快樂小羊火鍋餐廳

营业中

休息中

今晚舊同事同我慶生, 知我中意食羊, 所以黎左快樂小羊打邊爐~~呢度有成兩層高，環境舒服，坐我濶落～我地先黎個清湯+蕃茄湯底, 用上大量藥材，有紅棗、當歸、杞子、野菌等等，味道唔錯；而蕃茄紅紅湯底，極重蕃茄味，味道濃郁！之後叫左兩盤肉，包克圖牛羊涮 ～勁大盤，下面有勁多冰墊住，牛肉同羊肉各有一半，砌成心形形狀，賣相好靚～～羊肉切得夠薄，肉味濃郁且羶味唔重，而牛肉肉質嫩滑易入口，配清湯／蕃茄湯都好MATCH !另外，叫左個自製土豆粉，粉滑有咬口感，仲可以吸收哂湯底精華，正！亦點左蝦丸，非常彈牙爽口，好食！蒙式烤串，皮脆肉嫩，食落惹味！最後叫左楊枝甘露，奶滑香甜，而且有新鮮芒果，好滿足！