意粉屋 (已結業)

10個人食左2個pizza ( yummy )超級什錦薄餅芝味無限(?) 2碟spagetti (ok, not worth calling it a spagetti house though)拿波里、火腿芝士汁意大利粉焗蝦、蟹、蘑菇芝士意大利粉1碟有potato chips,spring roll, cabbage, carrot , cucumber 的小食拼盤( fine, kind of normal, rt??)1碟香蒜田螺煙肉焗薯茸( weird 田螺, quite disgusting about that )like the environment and the service- 哈哈, 個侍應送錯d野來我們table x2 , so embarrassing- 無限量暖水供應

今日同事生日食飯揀左意粉屋, 渣打咭有優惠, 可以用二佰幾蚊食個四佰幾蚊嘅餐, 但比較完之後個原價四佰幾蚊嘅餐同原價二百幾蚊個餐爭少少野(只係多左個沙律), 而原價二佰幾蚊個餐可以用coupon, 但係要簽滙豐咭, 所以揀左一個二百幾嘅餐. 另加一啲野食龍蝦湯–有龍蝦肉及一些蘑菇, 味道一般, 不算濃芝士墨魚汁天使麵–汁料濃淡適宜, 配料豐富, 天使麵煙煙UN UN, 有芝士係面, 好好味豬x骨配薯角–豬x骨好入味, 肉質嫩滑, 薯角略嫌外皮太硬, 唔係新鮮炸起.另外叫了…肉醬長通粉/ 炒飯/ 海鮮意粉–係三個個人套餐, 三個都好細碟, 味道無乜特別…另配有煙三文魚沙律同餐湯...(每個set HKD62.00)其實最好食真係個墨魚汁天使麵, 會再去食依個麵..由於可以用coupon嘅原固, 所以依餐唔貴. 每位HKD60.00

而家做緊promote,用d特價set...其實又唔算真係好抵食...不過都ok la...叫左二百幾果個set...個set包括2個龍蝦湯,2個小龍蝦雜果沙律,2個main courses(4揀2),同2個drinks...份量絕對足夠3個人食...main courses我地揀左芝士焗龍蝦帶子天使麵同意大利三色pizza(厚批)...龍蝦湯咸左少少...都係prefer忌廉湯多d...龍蝦沙律ok幾好味...芝士焗龍蝦帶子天使麵...呢個向來都係至愛之一...一上枱已經聞到好香...忍唔住係咁食,食下食下就食晒...pizza都好食...未試過o係呢度食pizza,一上枱果時有d估佢唔到咁厚身,咁夠份量...食到勁飽,結果都仲係淨返半個pizza...其實我地2個人,少一個main course我相信都夠食...應該會啱啱好...唔使食到咁飽...果半個pizza打包返去第2日食,焗返熱都仲好香,批邊都好鬆脆...

去APM開飯最難忍受的就是等位幾乎去到邊都要等難得意粉屋唔使等而且重有個中銀信用咭優惠套餐就決定去試一試自問係一個比較懶的人真不想花時間在點菜上於是就ORDER個意國風味套餐如下意國風味套餐鮮露筍薯茸湯(料少而比較杰) 南方炸雞翼(味道OK 但無雞味同埋炸得唔係好熟部分雞翼食落重見血) 焗蝦、蟹、蘑菇芝士意大利粉(成個餐最滿意的芝士的份量剛剛好)意式海鮮炒飯(ORDER完先後悔個意粉已經係海鮮點解重ORDER呢個味道OK而且料重多過意粉個碟不過兩碟的份量都好大所以食到一半都知食唔哂)即磨咖啡/茶(每人加左$11改左要杯凍朱古力同士多啤梨奶昔) 優惠價HK$188 (原價：HK$344) 最後埋單連加一HK$231兩位服務都OK 都係個句落單添水上菜埋單都好有效率唯一覺得怪怪就係飲完個湯食完個雞翼要等一段時間先上個意粉同飯不過呢度的食物味道不算太好而且菜式變化不大要係咁大型的商場與其他同行競爭的話要係呢方面加位努力

