意歐

营业中

休息中

一直好想試下 意歐 但係女人街實在太多餐廳,所以一直冇試到,門面裝修睇落唔錯 入面亦有唔少遊客同本地人 相信有一定水準今次企定睇menue發現原來有部電視係到不停loop 介紹,連周師傅都話好,一於入去試下先,好多人認為晚市先試到餐廳水準,咁其實只反應果間餐廳下午茶水準因為價錢比較大眾化而水準較低見menue有主打焗薯,但係尋日比較餓所以叫左.......咖哩微辣好岩港人口味 但係好香有少少似日式咖哩 但味道又唔似 食完非常之飽 個人比較喜愛食咖哩 覺得lee間d咖哩認真唔錯 相反有時有d主打印度同日式咖哩反而.....個人口味掛....下午茶大件夾抵食 會再反食 

雖然係禮拜六, 仲係繁忙時間, 不過都唔使等位我同女友一坐低就叫二人套餐湯X2, 蒜容包X2, 煙三文魚沙律, Pizza, 小食拼盤, 飯/意粉, 特飲X2, 甜品心太軟另外再叫一個焗薯湯係基本野, 冇乜特別蒜容包好香脆, 我好鍾意, 女友就嫌少少硬煙三文魚沙律, 菜同麵包慷都幾新鮮, 煙三文魚有兩大片, 好味Pizza我地揀左巴馬火腰芝士pizza, 芝士味唔夠濃, 但好多巴馬火腿, 好香好惹味, 雖然係薄批, 但唔夠脆小食拼盤最驚喜, 因為有3隻烤雞翼, 每隻都有3吋長, 好入味; 有大量腸仔; 仲有類似薯片既薄脆, 薄脆上面淋左芝士同肉醬, 風味同外國既有得揮, 成個拼盤值得一讚再讚！飯/意粉揀左羊肉粒意大利飯, 羊肉粒有少少乾, 但越咬就越出味, 羊膻味好濃好正;飯都好味, 如果有外國生活經驗, 我話似超級市場買到既現成意大利飯(即係加水煮5分鐘就食得果隻), 咁你就會知係咩味, 但味道唔係差然後不得不提隻焗薯, 揀左墨西哥辣肉醬口味, 又係同外國食到既一樣, 總之就係正！焗薯有好多味道, 一定要試！最後就係甜品, 心太軟, 本人一向對甜品興趣不大, 但都覺得呢個心太軟幾好食

身住屯門的我，如無必要甚少到港島區，西營盤一帶對於我更是陌路地；但自從港鐵支線延伸到堅尼地城後，便有借口去逛逛這幾個新方，從而發掘更多美食。最近來到西環一間充滿歐陸風味的餐廳。餐廳以落地玻璃設計，若在日間坐在窗邊便能感受到陽光折射到玻璃的柔和舒適感；餐廳内放有木質傢私，感覺很自然和隨和。為配合不同客人需要，餐桌均是大小不同，有高身座椅、一排式個人座位及一些細枱。值得一提，當晚用餐時，店內大多為外國人，他們都非常享受這個地方，高啖闊論起來。廚師推介的都寫在黑板上營業時間就畫在了黑板上，畫功不錯。剛坐下侍應就給我們一份紙製菜單，細心而看，發現印在封面上的Locofama提供健康、有機、美味和能負擔起的食物予客人，而Locofama更支持本地農業，在互利互惠情況下，令客人在合理價錢下都享受到美味的食物。先點Fresh juice，我個人愛好薑味，所以就點選了Daily Grow HKD 46（內裡包括ginger, orange, cucumber and honey）。Fresh juice的cucumberr蔬菜味較重，感覺很健康；有少少橙味，反而薑味卻不太突出，或因蔬菜配料及蜜糖中和了

今日，同同事黎左呢間餐廳食。 望左個餐牌，好多野食可以選擇，有意大利飯、墨魚麵、焗薯 etc.....老實說，我唔係太喜歡食D款式嘅野，於是叫左個Pizza叫Meat Crazy~ 我諗似係P記嘅錦繡大會掛。等左15分鐘，PIZZA送到，得意嘅係有碟蕃茄醬跟PIZZA上，可以用黎點pizza食，好特別。因為新鮮焗出黎就上檯，新鮮熱辣，好重芝士味唔使曬芝士粉已經好芝味 個PIZZA餅底都算好薄，但弊在唔夠脆 。辣肉腸、菠蘿其實都係一般食材，無咩特別，但點埋特制嘅蕃咖醬汁，甜甜地，即刻帶返PIZZA嘅味道出黎。食左4塊都唔覺得漏~而且以100蚊左右嘅價錢都算OK了.....

