恆達油渣麵

营业中

休息中

我相信唔係被人領住我嚟都未必知道呢間店（係我孤陋寡聞🥲）唔好睇佢遠離大街，亦唔好睇小佢無乜裝潢，佢都有人慕名而來嘅。1️⃣9️⃣3️⃣0️⃣ 晚餐時間🍚 生炒糯米飯加臘腸係凍嘅天氣食係非常非常有風味😋 飯夠熱多花生，醬油恰到好處，臘腸係超juicy 唔硬又香，真心想再食！🍲招牌油渣麵佢嘅油渣麵成碗麵用五花腩肉煮，就咁食我就覺得唔夠好食，配店主特製辣菜脯簡直畫龍點睛😆🧆蘿蔔牛腩蘿蔔夠腍無渣，牛腩對我而言有啲騷，但整體不錯嘅。其實恆達係煮家庭菜，佢仲有燉湯、豬肺湯、蒸魚、肉餅呢啲餸賣相都不俗，即使無美麗嘅裝潢，坐摺檯，但最重要店舖嘅人好nice，好似返咗屋企食飯咁，好有人情味，有機會都要嚟食多次呢。

恆達油渣麵特色－家庭式經營，牆上貼滿不同種類嘅菜式蝦醬腩肉蒸飯腩肉嘅份量好多，每匙可以係一半飯一半腩肉咁食落口，total要叫一碗半飯先食得晒全部腩肉，白飯可以免費任裝🤤豬肺湯值得一試好清甜，好大碗都係$25整豬肺湯要花好多時間工序先可以清洗乾淨整個豬肺，所以呢個價錢真係好抵飲。豬肺湯最正就係無落味精都可以做到咁清甜，非常推介👍👍不過日日會有唔同款式的湯當然會重複的，所以去到都要碰吓運氣睇下會否有豬肺湯😃💪🏼

一年多沒有來，感覺還是和上年一樣。這間店好得太過份了，小小的店，食物選擇很多，而且很便宜，店員又nice。在門口望望已有店員招呼我們，邊介紹今晚有花膠湯。我們點了想吃的油渣麵$33二人分享，因為我們不太餓。朋友想吃辣菜莆，我叫他拿小碗，店員立即聽見，邊說想要什麼叫就得啦，邊拿過來。辣菜莆辣度太高，我受不了，但通常都這麼辣吧。油渣麵湯底很好喝，不會太鹹，麵和油渣也很合口味。花膠湯30，湯濃郁得很，像家常湯，好正，花膠大大塊，不論是否真花膠，也誠意十足。抵飲得太過份。白菜豬手汁$12是隱藏menu，烚菜加上豬手汁，味道不再沉悶，令我們驚訝的是份量之多，通常在外吃到只有一半或更少吧，價錢卻只是$12，埋單時令我不敢相信。走的時候店員又友善講拜拜。整體感覺好好，香港平靚正小店，如果在家附近有這樣的店就好了。下次想試其他野食

健康老火靚湯各式小菜俱全上湯肉味濃郁小店人情更濃吃過很多「he」做的油渣麵，亦吃過不小名牌油渣麵，恆達就一直沒去過。晚上九點才完成工作，只剩一小時堂食時間，於是便專程去恆達吃頓簡單的晚飯。到達後當然要點招牌油渣麵。很快便端上一大碗熱騰騰的麵。先喝一口湯，覺得肉味很濃郁，是豬骨湯的味道。豬油渣不是炸得很乾那種，而是有點像去了大部份肥油的豬腩肉。另外還有很多嫩滑的豬肉片。比較喜歡老三的麵條，但這裡的亦是不過不失，份量頗多，吃得飽足。看見很多客人點蒸魚和其他客飯。大家都吃得津津有味，聽說這裡的老火湯和碗仔翅很有水準，所以點了這兩碗外賣。可能快要關門，所以點了小碗但都給我大碗。店員都很友善親切，充滿笑容。老火湯確實很鮮甜入味，碗仔翅亦十分足了，有很多肉絲和木耳絲，味道濃郁，確實沒有介紹錯。

