愛群餐廳

营业中

休息中

上星期經朋友介紹下去了愛群餐廳食飯。朋友說此餐廳大件夾抵食，而且品質比好多出名的老式餐廳還好。當晚我點了「黑椒牛柳炒意粉」，意粉炒得很香，有鑊氣，沒有多餘的油。正!另外，老公點了「吉列朱扒湯飯」，朱扒炸得鬆軟，不油不膩。值得一試。湯飯內仲有什菜，好細心呀。今次因太肚餓所以忘記了影相，下次再去一定影相。好開心同大家分享，因香港真的好難以這價錢，有這麼有誠意的舊式餐廳。

呢間餐廳本人已幫襯過無數次, 以前既食物質素水準都算幾好, 但近來已差了很多!!茶餐:XO醬炒飯 - 勁差 (淡而無味, 有少少XO醬味, 但就只係有少少辣味囉, 好似冇放豉油同鹽咁)鹹魚茄子炆烏東 - 勁多油晚餐:時好時差!!侍應質素差, 可以成本餐牌飛埋個客度 , 唔想做就唔好做!! 想留熟客都難!! 呢間餐廳下午茶時段既服務質素最差, 因為老闆冇座鎮可以趕客嘛!!

因為腰舊患問題 , 今早十一時多到附近醫館 , 搵好朋友師傅睇一睇背脊及盆骨, 經好友師傅用力幫我扭左幾下, 堂堂鬆番哂冇咁酸痛 , 而扭果幾下時我都好緊張好怕 , 因為真係扭到啪啪聲。睇完症坐到二時半多,同朋友(慕然)、朋友的媽媽一行三人 , 到這間西餐廳飲下午茶 , 朋友及他媽咪叫左【2 x 奶油多士 + 紅豆冰 + 熱檸水】, 及我點的【吞拿魚三文治 + 凍檸茶】。 先講朋友(慕然)件【奶油多士】, 厚厚鬆鬆軟軟口感非常好 , 但朋友(慕然)嫌煉奶唔夠太少 , 【熱檸茶】佢話檸檬新鮮 , 凈係用鼻聞都有陣清香感覺 , 茶清晰唔混濁好飲易入口。 朋友(慕然)個媽咪 , 又係食【奶油多士】, 佢媽咪又大讚口感好及好味道 , 佢果件煉奶較朋友(慕然)多 , 所以更加好食。杯【紅豆冰】要另加$6 元 , 紅豆份量足 , 有 5 分 2 杯紅豆 , 淡奶及冰份量適中 , 甜度又 ok , 正! 到我講份【吞拿魚三文治】, 我覺得非常 ok , 吞拿魚雖然一定係罐頭但都好新鮮 , 唔會好似其他餐廳開左罐好耐 , 吞拿魚肉開始濕濕地咁。中間沙律醬都味道適中 , 白麵包都非常鬆軟新鮮 ,

這店己不記得開設於何年,只知小時候如有機會吃聖誕大餐的話,不是來這裡便會去隔幾個舖位的皇上皇.那時對草根家庭來說已是一年一度的盛大節目.到了年紀大一點也只會光顧坐高櫈面壁吃飯的快餐店而甚少去餐廳.數數手指已有超過十多年沒有來過了.這天剛巧路過,就擇日不如撞日!除裝修已退色的收銀位置沒變外,其實內裡也"曾經"翻新過的.羅宋湯----是有足料的蔬菜味道,沒有下"麵撈"把湯弄致杰身扮西餐.餐包----用微波爐翻叮的衛星包熱度散得快,吃了半個已變硬.串燒雞肉----加工翻熱的包裝出品.澳洲牛扒----沒經化學品招呼過有正常牛扒的質感,醃料比想像中來得輕手,吃起來是近乎原質原味.值得一讚!甜品----可選雪糕或啫喱.出品比某幾家長龍店標榜大件夾抵食的梳打牛扒來得認真.這些街坊老店的出品就是保留了回憶裡的味道.

