意粉屋 (已結業)

食物難食到嘔，所謂Services 係完全無，直情係俾錢買難受!

唔知你地有無我呢個同感, 就係去過唔少間意粉屋, 都係無論酥皮湯或其他湯類都係無熱辣辣感覺, 只係微暖, 湯要熱上檯, 感覺才好麻, 你們話對嗎??<br>試左幾間, 唔同地區, 尖沙咀, 旺角等都係o甘o岩D湯又係唔熱, 但他們的意粉就真係幾好食, 但最好就唔好叫它們的湯類, 其他就OK...^^

食過咁多間意粉屋, 依間可謂最差o既一間~1) D waitress 見到我行o左入o黎都唔帶位~2) 什菜湯淡到似水~3) 野菜火腿炒雲吞, 茄醬酸到暈, 雲吞又未熟~4) 奶茶無茶味, 浠過水~咁o既一餐lunch 要五十蚊, 寧願俾多二十蚊去風月堂啦~

近排都好少出街食意粉，總有一種屋企意粉好食D o既感覺，因為油少D ，意粉爽D ，用料新鮮D ，價錢又平好多。直至這個重陽假期，終於本住有免費酥皮湯送，又有九折優惠，決定俾多次機會佢。點知等位等到發癲，門口個帶位直頭發緊夢，連自己身後有空位都仿似視若無賭，累我地等o左成大半個鐘先問我地坐唔坐出便，梗係唔坐啦！！點知唔坐仲衰，入面o既二人檯原來係由一長六人變成三張二人，我地正好坐在中間，我伸直左手應該連隔離檯女仔個左邊膊頭都「踏」倒！！o野食方面，一樣唔掂。以前個明蝦鮮果沙律係八十蚊價錢，百五蚊貨式，今次秋天推介既龍蝦沙律無錯係百三蚊幾平，但只係得番五十蚊貨式，不得了。都話屋企意粉好食D ，又唔信，結果個煙肉腸仔磨菇意粉同埋肉醬焗茄子都係完全唔掂，味道太鹹，意粉又太「立」，無厘口感。奉勸各位愛粉之士，假期、假期前夕都係少出街食粉，一次意外，足以致命！

話說買o左張Wood Cafe VIP咭，有張意粉屋九折咭加埋酥皮湯送，一於趁假期去嘆o下!點知原來假期冇得訂位，所以趁等位時間去Mini Melts食雪糕!不過話說回來，個分配座位制度真係唔多掂，剩係靠門口個苦情哥哥，容易睇溜檯，又一D都唔得efficient。到有位o既時候己經有D唔likely啦!至於食物方面，o個龍蝦煙三文魚沙律D龍蝦毫無鮮味，前排推出o既芝士茄子簡直「驚為天人」，極之美味！今次加理肉醬即刻「鳳凰變山雞」，完全失敗！結果食剩o左半盤肉醬。反而唔駛錢o既酥皮湯保持水準，成為全餐之最!

very bad service

當天在新世紀廣場閒逛, 行到五樓時, 被意粉屋那田園之正門吸引著, 很有一種外國露天咖啡座之感覺, 很舒服. 立即走進裏面, 發現內裏也裝修很好, 很舒服. 很物也很有水準, 服務也不錯. 是一間不錯的廳.

本人在星期三和一班朋友約十人於意粉屋食晚飯時得到店員熱情的招待, 除此之外, 食物很美味, 尤其是" 炸雞", 皮脆肉嫩及spicy,good taste, 新推出的" 燒蝦鮮果沙律" ，”香草龍蝦意粉”無得頂呀！！　

在新世紀廣場的意粉屋的裝修, 令人有渙然一新的感覺. 雖然在沙田的分店都不錯, 但由於此鋪的落點在五樓. 因此, 環境特別寧靜, 胃口特別好! 不會在進食時有被人看著的感覺. 講到食物, 芝士餅和意粉都十分美味味道濃郁, 最緊要是意粉入味, 一個字" 正"!

Food is quite good and price is very reasonable for set lunch and tea set. But sometime the waiter is not polite if you use coupon and the seafood in the soup is not fresh.

我不嬲都成日去意粉屋，尤其是旺角新世紀廣場o 個間，因為o 個間D 服務最正( 新世紀廣場入面D 食肆o 既服務都較其他地區好) 。意粉屋無論午、晚都有套，都好抵食。午由三十幾至六十幾不等，個個D 份量都好足，最正就係加十蚊就有馳名芝士餅。晏晝去食個tea 都係唔錯o 既選擇……