愛群餐廳

营业中

休息中

長沙灣老字號扒房"愛群",在此區成長期間,又係永遠過門不入,側聞此店與黃金附近的美而廉(今日馬德里餐廳現址),也是女校德貞女子中學,兩間"御用"飯堂.為何這個歡樂時光,竟然眼白白讓她溜走?門面十多年如一,但店內很光鮮,有別其他港式老西.應該在近年曾裝修過.價錢便宜,一個羊扒餐$65,有湯有扒有飲品有雪糕.羅宋湯料足,很對味.友人個扒餐前菜,中華海蜇拼鮑片,見到外表已經不想吃,海蜇綠色的染色體,印在"鮑片"上,抹不掉,鮑片當然用素貨.味道也有很濃的鮑魚味.心理上,也當自己吃車輪鮑吧.羊扒要五成,也有五成,非頂級貨,吃落也有羊味,肉質也很嫩滑.意料之外地不錯.比很多港式老西水準還好,羊肉沒有羊肉應有的味道,等同自己搞掂,一樣沒有味兒.有人話今日的愛群,不如年前般好吃,但這個羊扒,真的不錯.美好時光,錯失太多,還發甚麼荳芽夢?實實在在吃羊扒,還是最實際.

如果講環境，這間餐廳可能很低分，不過如果講他們的食物及价錢也是合理的選擇。二個人食，一個扒餐(多數食牛扒配龍加意大利粉)再加上的一個小食(焗青口，焗田螺等等)記住食埋D薯蓉己經夠哂飽嚕！之後配扒餐的甜品(雪糕or哩)建議食雪糕好D！埋單$100有找2蚊…

長沙灣區既食肆都差不多俾我食勻晒，正同朋友煩惱緊去邊度醫肚既時候，突然諗起這間好耐冇去過既餐廳，就去會一會佢。裝修冇變，晚餐都係個幾款。就點了龍脷配飯，飲白湯同熱檸茶。餐湯夠熱，不過就冇咩味，麻麻地。主菜幾大份，龍脷柳一大條，看似不錯。可是一吃就感覺到一陣雪藏味，冇魚味可言。另外熱檸茶好濃，加成三包糖都覺得好苦，飲完都有ｄ驚夜晚會訓唔著。印象中中學時期來食，都幾好味，但今次就十分一般，退步了不小。

我覺得呢間真係好好味囉~上次食ge係curry~真係唔錯!可能係爸爸做廚ge 關係，好少出去食係會覺得好味架!我覺得呢個價錢食呢間好過食大家樂o個d啦~而且我覺得環境都唔錯!我會再去試下d扖~睇下係咪咁正先~

記憶中只吃過一次, 餐廳內環境昏暗, 四周都頗殘舊.食物用料只是一般, 不太新鮮, 但是還可接受.不過服務就是絕對不能接受, 侍應見我二人只用一份餐, 便立即露出不悅神色, 更以質問態度問我們二人只需用一份餐? 試問這樣的服務態度,怎能叫客人接受!

愛群餐廳屹立了十幾廿年,當然有其吸引之處.平日去吃扒會較抵食,水準好過扒王之王,但甜品絕對難吃(次次去都係士多啤梨或棷子味雪糕),到節日,價錢較貴,水準一般.

某程度上，佢o既鐵板餐係好食過o個間多人都嘔o既扒王之王，至少平過佢同唔使等位，雖然品質一般，但扒王都唔好得去邊，街坊生意，服務當然係一般啦，但佢o係長沙灣十幾二十年仍屹立不倒必有其過人之處，一試無妨。

以前來到愛群食早我必定會叫沙爹牛肉麵, 因為呢度d 牛肉麵牛肉夠嫩又大塊,d 麵仲係爽口彈牙唔會太腍, 沙爹汁又好味。但依家牛肉的烹調水準好似下降左。至於我最鍾意呢度d 飽, 因為係嘉頓甜飽, 唔學似出面求其俾塊方包你。而扒可惜唔可以講係保留到以前水準。至於服務上, 可能多請左d 大陸人, 服務態度都差左好多, 特別係某一位女待應生, 經常口黑面黑, 好似係客人, 我地係待應0 甘! 真的要改善。

叫了牛扒要等30 分鐘都未有, 之後送來大蝦牛柳, 你話做錯咩, 就三個伙記走過來, 態度其差及粗魯!! 唔接受就等啦! 連對唔住都冇聲, 再15 分鐘後碟牛扒啪!( 硬著陸) 落.( 唔好倒佬細米啦!!)