意粉屋 (已結業)

下午１１：００－１２：１５呢段時間食ｌｕｎｃｈ真係好抵！！！有～酥皮湯　～意粉ｏｒ飯　～一件ｃｈｅｅｓｅ　ｃａｋｅ　～一杯凍／熱飲咁多野加埋一都係４０＋就埋到單啦！ｄ野又好食，而且我果次埋單仲有感謝券送～～下次有雞翼／芝士餅／白咖啡／椰林相思／蒜茸包／雪糕一客免費請你食

因寫食評得到兩份龍蝦下午茶餐的換領卷，在星期日便到來享受。多謝OPENRICE！***服務***這間意粉屋，侍應服務非常好，不停加暖水, 成日唔好意思前, 唔好意思後, 幾好服務.***食物***酥皮龍蝦湯: 好濃好鮮味, 但咸咗少少, 裡還有幾隻細細龍蝦及帶子龍蝦汁磨菇長通粉: 長通粉好彈牙, 汁好濃鶏翼凱撒沙拉: D菜好爽好新鮮, 鶏翼普通, 無乜驚喜***環境***枱面超乾淨, d客人講野都細細聲, 氣氛好好.再次多謝OPENRICE！

多謝openrice抽中的免費酥皮龍蝦湯下午茶餐,剛星期日一嘗.入去時,侍應很有禮貌,招呼服務態度一流,但當攞出兩張免費換領信時,一衆侍應表現很詫異,互相研究,尤其是個收銀員,攞住封信左睇右睇前睇後睇,好似封信係假嘅,當然係真架啦.講返嗰餐,酥皮龍蝦湯很酥皮,幾夠熱,個湯都有唔少隻龍蝦仔及帶子仔,龍蝦味夠濃,又不太咸,不錯不錯.主菜要了凱撒沙律南方雞翼及龍蝦汁野菌長通粉.凱撒沙律南方雞翼有點失望,雞翼十分細隻,有一隻甩皮甩骨,沙律上的麵包糠太硬,至於菜還可以.龍蝦汁野菌長通粉,龍蝦汁味濃,什菌幾多,幾好味,長通粉也不會太硬.由於全程好似比侍應們當怪獸咁睇,都覺得唔好意思唔駛比錢走人,所以另外叫了個甜品--焗焦糖紅豆西米布甸,點知叫了唔夠兩分鐘就有得食,肯定唔係即焗,啲焦糖可以,但內裡的西米熱度不均勻,有部分很熱,有部分是凍的,紅豆只有一少少撮,$32就覺得唔值.埋單一共$35.2,比咗幾蚊貼士,酥皮龍蝦湯下午茶餐一毫子都唔駛比,多謝OPENRICE.

第一次寫食評，哈哈！好開心！今次已經係我同我男朋友第二次o黎食芝士火鍋啦！兩次都係睇完戲先食，因為用旺角ＧＨ戲院戲飛去呢間意粉屋可以有88折優惠嘛！88折，平o左少少咁啦...上次食o左黑松露菌芝士火鍋，今次食傳統芝士火鍋，後者比較濃味，係好重好重的芝士味，食完口渴o左好耐...印象中上次食黑松露菌芝士火鍋都唔會咁，個人比較鍾意呢隻味多o的，始終無咁濃味，唔會覺得咁漏。兩次都係點紐西蘭牛肉拼盤，一個拼盤睇落唔多o野，但兩個人食就o岩o岩好！西冷牛肉有4塊，都幾大塊，而且好有牛肉味！好好味！另外最鍾意香辣燒烤腸，雖然食唔到辣味，但係好香好好食！至於其他例如雞肉、豬柳同雜菜就ok啦...墨魚汁天使麵事前用蒜頭炒過，幾香，不過好油！服務好好，周不時都會埋o黎倒水，而且眼見個個侍應都好有禮貌，值得一讚！唯一唔鍾意o既係，佢分開o左好多張4人台俾2個人用，搞到好迫，台與台之間貼得好埋！我坐裡面，雖然離開o既時候都唔算麻煩，但同隔離台貼得咁近始終感覺唔多好...