是日同媽咪行完APM之後,見肚餓,就返去長沙灣度醫肚啦...仲join埋2個呀哥tim...!8點去到,都好多人,坐滿哂嫁,不過呀哥早到攞左位,之後叫野食大哥叫左個雞扒餐配薯菜+羅宋湯+凍檸水(凍飲加$2)+甜品(jelly)$65二哥叫左個澳洲牛扒拼香煎魚柳配薯菜+羅宋湯+凍鴦+甜品(雪糕)$65媽咪叫左個海南雞飯+中湯+凍檸茶$45我就叫左個set A 頭盤:雞肉串燒 主菜:黑椒T骨扒配薯蓉+羅宋湯+凍檸茶少甜+甜品(jelly)$65首先,當然就有牛油配餐包餐包暖,尚算鬆軟配埋牛油都okay餐湯=羅宋湯 夠酸微辣多料(有蕃茄,粟米,薯仔) 中湯 普通豬展湯!雞肉串燒 d雞肉都幾嫩,不過d汁好似豬肉乾既味!首先,二哥既澳洲牛扒拼香煎魚柳配薯菜一馬當先就黎左!係鐵板上,牛扒都夠"諗",不過魚柳就普通街市貨色,不過都煎得夠香.之後,就到大哥既雞扒餐配薯菜登埸啦,有兩塊大大塊既雞扒,雞皮香脆,雞肉不算"鞋"媽咪既海南雞飯就緊隨其後,一碗白飯+一碟滑雞+一碟蠔油生菜碟雞都幾滑,不過碟生菜d蠔油就重手左少少,都幾咸!唉!最後我碟野係最後先上,我呀哥都差唔多食哂啦,!仲要唔係

近日，本人到了一間已有十幾年歷史而馳名鐵板餐的餐廳吃飯，位置於青山道近東沙島街名叫愛群餐廳，我點了一份鑊仔牛柳，七成熟，肉質好似食緊香口膠一樣，食到個牙'絞'都軟埋都食唔掂，只好放棄，隨即告知服務員有關此事，他們不但沒有解釋，亦沒有理會，真的太過份，劉華都有講啦，'今時今日這樣的服務態度點得架'，食物質素差，再加上服務態度又惡劣，你話可以點！我嘗試跟老板投訴，了解一吓食物和服務質素，結果都是一樣，沒有一個合理的解釋，要改善的地方態度並不積極，唉........ 真的很失望！雖然一百幾十並不是一個大數目，但都不能敷衍了事，正所謂辛苦搵嚟自在食，所以都希望你們可以食到好東西，也希望此餐廳可以檢討一吓！謝謝你們的閱讀！小貓上

講真我真係好少(幾乎無)寫食評。無他既，因為個「懶」字囉!不過今次呢間愛群，真係忍唔住要上黎讚下佢!其實次前都同男朋友黎過一次，印象唔差，不過上次因為唔肚餓所以無食到野，但見一向咀刁既男朋友就對個西冷牛扒配龍脷柳餐讚不絕口(而且之後仲念念不忘)，於是乎今次就決定試下睇下係咪咁好味先!其實上次去既時候我最大既感覺真係個Service真係非常唔錯！有個中年大叔又有禮貌又有好笑容，睇得出佢好有heart !之後我地食到咁上下，見到餐牌上面有個扒好似好好味咁，佢又好有耐心咁介紹個扒餐有d咩，叫我地下次得閒又去試下!好啦講返正提，今次我就叫左首爾牛柳($48)加多$3配意粉同$8跟餐包、湯同餐飲;男朋友叫返上次既西冷牛扒餐($60)加$5跟紅豆冰，不過今次配石斑扒。今次serve我地既係一個好後生既混血兒男仔，佢睇上去應該都未有20歲。佢Service又係好好，首先有問必答，問佢西冷定首爾牛柳定係澳洲肉眼扒好，佢答我:「首爾牛柳就最肥最嫩，不過好細塊伽咋!澳洲肉眼都唔錯，又大塊，不過就韌d;至於西冷就好普通伽咋!不過大塊又抵食!仲跟多塊魚扒tim!」當我決定左要首爾牛柳之後，又決定唔到要洋蔥定黑

