，又唔會燒到好乾身之後送上嚟嘅係慢煮火炙牛腹肉丼@新紐西蘭牛肉，慢煮牛肉煮得好淋，一啲筋都冇同埋上面灑咗d黑椒，同牛肉嘅味道好夾，唔錯食完飯梗係要點番啲甜品啦睇左餐牌之後，我哋決定點榛子咖啡慕絲蛋糕和藍莓芝士蛋糕。首先嚟嘅係榛子咖啡慕絲蛋糕，個蛋糕細細件，上面有三粒咖啡豆和小小金箔，好欣賞蛋糕師傅控制甜度既技巧，咖啡嘅苦味剛剛好平衡了榛子嘅甜味，兩種食材配合得好好最後一樣甜品係藍莓芝士蛋糕，芝士味濃郁，再配上酸酸甜甜的藍莓醬，味道唔錯

係雜誌到睇到推介就打左去book黎試可能岩岩去完日本 好想食番個種味道同口感只可惜太高期望店主好好人會先what’s app菜單俾客人點菜。咁我地以為個日黎到唔使等好耐(let’s say 5-10)分鐘就有得食但點知都等左成30分鐘真係慢煮到咁。。？我地分別叫左牛丼加鵝肝 —> 唔夠味豚肉丼 —> 太咸三文魚丼 —> ok*見圖既賣相就得60分同雜誌爭太遠同埋店員態度唔太良好明白好多客人係會好亂不過語氣同係安排上可以好啲啊事件1:有同事冇book位，諗住2個walk in都會有，等一等都冇問題。點知店員既回應係: 你冇book位又冇落定單吖？咁有排等喎，係外面等下先啦。事件2:有男客人等左位好耐都冇店員回應咁就直接去問多次個店員點知聽到都冇人應個男客人就忍唔住講左句兩個就嘈左幾句係個客人出左門口後個店員就走去問口仲啤住佢🧐有必要嗎總結✨✨呢個價錢呢個質素呢個態度係其他地方食同樣既野會好一倍菜色同某大集團既一樣而且質素都比佢高我就唔會再試嚕

話說今日9點幾係kwun tong揾野食女朋友無意中揾到呢間慢煮屋可能我去個時佢都差唔多off所以沒咩人但都走左去食第一眼，選擇得4個揀呆左，禁唔緊要啦，照試，叫左個88 蚊燒三文魚飯同108 既牛飯話明慢煮，禁都預左係沒禁快一上個時賣相十分良好一食個陣更係超大驚喜因為男方女方都覺得超好食誇張到要直頭即刻share埋比d fd叫埋甜品，唔差既，但未係十分好，成餐3百幾，有少少貴，但味道勝過一切，係可以既，一試無妨滿分真係唔過份

和女朋友在觀塘看完戲，上open rice 到處揾食本本來去駱駝漆大廈三期的五月星麵店，但意然一個人都沒有，不想進去，以免中伏。但見同層另一店傳來熱鬧聲，放是過去看看，見坐無虛席。燈光鮮明，便選擇了這家試試，侍應禮貌地給我們安排坐在廚房旁的位置，但就是這樣令我見到不想見的事情，所有飯上的葱和蒜，蛋上的鹽，都是由侍應生親手灑上的。剛剛才見到侍應生清理客人的廚餘，用清潔布等等，頓時令我惡心沒有胃口。以後不會再光顧這店。

早排網上睇到介紹，就打算搵日黎試下，剛好係附近有事情，午前11點半左右好就走去食，假日午飯時間未到，一入沒人。坐低左望右望見到話預約可以免費丼飯升級，可惜我無.....首先要叫鵝肝牛肉丼啦～問到要先係FB打卡先可以叫ge～咁樣真係要試下啦⋯⋯牛肉不錯👍🏼入口剛剛好，唔太難咬，可能有鵝肝關係到比牛肉相對牛腹扒少（睇圖薑汁燒豚肉丼.....似係用上五花腩連皮，燒得係無咁肥....但感覺食脂肪多D，得少少肉...有別於一般豚肉。

