恆達油渣麵

营业中

休息中

平日晏晝經過諗住試下，嗌左個「生炒糯米飯」，一食就知唔老實咁蒸熟就算根本無炒過，但又老實咁真係得飯糯米飯，除左幾粒花生之外乜餸都無，咩臘味咩蝦米咩冬菇，全部都無。唔信邪嗌多個細油渣麵，啲渣多喺夠多，但我dklm ，有好多毛喺啲豬油渣到，渣係軟渣唔緊要，又霉又臆，個麵又軟到爛。要咁食，我唔好自己執豬肉檔地下啲肥膏，番屋企白烚嚟食？同場加映隔離亞叔碟牛腩，食食下，入面有個煮左好耐、索滿汁液嘅膠袋。估唔到除左廟街男人要戴袋，廣東道嘅牛腩都要帶袋。總括：呢啲野攞去做豬梢，都係唔好，費事等隻豬知道，佢同類做油渣死得好無價值。

一間斗室般大的舖頭，朋友帶我嚟食心中仲埋怨點解嚟間咁細既地方食野。舖內只有3，4個面壁的坐位加一張小圓枱，晚上10:00才可在舖外幾張枱。但此處的湯真係好好好好飲。有媽媽的味到，一D味精都無。足料，飲湯仲可以食埋渣。飲完一碗仲想飲第二般仲每日不同款，但一定要早去，否則賣哂無得飲。另外蒸飯都好好味。佢既魚鮫飯魚鮫超大，肉質超滑。梅菜豬肉梅菜咸甜適中送飯一流。反而佢既油渣面就無咩特別。另外，水煮大蜆好大盆，。

呢間野其中一個深受街坊捧場應該係個湯每日嘅湯水都唔同款，而且D料好足，仲好窩心咁煲D有益飬顔湯今日就係花膠杞子湯，啲花膠多到老公都爭啲食唔晒🤣🤣益左我🤪🤪而且好夠熱，佢有大碗同細碗我同老公每次黎都係飲大湯，唔知細湯係咪都有咁多渣呢我見好多人都淨係黎飲湯，唔想屋企煲湯，又欠缺湯水嘅朋友，不妨黎試吓咁我同老公每次黎都係食蒸飯配個大湯佢地D蒸飯都有好多款，今日就嗌咗肉餅蒸水蛋，感覺好家庭式，而且D炒菜又好大碟屋企唔煮飯，黎呢度食，一流不過唯一晤好係環境同衛生都麻麻地🙈

哩度成日黎食 點知今日摸門釘全店休息 提醒下大家每日都有吾同既老火湯同燉湯次次黎都見到人食蟹今次想試下不過無緣小店家庭式經營有人情味收費十分大眾化必食糯米飯炒菜有鑊氣

某日完成家庭飯局，其實也不是太飽，其實又不算肚餓係旺角行走咗一陣子就不如試下呢間舖頭之前有路經呢間舖頭，但因為太飽所以冇食今次叫咗碗豬骨粥試下友人就叫咗油渣麵呢碗細油渣面其實份量好多，影呢張相嘅時候已經係比我食咗兩三啖，面質唔會太林又唔會太硬，令人滿意油渣算係乾身，湯底唔錯，唔會太咸搶咗味我嘅豬骨粥就有意外驚喜，粥煲得夠綿，碗裡面都有好幾舊帶有肉嘅大豬骨落咗花生一齊煲，食落有咬口食完唔會好似去連鎖粥舖咁成口味精值得一試

通常都係宵夜幫襯外賣雲吞返屋企食，好少堂食。一來地方細，二來長期多人。可能街坊生意，好多街坊都會幫襯。今晚同老公一齊遲收工，相約晚餐，其實應該係宵夜平時黎通常係油渣麵加雲吞就算，今晚突然要想試盅飯，就叫左一個土魷肉餅，再加大油渣麵油渣麵當然保持水準，佢個湯底係正嘅，係個面林左少少，不過佢嘅精粹係辣菜譜，加入個面度一流講返個驚喜嘅蒸飯，因為老公鍾意食硬嘅肉餅，所以佢好滿意呢度嘅肉餅，我覺得佢嘅土魷雖然唔係太多，細細粒融入肉餅度，不過佢嘅土魷味仍然好出，肉餅都有小小肥豬肉，所以口感都不錯

幾次經過這條街，都已經燈光昏暗，沒有什麼店舖在營業，可能是由於這條街附近都是裝修舖，過了八、九時，大部份都已經關掉了。上次經過，發現有這家油渣麵店，本人一向對油渣麵都有點情意結🤔，有天，吃完不算太飽的圍飯，便來了吃消夜。店內場面其實非常溫馨，一名年輕小伙子，搭配其父母（看來是），營營役役，辛勤工作，店內環境就有面壁座位，供單人來吃，亦都見到有張圓桌。油渣數量不多，不太乾，不夠脆，味道普通但沒油益。這種上海麵我也覺一般般，未算全林但質感不滑，口鞋脷掘。辣菜莆極辣，嗆口痺脷。另外有個豬骨粥，本身都不太鍾愛吃粥，看見好像挺濃厚，試了一口，還好。油渣麵的麵條比較普通，油渣不覺得揸得非常乾，因此不算特別喜愛，都未必會再來。

夜晚想係油麻地食油渣麵，上網揾到這間舖面不大，但客人絡繹不絕，好厲害。點了一碗雲吞油渣麵。 好大碗， 食完好飽，味道不錯如果將油渣炸一炸會仲好食完聽到隔離叫炒蟹，伊麵底，諗下都想食，下次要試試。在舖內，你會見到一家四口如何分工合作，努力地經營。 可以感受到 香港精神 的精粹。

