忠孝東路

营业中

休息中

位處尖沙咀，這店出奇地坐位多，人流少。事必有因，店員服務態度頗差，士氣低落，沒有主動帶位招呼，上菜時外型相似的飲品又欠介紹，難怪人流稀少。其實食物及飲品尚可。柑棗青檸桂花茶（$28）甜度剛好，配搭清新解喝。烏魚籽奶油海鮮意大利麵（$148），有魷魚、硯、蝦，意粉味道尚可，但硯淡而無味。其餘牛肉麵、魯肉飯、水果茶等都正常發揮。是時候改善服務，吸引台灣fans吧？

今日做完野肚餓突然想食牛肉麵五知附近邊度有得食大家肯定知道忠考東路有幾多台灣美食 數左幾樣首選 一於決定上去試食下佢個牛肉麵 求其坐低 睇都路駛睇就決定食佢個三寶加個滷水 牛筋再加杯芒果綠茶簡直完全無得輸先講食品 1.上菜度速奇快 下午茶時間 3分鐘左右就上齊三款十分抵讚👍🏿 2.三寶牛肉麵 65蚊黎講份量完全足夠 3舊牛肉4舊牛肚2舊牛筋 👍🏿 仲有雪菜3.滷水牛筋 48蚊 抵食👍🏿 仲有青瓜絲味道方面1.牛肉麵湯底味淡唔夠濃 加埋芝麻完全無左牛肉湯底既味道 仲有整碗麵既溫度完全唔熱只可以講係暖 4/10 2.芒果綠茶正常 原價28蚊 可以半價14蚊加配 整體黎講算幾好 7/ 103.滷水牛筋 夠晒軟身但係無滷水香味 希望佢加返熱少少先好上枱 6/10 整體6/10

餐廳入邊有個白頭髮四眼嘅阿叔態度極度差。因為朋友未到坐咗喺餐廳10分鐘左右先至叫嘢食，個阿叔係咁啤住晒。其實我哋入之前都講咗朋友會遲啲到。加上當時餐廳狀況係未滿座。如果佢唔想我哋坐喺度等其實可以叫我哋出邊等。唔係用佢果副咀臉對住我哋。食嘢期間我朋友倒瀉咗杯只係飲咗少少嘅飲品，一間正常少少嘅餐廳。見到呢啲情況都會補返杯嘢飲俾你。但餐廳冇補返不特止，問阿叔可唔可以補返杯嘅時候。佢用咗個好差嘅態度講咗句(即係咩啊)。如果有呢個阿叔喺度一定唔會再幫襯。

今日下午經過見食台灣野，望完menu決定幫襯一下。不過企左好耐都無人出黎量體溫帶位，眼見得兩個侍應，一位亞伯，一位四眼女，可能唔夠人手，都算......我等下入到位，規定要人坐一邊，明明一張四人枱而且無咩客，都算.....叫好食物，留意兩位侍應其實都唔係幾想做咁，全程黑口黑面無禮貌，食物幾好食都無用，況且食物味道一般，對住咁既服務態度，好食都唔會有下次。魯肉飯：只是溫暖，肉同蛋係凍牛肉麵：牛肉正常，麵同湯係熱我就唔會再幫襯，因為無值得再食既價值，侍應態度已經好似話俾大家知表示唔憂做，等執啦

自從放寬夜晚堂食之後, 我都盡量夜晚出去食下飯,支持下 啲餐廳可以繼續 生存, 今晚星期五晚,諗住出尖沙咀搵啲嘢食下, 喺openrice度見到呢一間餐廳,諗住都ok,所以嚟試一試... 去到門口,準備話入去嘅時候,門口企咗一個幾高大,白頭髮嘅四眼阿伯,(恤衫西褲但係著一對奇怪嘅波鞋) 態度異常地差!!! 十分不友善!!! 量體溫嘅時候,好似想將你處決咁樣... 之後帶我入去,明明餐廳大約得三分一入座率,但係偏偏安排你坐落張四人枱度,同其他人黐埋一齊... 而家疫情 嘅情況, 理應盡量分開人坐先啱㗎嘛... 所以我要求轉咗去另外一張枱,不過佢好似好唔滿意咁樣,有指我哋坐邊,又話唔可以坐中間... 非常麻煩, 我爭啲想走人... 不過始終都想飲番杯珍珠奶茶,食埋嘢先算啦... 嗌咗幾樣嘢食,第一碟呢到嘅就係麻辣牛肚, 第一啖落口後,真係畀佢嚇親呀,喊到不得了! 另外嚟多個油麥菜,一樣係十分之喊, 我懷疑舖頭嘅老闆 係周星馳啲fans, 總之啲嘢食有咁喊得咁喊,等我哋飲多啲嘢... 之後嚟咗個牛肉麵同埋鹽酥雞兩個都ok嘅, 珍珠奶茶都可以接受, 不過因為坐近門口嘅關係,見到嗰個四眼白頭阿伯

