意粉屋 (已結業)

在太古拜年... 搞到成2點幾先食lunch 去到意粉屋.. 見仲有10mins 先tea .. 等一陣..因為今年沒有買會藉.. 所以有段時間沒來食.. 裝修過.. 過年tea 只有酥皮餐酥皮湯 份量變少了... 不過都可以接受左邊係意粉餐跟的周打湯(終於周打湯係白色了.. 記得有年christmas 飲過紅色的周打湯.. 難飲極了)右邊係龍蝦湯.. 今次的龍蝦湯無乜糊椒粉最差都係e 個飯.. 嘩乜D 汁得返一半.. 唔夠撈飯.. (圖片中這個已算多.. 我們叫左2個.. 有一個D 汁都唔夠cover 到飯的一半!!!)唔該加多D汁啦...

公司同事送了張「意粉屋」優惠券給我，所以今天特意拿了半天假期和家人到這裏吃下午茶餐。來到的時間剛巧是下午三點鐘，估不到仍有五、六名顧客在門外排隊等候入座，看來這兒的下午茶餐也頗受歡迎。在等候其間，我留意到這間連鎖餐廳的店面主要以玻璃作裝潢，以增加空間感，探頭往內望，看見室內裝修也頗為雅緻。店舖設計以紅、黑為主，格調時尚高雅，尤其是牆上趣緻的卡通畫及彩花吊燈飾，都充滿着歐陸色彩。至於茶餐方面，我們就選了：- 極上牛肋濃湯天使麵 ($46) -- 牛肋其實是指牛脊至牛前腿四周，骨與骨之間坑位的肉，這煲湯麵內的牛肋份量也不少，雖然頗為厚身，但煮得夠腍滑，沒有韌或嚡口的感覺，況且牛肋吸收力很強，盡收湯之精華，味道香濃，肉質鮮嫩，入口鬆化。至於這個湯底，材料也很充足，包括有西芹、蕃茄、洋蔥和紅蘿蔔等，有點像濃縮版的羅宋湯，入口酸酸甜甜，味道芳香濃厚，散發出陣陣牛肉清香，非常醒胃。天使麵是意大利麵中最幼身的一種，平均每條直徑只有約 1.15mm， 煮熟後有如天使的秀髮般，以前在香港只會在高級意大利餐廳出現，現在則走入尋常百姓家，連超級市場都找到，而這裏的天使麵也不錯，麵條保持挺身，柔軟細膩

濶別半年, 今天又回到這間意粉屋(是大公子摯愛的). 看看餐牌有什麼優惠及新菜式, 我總是對她的芝士火煱興趣不大, 選了個義大利百味套餐及新增的黑椒蜜汁豬仔骨. 套餐的配搭頗合我們的口味... 加$15元還可嚐白酒一杯, 抵!義大利菜湯X2 - 味道都唔錯, 足料, 沒有水汪汪的感覺. 芝士焗卡邦拿意大利粉 - 除了磨菇雞肉意粉外, 這個也是絕對出色! 雖然意粉腍了些, 但濃味的芝士醬及美味火腿配合得很好, 吃時還熱辣辣! (小心碟很燙手!) 珍寶什錦薄餅 - 這裏的厚批一向做得唔錯, 水準保持! 黑椒蜜汁豬仔骨配凱撒沙律及美國瘋薯條(另加的) - 以為沙律是分開的, 點知只有些少放在碟邊, 有點兒戲! 美國瘋薯條只是得個名, 原來都係普通薯條而己, 但炸得頗脆! 由以往的薯角轉了薯條, 明顯是慳皮之作. 至於個豬仔骨, 完全吃不到有黑椒味, 整體是及不上以往的原味, 仲要貴$10, 扼錢! 焗酥皮蜜桃撻配雪糕X2 - 算唔錯的甜品, 酥皮還很脆, 不太甜. 雖然豬仔骨很失敗, 但其他食物及服務始終如一!