前晚等男朋友收工都已經差不多十一點，我地唸緊食咩好既時候，佢就話附近有間飲豬肺湯好正既餐廳，所以就出發啦呢間餐廳個位置都好偏僻下，唔係有佢帶路真係唔會識蒸魚飯，倉魚唔算大條，不過個蒜蓉豆豉汁好好味，配飯食一流老闆仲話收平我$5結果，$45就有交易，好抵呀男朋友就叫左個牛腩飯我食左一舊牛腩就食到有種酸味，應該係變壞左但男朋友又話牛腩本身係禁既味主角豬肺湯，洗豬肺係一件超煩超複雜既事，所以平時係屋企都唔會煲而呢個豬肺湯係洗得好乾淨又好足料，超好飲$20一碗真係好抵！

喜歡去舊區揾食，睇雜誌介紹而來，小店在油麻地舊區群中，客人都係附近街坊，以單身漢為主，非常「地道」。小店面積好細，只有一排靠牆位加一張小圓枱，好迫夾，要食環境就咪來了。街坊小店，洋溢温情，我估係一家四口經營。提供家常菜，湯水涼茶小食甜品乜都有，無餐牌，菜式全貼在牆上，有好多隱藏版，非常温柔又有禮貌的年輕人會介紹是日精選，你想食的都可以自己開口問下有無，非常隨意。最重要係大件夾抵食，兩條友，有湯有菜有雞，埋單唔使一舊水，足料得來味道又唔錯，詳情請見內文。我儍儍的問年輕人咁多款食物點預備得切？年輕人温文一笑地答我湯水涼茶同糖水每日只供應一款。

心血來潮想飲碗靚湯，去左恆達飲湯，一心想飲花膠湯，但今日是日靚湯蟲草花煲魚，位置係果欄附近，主要做街坊生意，所以地方細細但好親民，如果你係熟客碗湯份量會多好多料，認真係多好多，眼我個碗同其他人分別好大，講番碗湯真係惦，油渣麵多油渣，另外見到一枱客有勝瓜少唔知咩，但餐牌上無，原來係神秘熟客先知有小菜，隔一陣見到人叫鳳找排骨飯跟住叫，無蝕底，野食到齊後，又見到另一熟客叫左條蒸魚，又係餐牌無的，總括來說很喜歡這小店

我幫襯恆達油渣麵己很多年，不要以為此店祇賣油渣麵！它出售的食品很多～熟客一定會叫湯，每天不同款式。例如花膠煲魚/豬肺湯/雞骨草煲豬橫脷, 很多人都專誠來一試。午/晚市提供蒸餸飯，蒸肉餅/排骨/臘腸雞之類。我獨愛蒸魚飯～有鯇魚/烏頭/䱽魚/鱔……等等。不想吃飯，有油渣麵/豬骨粥/炒麵/車仔麵/生菜魚肉/雲吞/碗仔翅。過了晚市，夜遊人愛聚集叫海鮮～炒蜆/蟹/瀬尿蝦,蒸魚，再加碟蒸咸雞和炒菜！食完再飲自家製菊花茶/羅漢果水/野葛菜。**睇過很多食評並無提及，每年端午節和新年，有自製咸肉糉和蘿蔔糕芋頭糕年糕出售，價錢平，質素高，不防一試**

之前睇fb見到有人話恆達既湯水好好味 打算過黎一試可惜今日我地太遲 d湯賣晒唯有下次試於是，我地試下個海鮮飯餐同油渣麵，再叫多個涼茶，一共$91個蟹真係好平，$55連飯，因為距系清蒸，肉汁鮮甜，而且份量多！不過油渣麵d麵就一般，反而油渣比較好吃！以呢個價錢食海鮮真係好抵！

晚上十－點幾來吃晚飯。要等－陣才有位｡叫３油渣面加雲吞。湯底係胡椒豬肚，夠辣。面太軟｡雲吞是小雲吞，－隻蝦加小小肉｡共有6隻｡$42是不能投訴。要等－陣先有得食｡

本人其實很喜歡尋找隱世小店美食。這天晚上想吃粉麵，奈何香港的茶餐廳幾乎都是sell「種類多」、「有個地方坐坐」，粉麵檔間間差不多，不是米線就是牛腩麵魚蛋河。油渣麵算是有香港特色得來唔會太濫，於是我在open rice 上鎖定了這家油渣麵店。不得不上來寫一篇記下。它的位置我們平常逛街應該極少會經過，它比較入，晚上走過去要經過幾條非常靜的街。但這正好時我喜歡它的原因。在鳥無人煙的街上，掛著一個亮亮的小招牌，很有feel呢～店面真是超窄。入面只有一張8人圓枱，加一排6個面壁窄位。所以晚上佢會放枱出門口比客坐，別有一番風味。食物方面，原來也不是只賣一兩樣東西的，還有飯，還有湯，居然還有炒蜆。真是麻雀雖小，五臟俱全。一來到，待應報給我們知，今天的湯是「川芎白芷龍躉頭湯」。嘩，好似好勁咁，咁緊係要一碗。個湯d川芎味好好喝，味精一定有，但唔係多。$30咁大碗，平。加$8個臘味真想不到那麼大塊，真的看到都想尖叫。加起來才$33，很大碗。還有油渣麵加雲吞，辣菜脯自己加。菜脯味道很不錯，夠啦又不回搶了菜的味。油渣麵不回油，但稍有味精。加起來才$98，很實惠。絕對是隱世食店！推介！