意壽司-心意之日本料理

营业中

休息中

約左朋友又未夠鐘，見肚餓所以求其搵間餐廳醫肚，見呢間日本野仲有lunch set就入左去食餐廳佈置無咩特別，係一間香港中低價typical 日本餐廳可能無期望，所以反而有驚喜喎⋯⋯叫左一個火灸三文魚丼同帶子蟹羔刺身。三文魚丼size 都唔細，魚既份量亦控制得幾好，雖然刺身唔算厚，但係燒得唔錯，唔會太燶但係好香。味道亦幾好，不過三文魚子既顏色無咩光澤，應該唔係非常新鮮，但係食落又唔腥，算合格。帶子蟹羔刺身有驚喜，帶子夠厚身，無標哂水，新鮮！蟹羔亦無腥臭味。夾埋一齊食好甜好鮮！60幾蚊算超值野飲無comment,不過可以俾多塊檸檬總結：呢個價位黎講既日本野算做得唔錯，選擇又多。可以再試！