慈素小聚

营业中

休息中

餐廳素食款式相當有驚喜，口味有中、西、日、台、東南亞、中西式甜品、拉花咖啡……真是估不到。小店裝修簡潔， 環境寧靜，是最愛的Tiffany blue 色調，如果晚上黎有夜景一定好靚。 先吃前菜~【北京片皮鴨】片皮鴨沾上叉燒醬後， 真是幾可亂真。放在薄餅加埋青瓜紅黃椒等配料後，味道無得輸！【意大利香草忌廉天使面配炸豬扒】素豬扒鬆脆肉嫩，同真豬扒沒什麼分別。意大利香草忌廉天使麵質感彈牙， creamy 充滿黑松露的香氣。【四川擔擔麵】擔擔麵配香辣的花生醬和香蔥，味道濃郁，辣味引發食慾。【香芒天婦羅炸豆腐】賣相靚炸皮薄脆，入面係嫩滑的豆腐，味道天然又清新，好像一道甜品。最後order了兩杯健康的飲品。百香芒果烏龍茶 & 胚芽奶茶兩款都不會太甜，有心思的配色風味獨特。

一直都知道尖沙咀有好多創新嘅素菜選擇，今次就試一試呢一間樓上舖，私隱度好高，而且環境都好乾淨。如果你哋一大group人上嚟仲有張大枱book添都坐到八至七個人！我係見到網上面呢一個素食三文魚拼盤，素菜仲可以做到咁栩栩如生，好似成篇三文魚刺身咁，好逼真好吸引，擺盤仲好靚添。呢款三文魚刺身個口感都好似真嘅三文魚，旁邊嘅鮑魚應該係用香菇去做，口感真係同真嘅鮑魚刺身好似。另外我哋重點多咗兩個煮食，首先琵琶豆腐，豆腐本身已經係素，佢個醬汁都係特調嘅，豆腐亦都炸得啱啱好，非常推薦。另外一個煮食就叫咗羊腩煲，真係好驚訝呢一間餐廳點樣將素菜玩到淋漓盡致，連素羊腩都真係有肉味！呢個羊腩煲就配搭咗南乳醬汁，鍾意食飯嘅朋友一定要點多一碗飯配醬汁去食。最後我哋都叫多咗個忌廉蘑菇濃湯佐菠菜，真係好推薦呢度一定要嗌佢哋嘅湯食，好cream好濃郁。

今日來到一間位於尖沙咀的新式素菜餐廳。點了幾款菜式也覺得很不錯，餐廳精心烹調素菜，每一道菜都充滿創意和心思，讓客人得到視覺和味覺的享受，值得大家去試一試。台式叉燒刈包刈包比想像中大份而且鬆軟，內面是素魚柳及叉燒粒，配上叉燒醬，口感軟嫩且入味，讓人回味無窮。梅菜肉餅飯肉餅口感豐富，梅菜與素肉完美結合，讓人一口接一口。忌廉蘑菇濃湯菠菜苗菠菜苗嫩，伴上蘑菇湯味道更佳。濃湯帶奶香及香甜，口感豐富而且健康。 鮮竹蒸牛肉球鮮竹蒸牛肉球使用豆片及猴頭菇等食材做成，口感有嚼勁。蒸餃子素食蒸餃的餡料豐富又多汁，皮薄而且內餡素菇口感豐富。 琵琶豆腐外皮雖然炸過，但不覺得油膩。外脆內軟，豆味香濃。杏仁奶茶（熱）：杏仁奶茶分量多，足夠兩個人分享。杏仁味濃郁，香氣撲鼻且入口滑順。