喺尖沙咀返工一定會去iSquare食嘢平時呢我就會去7樓食日本嘢嘅咁今日我就嚟到3樓食呢間台灣野咁睇個餐牌啦佢呢個唔似套餐大概$60-70 有個小食，有杯嘢飲同有個飯或者麵咁我今次就叫咗排骨酥炒飯咁就配左個麻辣牛肚同凍豆漿嘅 咁因為我個朋友唔食辣腩所以佢都俾埋個小菜我我就嗌左個雞胗嘅飯量超級多但未到有啲淡 不過因為排骨酥比較鹹 所以味道中和左另外小食非常之惹味如果撈埋飯食其實係一流嘅 一定會再黎食小食 飯就不了

難得今日同朋友出尖沙咀行吓街吹下水，原來諗住食茶木，可惜太多人啦就落咗兩層再搵地方食tea，朋友話呢間之前食過唔差，我喺門口睇完menu之後都覺得ok，就入去食入去果陣，個帶眼鏡既女員工態度都唔多好，好似未食飯無精精做野咁😑坐低之後發現無主餐牌，一問先知原來得星期一至五先有得散叫，週末3-5既時間只可以叫指定餐牌野食咁既然都坐低咗，咪照叫野食囉⋯落單果吓就真係嬲果個咁既亞伯，講野細聲、態度差⋯唔想做就唔好做啦叫乜無乜！門口外面擺主餐牌，入到黎坐低先話無，咁你唔好擺個主餐牌出去啦！！唔好開門做生意不如窩夫難食又硬，成碟野得個雪糕最好食⋯杯台式奶茶無味、匙羹又污糟以後都唔幫襯呢間野

🐻 又好耐無出現啦....因為忙碌了一段時間！有無朋友好似🐻咁樣有時突然間好想食台灣野再飲番杯珍奶呢 😂 今次又再次黎幫襯尼間餐廳啦！環境舒服又有大圓枱，岩曬一大班人黎食啊！今次晚市黎食，order左「香蔥魯肉拌麵」、「烏魚籽香草什菌意大利麵」、「香酥炸雞」同埋「寶島珍珠奶茶」😛 之前都食過下午茶同午餐，會抵食d，牛肉麵湯底都好正啊！推介/ 意見‼️✨ 「香蔥魯肉拌麵」🐻最愛啊！因為鋪係面既香蔥魯肉夠曬香口，仲有特製醬汁撈埋一齊食真係好鬼正！夠曬開胃 🤤✨ 「烏魚籽香草什菌意大利麵」係無諗到台灣餐廳會有既主食，辣辣地好惹味，烏魚籽粒粒掛係意大利麵上，每口都好有脆卜卜感覺✨✨ 「香酥炸雞」份量夠多，🐻覺得可以再熱一點就好啦！「寶島珍珠奶茶」就當然唔少得，正常發揮！價錢‼️$68「香蔥魯肉拌麵」$128「烏魚籽香草什菌意大利麵」$58「香酥炸雞」$28「寶島珍珠奶茶」

好耐冇食台灣菜，就同朋友去左isquare既一間台灣餐廳度食晚餐，呢間餐廳環境唔錯，亦都有好多野食可以選擇！我地揀左一樣主食同一樣小食。主食係呢個清酒海鮮湯麵，呢個湯麵好大碗，入面有好多材料，包括蝦、魷魚、海蛤同溏心蛋，好豐富。呢個湯底好清甜，又有啲清酒既味，連埋啲新鮮既海鮮，好味道！小食方面，我地點左忠孝柯仔煎，呢款柯仔煎同平時食開既有啲唔同，係無落到蛋去煎既，但一樣咁好食！我地仲點左桂桂茶同埋忠孝生果茶！

飲品方面, 杯柳丁. 柚子桂花茶無嗌少甜既情況下真係太甜喇😟 杯Oreo沙冰就唔錯, 有Oreo味又唔會話太冰完全飲唔到👌🏻 個墨汁花枝香腸都係ok既☺️ 好有台灣香腸風味, 加埋蒜食更好味😋😋 個蚵仔酥就一d都唔脆唔酥, 個皮太黏, d蠔都好明顯係切落去, 無咩饀, 重點係成個柯仔煎都真係又唔熱又完全無獲氣😕😕 個菜都ok既, 個醬汁配搭得唔錯🤤 炒飯都正常 但真係所有熟食最大敗筆係完全唔夠熱加無獲氣 under my expectation🤥 食得落既但真係無咩特色 希望之後可以做得更好啦😊😊