最近吃得中式小炒太多，有點膩了；晚餐就捉了男友到愛群，試試這兒的港式西餐。與同區的港式西餐廳比較，愛群的店面較大，座位也較寛敞，但電視機等皆齊全，懷舊感就沒那麼濃烈了；不過，員工清一色穿上自家制服，連糖包也印上「愛群」字樣，老式西餐廳的氣派猶存。抵達時九點半，剛好碰上店家的「宵夜時段」開始，就要了個 芝士焗肉醬石班意餐，連飲品才$32，抵食得很。肉醬的茄香十足，配上芝香，加上那港式煮法而未算過淋咬口仍不錯的意粉，本是一絕；可惜平白加了那塊雪藏味強勁而魚味欠奉石班，畫蛇添足，頓使整客意粉大為失色。男朋友要了個首爾牛柳餐(只連飲品($50)，加$8要了個羅宋湯 + 餐包。羅宋湯味道偏淡，茄香不夠強勁，對其印象只屬一般；那餐包送上時我有點嚇一跳：除了外皮有點皺外，外貌竟與pokka cafe的餐包非常相似！吃上去很鬆化也頗香，不過太公嫌它不夠軟 - well, 到港式茶餐廳我還是較期待較港式化，濕度較高而偏甜餐包。吃了一口首爾牛柳，相當嫩滑而牛味強勁，加上觀乎男友分我吃時那副依依不捨的衰樣，我相信比我吃多很多啖的他，一定覺得味道非常好！店外沒有錶位但道路寛寬敞，而店內觀察外面情況也相當容易，

由小學食到而家可以話係童年回憶好耐都冇入過去心血來潮就入左去食左個DINNER啦入到去一望依然係個種暗暗既燈光坐低睇睇MENU叫左個SET DINNER白湯照舊咁CREAMY包就都係咁啦冇咩特別我地ORDER既時候WAITER竟然冇問我地幾成熟來到既時候覺得熟左少少不過都可以接受應該話我自己鐘意食生D甜品個雪糕都OK架

今日返學校羅成績表...放咗學同班同學慶祝最後一日...佢地問我邊到有好食嘅西餐廳，我就介紹{{{愛群餐廳}}}.佢嘅年紀比我重大...細細個,一家人經常係到食早.午.晚三餐.我記得到食咗七至八年啦。同佢經歷咗好耐嘅日子包括{{{服務員轉咗...裝修...差D比對面翠河打到摺埋}}}。好彩現家同以前D野食嘅味道都無變、講返正題.我帶班FD入去.又係個好好人嘅老闆幫我地開門...一坐低個好臉善同埋留"蘇筋"服務員就走過黎打點一下...笑容可加...服務加分我班FD係肉王...成班叫牛扒...雞扒...豬扒...全部都係連餐...有湯...餐包...嘢飲佢果到D午餐我都幾乎食過曬{除咗牛、蛋同埋海鮮外,,,我對佢地有食物敏感}我叫咗個茄汁焗豬扒飯＄32加多＄15就變餐。首先上餐包仔...一上就十個...我一直都極愛佢D餐包,我食埋我班FD果份食咗六個{{{心知係加頓貨色...但係細細個已經愛上佢...個餐包仔好暖佢地果都有

路過ssp區見到呢間餐廳仔，真係比佢個地方呃晒，因為完全係似d 二三流地方。但食物真係好唔錯。同行2人一人叫一個宵夜諗住夜晚食少少野回家叫完之後見到隔離叫鐵板仲好好味咁，勁大碟好後悔冇叫.....到我果d 食物到既時候，至知原來宵夜都好大碟 完全係晚餐份量下次可能會2個人share 一個宵夜再叫多個小食乜都夠晒請看圖 ~~ 海皇什錦湯飯~~~ 湯夠鮮料又足，真係啖啖飯都有好多餸吞拿魚意粉 ~~~ 呢個一般水準 但芝士好夠香 呢間野有下次!!!!! 服務好唔錯~ d 服務員一舉手就跑過來見佢咁跑過來其實有d o 咀....... 走果陣又推晒門講晒多謝多謝咁......