近年身邊真係多左好多朋友食素 約食飯都要諗下邊間佢啱食之餘又唔會悶親我網上見到呢間素食餐廳評價唔錯 就去試試佢素食三文魚拼盤呢個上網見最多人推介 造型真係幾認真加埋乾冰噴晒煙咁 好有儀式感 點啲wasabi同刺身豉油食真係幾似😂點心真係好出色 尤其係燒賣同糯米雞食落去嗰下好疑惑 「乜我唔係食緊素咩？？」完全唔覺得係素食 味道口感同平時飲茶食嘅點心9成9似！！Set Lunch都幾抵食 有湯 點心同主食咖哩魚柳飯好香好惹味 咖哩帶啲甜味香菇竹笙翅湯都好正 隻花菇好厚肉好有咬口

曾在尖沙咀吃過毎日素食自助餐，對素食留下美好的印象。朋友邀請到尖沙咀Mody house 慈素小聚品嘗素菜。餐廳佈置美觀優雅，湖水藍為基調，燈飾和花牆是打咭位。情侶或三五知己聚在一起一邊吃素食一邊聊天，猶如店名小聚。餐廳提供主菜、小菜、點心、飲品和甜點。我們點了意大利香草忌廉天使麵、京都片平鴨、忌廉蘑菇濃湯佐菠菜苗、鮮竹蒸牛肉球、黑松露蘿蔔糕和紐約芝士蛋糕。意大利香草忌廉天使麵：蘑菇和香脆素製豬扒配上香草忌廉汁，味道豐富，天使麵軟身，這道菜要先品嘗不然麵會全吸收忌廉汁。京都片平鴨：儼如片皮鴨的素製鴨件，加入紅、黃甜椒絲，青瓜條同甜醬，外軟內脆，清甜又美味。忌廉蘑菇濃湯佐菠菜苗：欣賞蘑菇湯濃郁又香滑，與鮮嫩菠菜苗很配。鮮竹蒸牛肉球：賣相儼如牛肉球，牛肉球下有腐皮。  大大粒牛肉球，口感鬆軟又彈牙。黑松露蘿蔔糕：喜歡吃蘿蔔糕，外脆內軟蘿蔔糕粒，配上三款特色醬-黑松露、辣椒醬和甜醬，非常美味。紐約芝士蛋糕(配藍莓醬)：喜歡吃鬆軟芝士蛋糕，不太喜歡紐約芝士，出奇地這款芝士蛋糕香軟又不太膩，濃郁芝士味。欣賞餐廳另上藍莓醬，食客可自由選擇沾醬與否。

整天大魚大肉，三不五時便想吃上一頓素菜，尖沙咀這所便是常光顧之一。這次跟朋友閒日午餐時，便點了它們的限時優惠套餐，包括餐湯，小吃及主菜 還可以優惠價加添飲品酸辣湯湯底酸辣適中，配料多樣，讓人一口喝下去就感到開胃，完美的前菜選擇。日式炸餃子外皮酥脆，內餡鮮嫩，搭配醬油或辣醬，增添美味。沙爹牛肉飯雖然是牛肉飯，但素食版本的沙爹醬味道濃郁，搭配米飯，讓人回味無窮。朋友另一套餐香菇竹笙翅湯湯品濃郁香滑，香菇和竹笙的搭配十分和諧，讓湯品充滿層次感。日式長春卷薄脆的春卷外皮包裹著新鮮的蔬菜，口感清新，適合配合醬油或甜醬享用。四川擔擔麵面條滑順，麻辣醬汁香濃，讓人感受到四川的獨特風味，辣而不燥。另外餐廳有其他優惠活動，點四個點心可以免費一杯飲品，優惠非常划算，適合朋友聚餐時享用。燒賣內餡和薄薄的外皮扮演燒賣，沾上辣椒油後味道不錯。黑鬆露蘿蔔糕黑松露醬，甜醬，辣醬另上的，自行將蘿蔔糕沾上不同調料食用，推介。花生咸蛋湯圓外皮Q彈，內餡香濃的花生醬，甜而不膩，是一個完美的甜品，我們1人點了1份，大愛。百香芒果烏龍茶清新的百香果與芒果的結合，帶來水果的香甜。桂圓南棗茶 一大壺茶品溫暖舒心，桂圓的甜味與南棗的

