意歐

营业中

休息中

約了一班美女見面談天，原意不是在這間。但等等下，其中一名美女見到這間薯之料理，說明美國焗薯專門店哦~~好！試新品是小編的興趣！ 在門外的餐牌已經說明：「我們很多選擇啊~~~~~」 事實上，很多也想試，但好吃與否真的是一試才知！！我們一行4人，點了兩個焗薯二人套餐，不喜歡焗薯的朋友可以有另外的選擇，不過這次不介紹了。二人套餐包括每人餐湯和小包，一客焗薯，芝士西蘭花一客，雞翼4隻， 脆香芝士條一客，每人飲品一杯。另外朋友剛放工，肚餓，所以叫了一個PIZZA！$188一個二人餐都OK~~ 餐湯和小包~~標準餐前餵胃食物~~個包有少少硬，我覺得蒜溶足夠。 蒜香雞翼和脆香芝士條~~我很少見有得吃這類芝士條，其實就沒有甚麼太大的味道，但口感好好，外脆內軟。淡淡的芝士香攻上味蕾，以小吃來說是很捧！蒜香雞翼是一般香口類小吃，所以不太介紹了。 我叫的黑椒牛柳粒焗薯！ 先吃一下牛柳粒，好好味！牛柳粒把汁料味都全吸！又易咬！味道不錯！ 再試焗薯...OH....嗯.....真的是這個味道？我有點失望，這裡的焗薯真的沒有味道...初時以為是沒有加少少調味，但後來發現道薯味也

這餐廳裝修也頗精緻，紅色的沙發襯大大的吊燈下午茶点了日式咖喱天婦羅什菜，濃濃的咖喱，什菜主要是天婦羅南瓜加蕃薯，好吃，另外也配了一個溫泉蛋，Yummy!另外他的 忌廉湯 及凍朱古力 也非常美味. 享受一個人的下午茶!

睇完戲去搵野食, 見到Openrice 都幾高rate未試下囉想食意大利飯，所以叫左個燒魷魚墨汁意大利飯點知黎到個燒魷魚又凍又無味，仲要燶到苦苦地個飯底一pat 野又咸又膩，完全食唔落去食唔夠一半已經想回水反而另外煎三文魚碎蛋焗薯又好正常不過就要等十幾分鐘催都未有唔該要等咁耐就出聲畀個心理預備不過個汁幾輕身唔膩，加上個魚扒仲熱笠笠入面都幾嫩身反而個焗薯不過不失 無咩大特別好食唔食另外仲有配餐包同湯，叫左個白湯好正常，杰撻撻咁但餐包只有2塊薄薄蒜蓉包2個人2個餐先得2塊包真係唔係好夠~好似好寒酸咁……

個日行過旺角 無意中發現左這間焗薯專門店作為potato fans 既我就緊係要去試試佢當天為平日 六點多 食客不算多 不用等位店內不算大 所以會座得親密D我地二人點了兩個套餐1）黑松露野菌意大利飯 $792）紐西蘭芝士牛柳配碎蛋焗薯 $95Order 後好快就送上餐湯同蒜容包雖然係頭盤 但質素有保證 大約5-10分鐘後 黑松露雜菌意大利飯到評分： 7/10鍾意淡味既你 會喜歡調味不太重 一入口你會吃到好香嘅黑松露同雜菌既味道但如果你較喜歡較濃味可能會覺得味道太淡重口味以同時又係食肉獸嘅你以下介紹嘅一定啱你紐西蘭芝士牛柳配碎蛋焗薯雖然賣相不太特別但人不可以貌相 食物都一樣牛柳同焗薯時間控制得好好先說焗薯叫得焗薯專門店 果然有返咁上下水準佢哋選用嘅薯仔 薯仔味超重烹調時間啱啱好 完全熟透亦不太乾開頭只係碎蛋 怕味道太淡但這一刻碎蛋只不過是個陪襯咁高質素嘅焗薯 身邊嘅牛柳質素當然唔差牛柳近八成熟 而且十分juicy唔好見佢好似細細件甘食落都好夠飽下次可以下午再黎試試！

