意粉屋 (已結業)

星期五晚成九點半黎. 竟然都好多人!! 有D 嘈, 位同位好逼下. 叫左個意粉專家套餐B. 有湯,沙拉,意粉同野飲. 帶子燕麥薯茸湯: 幾大碗. 有幾粒帶子. 最初聽個湯有燕麥有D驚. 但係原來都幾好食. 佢d燕麥唔係平時食麥皮個D, 而係有D似芝麻o個隻. 挪威煙三文魚鮮果沙律: 出奇地好大碟!! 幾多同埋大塊三文魚. 好多生果. 食完飽左一半! 松子仁醬燒蝦闊條麵: 食左之前個大沙拉. 覺得呢碟好細. 好似個沙拉先係主菜甘! 但係個意粉好味! 燒蝦個味arm arm好. 闊條麵個醬都好味. 餐茶OK啦. 服務可以. D Waiter 好忙. 因為真係好多人. 但係甘既價錢. 味道真係唔錯.

同全家人5個去食叫左4個1人餐..有買1送1優惠,所以係2個餐加多個咩蒜溶煮菇,係失敗之作黎既, 好咸, 唔好味個餐湯忌廉湯都係一般太多薯仔係入面不過主餐全部都好味我唔多清楚d名, 大概啦一個芝士焗海鮮墨魚汁飯, 好味呀!! >3<開頭見到d飯黑黑灰灰, 第一次見真係有d嚇親,但真係好味!! 超級推介!另外一個我都好中意食既,芝士火腿意粉, 煮得好好食, 好中意佢將D芝士, D味道好濃又唔會太咸啵!最後一個係蝦闊條麵,都唔錯架, 不過略嫌D麵少少乾.但D蝦既味道都好好.. 仲有個PIZZA, 個餅卜卜脆味道就普通啦, 不過夠脆口感好有埋PERSONAL SERVICE咁= =個STAFF自我介紹: 我叫JERRY,如果有咩可以搵我未試過去餐廳有呢種服務... (可能我去開D乞衣餐廳XD) 又係咁有WAITER加水,係勁密-.-三隻字講曬: 超級好!!DINNER黎計, 我地個個都食飽曬都唔到600蚊5個人食!!抵...

夜晚一家人去食意粉屋,叫左一個二人餐同一個芝士火鍋.野食等左好耐,不過其他枱枱都係等咁耐.先o黎蟹肉南瓜湯,好味!!蟹肉都有唔少.然後o黎ge係pizza,味道一般啦,但係批底好厚,好鬆化~然後係三文魚珍保煱飯(南瓜汁),有兩款三文魚,一款係煎三文魚,另一款係煙三文魚,d飯幾好味,唔會太淋.差唔多食哂呢樣野個芝士火鍋終於o黎啦,唔知佢係專登定真係唔慢啦...我地要左黑松露芝士火鍋(肉果種...因為每款有多幾件),肉就有四款,四款都正!哈哈!果d芝士亦好好味,其實盤料唔算好多,除左肉都有d菇,蕃茄仔,青瓜同一碗仔墨魚汁天使面.價錢少少貴啦($218)食物好食之餘,呢間意粉屋最好的地方係我次次去親都唔多人,但其實都差唔多坐滿ga,環境幾好又夠靚,因為超過一半枱係外國人.服務都幾好~~

上星期某日，下午五點幾先去意粉屋食我當日既第一餐。人地晚飯時間都就黎，好彩仲趕得切叫tea set。佢地推出左一款湯天使麵，可自選湯底(二揀一)同埋肉食(三揀一)。蕃茄湯底內有蕃茄洋蔥肉碎等，食味賣相皆不賴。唯一美中不足既就係另上既西冷扒冇咩牛味，仲有種雪雪地既感覺。不過個set又唔係好貴，當然要將就下了。(呢餐要多謝某朋友！)

同一班同事食午餐, 以前同家人來過晚飯, 印象唔錯.同事負責點菜我只負責食(因公事稍遲到), 所以不知道實際菜名, 只記得全部散叫: 兩個意粉其中一個是海鮮, 一個炒飯, 一個pizza, 全部食光, 味道比起在旺角某分店明顯的好(旺角某店食過好幾次午餐), 可能跟地區繁忙程度有關, 但不應相差太遠, 此店午飯時間並未坐滿.