因為為健康着想，近年開始吃多點素食蔬菜，所以經常留意素食的美食餐廳，今晚便來到這間以素食為主的食肆。店內裝修簡潔舒服，像很多樓上咖啡店。香煎腐皮卷$58，外表香脆，豆味濃郁，內裏餡面爽口，點些喼汁可以去除油膩感。香菇竹笙菜膽翅湯$68，內有菜膽、北菇、竹笙、仿魚翅，湯底味道清甜，想不到沒有加任何肉類，只有素食都這麼鮮甜。鮮粟米忌廉濃湯$42，以新鮮粟米製成的湯底，比起罐裝的大有天淵分別，始終以新鮮的粟米比較鮮甜可口。四川擔擔麵$68，麻醬香味十足，帶點微辣，加上擔擔麵的爽滑可口，素食原來都是不錯之選。紐約芝士蛋糕$58 ，芝士香味濃郁，蛋糕鬆軟可口。百香芒果烏龍茶$38，酸酸甜甜，甜度適中，令人胃口大開。只要like social media 就可以有一個乳酪，以每個戶口計算。

朋友平時食開素菜，佢話有間唔錯嘅素菜餐廳，約我一齊去食晚餐。餐廳位於尖沙咀Mody House嘅8樓，一出𨋢，就已經見到呢間咁靚嘅餐廳，裝修優雅，充滿氣氛。京都片皮鴨估唔到齋菜都有片皮鴨食，佢嘅片皮鴨外貌精緻！片皮鴨點埋佢嘅醬料，再連同青椒黃椒紅椒同埋青瓜一齊食，真係好似食緊片皮鴨一樣。意大利香草忌廉天使麵上面塊炸豬扒，雖然唔係真豬扒，但食落都幾有咬口！天使麵香草忌廉汁味道香濃，好味！忌廉蘑菇濃湯菠菜忌廉蘑菇濃湯濃郁，夾埋菠菜一齊食，味道好夾！鮮竹蒸牛肉球估唔到用素菜整嘅牛肉球，像真度可以咁高！同真嘅牛肉球一樣。食落去都有肉嘅質感，味道都唔錯。黑松露蘿蔔糕佢嘅蘿蔔糕熱辣辣，炸得好香口，食落去真係食到好多蘿蔔，唔似一般嘅蘿蔔糕。New York Cheese Cake當然唔少得甜品，我哋揀咗呢個cheese cake，cheese cake好濃郁，好味，享受！

今日約咗位素食朋友食飯，第一時間我就諗起尖沙咀慈素小聚， 之前食過一次已經好鍾意，餐廳裝潢優雅舒適， 菜式新穎。今次嚟見到餐牌有限時優惠套餐好抵食， 一個湯品一個小食一個主菜只需＄88， 加＄10仲有嘢飲添👍， 另外我哋再叫咗幾款菜式都好出色。 香菇竹笙翅湯：香菇的香氣濃郁，與竹笙的清甜相得益彰， 湯底清澈唔油膩帶有啖啖鮮香。四川擔擔麵：擔擔麵選用幼麵條麵質軟嫰， 醬料濃郁好味 加上香蔥芫茜更添滋味。燒賣：金黃嘅外皮包住豐富餡料口感軟糯， 配搭特製辣椒油更能提升整體風味。佢哋嘅飲品都好出色： 海鹽焦糖latte，質感相當順滑， 奶泡細膩，焦糖咖啡香氣濃郁， 海鹽帶來微妙鹹味，令整體口感更豐富。桂圓南棗茶：桂圓香氣濃郁而不膩，南棗營養豐富， 潤肺之選。

