必勝客 (已搬遷) 新店位置

真係好 OUT, 原來有一人餐都唔知 ! 我自已點了餉 PIZZA 仔, 好 CUITE, 4片, 唔會食唔晒 ~老公點了個意粉好正, 雖餐牌已早早註明是辣的, 佢依然向難度挑戰 好彩當日佢有2杯餐飲 ! 辣得黎好野味呀 ! 正正正 而我果杯餐飲轉橙汁都係 +$2 咋 !抵呀 !

SHOPPING後, 本想去吃個下午茶, 但因拿著太多東西, 唯有先回家~在家看到PIZZA HUT外賣紙, 索性打去叫個自選下午茶餐($32)~接電話的女仔幫我落哂單, 最後先話原來唔夠$60, 要加$12運送費~咁我就話唔外賣, 問埋佢如直接落去買就只係收餐價錢, 佢就直接幫我TRANSFER個ORDER落去, 當時大約2PM(其實PIZZA HUT下午茶時段由2:30PM先開始), 佢就叫我大約2:45PM可以落去拎下午茶餐~其實呢個服務又幾方便喎, 有D似茶餐廳打去外賣, 轉頭來拎~ 2:45PM落到去, 俾埋錢, CASHIER位置有SOFA坐低等, 等左唔夠兩分鐘, 個WAITRESS就係廚房拎出來俾我, 感覺好夠新鮮, 即叫即做~ 回家打開, 樣樣都係迷理版, 對於女仔來講, LUNCH+TEA, 夠飽有餘~葡汁雞皇飯, 汁OK, 但飯太淋, 雞柳都滑~墨魚塊, 外形似麥樂雞, 咬落去林林地, 似墨魚滑又有D墨魚粒, 但冇乜味, 要自加茄汁點來吃~法包, 真係細舊得可憐, 一看點解會咁燶 , 好在拎起時才知道係個錫紙燶, 唔係麵包燶, 嘩~ 個包好咸呀~忌廉湯, 其

同屋企人0黎食野,新年0麻,見佢出0左依個批,試一試先都係個Pizza最好食~~PIZZA HUT 係我總哲

農曆新年唔係好多食肆會開門做生意所以去了 PIZZA HUT ~好彩都唔洗等位 !點了新年做望題的 花開富貴 PIZZA, 都幾好味, PIZZA邊仲要有 芝士的, 正正正賣相就一流啦, 我地拎起黎影相時, 旁另一枱客又學我地影 ! 點知個 PIZZA "冼" 了狂枱上, 好搞笑 ...

星期六晚去食pizza hut7點幾當然要等位啦 等10幾個左右但係可能好多人走左其實都唔係等好耐佢編位係有d奇怪 2個人都比4人臺 唔通d臺唔分得開?@_@叫左個輕盈滋味2人套餐 有兩個餐湯 一個前菜 一款pasta perfetto 一個新既帶子火山批 &兩個餐飲落單後等左15~20分鐘左右個忌廉湯加左酥皮 真係好好味同埋好夠熱^0^正吞拿魚蕃茄長通粉 帶子火山批但係呢兩樣黎左個前菜都未黎...哈哈哈帶子火山批個邊係一粒粒既波波 個波波入面有兩種芝士 係Mozzarella 同Cheddar兩種*0*好濃芝士味 個pizza d料好多 個帶子都好好味!!真係值得去試下長通粉好多吞拿魚碎 蕃茄味都好濃 d汁都好夠我之前仲驚佢會好dry~~個前菜揀左個唔記得叫咩名的多士法包多士上面有芝士 同蕃茄 上面既料唔算好多但係多士好脆個蕃茄仔好juicy 都唔錯!個批真係值得去試!!好好味=)但係成晚見好多waiter走黎走去但係都好似見唔到人叫人咁,,埋單果時仲要係對面果臺睇唔過眼個人掂行掂過 幫我地叫左個人翻黎..

pizza hut 3點幾既時份要等廿七個位,好似好過份,入到去終於恍然大悟,原來是咁的...!今次同老公兩個人去,兩個人,但佢比四人位我地,唔怪得啦!嗌個set lunch.我最愛的蒜蓉包,好香,但好醜樣呀!Pizza我唔記得係邊隻喇,今次好多吞拿魚呀!!仲可以拉到芝士絲呀!不過想影果陣,老公想幫我拎pizza,點知跌左呀XD第一次食呢隻pizza可以拉絲咋!