食了那麼多意粉屋，還是這間最好。食物水準尚算穩定，侍應生有禮應變能力快。芝士火鍋返來啦~ 試下先。叫了有菌菌果個，加普通set 即係非海鮮，以免全個set都有腥味。一來到，嘩~ 碟主菜咁大既~隻碟~ hahha 佢居然用生菜墊底，無晒西蘭花既？？？侍應生哥哥聽到自動入廚房問呀，好好人~ 原來，西蘭花賣晒呀! 下~ 咁都得？繼上次無大pizza薄餅底~ 賣晒之後又一力作!!! 結果用生菜頂上，佢仲話如果唔夠可以叫佢地加..... haha 我覺得個芝士火鍋稀過以前~ 亦都無以前的淨芝士咁香。但味道都還可以既。叫了宵夜的酥皮湯，一般，我覺得大家樂的會好一點。因為這裡的酥皮湯個皮一撕就成個好似帽咁甩出來，又唔夠脆呢，大家樂果d一撕就有好多酥皮甩出來~ 點完湯食都仲脆脆地。還有叫了一個宵夜的十八元薯蓉焗田螺，平靚正~雖然已經九點多來到時人不太多，有卡位坐，但裝修過，牆壁上的漫畫故事好像不見了。坐得舒服，吃得開心。還是覺得這間好。ps 我有中銀咭都無用中銀咭個芝士火鍋餐優惠，因為唔多抵呢，有中銀咭過二百蚊有八八折，只count正價食物。咁我只有個198既芝士火鍋咋，幸好有會員證，係永久九折呢。

很難得地集合了十位多年不見的舊同學來一次聚會. 選了佐敦, 人人懂得去的, 又要坐得舒適, 非這裡莫屬.掛住傾偈談笑, 嘈得要拆了人家的地方般也不曉得叫了甚麼吃, 大慨是兩個四人餐吧? 我喝了幾口龍蝦湯, 味道okay 但口感有點thick, 我prefer 薄一點清一點的那種口感一個類似海鮮天使麵的物體, 海鮮有些霉味的, 天使麵很多但笠黐黐的, 是我最怕吃的口感, 吃剩不少. 豬肋骨冇咩(肉)味, 肉又韌又少不知甚麼炒飯(有點海鮮的)就獲得我們較佳評價, 飯炒得很好, 乾身爽口又香.不知是甚麼PIZZA, 見到了它厚厚肥肥的餅底, 已經倒了胃口, 淨看已覺得好滯, 沒有吃.我們淨坐著說話拍照, 叫多點食物也無興趣, 難得地服務員都幾PATIENT同有禮, 加分.

一行9人去食lunch, 分別叫了9個lunch set, 包括雞肉凱撒沙律, 6寸pizza, 香腸意粉, 雞扒貝殼粉, 龍蝦仔炒飯等等. 蔬菜湯+蒜蓉包- 蒜蓉包好明顯係"叮"番熱就上檯, 唔係即整, 因為又唔脆又好"林", 個湯好重蕃茄醬味.凱撒沙律- d沙律汁係曬個底到, 雞肉幾林, ok~6寸pizza - 好少料又好多cheese, 厚底幾脆, 但伴碟既菜好舊....雞扒貝殼粉- 2塊雞扒好大碟, 呢個最抵食.龍蝦仔炒飯- 意粉屋都係用d蝦仔咁細既龍蝦, 望落個樣十分一般.飯後coffee - 即磨咖啡, 但味道較苦.坐底叫野食個時個男waiter好似未訓醒咁, 講野又細聲, 唔明佢係扮斯文定係乜野, 9個人又俾6杯水. 其他waiter個個都黑口黑面無咩笑容. 但行動都算快.

是日去開佐敦，晚飯就安排在這裡，除了座位及環境舒服外，服務及食味都不需擔心，況且這裡就是星期天都不會全滿，故相對較清靜。龍蝦湯及意式龍蝦雲吞一直想棒場，先以這樣作主打，但媽咪點菜時又選了龍蝦帶子天使麵，故全程以龍蝦作主角，但因烹調方法一樣，故味道很相近。龍蝦湯不俗，喝出有很鮮龍蝦味而沒有一朕坊間常有的苦澀味；龍蝦帶子天使麵醬汁不夠，食起來較乾身，但加了點黑胡椒後反而帶出天使麵的鮮味；最後的龍蝦雲吞反而差一點，肉涵太多相對較賸，最後只光顧半碟而矣。反而最後點的Tiramisu味道不錯，兩個小朋友用了三數分鐘清掉而評價甚高。

今天跟同事來吃了個tea set, 我們分別要了...酥皮湯+ 長通粉餐, 簿牛扒+ 天使麵(一個要菜湯, 一個要cream 湯, 最後一個要炒天使麵....份量幾多....以一個tea set 黎講...都算抵....味道都唔錯! 不過...我食既....牛扒...略油! 同行有VIP card...仲抵...埋單...每人都唔駛40蚊!不過...到左三點幾...開始少左侍應....service 就...