今晚我們去咗旺角通菜街嘅「意歐」食晚飯！我們叫咗意歐二人套餐：忌廉湯嘅味道就比較淡同比較稀！羅宋湯嘅味道就非常鮮味濃郁，湯料亦好豐富！蒜蓉多士焗得好酥脆！小食拼盤：肉醬粟米片都幾香脆，但就有啲啲燶！鷄中翼嘅肉質好嫩滑，再淋上香甜嘅蜜糖，令到味道更加惹味！蒜蓉雜腸嘅腸皮都幾爽脆！煙三文魚凱撒沙律嘅沙律菜相當清甜新鮮！巴馬火腿薄餅焗得非常香脆薄身，巴馬火腿嘅肉質相當香濃軟滑，芝士嘅份量都幾多，但唔會有好膩嘅感覺！焗芝士蒜蓉汁西冷牛扒飯嘅表面焗得比較燶，攞開咗表面燶嗰啲，見到一塊好大同厚身嘅牛扒，肉質相當鬆軟！朱古力心太軟拼雪糕嘅心太軟極之香甜軟滑，暖暖嘅心太軟加上冰凍嘅雪糕一齊食，真係好正呀！另外我們再單點咗燒鷄扒拼紐倫堡腸配蛋碎焗薯嘅焗薯都幾大個，舖面嘅蛋沙律味道好芳香，鷄扒嘅肉質好嫩滑多汁！

經朋友介紹話呢間餐廳唔錯，就搵人黎試下。閒日晚上唔駛等位，入到去環境ok，不過位有D逼。但都ok。見到呢度晚餐包多士、餐湯、餐飲大多數都係100蚊有找。於是我地叫左一個意式肉丸意粉同埋茄子黑松露寬麵。意式肉丸意粉蕃茄醬味濃，但獎汁又唔會好傑，肉丸係用豬肉做，口感味道尚可唔會太硬。 整體上都幾好味。另外，朋友叫左個茄子黑松露寬麵，以為黑松露得幾滴，好淡味，但原來落足料，黑松露勁多勁重味。鐘意黑松露既人一定喜歡食呢個菜。呢度菜有驚喜，下次再來的話一定要追加。

之前在通菜街睇下晚飯食D乜, 見到呢間食焗薯的餐廳好似價錢合理, 就試一試啦! 兩人叫左個焗薯二人套餐, 首先有兩客餐湯連蒜蓉多士, 要左一紅一白, 餐湯不過不失, 蒜蓉多士凍左..同埋好硬跟住有小食: 脆香芝士條和香蒜脆雞翼, 好彩呢兩款小食都係熱辣辣的, 芝士條食落去脆脆地, 如果入面既餡的芝士味再香濃就好D. 香蒜脆雞翼幾夠味, 又香又脆, 呢個好食!都唔洗點醬了~再黎一客芝士焗西蘭花, 估唔到入面都幾多舊喎, 芝士佈滿表面, 但略為焗得唔夠時間, 所以又係唔夠香..之後就係主角焗薯了, 我地揀了酸忌廉焗薯 和 白汁煙三文魚沙律焗薯. 先講酸忌廉焗薯, 味道幾好味, 酸忌廉好滑~凍凍地既酸忌廉配合熱熱地既焗薯食, 好味呀~ 焗薯亦焗得幾好, 質地好食!! 而白汁煙三文魚沙律焗薯, 就同我想像中(或者佢份MENU)有少少出入了. 叫餐時以為係有D煙三文魚在焗薯上面的, 點知黎到發覺只係一堆醬, 同酸忌廉焗薯個樣差不多 只係顏色唔同幸好味道其實都唔錯, 只係食多幾啖後有少少鹹!加一後約兩百蚊, 以味道黎講都可以一試的! 但侍應的服務就認真麻麻.. 希望可以改善一下