在旺角逛街後，只是隨意在找尋餐廳醫肚，在網上看到這間「意歐」有不少正評，於是就非常安心去試試看。當時大約有五個人在門口等候，那邊空氣不太流通，而且有很多人來往，要找個好位置等候之外，更要不停抺汗，等候那二十分鐘真的不好過。等候期間發現坐最近門口那位女生不停要把趟門關上，原因是每位食客離開都沒有把門關上，害得她每次都要執手尾，都看到她有少許黑面。拜託食客離開的時候，要順手關好門呀。而在等候期間看到門口不停播放公仔箱的介紹這間餐廳既節目，心諗都應該不會伏吧。餐廳的擺設不會精緻，但牆上的掛畫及燈罩吊燈，都有少許意式風味。但講真的，餐廳非常擠迫，每枱之間的空隙不算多，基本上隔離枱的人講甚麼你都可以聽得到。一坐下就先看看餐具擺設，咦？意房菜？即是之前鴻輝大廈地舖果間？這間不是意歐嗎？再看看那位侍應，都是意房菜那位勤快的侍應。再想起意房菜的味道都不差，故對這次晚餐都比較放心。是次晚餐點了軟殻蟹墨魚麵、和風雞柳蟹子扁意粉、青蘋果綠茶及可樂。我在網上看到很多人讚軟殻蟹墨魚麵，中意吃軟殻蟹的我當然要一試吧。先來餐湯和蒜蓉多士，我們點了忌廉湯和蕃茄湯。前菜都不會太影響我們對意歐的評分，最重要都是主菜。來了

一間好正嘅餐廳當初係見佢係openrice多好評所以去試結果真係冇去錯地方首先係餐湯加餐多士白湯我就覺得比較好味紅湯略嫌有d酸而杯玫瑰花蜜就真係唔錯好岩女士飲架~而呢杯餐廳推介嘅特飲真係好正成杯係朱古力曲奇味試過真係想飲多杯而呢碟墨汁意大利麵都唔差只係醬汁好似有d太多整體黎講間餐廳食物質素都唔錯二人去食都唔洗200蚊絕對係平靚正架👍

星期六兩個人行完街就尋找旺角有咩好野食經過商討之後就揀左呢個西餐廳食晚飯因為得兩個人既關係 所以都叫小食為主  咁樣就可以試多幾樣野意式芝士焗丸   食落酸酸地而且肉丸都好林好入味一口芝士  幾濃一口食得晒 岩女士食瘋薯  正常水準意式芝士雲吞  食落去好似無芝士咁 主要係個番茄醬酸酸甜甜咁 都幾開胃  雲吞就食得個皮焗薯   不過不失算係咁食左幾樣野都算OK既 但未有好吸引會再番黎再試既動力   

星期六朋友幫我慶祝生日  揀左呢間西式既餐廳食晚飯係網上查左一些食評都唔錯  去到門口有人等緊  門口電視不停播放TBB介紹呢間店既節目等待左十五分鐘左右即可入座 挑選今晚的食物今次叫左兩個主食加兩個小食燒帆立貝忌廉汁墨魚面  以前食親墨魚面都會食到成咀都好黑  但呢個加上左忌廉汁唔單止味道配合得好好而且又避免左一口黑的情況  帆立貝醬汁味好濃 同面配搭得唔錯芝士巴馬火腿PIZZA  火腿肉好嫩 加上咸香十分惹味  而且有個酸酸辣辣地既苛茄汁  酸辣咸混和  係唔錯既味覺感受香蒜脆雞亦  火喉適中  肉唔會太老 煙三文魚沙律  夠新鮮叫左呢杯芒果雪花冰  好濃既芒果味加上幼幼巴沙冰 十分好味  呢間店整體唔錯  節目無介紹錯 唔怪之得 有咁多人黎試  而且位置係女人街旁十分易搵..有機會會再黎試