雖然個裝修唔算好吸引但絕對絕對係一間好好既餐廳,真係好到冇人有羅宋湯 好鮮味煎大蝦沙律 大大份 相信比起5*級酒店還要好芝士焗青口 真係冇得陣 青口好新鮮 火候剛剛好 一個食左5隻都覺得唔夠候!!!牛柳 ,我本來叫7成熟,但黎到係9成,不過都好好味.肉質鬆化

今日中午經過長沙灣 , 看看有什麼吃同特別的 ..... 睇睇招牌 "愛群餐廳 " , 好 ! 反正未試過 , 望望入面仲有張四人還要大的 "卡" 位, 坐得闊落舒服 , 再看外面餐牌 , 也很經濟 , 一於入去試一下。叫了個套餐 B - 蒜蓉肉眼扒 + 跟飯 + 羅宋湯 + 牛油餐包 + 飲品 (要了椰汁紅豆冰 + $5) 羅宋湯足料不太咸不太酸 , OK ! 牛油餐包 , OK ! 蒜蓉肉眼扒 - 幾大件架 , 不過有用梳打粉 "嗱" , 少少肥肉 , 煮得剛好切開紅紅地 , 果然是扒房的技術 ..... 汁都唔錯 , OK ! 椰汁紅豆冰 - 好有椰味 , 細杯左 D , 紅豆有一些 "林" , 有一些 "少硬" , 兩者都有 , 幾好 ! 最遺憾的是我以為無野跟 , 跟了個飯來 ..... 我想食意粉 ...... 不過唔關佢地事 , 下次問清楚 ! 埋單 $32 + $5 = $37 ( 無加一無貼士 ) , 如果只是餐飲只不過是 $32 , 都好經濟 ! 唔介意番炒 , 幾滿意 , 服務態度似扒房 , 你仲想有咩要求 ?!

好日都唔去長沙灣，因工作關係呢排先至o係呢頭醫肚茶餐廰及酒樓都去過，普通貨色譚仔及雲南風味以前經常食，已無甚驚喜，三上亦言呢間愛群反而有驚喜叫午餐﹣﹣﹣黑椒牛扒腸仔路薯菜，羅宋湯及熱好立克羅宋湯對路兼足料好立克足味最正莫過於主菜，一上枱，真係想像唔到咁大，雖則唔係西冷扒但有金鳯６０蚊o個d咁大塊同厚，味道都有牛味，薯條唔係茶餐廳或老麥貨色，而竟然係連薯皮o既正貨色！！！此外，食哂野fd就吹水，我就訓，職員全無jia形，good埋單更只需３２蚊！！！好滿足咁o既價錢同質素，夫復何求？！

聖誕節同大包嚟到呢區老牌西餐廳愛群慶祝係門口已經有一大班人排晒隊等位,因為聖誕節所以食豪d叫個聖誕大餐兩份食1.先嚟餐包同魚翅燕窩忌廉湯(魚翅燕窩忌廉湯同普通忌廉湯無異,不過多左d魚翅係入面, 好飲) 2.芝士焗生蠔(全部比大包食哂,大包唔好意思比小小芝士蝦蝦食) 3.酒糟鴨胸(酒糟好甜, 鴨胸都OK好食) 4.龍蝦拚肉眼扒配黑椒汁(半隻龍蝦,龍蝦都好鮮好多膏, 不過略嫌肉眼扒細左小小,肉質夠厚夠牛味) 5.布甸(好食,椰子味,平時叫餐唔會有得食,唔知係咪淨係聖誕先有得食呢??)