意粉屋 (已結業)

最近好似食得太多，所以去了意粉屋食些少沙律。我們叫了三文魚鮮果沙律，雞翼和雞皇意粉。三文魚鮮果沙律－－很好吃，三文魚好新鮮。我聽廚師講，沙律是每天下午四時才弄，所以保證新鮮。雞翼－－因我本人太愛吃，不能作準。雞皇意粉－－水準一般，沒驚喜。必提的是，外賣有折。

23-12-05因之前早食，所以又到了此處嘆下午茶，回想起真是很久也沒有去過意粉屋，每次想去總有些障礙今天放假應該可以很順利了。看到餐牌每款都想叫但我們只得二人點了芝士焗雜菌年糕、蜆肉酥皮蘑菇湯、火腿芝士煙斗粉。芝士焗雜菌年糕芝士味濃又香菌類多年糕分量適中不會話太漏配合得剛好- 正!估不到普通一個火腿芝士也做得不錯，等一等也值得。

二人套餐，份量足夠三人吃信用咭有半價優惠，但都要成二百蚊，正價就咪搞湯：紅湯—有腰豆及蝴蝶粉羅未湯，好好味；白湯—味道香濃雞翼：6隻，一般，甜甜地，但唔夠熱薄餅：厚底，估不到意粉屋的pizza也蠻好吃，芝士份量夠，麵包底也夠厚脆炒飯：也是一道令人驚喜的菜式，飯炒得夠乾身，配合炒帶子及蔥，淡淡地帶出清新的感覺餐飯：味道一般，不過不失

話說今日同同事去食LUNCH, 等位既時候已經發現個侍應服務態度唔係咁好!點知入到去點餐既時候個女侍應好似碌"fat"咁...同一句野要重複幾次之餘,到上菜既時候先發現個女侍應落錯單...明明我地叫pizza但係唔知點解可以黎左個意粉@~@...咁都得? pizza同意粉都好唔同啫...咁都可以聽得錯! 後來叫餐飲既時候又漏左單...都唔明點解請啲咁既人都得既? 呢間野真係要improve吓啦!

昨晚和大小魔怪試芝士火鍋，7:45到達，人很多，等了超過45分鐘才有位。由於小魔怪已吃過晚飯，所以只要了芝士火鍋和香蒜田螺焗薯茸，兩杯雜飲。芝士火鍋：芝士濃味，但得半煲，結果要加汁，那後加的一煲竟有3/4煲。配料有牛肉、雞肉(肉類是醃過的cool cut)、鮮冬菇和南瓜，一小籃麵飽粒，還有車喱茄伴碟。香蒜田螺焗薯茸：田螺已剝殼，墊底有很多混了煙肉碎的波菜(賣相不錯)和三小片蒜茸飽。約十年前在海洋中心試過芝士火鍋，個人對它興趣不大，只是讓大魔怪圓夢，見他們吃得津津有味，我便滿足了。若再去，我會試意式龍蝦汁海鮮窩粑餐，賣相好吸引和豐富。這店服務有點問題，由於加了汁，酒精用光，那穿套裝的姐姐(應是掃把)，換酒精時因被爐燙了下，把我的水杯打翻了，墊紙弄濕了。她並沒有抹乾，便放新的墊紙，更搞笑的是忘記替我加水。大魔怪留意到，這小姐留了2cm長的指甲，還塗上了閃綠甲油。看她應是疏於戰陣，連基本功都忘記了。

龍蝦湯很腥田螺配薯茸很普通，不過有些少菠菜，感覺較健康芝士龍蝦天使幼麵就不鍺，麵質好，芝士的味道不太濃，不會太漏BBQ醬汁燒肋骨的醬很開胃，ribs也ok，不過薯角就少一點…吃好ribs的話還是到RUBY TUESDAY / TONY ROMAS較好這個set原價$340，中銀卡55折減至$200多，不過加一就以原價的來計算，真的有點兒…anyway, overall都ok啦!

上幾個星期食過...一直唔得閒寫番食完既感受...唔想再有人去錯太古呢間...一定要寫出黎!一向是銅鑼灣意粉屋fans, 耐不耐會去一每次都食得好開心, 今次極失望...食物方面: 1.絕頂難食有港式蜆肉意粉, 原來係豉椒汁林上面...賣相已很恐怖..一灘杰杰汁係面, 再加上冇穫氣香味...意粉又林...只係食左好少就頂唔順...完全求其到爆...去茶餐廳食豉椒抄既野都好食過佢!2. 西蘭花xx 湯, 好希、冇乜味但要40幾蚊, 銅鑼灣個幾間既湯真材實料好多!3. 拿破倫意粉...又係好濕, 意粉又係林...全晚唯一可以的係雞翼....唔知意粉係咪用左差好多質素既貨定係廚師問題, 真係好奇怪點解d 野會咁求其!