原本想去意粉屋食芝士火鍋，點知見門口waiter推介剛推出o既澳洲紅龍鍋，見張相咁靚，就試左精品鍋。一上枱已經見D料好多，但紐西蘭西冷牛肉半價，叫左一碟。西冷牛味突出，果然同市面o既肥牛有分別。見+$12有分子飲品，裡面的粒粒咬開有果汁爆出，夾火鍋幾過癮!

唔知幾耐無去過意粉屋食飯，機緣巧合下就黎左呢間食。我地到左呢度都一點到，但都無乜人。仲可以即刻入座。坐張卡位到幾舒服架，個格調都幾高級，好寫意。餐湯酥皮龍蝦湯最吸引既都係酥皮，好香既牛油味。浸落湯到仲好飲，好味。個湯都幾有鮮味，有幾粒龍蝦肉。又唔會太鹹，個湯真係唔錯架。小食南方炸雞翼個雞翼就普通，只係炸雞翼。不過最好既都係雞翼醬，酸酸地幾開胃。主菜墨西哥pizza呢個就係厚批，個批鬆化可口。料都幾多，有烤雞、蕃茄、煙肉等等。個醬汁好惹味，不過我食落都唔知係咩醬。唔好理啦，好食就得啦。 ^^黑椒蜜汁豬仔骨配凱撒沙律及美國瘋薯條個豬仔骨都唔算細條，味道唔錯架。不過我覺得乾身左小小，肉質都算鮮嫩都結實既。伴碟既凱撒沙律既份量小左，個味道都可以既。薯條就係美式既粗身薯條，好yummy。龍皇、帶子、黑天使好大煲呀！有兩隻龍蝦，好有氣勢。龍蝦好新鮮，味道唔錯。天使麵整得好煙韌，好有"趙"口。要彈既係個汁唔算太多，下次可以加多小小汁。唔緊要啦，有香濃既芝士搭救就足夠啦。飲品花雪蜜瓜好正既特飲，蜜瓜味好重。又有小小奶味，面頭有蜜瓜碎，好得意。服務真係幾好，成日幫你加水同換碟。服務態度認真，而

星期一，己記不起從那裡弄來$150「意粉屋」現金劵，而是晚太座亦無心煮食，既然「有人請」就到太古城嘅分店晚膳。年前作了形象改革，效果是顯著的，訂位亦升格了少許，食物質素感覺上是進步了。二人行，點了三款食物。打頭陣是雞肉凱撒沙律($74)，雞肉嘅比例相當，與其說是沙律，雞肉伴時蔬更貼切。芝士及醋嘅份量控制得不錯，唔會死命的落得太多，如果蔬菜中加一點惹味嘅火箭菜則更佳。薄餅點了簡單的希臘神話普通批($98)，toppings有煙肉、火腿、菠蘿及蘑菇，薄餅底也算是烘得香脆，不過鬆化程度稍有不及，雖然是薄批，但比起標準嘅意式薄餅還是厚了一點。幸好toppings加上芝士令香味更濃。意粉是香蒜火腿雞絲闊麵($60)，單憑賣相，與港式干炒雞絲河有幾分相似，還好意粉入口不是滑的，如果唔係便是真正嘅炒河粉了。味道方面是偏淡一點。縱使食物質素普普通通，但仍然值得給予一個笑臉，因為服務是十分貼心的。服務員固然禮貌周到，開水不單自動自覺添加，開水放涼了更會自動更換暖開水，這種體貼連很多高級食肆都做唔到，或許是晚比較清閒，但態度值得一讚。埋單共銀二百二十五蚊，用了一百五十蚊現金劵，實收一百零五蚊。

是日晚餐, order 如下:阿爾卑斯山 pizza - 專登為左試呢個 pizza 而來, 點知 失望到爆燈!!! 完全貨不對辦!! 睇下我影 gei 相同宣傳單張上 gei 完全係兩回事! 有冇搞錯!! d 芝士少到死, 個餅底又唔同樣! really wonder if i can complain to the Consumer Council??? 講番個味, 其實又唔差, d 芝士都幾香, 上面 gei ham and bacon 都惹味, 同酸酸甜甜 gei 車厘茄好 match.烤雞凱撒沙律 - 差不多次次來都會 order gei, d 雞排烤得好香, 唔 "loan", 不過今次油左 d~overall,味道不錯.比較早去, 坐得舒服.staff 禮貌都唔錯.貨不對辦!一向都認為 sphagetti house 係一間非常唔錯, 大眾化 n 平易近人 gei 餐廳, 成日都會去唔同 gei 分店開飯, 但今次真係令我非常失望!! 一定要俾個"喊"面!希望餐廳 gei 宣傳部多多反省, 同時亦多 d 同廚房開會, 將真實 gei 一面 show 出來. 唔係棧得失