朋友之前介紹一間食素嘅餐廳，難得今日同媽咪行街，一齊過嚟試下。店內環境舒適，仲有開揚嘅落地玻璃窗同花草裝飾，環境好舒服。想食嘅朋友就記得要訂位啦！✨京都片皮鴨雖然係素食，但口感都好似肉㗎，搭配甜醬同青瓜，真係好似食緊片皮鴨！✨素食串燒拼盤配秘制沙爹醬串燒有素肉同素丸，再配埋沙爹醬香甜不膩，下次可以再叫！✨香煎腐皮卷腐皮卷外層金黃酥脆，中間內餡豐富，仲有濃郁嘅菇味，口感層次分明！✨珍貴苜蓿芽手卷手卷嘅材料以苜蓿芽、牛油果同素三文魚為主，口感爽脆，鍾意健康飲食嘅就啱晒啦。✨台式叉燒刈包以素叉燒同素炸魚柳作餡料，幾乎同真嘅肉一樣，健康又好食！✨日式半煎炸餃子外皮酥脆、內餡熱辣，鍾意食香口嘢就啱晒啦！✨百香芒果鳥龍茶芒果鳥龍茶酸甜清爽，百香果同芒果係最佳配搭，夠晒解渴～

同媽咪睇完醫生，見肚餓，睇吓附近有咩好嘢食，見到麼地道樓上有間Fusion齋鋪，啱晒我哋，老人家可以食傳統齋點心，我又可以試吓新式齋菜。我哋叫咗香煎腐皮卷，煎得好香脆。燒賣，估唔到齋燒賣都咁好食。黑松露蘿蔔糕，有好多蘿蔔。珍珠雞，大大隻。意大利香草忌廉天使麵，估唔到喺齋舖都可以食到西式嘅天使麵，份量都好多。粟米濃湯佐湯翡翠苗，呢個菜都好有特色，粟米湯同翡翠苗都好夾，可以避左草青味。我同媽咪都好滿意呢一餐。

#🐒😋又到咗我每月食素嘅時候今次意外發現呢間素食店 我真心大推 因為真係好好食 ── ✦── ✦ ── ✦ ── ✦ ── ✦ ── ✦── ✦ ʚ #京都片皮鴨 ɞ 素片皮鴨表皮炸到香脆 好似食緊真嘅片皮鴨咁以假亂真 配上青瓜 紅椒 黃椒以及醬料 口感豐富ʚ #意大利香草忌廉天使麵 配素豬扒 ɞ使用植物肉片製成嘅豬扒炸過後口感香脆 配上香草忌廉汁口感夠Creamy天使麵嘅軟硬度適中 亦好掛汁ʚ #燒賣 ɞ 素燒賣睇落同真嘅燒賣無分別但入面以香菇及素肉炮製香氣逼人 值得再試ʚ #黑松露蘿蔔糕 ɞ 即叫即炸嘅蘿蔔糕 表面酥脆 內裡軟嫩加上有大大碟黑松露 添加咗一種高級嘅感覺ʚ #香菇竹笙菜膽翅湯 ɞ 呢個湯以熱辣辣嘅燉盅上枱 素翅意想不到咁彈牙 配上香菇 竹笙及白菜膽味道唔會太濃郁 養生首選ʚ #蜂蜜薑茶 ɞ蜂蜜再加上幾片薑好啱最近變化無常嘅天氣 補身一流── ✦── ✦ ── ✦ ── ✦ ── ✦ ── ✦── ✦

今日同朋友去咗尖沙咀嘅慈素小聚試下佢哋嘅素食👍，真係有被驚艷到！📍 慈素小聚喺尖沙咀麼地道30號Mody House 8樓，環境好舒服，裝修好有格調。🥢椒鹽白靈芝菇 Salt and Pepper White Ferula Mushrooms，你唔講我都以為自己食緊雞軟骨😋，咬落卜卜脆，又香又惹味，平時唔食菇嘅朋友都讚不絕口！琵琶豆腐 Stuffed Pipa Shape Fried Tofu 都好出色🤩，豆腐炸得金黃香脆，入面嘅餡料好豐富，味道調得剛剛好，一啖咬落去好滿足。素食串燒配秘制沙爹醬（奶）Vegetarian Skewer with Secret Satay Sauce (Dairy)，呢個串燒一上檯，陣陣沙爹香就直鑽鼻腔🤤，串燒上面嘅食材好豐富，有豆腐同埋素雞，咬落去，食材被沙爹醬裹得入味十足，個沙爹醬嘅味道濃郁又有層次，微微嘅奶香更是為整個口感加分不少，好似一秒去到馬來西亞街頭食沙爹串燒咁！飲品我哋試咗紅韻玲釀 山野疑香HAWTHORN SODA蜂蜜味Honey 🍯，山楂梳打水好清新解膩，蜂蜜就好滋潤，同個餐好夾。