I was having a meeting with my client on a weekday at 7pm, as I wanted to recommend their fruit tea to my client and I had visited there for a few times, back then, there was a young manager who operates the restaurant and service was good. However, this time. There was a more mature man who looked like the owner of the shop, since we sat down, he showed us really bad attitude- didn’t greet or say much, showing grumpy face and quickly asked us what we wanted to order, and then left without sayin

尖沙咀消費一向吾算相宜，呢間台式餐廳叫相對抵食，一個飯/麵再加小食同果茶，份量也大，抵食牛肉湯麵味道惹味，少少辣，牛𦟌肉厚切，細食者勿挑戰。不過麵偏稔，無嚼勁，我一般海鮮酸辣湯麵好足料，聞起好香，辣味夠，但酸味不足，吾過癮醉雞飯都大份，可惜味太淡，吾夠酒香吾覺食緊醉雞不值一試啲小食可以，小黃瓜芥末味香而不嗆鼻，爽脆清新鴨血有三小塊，麻辣味香貓耳朵即木耳，爽脆，但味偏淡杯冷泡果茶酸酸甜甜，適合夏天飲。

約了client 在尖沙咀傾公事, 見時間尚早, 又不想浪費時間, 決定吃一個 early dinner~  就在iSquare 內走了又走, 最後選擇到" 忠孝東路"吃台灣菜!  餐牌上的菜式雖然蠻多, 但我以輕食為主, 就來一客忠孝牛肉麵, 再加一杯香芋奶茶~  忠孝牛肉麵 很喜歡這裏的湯底，湯頭清澈，但牛肉味濃郁，味道甘甜，不油膩，牛肉份量適中，是半筋半肉那一種，不會一夾便散，而牛肉煮得很入味，牛肉有嚼勁，肉味濃厚，帶脂香，麵條口感帶彈性，掛湯後很好吃!   香芋奶茶 平日慣性點珍奶, 今次改一改, 點了香芋奶茶, 這杯奶茶層次感很重, 一啖喝下去, 會有清香的茶香傳香, 之後便是香芋的香醇味, 味道絕不比珍奶失色~ 忠孝東路   尖沙咀彌敦道63號國際廣場3樓306號舖

原來ISquare開左好多餐廳晏就4點幾左右店舖都唔多人唔洗等位🔹干煸四季豆配珍珠飯 $55肉碎超好味啊但係偏咸左啲送飯剛剛好～食得出係台灣風味 即係唔係打冷嗰種四季豆份量都多但碗仔飯就相對小啲🍚-🔸麻辣豬耳 $42 🌶一上菜已經聞到陣豬耳味🤣味道都偏咸😣 夠辣唔夠麻但係熱拌就減左分🤷🏻‍♀️🤷🏻‍♀️🤷🏻‍♀️真係好小可食熱拌嘅豬耳-🔺招牌忠生果茶加珍珠 $24 (跟餐半價配)實在太太太甜喇😭 真心呢個甜度就算半糖都會過甜勁似濃縮果汁未溝淡😂 雜果賓治味 完全冇茶味的⋯⋯唔知係咪唔記得左落左茶 😥同埋加左$5珍珠但得好小😥除非糖份愛好者 呢杯真係唔建議大家飲

本約了好友到尖沙咀行街，可惜臨時被「放飛機」，唯有獨自一人閒逛，不過，行了個多小時整個人又熱又悶，最後決定找家餐廳坐坐休息。天氣閒熱，吃雪糕就最降溫， 來到iSquare的忠孝東路，就是因為知道它們有雪糕窩夫吃。坐下後極速點了小菜、飲品及窩夫。 墨汁花之枝香腸推介! 雖然是第一次吃這款小食，但就是令人一試愛上，香腸非常有口感，因為內裏放滿了煙煙韌韌的墨魚碎，吃時加入蒜片，辛辣味道令香腸變得更惹味~寶島珍珠奶茶珍珠奶茶屬台式那款，奶味較重，茶味亦不算薄弱，而珍珠口感Q彈煙韌，喝後非常消暑絕對是水準之作。台式麻薯窩夫配雲呢拿雪糕及鮮果窩夫製作需時20分鐘，所以小食送上來時，我就立即下單，生怕要等長時間。窩夫入口酥脆，帶有點點麻薯的微煙韌口感，與雲呢拿雪糕及鮮果的味道超搭，我一個人就能把它們吃光光~