今日好想飲湯，友人介紹飲湯必試呢間。但黎之前佢同我講果度環境超地道，地方比較細，家庭式經營嘅，驚我去到唔鍾意，所以同我講聲先。係街頭已經見到門口有堆人，佢話就係果度啦，門口放左好多已蒸熟大大隻嘅蟹同瀨尿蝦已經夠晒吸引😋裡面環境果然係好細幾狹窄，成間加埋都冇10個位，一嚟道就試左個湯先😋今日係土茯苓煲豬橫脷 $20，可以去下濕，好大碗好多有料豬骨豬利，一飲落去，果然冇介紹錯，冇落味精，好甜好好飲，聽講聽日係花膠湯，我都好想試😍之後叫咁係門口見到嘅膏蟹同瀨尿蝦😋蟹係凍食 #港式醬油蟹講 $180，好大隻，超多膏，真心勁抵，仲要好鮮甜，超滿足瀨尿蝦都係蒸嘅，好大隻都只係$40，都係咁鮮味最後叫左個豉椒炒花甲 $100, 份量都都，好夠味，我本身好鐘意豉椒，好夠鑊氣今晚食左樣樣野都好正呀😋超滿足，又平又好食，仲有我好想試埋其他湯，係日日唔同架

沒有華麗裝修，牆上掛著彩色菜單說實在要不是家人說要來試一下，想必我也不會過來這個位置家庭式小店，當晚過來有很多熟客幾乎每個人來都會點這裡的老火湯相信是每一晚都不同這晚是蟲草花生魚湯，湯夠熱而且很濃味更有湯渣豬骨，很不錯油渣麵油渣麵很好吃，湯底不錯，必加辣菜脯吃完立即感到十分罪惡炒蜆，即叫即炒，好有鑊氣而且足一斤蜆，黑椒味濃蜆來得肥美無沙時令糯米飯(加臘腸)好香口，而且足料，個人很喜歡下次再來要試一下肉餅餅跟牛腩

已經聽聞這間小店很久，但時間唔啱，所以一直冇去食過。今日正直凍凍地，就去試食吓。店舖內裡沒有太多位置，大概可以坐8-9人。但這些唔緊要，最重要係食物好。在門口會貼上當日嘅湯水，今日係西洋菜豬肺湯，正！一定要來一碗，再來一個時令臘腸糯米飯，再加個豉椒炒蜆。湯呢？不用講甜又潤肺，阿媽煮出來的味道。臘腸糯米飯足料到滿瀉，炒蜆即炒有鑊氣，有些辣辣地，如果有碗白飯，連汁都可以撈埋。其實佢哋出名嘅仲有豬油渣麵，下次再去試下。

呢度賣嘅油渣麵係真正正宗香港風味嘅油渣麵！係我細個踎喺街邊嗰啲一個挑擔一個火水爐就賣油渣麵嘅婆仔度食到嘅味道！無整色整水！唔係無啦啦落啲冬菇落去唔知做乜嗰啲油渣麵囉！各位老嘢如果想食返細個時食到嘅香港味，就一定係嚟呢間！不過，要挑剔的話，你可以話佢舖細，無位坐，坐都坐得唔舒服，我自己就直頭擔櫈出舖坐街邊食。如果係啲落場時間，啲麵可能會淋啲，無新落嘅麵咁爽！但以上兩點反而令我覺得令成件事更有舊香港味！

恆達油渣麵❤️開返晚市堂食同facial第一晚，即刻約左脫毛，順便出去食個晚餐。平時夜晚外賣多，製造好多垃圾，堂食就唔會，又可以食到熱辣辣野。搵到呢間小店，比想像中座位更少，叫左油渣麵$33、豬骨粥$25、雞骨草豬橫脷湯$25。三款食物中，最欣賞是個湯，好濃郁鮮甜無味精，以為雞骨草煲湯會怪，又完全無違和感，豬骨肉都食得返。油渣麵同粥都不錯。家庭式小店同熟客好似朋友般，價錢又實惠，又有住家feel，如果在家附近有這些小店就好。