之前見新假期有介紹已經好想黎試下，不過好難約到即慶嘅同事，約到又book唔切位，結果都係搵fd一齊去食因為大家食飯時間唔同，朋友比我早d到，順便order埋，佢叫左雞飯，我就試主打牛飯，但我朋友唔知訂枱會送鵝肝，幫我覆左店員話唔要慢煮要少少時間，個賣相好吸引，朋友嘅餐上先，偷食一舊，勁好食，雞肉好嫩滑，加濃濃芝士 好想再食之後主打嘅牛飯上黎，d牛真係有十件，不過都唔夠我食 後黎我d同事都有去試，佢地話三文魚同豚肉都好正，下次要試埋三文魚同豚肉先

吃不到慢煮的感覺 肉質冇乜特別 今晚叫咗一個牛肉同豬肉 店舖忙着「返枱」 食咗半個鐘多啲比人收碗完全係快餐感覺相比起駱駝漆大廈另一間主打慢煮的餐廳差別十分明顯 他們價錢不是差很遠我會選擇樓層較低的那一家

今日同朋友黎到駱駝漆大廈搵野食，知道開左間唔錯既慢煮食物，一於上黎試試。地方唔算太大，大約10張枱，有個open kitchen, 好彩當日唔算太多人，可以慢慢享受。員工都好好送上熱茶。Menu選擇其實唔算多，魚，豬，雞，牛丼set, 套餐配左一個湯同前菜。今次既湯係南瓜湯，好濃味。等既時間around15分鐘，可以邊傾計邊等。我叫左個照燒鳥肉芝士爆丼，簡單來說即係雞飯，本身係跟流心蛋，我轉左煎蛋。濃郁既芝士味，雞肉燒得剛好，唔會鞋。朋友叫左慢煮火炙牛腹扒丼，睇個樣都好吸引，慢煮牛採用鮮紐西蘭牛肉，肉味夠濃，份量又多，撈埋蛋漿一齊食，又係另一番風味。總括黎講，唔怕等得耐，可以同朋友談下心享受慢煮生活，係可以黎試下。

觀塘搵食真係要識得捐窿捐罅，今日黎到駱駝漆大廈試新野😎慢煮屋主打慢煮牛肉，低溫慢煮保留鮮味既肉汁，雖然無左燒牛肉果種焦香同火喉，但肉質非常嫩滑，值得一試👍🏻我地去試既時候訂位仲有得升級做真。鵝肝牛肉丼飯 ，正😀😀(本身係無鵝肝架, 想試記得訂位問下啦XD，同埋星期日唔開架，要留意返) ➡️跟餐仲有前菜同椰菜花湯，個湯都好唔錯，初初飲果種細滑既口感仲以為係薯仔湯黎😂😂，幾特別架👍🏻雖然主打慢煮牛肉，但係我地覺得最值得推介既薑汁醬燒豚肉丼。😋豚肉燒到岩岩好，一黎已經聞到好濃既豬肉油香味，加埋調味適中既醬汁，同溫泉蛋，真係好食到差d 碗都想舔埋👍🏻👍🏻🔹真。鵝肝牛肉丼飯 ($108)🔸薑汁醬燒豚肉丼 ($88)總括黎講價錢係觀塘區雖然唔係平，但質素相當唔錯，鋪頭細細，但店主非常用心，一定會再黎🤤😋味道 8.5/10 😍回頭指數 8/10

下班後的星期五，就係要慢活！努力工作了一星期，最期待的HAPPY FRIDAY當然要慢慢享受啦~ 觀塘工業區特式食店林立，今日就試下呢間啦！ 慢•煮•屋灸燒三文魚牛油果丼灸燒牛丼臉書讚好及分享唔止係美德，仲有免費鵝肝甜品： 大吉大利芒果mouss ,幾CUTIE~ 頗有丼丼屋的感覺，如果丼的份量多d, 澎湃d, 視覺再震撼d, 應該會更好~

睇介紹好吸引，想試晒4款丼，所以即刻約朋友book位食。個時做緊優惠，有電話訂枱再like and share 佢fb page個post,牛丼可免費升級加鵝肝，咁梗係叫左呢個啦。其實牛唔係好多片，又細塊，都鋪唔滿個飯，唔值呢個價。仲要咁岩我個碗比其他朋友個碗d牛肉少同細塊，睇彩數啦。牛無想像中咁好食，但都有牛味，飯都多所以會飽。反而鵝肝ok，都唔係好細舊。朋友食豚丼，評語都係一般般，所以食一次就夠，都無興趣再試其餘三款。