上次同老公食完覺得超正，今次帶朋友去食。三個女仔三個餐，飽到不得了。無諗過餐廳仔都有羊架食，呢個羊架意大利飯好好食，首先羊架可以自己揀幾多成熟，哈，其實佢唔問我都唔知應該幾多成，最後我地話是但。總之最後出到黎果時係剛剛熟，而中間又有少少生咁啦！朋友話呢個口感超嫩，食到好香羊肉味，而且一啲雪味都無，好欣賞喎。不過小妹唔係特別好羊，所以基本上成碟都係朋友食晒。話說呢間店自稱係用美國薯仔黎做焗薯，今次終於試到。首先焗薯賣相好靚，開晒花咁，而且好夠熱。食落口有淡淡嘅薯仔香，由於個侍應話可以配海鹽食，所以我地張舊薯切開幾份，有啲配碎蛋沙律，有啲配海鹽。小妹就鐘意配海鹽，因為可以帶出舊薯仔嘅甜味。

尋晚同朋友睇完戲就周圍搵食,行過呢間就入左去叫左個小食拼盤，大蝦雞柳南瓜意式飯同雞柳蟹籽扁意粉有餐湯跟，我地叫左一紅一白個紅湯得個甜字，個白湯完全冇忌廉味，個蒜蓉包幾好食個小食拼盤個雞翼同粟米片幾好食，啲腸好似只係紅腸咁，仲要好油跟住到主菜啦個飯同意粉都好甜，甜得簡直係覺得個廚將糖當做鹽兩碟既雞應該係同一樣既，冇味，又乾，真係食唔落，我食左半舊就冇食落去個份量係幾大既，價錢唔係貴，不過可惜一啲都唔好食打死我都唔會再黎呢間野食

午餐有很多選擇, 飯 / 意粉 / 焗薯 / 焗飯 / 沙律, 我諗都有20多款呢 (選擇困難症慎入 LOL)價錢也化算, $40左右包晒main course, 飲品, 餐湯&一片蒜蓉多士很喜歡這間餐廳的素食選擇挺多, 有6款(仲未計沙律或焗薯啵 ;D 開心死)點了蕃茄湯, 焗芝士意式什菌千層麵, 熱咖啡朋友則叫了栗米湯 和 豬扖焗飯, 凍咖啡可惜餐湯比較遜色, 無咩調味只帶甜酸味的蕃茄湯, 淡茂茂的栗米湯 :/(栗米湯是偷飲朋友果一份的, haha)朋友叫的豬扖焗飯平平無奇, 不太好食… (蕃茄醬味道與蕃茄湯無異, 無咩香草調味 @@)焗芝士意式什菌千層麵 :送來枱的時候已經嗅到芝士香味新鮮焗起的千層麵 5-6層之間夾了 菠菜, 蘑菇, 杏鮑菇,芝士咸味岩岩好, 又唔會好蘇味配上有咬口~ al dente 的千層麵, 真係好好好好味!!份量幾大, 食完已經8-9成飽了@@ 男仔都可以食得飽咖啡好香好滑, 推介 ;)

放工同太太行旺角，行到累搵野食，就隨便找一間近街口嘅一間餐廳，就"意歐"個晚大家都有D餓於是叫咗兩個餐同小食，有湯有主菜又有野飲 每個都係100都唔駛湯叫咗一紅一白，紅湯唔係平時飲嘅羅宋湯，蕃茄味極重 好味白湯有D杰，飲左少少就夠啦一個叫凡立貝墨魚麵一個叫MEAT CRAZY嘅PIZZA再叫左一個小食 叫酥盒 有四款凡立貝墨魚麵，燒汁配上凡立貝味道岩岩好，又同墨魚麵嘅白汁又夾到喎 不過食完記得整理下個儀容先，D墨魚麵會搞到成隻烏咀狗咁。之後，叫左個PIZZA，不過食得太快，嚟唔切影相。最得意係有個蕃茄汁爐仔俾人點PIZZA食，好有創意好得意。最後黎咗個酥盒小食，有蛋碎、parma ham、三文魚同沙律，四個之中最鐘意食PARMA HAM個個，PARMA HAM除咗夾蜜瓜外，原來夾酥皮都咁好味。埋單加埋一兩個人都係200蚊左右係旺角都算係抵 