尋晚同同事3人去食, 點了:煙三文魚鮮果沙律: 幾好味, 有4片三文魚, 但鮮果沙律太少小食拼盤: 有雞亦, 春卷, 洋葱圈, 薯角, 每樣2-3件, 麻麻地焗西蘭花薯蓉: 幾好味, 加入白汁一齊焗, 薯蓉同西蘭花都夠味芝士肉醬寬麵: 個樣好靚, 好似岩岩焗起咁, 但食落口只是暖暖地, 很膩, 只可淺嘗由於是散叫, 所以沒有湯及飲品。但平日夜晚人流不多, 約三五知己談心是一個幾好的地方。

上星期三有friend生日，一行八人約係意粉屋食飯，等左一陣就有位。我叫多杯特飲，有熱情果園，紅粉佳人，芒果奇冰，櫻花樂園，味道都幾好，唔係太甜，係櫻花樂園果杯比較甜，其餘尚算不錯，好今個夏天!!!主菜叫了三文魚鮮果沙律，豬仔骨，香芒三文魚飯，芝士龍蝦帶子天使麵，拿波里火腿芝士意粉等，味道都OK，芒果三文魚飯三文魚有D "sing"，個火腿芝士意粉芝士幾濃，差d食到停唔到口!甜品叫了個經理推介既朱古力熔岩配雪糕及Tissumi，個朱古力唔算太甜....整體上都幾好食，服務態度非常好，果日有friend生日，個經理仲過幫我地影相同切蛋糕tim~~ 而且我地食完係係度傾計佢都冇趕我地走。

上星期同BF到意粉屋食晚餐, Order左一個$218套餐...- 忌廉白菌湯: 味道唔夠濃...- 焗芝士煙斗粉: 個芝士汁有D酸味, 應該可能正常掛??- 煙三文魚鮮果沙律: 可能漏單, 等左好耐先有! 賣相唔錯... 但D鮮果較熟, 唔多好食!上菜方面真係好........慢!P.S. 好彩同事比左張Coupon我, 所以呢餐有75折...

四個人星期六晚去, 都等左幾耐先有位。叫左匯豐信用卡既二人優惠($199)餐, 有兩客三文魚周打湯、兩杯野飲、小龍蝦pizza(細)、肉醬闊麵, 另外我地order左一客香蒜田螺焗薯蓉。三文魚周打湯: 真係飲到周打湯味! 唔係忌廉湯咁thick law, 飲到一d鮮味。同埋睇到入面都有幾多三文魚! 小龍蝦pizza: d小龍蝦真係好好好細隻! 不過呢度既pizza都ok, 總算不過不失! 上pizza果陣waiter仲問我地要唔要芝士粉, 幾好!肉醬闊麵: 唔算好大碟, 但係d 肉醬都幾"漏", 一人食少少就岩岩好喇! 味道中上。香蒜田螺焗薯蓉: 同之前食開一樣咁好食! 田螺下面仲墊住菠菜, 再加上薯蓉, 口感唔錯! 成晚最鍾意係呢樣野食!整體上都幾好食, 服務亦都唔算差, d waiter 間唔中會加下水, 我地食完響度吹水又唔會趕我地走。惟一係覺得意粉屋d野食不嬲都貴……如果佢平d 就好喇! XD

落order嗰陣啲態度都已經唔係好得去邊, 本身有張hong kong bank coupon, 問佢駛唔駛比咗佢先啦, 佢好囂張咁話, 唔駛喇, 嗰日係星期六(今年年頭), 超多人, 食哂啲嘢, 到我哋飲咖啡嗰陣, 落order嗰條友好大聲咁對住個handfree講, (慌死我哋聽唔到) 仲飲緊杯咖啡, 如果佢可以行埋嚟對住我講就好喇, 啲味道就係好standard嘅連鎖餐廳咁, 不過個天使麵就唔係幾好味囉

前幾排奶奶比o左張coupon我o地, 係幫襯意粉屋任何主菜就送你一個大pizza, 我o地見幾吸引, 就去o左食啦! 我o地點o左:1)侍應當日推介o既黑椒蜜汁雞翼, 我就覺得麻麻地啦, 唔入味, 得面頭有層蜜糖同幾粒黑椒, d皮又唔脆又無o黎味道, 仲話推介!2)炒什鮮菌, 呢味唔錯, 又夠大碟, 只係$38, 算係ok啦! 睇到裏面有唔同o既菇, 食得出係用olivia oil炒, 清清地, 幾ok o架!3)焗牛油果三文魚炒飯, 呢味真係幾好味, d飯用香料炒過, 所以係黃色, 落足料, 嗒嗒三文魚肉, 牛油果就略少, 但係都ok, 最緊要係新鮮滾熱辣上, 芝士舖面, 下次要再encore!4) 珍寶pizza, 個人認為好d皮好食過pizza hut, 皮邊脆卜卜, 熱辣辣, 又係落足料! 差d食到停唔到口! 今晚沒有比侍應催住走, 慢慢嘆, 埋單仲可以用過期會員咭有9折o忝! 真係以想不到呀!