網上見到不少介紹，有朋友亦試咗。終於輪到我。約左下午兩點時段，打算避開午飯時間，不過去到個場都差不多full晒。好多都係附近上班族，所以真係要先預約。餐牌四個主食，貴精不貴多，豬牛雞魚都有，本來想試三文魚，可惜賣晒。就點咗一客牛一客雞，點牛的，係facebook like 慢煮屋，仲有鵝肝送。雖然話係慢煮，但眼看場地雖少，但職員都差不多十個，所以上菜速度我覺得算快。仲見啲職員會同客講唔夠汁唔夠味可以加，又會問下意見，照顧到每一枱客。我朋友試牛，佢鍾意再生啲，不過應該未必人人接受到全紅嘅牛，所以唔鍾意太生嘅我，覺得宜家適中。另外鵝肝外脆內軟，又係送嘅，沒有不like的道理。我點嘅芝士雞，撈完食仲啖啖芝士，雞睇落去，我以為好滑好嫩，不過原來反而係厚實啲。今日配南瓜湯同炒雜菌，南瓜同菇兩樣我本來都唔太好，但都食左少少，湯洋蔥味同南瓜味一半一半，所以接受到。菇再加黑松露味，就好看個人口味了。希望有多啲唔同選擇。價錢中間啦，午飯來說有點高，但如果係同款餐點，就唔只哩個價位。下次要再試埋另外兩款。

下午去了觀塘工作。找了這間餐廳午餐。試下慢煮牛。來紐西蘭的牛肉⭐️⭐️⭐️⭐️記憶中應是第一次食紐西蘭塐肉竟然出奇地好吃。份量對我來說是好大碗的。🤣🤣🤣牛肉入口即溶。好岩口味。⭐️⭐️⭐️⭐️加再上醬汁⭐️⭐️⭐️⭐️我成碗食晒👏🏻👏🏻👏🏻👏🏻👏🏻還附上一碗濃郁的湯⭐️⭐️⭐️⭐️飲後暖暖的好舒服。小吃也可口⭐️⭐️⭐️⭐️因為是慢煮，所以需要耐心等待。還好不是太餓😂😂😂

係臨外遊前嘅lunch同同事搵好嘢食，我地要去駱駝漆呢邊買嘢，試新嘢！（真係感激好同事一齊試伏與否）慢煮屋，故名思義，係慢煮嘅。款式唔多，價錢唔平，88至108元不等。裝修一般，唔特別，不過夠光猛，而且好整齊。廚房可以透過玻璃窗見到內部情況，有慢煮機，廚師準備食材嘅過程，廚房可以咁透明，絕對係信心嘅表現。前菜有湯，內有煙肉，幾香。另外係薯仔，外面加左蜜糖，好甜。主菜黎啦，雞肉丼，同事要求少芝士，雞肉嫩，又夠味。蛋撈埋，成個飯好食。三文魚配牛油果，呢個係較fresh嘅一個飯，如果唔想加蛋可以另上，如果要全熟，要等多啲時間。呢個係牛腹肉，幾有咬口，而且絕對無俾少你。我就叫咗醬燒豚肉，我好滿意，好好味，汁好夠，肉係好好味，我食哂。而且呢個飯好飽，好正！佢有茶可以斟，另加小小都有其他飲品，我叫左太興奶茶，正常，小甜。

又在工廈覓食， 好彩會遇到價錢親民 唔使等位， 舒舒服服食餐飯。今次揀咗間慢煮，慢煮可以邊傾邊食歎慢版。今次可以好豪氣咁講，主食我哋叫咗一半😂 因餐牌主食只有四樣選擇! 職員溫馨提示按佢指示動作完成立即有「加料」， 一啲都唔蝕底要同大家分享分享。先提一提慢煮需要等一啲時間，趕時間請考慮清楚，另外支援訂座唔洗等咁耐😋慢煮火炙牛腹扒丼，100蚊多啲價錢絕對吸引，質素唔會失望。 聽聽話話同大家分享有「加料」。個碗睇落細細地但裝咗好多飯，牛腹好似血淋淋衝過心理關口放入口軟綿綿唔痴牙， 溫泉蛋打散嚟撈飯 勁正! 落單有講清楚配菜轉第二樣嘢👍🏻 配勁有口感打蓉湯。慢煮三文魚配牛油果丼， 其實我好努力搵牛油果喺邊🤣 魚唔腥,青瓜、車厘茄新鮮, 碗邊個檸檬記得要落，落完之後 味道唔同咗帶出曬鮮味。