今晚同男朋友去睇敬愛音樂會，打算係旺角區早d食晚飯，於是上OpenRice揾下料，無意中見到呢間Cafe Retour，見有抵食tea set , 決定一試！下午茶時間係2:30-6:00pm, 我地5點零鐘到達餐廳，客人唔算多。餐廳牆上掛有多幅水彩畫，紅色既梳化配典雅燈籠罩吊燈，意式風格味濃！抵食Tea set有多款選擇，價錢由$2x~$4x不等，包餐湯、多士、飲品，仲唔使加一添 ！我倆揀左忌廉粟米湯，味道巧淡，無粟米既 。蒜蓉多士巧香脆蒜蓉汁雜扒跟意粉 : 雜扒有雞扒，嫩滑好食。吉列蝦，炸粉腍左唔脆。法蘭克福雞肉腸，又鹹又硬身。我少食牛，無試牛仔柳。意粉可以。蒜蓉汁鹹得滯，跟飯應該會好食d！呢個餐太港式唔店，唔抵叫 ！焗流心蛋日式芝士咖哩漢堡扒飯 : 呢個咖哩飯就好食多了，可能係有咖哩既關係，個芝士焗飯好香，但果兩塊漢堡扒就爭d, 唔係扒，好似酒樓既牛肉球囉！餐飲方面，我地揀左特飲，有半價優惠...焦糖咖啡，一凍一熱: 少許甜，凍既好味d, 熱既泡沫多d。人客少，侍應生既面口卻有點趕客，想坐多陣hea下都唔好意思呢！食物質素似港式茶餐廳味道，計落價錢唔算好抵了！

店名：意歐 (旺角)地址 : 旺角通菜街6號地舖好味指數：6／10價錢：$32菠菜野菌茄子忌廉汁蜆殼粉 配柑桔蜜(凍飲+$2) 包餐湯及蒜蓉包餐湯可選蕃茄湯或忌廉湯，蒜蓉包不夠脆。忌廉汁不夠creamy，好似混了很多水，味道平平。菠菜野菌茄子份量夠多，質感亦算可以。店名：意歐 (旺角)地址 : 旺角通菜街6號地舖好味指數：8／10價錢：$32焗流心蛋日式芝士咖喱漢堡蛋包飯 配熱士多啤梨果茶（包餐湯及蒜蓉包）餐湯可選蕃茄湯或忌廉湯，蒜蓉包不夠脆。焗飯是即叫即焗的，飯質過濕，咖喱汁味道不錯。流心蛋其實就是普通雞蛋用焗的方式製作，但效果過熟。兩塊熱辣辣的漢堡厚厚的，肉質鮮嫩，非常美味。士多啤梨果茶配以少量果肉，味道很好。

女人街兩旁一向多野食，呢間意歐以焗薯多款又抵食見稱，平日同朋友諗唔到食咩就多數嚟意歐，唔太貴之餘都唔會失望，算得上係女人街眾多食肆中比較好嘅選擇。今晚照舊同友人叫左一個二人套餐，一人一款焗薯之餘仲有唔少小食。兩個焗薯分別係「煙肉蛋沙律焗薯」同埋「辣肉醬焗薯」。前者幾乎係每次黎都會食賣相唔錯仲幾好味！而後者雖然冇咁靚，但係一樣好味，肉醬幾香，可能今次廚師重手左，搞到好似肉醬浸焗薯咁除左主菜之外，話明套餐，當然唔少得小食點綴下。先嚟個「一口炸芝士」，配上沙律醬幾開胃！另外炸雞翼係新鮮炸起，上菜時仲熱辣辣，不過就略嫌炸得燶左少少仲有「芝士焗西蘭花」，係幾個小食之中比較吸引嘅一款！焗芝士夠香夠濃，搭配埋清清地嘅西蘭花，一淡一濃唔會搶味！不過如果芝士可以「結身」D就更好喇，暫時食過咁多次都似係好稀嘅芝士汁。最後由於我地一行三人，叫一個二人餐實在唔夠食，所以多叫左一味墨汁麵。味道不過不失，不過醬汁比較稀，唔夠濃味！