31/3/2006 星期五黃昏六點行街行到攰攰地，諗住早D食飽再行！原來佐敦意粉屋黃昏六七點很抵吃，$5X/$6x 有個餐，除主菜、飲品外，你可以在十幾款中選一款，有酥皮湯、沙律、甜品、芝士餅、班戟、雪糕、轉特飲等等，另加$11又多一個！由於有人請食，^^，我選了$68的白汁磨菇海鮮寬條麵，酥皮湯，凍OT！寬條麵大大碟，好好味，酥皮湯就比pizza hut差了！$150埋單，不過這餐都要多謝老友貓貓呀！

好多年都冇去過意粉屋，因為o尋晚與一班好耐冇見的朋友敘會，所以朋友搵了個大家都就腳地點。雖然話晒係旺區，但係食飯時間都唔滿。因為有12人，又係坐長關係，所以好多份量都係打孖上。先上頭盤有煙三文魚什菜沙律，只有幾片的三文魚，生菜就最多，與menu幅圖相比有好大出入。小食併盤有雞翼、洋蔥圈、薯角、春卷、豬肉腸，唔多熱，脆亦不講得上。每款只有幾件，中間伴碟的生菜仲多。芝士焗西蘭花-西蘭芝過腍，而且d芝士焗完之後好浠，成個兜都係水狀。pasta叫了三款，有鮮野菌松子扁意粉、煙肉蛋磨菇螺絲粉及乾蕃茄野菌天使麵，當中以天使麵食好食，最似意式煮法。其實其他兩隻pasta都算係咁，唔會煮得過腍，似港式意粉。豬仔骨配香辣薯角，真係豬”仔”骨，個骨size好細，而且真係得骨，冇咩肉食。薯角似一早炸起，唔熱又唔脆。pizza有兩款，有超級什錦及煙三文魚都係要薄批，一個大批只得8件，兩個批來講，我個人較鐘意煙三文魚，一塊塊三文魚post係面幾靚，而佢d芝士分量較少，食落冇咁膩。而什錦pizza，材料都是一般的火腿、菠蘿、青椒等等，這個芝士味唔重，如果再d濃芝士味，就會香d。兩款薄批除了側邊外，底層唔夠脆。講到

The Spaghetti House 的芝士火鍋很好吃! 當我到瑞士旅遊時，我發覺那邊的芝士火鍋(不計相配料，因有所不同) 的味道、感覺竟然跟一模一樣!!!

約半年無到這間意粉屋了，食過銅鑼灣三間、灣仔、新城市、又一城、太古、奧海城意粉屋，一直都覺得這間服務和食物quality都是最好的，奧海都不俗。上次有張食大批半價的coupon，坐下order時卻說沒有大批底，咁即係無得用coupon??? 無得用情願不吃啦! 我們四人提議用兩個細批一個免費來代替大批半價，不是想找著數，但也算是一個辦法，經理也有點為難但最後也成事。怎麼可能會無晒大餅底呢??? 最後我們也識做的將兩個細批和一個大批的差價當作貼士呈上~ 即係四十大元，好豪耶! 不知情的waiter 都呆左.. 經理為難而冒著自己掏荷包的險去處理此事，令事情很快解決而客人食得開心，爽快!!抵讚!!是次order了南瓜芝士火鍋，味道一般，芝士唔夠香口，唔太覺有南瓜味。這應是意粉屋選擇材料的問題而非個別分店問題。其實在別的分店食芝士火鍋，分別都是在於碟肉的鋪排美觀性，份量都係差不多。不過呢間既芝士汁係特別多架!!!!十個正。慢慢食，食完都仲有淨，好抵!意猶味盡下order了多個白汁雞肉意粉(生日coupon送的)，味道一流，雖然食完芝士火鍋已經七成飽，但仍然覺得好香好香，香草味~ 白汁味~ 鮮

兩個人食lunch,唔想叫set,散叫左一個焗蟹肉卷同一拿破崙意粉。第一次食焗蟹肉卷,都幾有意色風味,一碟有三大條,用白色既皮包住餡,材料有蟹肉,芝士,同菜,卷既面仲灑上芝士粉,但係個白汁就幾杰同幾漏,芝士味都幾多架!我覺得幾好食!P.S. 其實我係去德福店,但係唔知點解係database 找不到…以前好似有架…