意歐

营业中

休息中

過左晚餐時間，咁岩行過見到一間餐廳收成12點幾，又咁岩係一位，當然你二話不說即刻入去。原來係間專食焗薯的餐廳，之前都聽過朋友講過，估唔到係咁的情況下試到。雖然佢出名係焗薯，但晚餐黎講，我就始終唔習慣所以都係叫左個魷魚意大利飯食。價錢唔貴，而個飯都唔錯，起碼唔似出面D意大利飯咁食汁，所以整體黎講會再黎食。

好耐之前食過，覺得唔錯，所以今次成家人係旺角行完街依然都係揀番食意歐。今日食晚餐，咁岩見到原來有Pizza食，所以決定叫番個巴馬Ham pizza。個pizza值得推薦，佢個汁係分開上，而且係用爉燭加熱，客人可隨意淋幾多汁食，好細心。個汁味道唔會太濃唔會搶左pizza本身個味。pizza係薄批，同平時係Pizza食開果D唔同，又係另一種滋味。另外，亦都叫左個小食拼盤，平平地但入邊都有齊各類小食，例如雞翼同薯條。而焗薯當然都係唔少得要叫的食品，作為主打焗薯專門店點可以唔叫呢? 屋企人都好滿意呢間 ，下次有機會可以再去 ，哈哈價錢又可以，食到咁既水準，都差吾多啦，佢話睇落幾高級，哈哈同屋企人或者FD聚腳地方去真係吾錯。

人均百二蚊 自己返屋企煮仲好味西蘭花竟然可以煮到勁老勁黃D飯一啲味都冇 墨汁意粉勁甜勁辣成餐飯得杯野飲係正常真心難食到懷疑人生 都唔知自己做錯D咩俾錢都唔會再食總括而言兩個字：難食

呢一日同朋友係旺角行街，之後就一行四人入咗呢間餐廳食晚餐。雖然係平日，但啲位都有八成full。啲位都算坐得舒服。Menu 都幾多選擇，有飯、意粉、pizza、扒同焗薯。今次我就要咗個羊扒risotto （$89)，佢包餐湯、餐包同一杯熱飲。一上枱就見到佢份量幾大份，羊扒都有兩塊，而飯既份量係正常女仔食唔曬。味道方面，羊扒好軟熟煎得啱啱好，而飯都唔錯，不過偏硬咗少少。熱飲抵讚，有得簡玫瑰熱飲，飲落幾清香。而餐廳員工都好有禮貌，$89食到呢個質素係唔錯👍🏼。

叫左個燒羊架加焗薯dinner set羊架好難食，充滿鬆肉粉味，少少羊肉味都冇，完全唔知食緊啲咩焗薯都非常差，內裏好濕，又冇薯仔味，啲薯仔肉一啲都唔粉，好似恰完再焗咁，好難食，薯皮又焦左，所以啲薯仔肉有啲lone左既怪味，枉佢仲自稱係焗薯專門店，質素實在差到嚇死人焗薯羊架加湯加塊多士加一杯野飲就盛惠99蚊，蔗渣既質素燒鵝既價錢記得1x年前讀書時會特登同朋友黎女人街食飯，記憶中啲餐廳都ok, 估唔到而家變成咁⋯⋯

今晚有幸來到這裡吃飯，吃穀飼牛配焗薯，肉質非常嫰又多汁，簡直係perfect !行過路過吾好錯過！食過就知咩叫做 好，咩叫 正本人影相係不太專業，但食物質素 高，服務態度又 好，一個字 正！

我對食既要求一d都唔高,但今次真係要比劣評…阿哥揀既~入到黎覺得有d印象,應該之前食過,但印象中係ok架,可惜…選擇好多,有飯/意粉/扒/薄餅/小食,4個人叫左2個扒,1個2人餐,2人餐有沙律餐湯,2個扒亦有餐湯,煙三文魚沙律正常,蒜蓉包好脆口,但無乜牛油同蒜蓉味,白湯有麵粉粒攪唔匀先黎2個牛扒,好大塊,配沙律蛋焗薯一個,牛扒完全係食緊鬆肉粉!一陣怪味,無牛味超淋身,好差,個焗薯正常2人餐叫左一個羊架意大利飯,一個薄餅,2件羊架~1件好似比人食剩左1件係羊膏,全件都係膏,飯好淋身,薄餅係ok既夠脆小食拼盤,全晚最好食既,腸仔,肉醬薯條,蜜糖雞翼最後甜品一份,真係好差,心太硬配雪糕,叫侍應可以落甜品,轉頭就上枱即係焗定,蛋糕無流心實既偏苦,都唔堅要,但個雪糕竟然係溶左一半!有無搞錯…真係超失望唔會再黎,埋單500幾,咁既價錢一d都唔值!