五點幾打去想book定枱今晚食, 點知booking枱已full, 唯有叫媽子幫手早少少去walk-in攞位. 大約快七點, 有侍應提醒我地可以有個優惠餐叫(只限六至七點供應), 有意粉+ 小食/湯/甜品+ 飲品, 約六七十蚊左右啦, 因未齊人, 所以只叫左一份, 要左意大利雲吞薯蓉+ 炸雞翼+凍ot. 個雲吞薯蓉幾好, 不過可惜d饀係牛肉, 媽子只得個望字.人齊之後, 五個人, 再加左一個餐, 包括兩個xx 西蘭花湯, 揀左煙三文魚鮮果沙律, 豬仔骨, 同兩杯飲品. 另叫多一個意式海鮮炒飯及乾蕃茄什菌炒天使麵. 個沙律賣相好得, 生果新鮮, 幾好. 豬仔骨醬汁好味, 甜甜地, d 肉又唔會太乾太鞋, 幾好, 份量都幾夠, 有成九條骨ga (散叫都係$79), 炒飯d 料都好新鮮, 兩隻半邊大蝦都幾有睇頭. 至於個天使麵因無食到, 無野講, 不過單睇賣相就比較輸蝕.因為有張$50 coupon 同會員卡九折, 埋單$400. 加埋唔錯的服務, 會再去, 只係地方較細!!!

日期：2004.05.10時間：13:00 ~ 13:50食品：兩個女生點了二人套餐（每人＄７０），分來吃。 1. 頭盤（點了雜菜湯、蒜蓉包）：雜菜湯好多料，可能蕃茄膏落多了，味道偏酸，是我杯「茶」！蒜蓉包烤得好香，好脆，應該稱為「蒜蓉多士」會貼切點。 2. 煙三文魚沙律：沙拉菜爽脆新鮮，不俗。沙拉汁只有意大利汁和千島醬兩款。要了千島醬，是另上的，可惜好「杰」，可以稱為「千島糕」！三文魚相當相當油膩，表面好有光澤，超級油膩，啖啖驚心！ 3. 蜆肉磨菇天使麵：天使麵火喉剛好，軟硬適中。磨菇少得可憐，蜆肉煮過火，好硬好「鞋」。可惜，…，過油，可謂「油浸天使麵」，拍得住乾炒牛河般油膩！吃完睇見差不多有2湯匙油「瓊」在碟底，唉！若果此店用純正的橄欖油，都仲可以算數，但相信此店用橄欖油的機會不太高。唉！ 4. 餐飲：兩人都點了不另收費的紅豆冰。紅豆部份佔一半份量，由「半生熟的硬紅豆粒」和「煮到成為沙狀的紅豆沙」造成，生熟兩溝，經典！！奶水方面，我果杯奶水好稀，好比飲微甜的白色的水。我同事果杯就甜到好比飲煉奶般甜，只飲到半杯而已。此飲品質素極不穩定和不平均。評語：兩個主菜都過於油膩

前幾日o黎食o左個超值午市套餐；幾抵食o播，$55，包一個餐湯，蟹子三文魚沙律一杯，即焗肉醬意粉同飲品。肉醬意粉熱辣辣，簡單而好味；主菜其實仲有其他選擇o嫁！埋單用HSBC信用咭仲有9折，座得舒服，以呢個價錢o黎講食物都唔錯，可以一試。

呢度雖然坐得唔算好舒服，但不失為食餐幾十蚊午飯o既好地方。Service都唔錯，仲越o黎越有美國feel tim~~~即係D侍應會o係你地面前講下自己個名，食食下果陣又會問你D食物Okay嘛咁樣~~~E家用coupon食滿一百蚊有八折；coupon可以自己去呢度印番張：http://www.spaghettihouse.com/coupon-di-0403.htm

我鐘意佢既龍蝦意粉無得定真係好鬼正另外?的酥皮湯雖要四十元但好低食好夠料飲完都好包呀最後佢既芝士cake 普通啦太細件啦servie唔錯有平既去都幾低食

大家樂揮旗下的餐廳,此類集團式經營的餐廳可謂長賺長有.....所有食物也有一個Standard (預備定的醬汁,統一的烹調時間以致服務)....係一種懶人費事搵食/諗唔倒食乜的餐廳,而價錢又十分合理...味道好"行"但不差!<br />但Pizza 就比較差。

幾個星期前約中午時分來過﹐他們有個推廣﹐唔知大概幾點前落order幾點前買單既話﹐本來原價60幾蚊既餐只算30幾蚊﹐大家可以問問看。那時還未到附近商業大樓放lunch﹐所以不是很滿﹐才到門口已經有人出來打招呼。食物方面﹐點了個酥皮周打湯和肉醬意粉。湯假如能夠濃一點的話就好多了﹐肉醬意粉okay﹐不特別好吃﹐勝在夠熱﹐而且侍應看我差一點才喝完湯﹐禮貌地問我是否等一下再揭開焗意粉的?子﹐也體貼地主動問是否需要芝士粉和辣椒汁。吃完再來一個紅豆雪糕新地﹐普通小甜品甘咯。最欣賞的是這裏的服務﹐尤其是一位穿套裝戴眼睛的女人(不知道是不是經理﹐不過應該比平常穿白襯衫的高一級)﹐很有禮貌也很好笑容。買單後他們也會提醒你他們有個意見箱﹐大家可以給點進餐後感。然後出門口就大聲說多謝來相送~

食品比其我吃過的其他分店好, 而且服務態度很好, 由經理至侍應, 笑容滿面而且招呼週到! 在香港云云中檔食肆中, 這水準的服務質素實在難得!