DBS以半價招徠, 慳家的小女子又點會放過任何機會呢 ….6點到未我倆到已被安排了晚飯入坐, 當時下午茶時段還未過去, 樓面又正值晚飯時間, 人手明顯緊拙 我已二話不說選定了要 $188 那個套餐 (聲稱半價) 等了約15 分鐘開始上菜湯 (2個) 蕃茄雜菜湯 : 飲湯大忌溫度唔夠熱, 無論幾好飲, 料幾足都無計傾 忌廉磨菇湯 : 飲左一小啖, 太糊口, 飲唔出磨菇味既磨菇湯食物以外: 湯碗隻老虎頭幾有氣勢主菜 (3選1) Rosemary chicken rice : 一口已經唔對徑, 點解我食到既係鐵打酒味… 真係好似(汗顏) 而飯質係唔拖唔水既意大利(中國)飯, 件雞反而幾嫩滑, 焗得岩岩好 超級雜錦Pizza : 小女子愛薄批, 但由於怕隻大食積唔夠飽, 只好叫了厚批 不過睇唔出有咩咁超級, 配料是一般的火腿、菠蘿及青椒等用料都幾多，芝士剛好, 也夠脆口味道合格 餐茶 : 凍檸茶 “澀呢個味會stay 係我條脷?” sorry唔澀口, 乜澀口會好飲d 咩 ? 真係r 爆頭 另加一個甜品作結 (套餐加廿元) : 紅豆焗西米布甸: 睇相已知焗到過火離晒碗, 甜味又唔夠, 質感

多月前收到OR寄來的spaghetti house coupons，是日卒之大派用場了....兩口子選了個二人套餐，一次過用盡所有的贈券。老實說，若不是有coupons在手，小弟是不太願意走進這兒 (因總覺這裡的價錢及食物質素是算不上很相稱的)。故此一次過用光所有的coupons，也不會覺得有太大可惜....先端來的酥皮龍蝦湯，那酥皮焗得微微金黃且又是脹卜卜的，看上去樣子很吸引。事實上吃落最好吃的亦是這酥皮。湯嗅落有一點腥味，質地很杰稠，但喝落又不覺很香濃，鹹鮮味亦很不足。蝦肉只得聊聊數件且是全無味道的，是雪藏出品無異....沒有興趣喝太太的那份酥皮焗北海道鮑魚野菌忌亷湯。聽太座說味道有如茶記的忌亷湯，不算特別...主食之一是芝士焗龍蝦帶子天使麵。麵煑得不算過淰，還可以；芝士汁太稀，看上去頗"水汪汪"的。芝士本身焗得不夠"透"，所以吃落欠缺芝香，而最弊的是汁的份量不是很足，弄得麵條的味道有點不夠濃；龍蝦及帶子肉味尤如在嚼蠟，是毫無甜鮮的感覺。總體而言，絕對在水準以下.....另一重頭戲是黑椒蜜汁豬仔骨配cesear salad及薯條。落單之前侍者已吩咐由於是即製關係，這味可能要等十至二

匯豐信用卡半價優惠 $2XX套餐 : 兩客三文魚沙律 :三文魚幾新鮮..很好! 威尼斯鮮墨汁麵 : 黑汶汶的墨魚面.原來都幾油下的! PIZZA : 批邊好脆呀..好熱氣..另外用匯豐信用卡星期五叫小食有85折優惠..我地叫左: 洋蔥圈拼雞翼 $42 : 本身諗住只係叫洋蔥圈的..但諗住雙拼可以試曬2種..雞翼都炸得好入味不過普通左點.. 最後我地都係忍唔住叫多個洋蔥圈 $39 : 因為見人地一筒筒好似好靚咁..哈哈..本身好想食雞籃的..見都有好多人食..但唔知點解雞籃都係小食但居然冇85折特價喎!!