來意歐食野，都有一年的時間。每次到來，都令我感到十分頭痛，餐牌的選擇好多，都要花一點時間去選取心儀的美食。今日，在鋪頭遇到靚靚老闆娘，她表示剛剛返了新鮮的肉眼扒。係Prime 級別中最高級別的肉眼扒，極之罕有的部位。新鮮? 罕有? 二話不說，叫了一份有千克重的二人份量試下。高質的牛扒，沒有經過醃製，配上海鹽，便能夠食出牛扒的真正味道。嘩，肉質鮮嫩，好多肉汁，配上老闆娘精湛的廚藝，將牛扒處理得恰到好處，看得出是用心之作。雖然隨扒附上燒汁，但我沒有用過，只配上海鹽享用已足夠。我估唔到，在女人街的這間小店，以一個十分實惠的價錢，能夠享用到如此高質的牛扒。

今日同老婆中午已經出左旺角，諗食咩有啲難度，因為唔係連鎖店就茶記居多，所以走入女人街睇睇，就發現到佢。其實食咩喺門口個牌都睇中左😂, 老婆就入去先再諗因為咁啱兩點幾，又有下午茶，又有中午餐，所以好多選擇👍點好，侍應生就黎左湯同蒜蓉包, 蒜蓉包真係無諗過，諗住小店都唔會做咁足，就算有都係餐包，呢下搞佢唔到👍焗流心蛋日式咖哩漢堡飯喺門口就係睇中佢，入到黎都改變唔到我，結果都無令我失望，咖哩汁唔太甜，漢堡好厚，仲好juicy，流心蛋撈埋汁同飯，絕。吉列魚柳薯條老婆揀左呢個，都好驚喜，薯條又粗又大條，賣相亦好別致，魚柳炸得好好，仲好大件，外面脆，但裡面魚肉好滑，勁。成張單都係70蚊，都唔知幾耐無見過咁平，有啲感動😭講真環境，廁所，梳化都殘舊了，無諗到咁有驚喜。佢做到一間食店最主要既野，食物質素。👍

女人側邊兩度一向都有好多餐廳，今日咁岩行經，又夠3點3，所以搵左間餐廳食下午茶。比我見到意歐餐廳，門口又有電視賣緊廣告，見到連呀bob都有幫襯過，所以點都要試一試🤤🤤呢個時間除左有午餐之外，仲有下午茶。選擇都非常多。我最後叫左個鐵板醬燒雞柳多碎沙律。唔知個焗薯係咪新鮮焗既關係，都大概等左15分鐘左右先到。雞扒既份量都算多。但味道就嘛嘛，雞排煎得唔夠耐同香，而且無乜味。焗薯望落都好豐富，但實質無乜味，唔夠沙律醬，碎蛋味亦都唔餐湯係羅宋湯，飲品係凍朱古力，而牛油多士太硬太乾身😔

朋友最近去完旅行返嚟就帶咗啲手信畀我所以呢一日約咗喺旺角「交收」順便食個飯聚下舊嗰晚入去唔係好多人有一個好熱情嘅男店員嚟招呼我哋介紹咗有邊幾樣野好食然後我哋就聽佢嘅推介叫咗兩個主菜再嗌多咗一個小食佢介紹嘅黑松露忌廉湯飲落去個湯底係普通白湯但係加咗啲黑松露就香濃好多幾好飲蒜蓉包普普通通忌廉青口唔知點解嚟到之後變咗蜆不過朋友話冇乜所謂所以就照食都無乜特別我覺得佢哋主要推介嘅兩個主菜都幾好食首先係燒紐西蘭羊鞍拌野菌意大利飯意大利飯濃郁，入面有啲芝士口感幾豐厚不過相對地都比較膩，好容易就飽羊鞍肉質唔錯，而且唔會好羶對於我平時好少食羊嘅人嚟講我覺得唔錯但係如果你係鍾意食羊，或者係專食羊羶味就未必啱你啦蒜辣軟殼蟹燴墨魚麵最好食我覺得係呢個意粉軟殼蟹好大個而且脆卜卜重點個意粉味道酸酸辣辣加埋蒜蓉味非常開胃雖然軟殼蟹有啲膩，但配個開胃嘅意粉中和番感覺幾好