昨天去apm行街~見肚餓入黎食個下午茶~本人之前o係中環返工~成日去ifc既分店~o個度既服務and食物如果係十分滿分既話~會有9-10分~但係估唔到呢間可以咁差!!!完全唔合格~一個集團經營連鎖店最難既係要維持每一間分店既水準!先講門口~好有禮貌有笑容+快速~分數最高係呢度跟住入座睇menu~ take order的那個女仔講野好快唔清楚~repeat order一輪咀又唔係好忙~間餐廳得大約十檯客但就有四五個sever~repeat完order之後就話自己叫咩名~有咩搵番佢~但係佢係一路離開我地張檯一路講~未講完佢已經走左..>.<我地order兩個龍蝦帶子湯餐~酥皮唔熟的~湯都麻麻~居然得兩粒帶子仔~蜆肉周打湯好飲好多~我同樣叫肉醬意粉~黎到一pat野咁~意粉一忽忽~肉醬少之餘...其實係得D乾爭爭既免治肉...無乜醬,賣相唔得食落去都唔得~講漏一樣野就係佢地上餐居然上左個粉好耐個湯都未黎~我問佢地...佢地答話因為酥皮要焗耐D...但係食我過無數咁多次都未見過呢種情形!!就算係都應該o係我地落order之前講聲丫!!!雖然都唔係D咩高級餐廳~但係都算係一間西餐廳

男友鍾意去意粉屋，我們都食過好多次了。多數都是食early dinner，一人一個set剛剛好。酥皮湯夠熱，好好飲。但係個Spaghetti 就麻麻地啦~~話晒都叫做Spaghetti house呀~但d Spaghetti 唔吸引wor不過環境幾好~~service都唔錯!!食得好開心^^

Friday night,相約幾位老友食飯.可惜其中一人遲遲未收工,只好餓住肚皮,認真辛苦.呢間Spaghetti House ge水平同其他分店的相若.食物方面整體會滿意,最好食係個海鮮墨魚汁飯,食不停口.雖然明知呢度d豬仔骨唔好食,但依然order左. 味道認真一般,根本唔入味,難同ruby果d骨肉分離的相比.價錢只係8十幾一客,算係咁law.service唔爭氣,servers唔太醒目,成日問長問短,一個問完另一個又問.都幾煩.

難得一日去左apm~周圍搵下咩食~之後決定去意粉屋~一入去佢比窗口位比我地~開頭好開心嫁..點知坐多一陣就...o個日天氣幾好...o的光直接入餐廳...張台仲要係白色...我地幾個都話好唔掂...諗住食個下午茶~好快走咪唔轉台囉o的侍應....件衫個個都唔乾淨...有茶漬..o的野食就好ok~唔知係唔係o個日唔旺...o的師傅有心機做野呢..因為我食開太古城o個間..好唔掂..

和幾位同事食lunch, 第一次在此spaghtetti house 食, 覺得嘢食差左.1.炸洋葱圈: 皮不太脆, ok lar2. ribs: 幾淋, 伴碟既炸薯條好食3. Italian pizza (thick): 好鬆軟, 似食麵包多D, 不過無乜配料, 好似淨得tomato and mozzarella cheese, can't see any salami / meat4. 什錦Pizza (thin): also 無乜配料law, not match with its combo name.5. mushroom and sausage spaghetti with tomato sauce : nothing special.6. another angel hair: also nothing special, not al dente and 無乜料lawEXP 好食過佢好多

三文魚什果螺絲粉都幾好味，有蟹子係面，脆脆地，不錯個湯就麻麻地．．．朋友個酥皮白湯好似仲好飲，個蒜蓉包好脆，好香個飯就真係麻麻地，竟然俾雞胸肉！好鞋口呀！但都汁都算ok朱古力賣相普通但好濃味！

同朋友來食晚飯,叫田園沙律,黃金蟹蓋螺絲粉,另加兩個餐湯set,tiramisu同埋original cheese cake.食物大致一般水準,個螺絲粉份量都幾細,太多汁,好少蟹鉗肉.最抵就係甜品,叫set的話加$15/$11就有tiramisu/original cheese cake,而味道亦唔錯,算係全晚最好食物!最差就係服務,我從未試過要每道菜都催好多次才上到檯!好離譜!而成間舖侍應生好少,根本做唔徹!咁搞法想搵人下次再幫襯都好難!