意歐系女人街裏面, 地點好易揾, 一早已經聽聞呢度既焗薯好好食, 呢日中午就同朋友嚟試下!呢度既lunch menu好多選擇, 有意粉、焗薯、意大利飯等, 包餐湯同飲品都只系四十蚊左右, 今時今日真系好平! 選擇困難症既我揀左蛋沙律焗薯配白汁龍脷柳($45), 另外仲叫左白汁蛋酥盒($15)、黑松露酥盒($20)同意大利雲吞($35)。加錢轉左iced latte, 奶香濃郁, 有淡淡咖啡香, 唔錯。餐湯揀左羅宋湯, 有雜菜系裏面, 唔會水流流, 但味道唔太濃, 如果酸甜啲會更好。配上一塊香脆蒜蓉包, 系值得一讚既心思位。焗薯好大個, 食完都夠飽! 蛋沙律好香蛋味, 仲有粒粒滑滑又彈牙既蛋白增添口感, 配埋比較淡口既焗薯就啱啱好, 但蛋沙律既份量可以多啲, 因為食到尾好似唔太夠配焗薯呢, 但焗薯夠粉稔, 就咁食都唔錯呢。白汁龍脷柳幾滑溜, 加左蛋汁就更香口, 如果外層煎得脆啲就更好啦。酥盒可以再酥脆啲, 配埋香滑既蛋沙律好正, 黑松露果款多左黑松露香味就更正。意大利雲吞用左蕃茄湯底, 酸酸甜甜, 雲吞皮帶煙韌, 芝士餡料少左啲而且唔夠creamy。呢度lunch set CP值好高,

話說好耐冇黎食飯, 是日工作需要去到旺角, 見有時間就去依個LUNCH一如以往, 食我最鍾意嘅焗豬扒飯因為個飯係要焗,所以要等一段時間, 期間可以飲住紅湯先, 其實就係羅宋湯, 味道酸酸地都幾開胃焗豬扒飯出場, 好多汁好JUICE, 唔好覺得好乾, 好易入口, 個汁微酸, 入面有少量菠蘿, 非常容易送飯睇上去好似好細碟, 但其實個碗都幾深, 所以份量夠, 飯係用蛋絲炒飯, 所以就算冇汁都已經好好味豬扒肉質好淋好滑, 有大大件4件, 因為汁比較多, 所以食落個味道係個汁果D味, 但整體黎講都有80分

今日同女朋友出旺角睇戲，諗住揾啲野食下，咁岩行過間店，就走去試下，又估唔到幾好食下。入到餐廳都無乜位，咁啱有對情侶起身，就同女朋友坐底啦。睇下餐牌先知，原來間餐廳出名食薯蓉，咁就膽粗粗叫一個墨西哥辣肉醬味同女朋友試下好無味啦，另外自己叫佐個芝士焗雜菌香草包三文治配瘋薯，女朋友就叫佐個黑松露忌廉汁野菌茄子天使麵。估唔到第一樣野嚟嘅係薯蓉，就同女朋友一齊食，啲肉醬略嫌多佐啲，但個薯蓉本身焗得幾好味，配辣汁算唔錯，但估唔到有啲豆係度，個人嚟講唔係好鐘意。第二樣到嘅係三文治配薯條，啲薯條都好大條下，三文治味都唔錯，但可惜個包乾佐啲。到女朋友個天使麵到啦，汁就多啦，味道都唔錯，但個量就少佐啲，女朋友食啱啱好，我如果比我食嘅話就唔係好夠喉啦。整體嚟講味道都係一般以上嘅，算係好食，而且依個價錢嚟講都好OK下，係旺角無野食都值得試下。

之前有試過晚餐，今次黎食下午茶，價錢都算抵食。今次叫咗個6吋pizza，相比某個連鎖品牌，呢度啲pizza好太多了。首先芝士係用意大利嘅，所以芝士味真係好重，食pizza芝士係好重要，雖然係迷你pizza，但都一樣好足料可惜下午茶得兩種選擇，晚餐多好多呢⋯⋯

