快船廊

营业中

休息中

下晝有文件野搞，今朝要同幾個客人食早餐傾埋D細節，原本同佢地去陸羽飲茶，但下著傾盤大雨，唔想擔遮，就在酒店食。在自助餐及The Caf擗選了前者，同個同事七點九來到，意外地人也不少，看樣子除住客外都有唔少街外人來吃的。呢度以疏化椅位為主，地方舒適好坐。侍應服務都唔錯，夠人手亦好細心，當然收得唔平係要交足功課的。食物分幾部份，選擇都不少，主打是在正中的各式麵包糕點，例牌的酥餅、鬆餅各嚐一件，新鮮自家製，質數當然唔會弱。除果醬外，最特別的是有一磚蜂巢蜜糖給人點麵包，味道清甜，感覺上係天然好多。有四款涷肉三文治，份量比門市的細一半，可以嗜多一點，吃過表面有葵花籽的軟包，入面是煙三文，不俗。芝士都有四種，俱是大路的如羊奶芝士、藍芝士等。麵包酥餅後面是牛奶乳酪及四款麥片，呢味野雖然健康，但個人而言非到生死關頭都不會就範吃這些無味東西。果汁反而有興趣，有三款，橙、西柚同西瓜，都是鮮搾的；中式點心有蝦餃燒賣叉燒包，在這裡吃是不必了，除了炒麵，今朝的粥是蝦粥，清清地亦有蝦肉味，唔錯；最後是生果，除了夏日三瓜：西瓜、蜜瓜、哈蜜瓜外，還有奇異果及橙等。飲埋杯熱咖啡，非常之豐富的一餐早點。五個人埋單連貼士1

地方太大，餐單無新意，服務九流，我以後不會再去文華酒店食餐。

文華東方貴為香港數一數二0既五星級酒店,而佢0既buffet又一直係信心保証,所以對呢間又係抱有一定期望去到大堂要上一條旋轉留梯到閣樓,環璄都幾grand 幾靚,不過坐sofa食野唔係幾就手食物就冇我想像中咁好,因為熱盤得好少,0岩0岩好十款咁大把,不過雖然款少,但個樣幾企理幾整齊,味道都唔差;個炒飯幾好味,不過我本身鐘意食炒飯所以好容易覺得炒飯好食(even屋企媽咪煮0既都覺好味....所以或者唔係間野整得特別好食)文華0既cheesecake 質素之高可謂街知巷聞,所以當然唔可以錯過,試過後的確覺得唔錯,cheese味重,但如果texture實d仲好,仲有另一推介係caramel"鄧"蛋,好香;其他甜品同一般質素高少少0既酒店buffet差唔多,不過又係唔夠多選擇,不過放得好靚服務就一流,waiter細心體貼有禮,不愧為五星級酒店呢度環璄同服務比人一種"高級"0既感覺,但食物唔算好好,所以試過就算

今日同朋友黎Clipper Lounge食Dinner Buffet, $228一位, 仲有每一臺有一份"盤菜".我既睇法都係同前面幾位都一樣, 佢既冷盤同甜品真係唔錯呢, 睇得出佢地真係整得幾有心機. 但係熱盤就真係俾較差.煙三文魚同埋Parma ham都好好味. 甜品有文華東方好出名既American Cheesecake, 仲有Chocolate Mousse Cake, Chestnut Cake, 個Cheesecake真係好好食呢! heee... 就係平時0係佢餅店$19件0個D~ 真係好鬼好食.熱盤而家佢地全部都係做緊中國既食, 有牛肉炒飯, 干燒伊麵, 咕魯肉, 粟米班塊, 蒜蓉西蘭花等等. 講真, 味道麻麻, 賣相都麻麻. 真係幾失望. 所以我無乜點食過D熱盤. 仲有個"盤菜"都真係唔太好食, 無乜味...可能外國人會覺得呢D中國菜好味, 我就麻麻啦... 我諗下次黎要問下佢仲係唔係serve緊中國野先得. 整體黎講都唔錯~ 雖然D野食款式唔係好多, 但係都幾好食.

可能上次係非典型啦好quiet成晚都係十個客不過佢d service好好lo哈哈~貴賓我同個fd入去坐傾計等佢開buffet飲下野有大ofa住呀仲係corner位正不過hot dishes都係得好少可能係有個lobster啦每人食左都好full仲有佢既cold station 好多shisimi好fresh好正other都好好味最like係dessert好精緻好味marriott cafe好少少啦不過都但一樣令你開心呵呵再飲埋巫澤東既champagne正到暈~食一次豪既斬抵

初初諗在文華以$228食buffet，都應該唔會好多野食，但比我想像中多，雖然熱盤得10種，不過冷盤及甜品就幾多樣化，做得好精緻、好整齊，睇得出有心機去做的，而甜品就更為出色，冷盤的品種比較特別，有d出面buffet食唔到的。熱盤雖然少，但味道唔錯。環境ok，坐得都幾舒服，service就不再話o下啦！

星期四與朋友無無聊聊走去食buffet。因為不是假日或週末﹐所以成人只收$228加一。一進場當然要對各種食物作個粗略的打量。看到最吸引的是冷盤﹐選擇比較多﹐另外熱盤的賣相不錯﹔甜品一般。此外﹐還有自成一角的魚生壽司﹐及沙律吧。冷盤的煙三文魚和其他煙製食品還好﹐但生壕好像不太新鮮﹐﹐與其他普通buffet的無甚分別。而已製成的沙律亦是一般水準。到了熱盤﹐甜架喱雞肉串味道不錯﹐魚﹑青口和羊肉等尚算okay。只可惜最敗筆的是那牛柳﹐真的韌得嚇人﹗魚生十分新鮮﹐而手卷也做得很好。至與Salad Bar的廚師則十分細心為食客講解不同的沙律的製法。最後﹐選擇了Grape oil及Rapsberry vinegar來製沙律﹐味道十分討好﹗到了甜品時間﹐看真一點﹐其實選擇並不多-有cheese cake,酒櫻桃蛋糕﹐士多啤梨﹑雜梅,Pear pie,apple crumble﹐水果雜會﹐還有巧克力等等。味道以cheese cake最為不錯,其他也一般。說實話﹐文華的自助餐可以做得更好﹐尤其是熱盤﹗Anyway...我想$250換來不錯的環境﹐尚好的食物﹐已是Okay的了。喔﹗還有值得一提的是侍應十分有

文華東方有自已的餅房，所以餅食及壽司應是自已出品。而主菜方面，我也有這經驗，可能是閒日，五、六、日會比較好。

日式食物、甜品及蛋糕可能來自供應商。熱盤and main course 款式太少，難道要全程食沙律。如此收費；應有更好選擇。慕名而去；失望而回。

Desert is great & chesecake is very delicous but they has fewer kinds of hot dishes. The price is acceptable & the service is quite good.