快樂蜂 (歐陸貿易中心)

营业中

休息中

自從執到呢一間後．都好幾年冇食過，一直都好想食番祖樂比既炸雞呢～叫左2pcs chicken with mushroom rice set..炸雞依舊好味，仲有醬比你點黎食，好好味丫～ｄ炸粉唔會太厚，而且雞肉都好有味又唔太咸，正過其他快餐店呢．mushroom rice 就不過不失～～個人認為呢樣就ｋ記好味ｄ～店裡除了我和朋友．．全部都係賓賓．．就連買野食時都要講英文．．哈．真係第一次呢～不過ｄservice又唔差喎．

既油膩，又一點點的纖維質也沒有，我覺得這就是正正式式的垃圾食物。夜晚跟大隊叫東西吃，誰不知去話事的買了這個賓式快餐回來。有蘑菇飯、兩件炸雞及汽水。趁熱吃，炸雞外皮熱辣辣又香辣，但雞肉卻索然無味，如果不吃雞皮的，這兩件炸雞便不吃也罷。跟肥佬上校那邊一樣，雞上比雞鎚好吃，亦當然比雞胸肉好吃；印象中，肥佬上校的蘑菇飯也有幾粒細細的蘑菇做下樣，但這裡的是一粒蘑菇也沒有的，全部都是一攤杰杰的蘑菇汁，很沒誠意，一見就怕。全送了給年青同事，難得他也是吃得津津有味的。賣31蚊，其實不便宜，又是那一句，吃碗大牛肉飯好過，又或是吃兩碗麵，都很開心。

因為口渴叫左杯野飲--pearl cooler, 幾特別, 但入面d「珍珠」無乜咬口。下次再經過, 可能會再試埋d包/炸雞, 見d評語好似都唔錯。

今日和他來了這兒吃lunch叫了個咩古巴啦啦飯一開，嘩..細到呢飯少餸少肉醬意粉，味還好，但分量少aloha，好似比上次不好吃，塊煙肉好硬又乾唔建議大家黎食呀真係

佢嘅漢堡包肉汁豐富,香味濃郁;熱狗香腸皮脆肉厚,醬汁惹味;炸chicken唔係太油膩,可以係KFC之外的另一選擇......講到好似賣廣告咁,但我真係覺得好正!Jollibee係菲律賓發績嘅快餐店. 在香港的菲律賓人見到佢就好似見到家鄉咁. 好似香港人在美加工作時見榮華咁.菲律賓人好團結(見佢地逢假日聯群攻陷各大小公園就知),佢地盡量支持家鄉經濟,幫襯Jollibee.

lunch來這間..吃了米粉..雖然唔知係唔係係菲律賓風味，但都幾好味呀..但係真係唔明點解咁多菲律賓人？

$12 for a nice hotdog with cheese toppings...its very worthy!

今日放工路過此..吃了個ALOHA..好味呀..有菠蘿..有好多汁同醬..不過塊烟肉太硬..記得之前都試過個批..都唔錯..下次會再試！雖然呢間野好多菲律賓人...但大家都可入黎一試！賣D野其實一D都唔賓賓的..

早就想去呢間食雞，睇下同kfc有咩唔同，但永遠得個講字，未有行動。今次襯去完南丫島經過呢度就同朋友仔走黎試下。門口個侍應好服務兼好笑容，見我地拎咁多野唔想我地行黎行去，就叫我地不如買左野食先至搵位。之後行去counter，離遠見到燈箱咁少選擇，就即刻問佢有無menu睇，點知佢只係指一指燈箱。我心諗，唔係得3個套餐同2款特飲咋?再周圍望一望，見到餐盤張廣告紙有雞有burger，咪話要2隻雞啦。點知個staff同我講無得咁叫，一定要叫套餐。唉，為左試下佢d雞，唯有要個chickenjoy既套餐($22)同pearl cooler($10)，個套餐只係得一件雞同一碗白飯，再加一盒仔類似kfc蘑菇飯既汁。雞雖然炸得脆，但無咩肉汁，好乾，而且個調味始終唔及kfc香同好味//類似kfc蘑菇飯既汁少得可憐，又要麻麻地，食左幾啖飯已經無曬汁要食白飯。$22雖然唔係貴，但完全唔值呢個價。pearl cooler有d珍珠，不過好稔唔夠Q。其實最唔滿意既地方，就係太少選擇。