本人於上星期六(26/11)晚上相約了朋友一起吃這裡新出的\"黑松露菌芝士火鍋\"，滿心歡喜的惠顧但換來極之不快的經歷。講真食一個芝士火鍋起碼都要成個鐘先食得晒喇，唔知係咪多人幫襯，班侍應開始不斷係附近行行去，明眼人都知擺\明\"趕客\"。小妹當然少理，繼續慢慢地品嘗，因為個火鍋都唔平，成二佰幾蚊架!! (味道仲要係一般!!一有個女侍應不斷向客人sell入會喇，由於我個朋友本身己經係會員當然唔理佢\。點知個女侍應就地發作喇，見咩收咩完全任何禮貌都無，問都唔問一句，黑晒面咁，我個朋友即時好大聲話:有無搞錯，無呢禮貌，今時今日咁既服務態度應該一早炒佢\喇!!個女侍應無出聲，但係眼超超咁。點知個經理都唔好得去邊，係我地張後面好大聲叫其它侍應去睇下其它客既晒未，晒就快d執晒面上既，擺\明趕客走人!! 我擰轉頭望佢\一眼，個經理當若無其事咁繼續點人，真係服佢\ !!到埋單時仲頂癮，咁個黑面女侍應負責埋我地張單，我地話要check單，佢\好無禮貌地話:好呀!跟住掉低走佢\，返時佢\見我地啤住佢\，佢\亳無悔意不特止，仲好不滿咁話:上有意見書，有咩不滿可以寫低!!呢間服務態度咁差，睇怕唔使旨意我會再

7.11(二)放工之後約左家姐食飯,累到唔想諗野,諗都唔諗就fly左入黎坐底叫左個雞肉凱撒沙津,併盤同龍蝦汁海鮮墨魚飯凱撒沙津個dressing唔得,好淡,而且得d生菜,好"dry",好在d雞肉都唔算"hi"口併盤有雞翼,炸春卷,香腸,炸薯角,其中香腸同炸薯角比較好食至於個墨魚飯都幾好,好多海鮮,個濃濃既龍蝦汁同d飯融為一體其實意粉屋呢d連鎖店勝在quality平均d~但一定唔會有咩驚喜

和同學和老師拉大隊到這兒吃午飯. 點了個xx四重奏($49).首先來個忌廉湯+香蒜包, 湯裏的西蘭花很腍, 唔錯, 包都幾香, 不過油好像多了點. 吃完這些後已經飽了一半.之後來個煙三文魚沙律. 煙三文魚太重脂肪味, 可能唔係咁o岩我口味啦! 我覺得裏面的生果比三文魚還要好吃. 沙律醬加上三文魚, 很滯, 吃到這裏我已經沒什胃口.再來就是豬肉腸意粉. 豬肉腸中可見一粒粒的肥膏夾在中間, 吃下去不是特別好吃. 西蘭花已經稍稍變黃, 白汁太多, 吃到一半已經飽到上心口, 有一半沒吃.最後飲了熱檸水才覺得沒有那麼滯, 否則真是整天也吃不下飯了!食物方面整體評價不高, 不過環境同服務都不俗, 尚算是個忙裏偷閒的好地方.

had a lunch with friend. had one shrimp pasta and one salmon and five grain rice. there are two kinds of shrimp in the pasta, one is larger with shell in the tail and another one is smaller. both are tastless. it is very strange to have two kinds of shrimp. there is no sauce. very dry. the salmon rice is so so.

上兩星期,同媽咪和姐姐等一行四人在新世紀shopping,最後我同媽咪都因為想飲意粉屋的酥皮湯而到來.酥皮周打海皇湯x2---湯料幾豐富,有蝦,帶子,蜆肉等等,不過感覺上覺得以前比較好飲,最後食完這個已經飽飽地芝士火窩(雞肉&燒牛肉)---份量足夠四個人食,雞肉味淡了些小,本人較喜歡牛肉,有小小黑椒味,配上芝士汁,很正.另外它的配菜亦很新鮮,這個都食得過忌廉汁煙肉雞闊麵---忌廉汁很正又不會太稀,食小小都幾好味,不過最後其實都幾漏總括:味道,服務都不錯,間唔中來幫襯都有驚喜,多吃就會太過漏了**有人請客,不知幾錢