太耐冇來女人街了，朋友約到旺角聚就search下食咩，點知發現久違了的意歐有點miss 佢便行完街過來了，差唔多10點先行到過去，竟然仲有幾多客(心想可以坐個大卡位嘛行到咁累)點知都係冇得坐，不過好肚餓了，我叫左個芝士牛柳焗薯先，今次冇左蕃茄湯(之前好鐘意飲佢個蕃茄湯的），而家cut左。唯有飲羅未湯，好在都ok不過都係like蕃茄湯多d,我朋友叫左個西冷焗薯，差不反而佢叫後還上得快過我芝士牛柳，塊西冷超大塊超開心，我都忍唔住食左幾啖，好滑好香同個黑椒汁好惹味，到我個牛柳來了 ，牛柳同d芝士一齊食超好味，不過牛柳唔係配黑椒汁就冇咁惹味，下次轉番黑椒汁先得，不過又唔記得個焗薯轉蛋碎，唉～太耐冇嚟唔記得左可以轉(呢度嘅蛋碎超正），叫左杯double chocolate同荔枝醋綠茶，水準冇變，真係要得閒再過來了

明太子雞排意粉，明太子小到見唔到，得果幾粒，雞排乾乾鞋鞋，意粉都十分之油  $69唔值囉一口芝士，呢個都算ok,芝士味濃，太好油，而且唔脆，好淋 蜂蜜介未薯條，薯條同汁分開上，所謂既蜂蜜介末，只係蜂蜜醬,味道淡淡的，真係嬲嬲地，一啲都唔好食無下次！！！！

去咗旺角買野，買完已經七點，就行入女人街望下有咩好食。第一次嚟意歐，係餐廳出面見到幾多選擇，就決定試試。要咗一個蒜蓉軟殼墨汁意粉同抹茶牛奶。蒜蓉軟殻蟹墨汁意粉有一整隻軟殻蟹，不過5算大隻，軟殻蟹5夠熱，有點淋，咬落有汁，味道幾鮮甜的。意粉有好多茹做配料，幾健康。意粉不會過硬，用嘅係墨汁意粉，食落有小小墨汁嘅味道，5係好多地方有得食都。感覺不過不失，整體熱啲會好食好多。抹茶牛奶餐廳都幾多5同嘅特飲，我好中意抹茶，所以就叫咗呢個。飲品最上面有一層cream，cream幾幼滑亦偏甜。抹茶味不濃，並沒有茶香味，比較重奶味，價錢不貴也叫可以一試。 地點就腳又多選擇，可惜食物質素有進步的空間，就是較便宜嘅西餐吧！

出到黎旺角有時真係太多野揀,所以又行左成條女人街一次先見到個焗薯餐幾得意,又唔貴店內位置唔多仲有d迫,尤其是坐走廊o個邊,好易俾人撞到先黎餐湯唔會期望d乜野架喇,正正常常多士係細塊左d,但總算係脆上面係雞翼,下面係芝士條如果雞翼唔係就咁擺炸蒜蓉o係面,應該會更加好食,同埋唔點燒汁都好味芝士條就炸粉太多,好易覺得膩,仲有就係唔配沙律醬話咁快就到o既肉醬焗薯,好大舊~~因為我唔鐘意食白汁類,所以紅色就冇乜幾樣可以揀肉醬都算幾多,薯仔入面都唔係勁林,感覺剛剛好但如果size細返d就perfect,因為前面又食左芝士,個人好快就覺得飽飽滯滯另一個係parma ham+碎蛋焗薯雖然得兩塊仔ham,都算啦,咁平仲想點?最後先出現o既西蘭花,出奇地煮到林哂,幾乎一拮就散開底下仲有芝士汁浸住,而且用石鍋上,所以一路都keep到暖暖地只係因為又係芝士,所以黎到呢個位已經覺得勁飽成個餐仲有餐飲,凍飲+$3,反而要杯熱檸蜜又唔洗加~