第一次帶媽咪食素食，是一間環境寧靜的小店，內裡有7-8張枱，職員很有禮貌，也很有笑容，有賓至如歸的感覺。台式滷肉飯（$98）個人覺得比肉版滷肉飯更好食，少了油膩感，那塊仿五花肉也做得很迫真，肉燥味道真的一絕，配上甜甜酸酸的鹹酸菜真的很開胃。翡翠生菜包（$128）配料用了3色椒粒、沙葛粒、雞髀菇粒，配上酸酸甜甜的醬汁混合而成，非常開胃。加上爽脆的生菜包着，味道清爽又健康，食多都唔會有罪疚感。琵琶豆腐（$88）非常驚喜的一道菜，外脆內軟。豆腐猜成蓉，包着芫荽，還有一些食落去似菇粒的配料，再經油炸，蘸上黑醋，味道超開胃。平時不愛食芫荽的我，也一粒接一粒地食！越南法包三文治（$88）法包鬆脆，配上酸甜的紅蘿蔔條、白蘿蔔條和醃製的辣椒，再加上仿肉，味道一流，食完又想食😋花生鹹蛋湯圓（$28）第一次食有鹹蛋的花生湯圓，花生味濃，配上鹹香味的鹹蛋蓉，甜而不漏。再加上熱辣辣的薑汁湯，暖胃又醒神。香芋鮮奶（$38）、熱朱古力（$38）超濃郁的芋頭鮮奶，職員很細心把冰搞溶了，既冰涼又沒有減弱芋頭的濃度。朱古力奶非常香濃。

尖沙咀慈素小聚是一個專注於素食的餐廳，提供多樣化的創意菜品，讓素食者和非素食者都能享受到美味，可惜這次的體驗未有驚喜，不過整體來說也是不錯的。😂香芒天婦羅炸豆腐天婦羅外皮金黃酥脆，裡面的豆腐則嫩滑。不過，搭配的香芒醬和豆腐的口感並不十分協調，兩者的味道有些衝突，讓人感覺不太合拍。🍤台式素叉燒刈包素叉燒刈包讓人感受到熟悉的台式風味。素叉燒的香氣撲鼻，口感豐滿，包子外皮柔軟，內餡的味道十分誘人，特別適合喜歡台灣小吃的朋友。😋粟米濃湯佐湯翡翠苗粟米濃湯的口感滑順，甜味適中，搭配湯翡翠苗增添了清新的味道，讓這道湯品更加美味。這道湯尤其適合開胃，喝完讓人感到舒心。🥰珍貴苜蓿芽手卷這款手卷內含素三文魚、牛油果及沙律醬，素三文魚的像真度非常高，不僅色澤吸引，口感也巧妙地模仿了真正的三文魚。搭配豉油和wasabi，鹹香的豉油與微辣的wasabi相互交融，讓整體味道更加立體，為這道手卷增添了不少層次感。素食串燒拼盤配秘制沙嗲醬素串燒拼盤的味道也很不錯，特別是搭配的秘制沙嗲醬。沙嗲醬偏甜，但不辣，讓整體味道更加圓潤，適合不同口味的食客。🍢鮮竹蒸牛肉球這道鮮竹蒸牛肉球的陳皮味較重，牛肉球的口感柔嫩，但對於不