每隔一段時間，小的總會想念這裡的老火湯，就像這天又想起她，所以又來了。 這次喝到的是🤤西洋菜豬肺湯，聽說豬肺的處理程序非常繁複，所以家常湯水很少會遇上，西洋菜已煲至極淋滑，而處理得非常好的豬肺更是非常軟嫩，常言道「以形補形」，相信喝畢這碗湯後，可以修補在下的「夭心夭肺」吧? 🤣 只喝一大碗湯水，當然不足夠成為一餐，於是乎又點了小的另一喜愛 - 🤤豉汁蒸鯧魚，其實這裡還有蒸鯇魚的，但每趟來到總是喜歡點選魚肉嫩如桃肌(喂!)😂的鯧魚，而蒜泥豆豉佐飯同吃也是極滋味的配搭呢。

呢日做完野經過油麻地，諗住食埋野先返屋企，就行左過黎出名食油渣麵嘅 恒達油渣麵😆呢間一直係我嘅To-eat List度🤣今日終於試到佢！！👇🏻鋪頭唔算大，有兩張檯，等左幾分鐘就有得入去本身我自己就好鍾意食雲吞嘅，所以叫左油渣麵加雲吞，雲吞啖啖肉唔林，而油渣真係好多，又爽口😍雖然碗麵真係好邪惡(唔知要做返幾多運動先得)，但都值得嘅👍🏻另外都叫左南乳豬手同碗仔翅，豬手整得好入味而且好林，碗仔翅大大碗又足料，不可不試啊！(Ps.試過花園街個間好出名嘅油渣麵，我覺得呢間足料啲同好食啲😋)

叫了一碗細油渣麵和例湯，老闆娘話今日有川弓白芷魚頭湯，話袪頭風，我就試吓啦。湯唔會好大陣藥材味，好好飲！油渣麵真係好大碗渣，我都食唔晒！呢間好貼地既小店，老闆講嘢好大聲，好有風味。下次我想試埋個蒸魚

呢間油渣麵喺屋企附近，所以屋企無飯開就會落去買碗做晚餐！真係食咗十幾年由細食到大，由十蚊碗食到依家廿幾蚊！佢d豬油渣超級好味，再加埋菜甫，小小辣，食完一碗夠哂飽！

忽然間朋友想食下油渣麵，於是帶左我去油麻地既隱蔽位置搵食。一入店舖一眼睇晒，當時差不多晚上10點，但都滿位。姐姐好好咁幫我地安排左3個位置平排坐。朋友推介一定要飲湯，除左因為足料之外，亦唔會有味精。我地叫左兩個大例湯，一碗大油渣麵，再加油鹽水煮蜆。因為我地share食，同店主講要個碗，點知店主遞個碗俾我既時候係裝滿左湯架好感動，佢話知我地用黎分湯飲，所以索性裝埋落個碗先俾我地。真係好有人情味油渣麵加辣菜脯食一流。當個蜆上檯時，個盤大到有啲驚喜，姐姐好用心咁介紹俾我地知佢點煮。蜆肉新鮮無沙，有好多白菜仔，個湯頭有加蔴油好甜。走時見到門口有大肉蟹同大過手掌既賴尿蝦，已經相約朋友要再黎食同埋冬天要試生炒糯米飯!

36$嘅魚肉油面配合無論點樣去形容加埋胡椒粉再加埋呢間鋪頭嘅菜譜幾香濃調味左既魚肉彈牙 大粒平時驚食面食唔飽 呢到唔會平時加面呢到唔洗Very good 不過鋪細但渣車可擺係出面睇坐住食