星期六去apm 行街,o黎左依度食下午茶煎薄牛扒忌廉湯天使麵,芝士火腿焗煙斗粉,酥皮湯食物普通,唔算特別好味不過餐茶唔錯,叫左杯熱朱古力覺得好好飲~另外,服務態度好好跟得好足，而且好有禮貌，笑容足夠，所以坐得好舒服食物唔算好但都加分

7月20日亞妹生日,到這間意粉屋吃飯,因這天是她們的畢業禮.本約好7時到這集合,亦BOOK了7時台.但因畢業禮遲了要更改時間,故即致電意粉屋,要求改8時,答案是只可幫我HOLD台至7.30,故7.30取台.取台後,RECEPTION 態度好好,好有笑容,重介紹我廚師推介,坐低後過來招呼我的侍應態度都好好,問我要冰水定熱水.GOOD!令我心情好左好多囉!因朋友未到只有我一人坐著等,其間有個穿黑衣的部長不停望住我張台-不友善之眼神,之後又捉個RECEPTION講野(其間又望住我張台),心知不妙,即致電朋友快到.之後黑衫的經理走過來問我,"朋友是否會到",我真的好嬲!我答佢"係,來緊!我那刻好尷尬,說真的!你比得我坐,又左問,右問.真係好唔掂!講返食物,叫左兩個龍蝦的套餐,味道OK,龍蝦湯唔夠熱.個魚好好食,最好食個PIZZA.如果唔係個黑衫男經理咁樣,服務分我會比高D.因為門口個RECEPTION幾好,唔駛叫都自動加水.

睇完<荒失失奇兵>之後想食cheese cake,見佢$38可以選3款枱上的甜品(9:30pm-10:00pm開始唔包飲品)就和朋友試試了,因為見個樣好吸引,出去拿了藍苺cheese cake 2件,杧果慕士蛋糕,金桔xx,朱古力蛋糕,同一罌粟xx~因為d 甜品前面只有英文名,問個waiter佢唔識,叫了一個高級點的女人出來答,點知連這個人乜不知,唉,攞完便返去枱坐,好煩,分別三個不同的職員同我地講"你咁樣叫要$38架喎,要食滿$160先可以用$19食" 我話我知道架啦,轉頭又有人行埋黎講返同樣的說話,唔知做乜.講番d食物,藍苺cheese cake 超失望! 一來好細件,最衰係佢好難食,完全唔係cheese cake 的味道和口感,係慕士,仲要甜到死,點解會差成咁?杧果慕士蛋糕,又係過甜,同好食有好大距離!金桔xx,用隻杯裝住,食咗第一啖即變臉,因為好似嘔吐物的味道,冇誇張,唔知佢係點整.朱古力蛋糕: 最初以為係心太軟,原來係實心,仲要係死實咁實,唉~最後一件罌粟xx,雖然都係偏甜,但已經係全部入面最好食.好大陣煉奶味對意粉屋完完全全失望,冇水好耐又冇人斟,原來這個$

今日約左個朋友食lunch, 由於APM比較近公司, 所以係度搵左間餐廳食飯...我地要左2個SET LUNCH...一個係焗三文魚扁意粉,D 三文魚好腥,食左2啖就食唔落, 咁想叫杯咖啡..不過到埋單都係未出到....我朋友要左一個豬頸肉意粉..D 配搭好怪..唔知好唔好食....OVERALL 好一般, 唔會再去呢間分店