依期好想食唔同的漢堡, 依間Jollibee全香港只得一間, 又近返工地方, 要try try ge.叫o左個夏威夷漢堡包set, 個包真係好好味~~~~~! 好過M記n倍.佢有原塊菠蘿, 幾塊煙肉, 好juicy的漢堡(比得上Triple O), 甜甜地的自家醬汁, dd生菜, 個人認為菠蘿同成個包好match, 好過蕃茄.薯條ok la, M記o個d.佢個pie只係$3.5下次一定要try.但係呢成間o野都係賓賓, 冇咩聽到廣東話, 希望多d local 去la.一個set只係$24.5, M記價錢, Triple O水準, 真係食得過lei!!!

香港第一千零一間Jollibee。Panwich，Pancake sandwiches，意譯「班戟三文治」。兩片厚厚的熱香餅，加隻炒蛋，加片芝士，再加片黑椒豬柳，熱乎乎的，有說不出的滋味。正想到祖樂比網站找那誘人，尤如麥記煙肉蛋漢堡的Egg Sausage Panwich 的時候，原來彼岸已經off-season。想看看這個蠻不錯的Panwich 是怎樣的？來這裡：http://q2kill.blogspot.com/2007/05/panwich-jollibee.html

(13/4/07)睇過網站,介紹有粥、有特色批,話好好味咁。朱古力綿花糖批$8,與麥記通病,邊皮太多。講番pet朱古力綿花....槳,甜得不是味兒!又唔熱,撻住o係喉嚨。(21/4/07)早上的pancake sandwich$15,好特別啦,用pancake做包,淺色既芝士淡淡；o個塊牛肉漢堡片,細得可憐；圖片中pet炒蛋,點解變左片切得好工整既炒蛋"片",簡直~~日式無蛋味的甜蛋!極之不值!很久前食過磨菇漢堡飯,多肉汁磨菇亦多汁,而家唔會再幫襯喇,仲要排晒隊咁.......。

其他分店轉手後都好似變哂kfc...不過深得鄉里歡迎又抵食，呢間唔會執啩~試過落order 時佢\同我講廣東話，到我答廣東話之後佢\又轉返英文~ 自此去到講英文買餐\每次都係貪aloha 包裡面有菠蘿，但叫完都後悔~塊肉同包汁幾好味，但菠蘿太多汁流出o黎，而煙肉太硬咬唔開，食得好\"論盡\"，一路咬一路滴汁-__- 薯條未試過食到熱o既，次次擺\左好耐咁，好鞋同乾~茄汁偏甜唔酸(可能菲律賓口味習慣偏甜，連磨菇飯汁都係少少甜)炸雞就算熱都唔好食最鍾意食蜜桃批~ size係麥記蘋果批減半，食完覺得到喉唔到肺~~~(得返一間，難得去食嘛~) 中環舖成日都咁滿人，假日就更加賣走食好o勒~而且仲可以拎埋佢\d 有大Bee logo 外賣膠袋、紙巾添..

第一次食,托友人take out拎俾我~~不過太忙冇及時食~到食果時已經凍凍地~不過炸雞都冇因為時間關係而變焾,幾好食,炸得幾脆~同埋有個汁沾~唔差得過m記~

好耐無買來吃,一次過買了兩個漢堡,每個$6.50.一打開才知無蕃茄,只得一pet千島醬.但牛扒味(味精)很重,未打開都聞到.