悠悠閒閒與妻 shopping，跟住往意粉屋食悠閒下午茶，一貫的好地方，一貫的好招待，一貫的好食物，今次叫了酥皮龍蝦湯、野菌帶子龍蝦汁長通粉跟咖啡 $58；另一个餐是雪糕蜜桃焦糖 Pancake 跟咖啡 $33，與妻分享，非常滿足，當然地沒有失望。

前幾晚到意粉屋品嚐了酥皮宴，唔錯！先來兩客酥皮周打魚湯，蓋著湯的一層酥皮算幾鬆化，但如果稍為遲一點才吃，應該會被熱湯的蒸氣焗得變淋。所以，一定要快點吃。湯本身用料OK，味道也不俗。接著而來的主菜，是酥皮香芒Pizza。酥皮底可算是新嘗試，皮薄而鬆化，與傳統薄脆底的Pizza感覺相當不同。再加上芒果、青瓜等配料，口感鮮甜，相當適合成為夏季的推銷食物。Pizza還未吃完，便送上另一道菜---酥皮海鮮意粉。海鮮意粉被一層酥皮重重包住，看起來好似一個菠蘿包！意粉的白汁相當杰，加上海鮮的配料唔算多，感覺有點寡而淡。好明顯，意粉本身的風頭被包著他的酥皮蓋過了！整體而言，這餐酥皮宴唔錯！

每每大公子話要食意粉屋, 我總是想起到太古城這一間! 我想這是意粉屋旗下最好的一間了!六點零鐘, 店內還未坐滿, 門口經驗豐富的經理就帶我們入座. 今期獅子咭又有套餐優惠, $218就能吃以下美食了: 酥皮龍蝦湯 X 2, d 酥皮焗得好好, 湯就淡咗少少, ok啦 醬燒豬仔骨, 大公子嘅至愛! 醬汁惹味, 豬仔骨熱辣辣, 大大份, 抵食! 煙三文魚沙律 X 2, 細細碗沙律尚算新鮮! 珍寶什錦至脆批, 個批果然幾脆! yummy!+飲品兩杯二人套餐當然唔夠我哋四人食, 我再加咗個鮮白菌汁雞肉意粉, 多年來味道始終如一, 正! 還有此店的侍應們個個都很有禮, 真有賓至如歸的感覺!

無錯，琴晚又去咗意粉屋開餐，好掛住件BBQ Ribs，所以再次光顧，招呼一樣咁正，食物一樣咁好食，搵唔到原因去批評佢，簡單好味嘅一餐。我哋八點鐘到，可能平日關係，唔晒等就有位，佢哋新出咗個匯豐優惠，兩個兩人餐有五折，四個主菜任君選擇，我哋就揀咗Ribs配Pizza，頭盤有酥皮龍蝦湯同三文魚加魚子salad，個湯好正，好濃蝦味，酥皮又十分鬆脆，正。Ribs先到，十分好食，BBQ Sauce 有多，肉質鬆軟，簡正係heaven。我覺得食Ribs一定要用手食先至夠爽，我一於放下我所如無幾嘅儀態，盡情享受！之後，Pizza到，其實都有些許飽，好彩個Pizza唔係話好大，但亦係我見最多料嘅一個，芝士味又重，真係無令人失望，之前未係哩度食過Pizza，所以都好期待。我簡直當哩度係飯堂，不過真係好食先去完再去。

I don't want to make it sound too sad but we went to The Spaghetti House 2 days in a row, not because of the 12% discount you will get if you visit again within a month, it's simply they do good food and the service is just excellent.We went yesterday evening and it was very busy. There were lots of people waiting outside and we were thinking to order some takeaway instead. However, the queue seemed to go very fast so we waited a little more and then we got a table within 20 minutes.The service