9點幾無無聊聊自己係旺角又唔知想食乜好，咁以我印象中女人街側邊有唔少餐廳選擇，本來我想搵日餐既，但有點貴於是我求其搵第間，行行下見到電視中既阿bob試食緊焗薯之後我就入去睇下有乜野食岩……我坐底之後揀左龍脷柳焗薯套餐一杯凍檸茶，龍脷柳一般貨色有點咸有點味精既感覺，焗薯無乜驚喜，還合格啦碎蛋一般般！白汁入面啲菇菇好難食啊總括黎講食物一般無驚喜，一向對食物唔挑剔既我都覺得食物一般般，餐廳需要改善一下喇~

極差又一間唔食唔得話說呢間意歐我都食左3年幾，近排再去食，點知唔同曬。首先一入門全部人唔同曬，其次唔知係員工定係咩，係通道到玩。其中一位女仔，初初唔肯定係咪員工，又無穿制服，又時不時幫手做侍應之後又坐返係到。好啦。耐無食呢間的焗豬扒飯就叫返個食，套餐有附送餐湯(紅/白)蒜容包。普普通通 過得去。個飯一上檯，我第一眼就見到隻碟有個位爛左一忽(圖)，其他有2，3個位又爛左小小。送餐的男店員/廚房唔知係無細心留意定點樣，碟照用照出餐，好彩無食個時到有碎片，中途都無人留意到情況。 其後有個女仔(唔知係咪店員個位)過黎收碟時，同佢反映個情況，淨係答可能焗的時候爛左，我立刻黑人問號。唔好意思/對唔住一句都無，同佢講返要注意一下，悔氣咁覆:得啦~~!哦，咁即是我錯?明知有問題就要反應比上級/廚房，之後不了了知。遲下再比多一次機會再試，同樣情況真係抱歉永久blacklist!

和朋友出旺角，大家都不想吃的太飽，所以選擇吃焗薯。由openrice的照片、店面都知應該沒太大驚喜，可惜的是自稱焗薯專門店，質素卻是令人失望。值得一讚的是焗薯種類甚多，而且選擇跟餐的話也可自由配搭意粉、沙律等等。我點配了雞翼，新鮮即炸，雖然有點乾身但也算合格。至於焗薯我則選了蛋沙律，蛋沙律加了乾煙肉在面，不錯。可惜焗薯本身不夠熱（我朋友點的焗薯也是），成了這個焗薯的致命傷。而且也不像其他餐廳的焗薯般加上牛油或調味，彷彿薯仔和蛋沙律是各自分開吃的味道。亦令薯仔乏味，要不斷加上海鹽來吃。總括感覺似乎大學canteen時吃的質素。餐廳各人的服務不錯，可惜食物還是要再努力一點。

我一向有去呢一間。。一向水準非常好。。可是今次真係讓我超失望一去到。。。侍應唔同左。。黑口黑面,無冷氣咁勁焗。 咁都唔介意。。一向呢間野俾我印象勁好。。。好味道足料!今晚。。我嚇死左。。已經係間野度焗到我變左焗薯咁。一向叫既白汁蜆。。白汁好似水咁。蜆勁少但要有成3隻未熟。之前每次去個蜆熟汁濃有酒味。再黎。。。個牛脷。。勁un..好蘇。個D紅酒汁難食到喊。。之前牛脷整得好鬆又入味。汁分開上。再黎個焗薯。。。個墨西哥汁完全唔辣紅腰豆仲係罐頭味。。。之前係墨西哥汁勁好味又濃又辣度適中,紅腰豆係入左味既。再黎最令我失望係個芝士條。。。。我簡單喊左出黎難食到。。。之前個芝士條係。。外脆內軟。。今次係好似叮過龍。。最好笑係要啤酒。。。成罐上。。連杯都無。。。我食左呢間野有年幾。每次都非常有質素。。今晚真係好失望。。。。本來我真係唔想浪費食物。。但因為。。。太焗啦。我暈暈地。。最後埋單走人。。。