金粟芝士雞翼：好味but貴~$45得4隻~意式風情：厚批，外脆內軟！正！甜品：唔知叫咩名~好似千層穌上面有椰子雪糕~正wo~

外送速遞 Pizza , 睇見都唔開胃 .....醬汁邊有邊無...近邊的仲乾晒 !!! Pizza邊的包又乾又無味 !! 唔值 $78 law !!!! >__< 已經不是第一次,火都黎!

依家星期二、四會入一入馬鞍山教班。教班後，男友過黎馬鞍山搵我食 Lunch，入左黎 pizza hut。唔知點解，馬鞍山既人係咪好鍾意 pizza，定係馬鞍山冇其他野食？因為閒日 lunch 居然要等位囉。叫左兩個一人套餐，有少少將貨就價的感覺，詳細食評如下 羅宋湯: 只屬半暖，同埋唔濃蕃茄味。雖然佢好深色，但好似飲水咁。 蒜蓉包: 呢間分店的蒜蓉包好搽左好多牛油，同時蒜蓉味好香。 牛肉粒菠蘿迷你必勝批: 呢個真係好「將貨就價」囉。首先，佢個面真係得好少好少牛肉粒同埋菠蘿，只有一層簿到紙咁既芝士，而個批邊又好濶。雖然個味道係唔錯，但覺得佢都幾小家。 吞拿魚蘑菇白汁意粉: 都 ok，但唔夠熱。白汁都夠，意粉腍左少少... 吞拿魚和蘑菇既配搭尚算不俗。每人 $40 ， 包餐湯蒜蓉包汽水算唔錯。但如果因此而太過慳皮的話，比人既感覺就唔係咁好。

一個大好星期日，兩個大食懶毅然要瞓到日上三竿先起身。起左身，上上網，睇睇電視就搞到成三點先出去搵野食...。本來諗住去試一試新開的板長壽司，就算冇野好食，食十件三文壽司三十蚊埋單都好嘛。點知去到要等成五十張枱，四點都係咁真係冇野講...。太肚餓了，唔等得，唯有求其揀間食。見到Pizza Hut唔駛等，啲茶餐又平就衝左入去。茶餐大概十款，但係就冇樣令我特別有興趣...最後我地兩人叫左一個秘製雞鎚拼花生牛油多士同埋一個基度山多士（係咁上下名...）拼薯格。成日覺得「秘製」依個字眼好神秘，你又唔知係咩味，但又好似好吸引咁。很可惜必勝客的「秘製」雞鎚原來就係冇味的雞...好似原全無醃過咁，鹽都冇粒，而且炸到乾晒，不知所謂。一齊上的薯角更加恐怖，一啲都唔脆，仲要林batbat油淋淋，又切到好細舊，超難食。花生牛油多士凍左少少，但咁既野唔可以難食得去邊。個基度山多士真係未來到都唔知係咩野...原來係咸的西多士，入面有火腿同芝士，賣相幾靚仔的。但係蛋漿唔香，好似水咁，火腿炸到乾晒...雖然比個雞好少少，但都係好麻麻。西多始終都係甜的好食啲，更何況依度啲手準仲要咁。薯格係唯一接受到既野，幾脆，但薯肉好

吃了匯豐套餐.只有pizza的熱度可接受.湯是半冷不熱,意粉只可以用一堆麵粉來形容.加了一個藍貝,藍貝是"冰"凍的,不敢入口.叫侍應更換,更換後藍貝仍是凍,汁就是熱及勁咸.結賬時寫了意見書,而我的座位看到收銀處的櫃位,各同事在嘻笑地傳閱我的意見書.十二分不尊重顧客!! 請pizza hut的管理層重視員工培訓及監控食物質素!!跟著的日子往兩間不同地點的意粉屋光顧,雖然是連鎖店,但食物質素及服務態度係pizza hut望塵莫及!!!

等左成差唔多九個字先至有位, 發覺馬鞍山特別多人鍾意食piaza.......點了二人餐($178) , 有piaza一個, 湯, 前菜, 意粉, 另加錢可配其他野食。 餐湯- 雜菜湯- 帶有一陣陣涼茶味, 怪怪的???? piaza - 芝麻什麼什麼海鮮批, 帶有香濃芝士, 海鮮不過不失, 幾好。 前菜- 芝士波菜雞批- 好好味, 推介之一, 趁熱食仲正。 $10既一杯忌廉咖啡曲奇冰, 幾美味, 不過咖啡味不多。 加$13既木糠布丁, 木糠夠香, 不過布丁,木糠分配總是不夠平均, 令到最後食餘好多木糠~!!! 芝士雞皇闊條麵 - 亦ok, 很漏, 很飽, 因為火腿,雞肉平均,白汁芝士味夠多,好鬼飽既意粉。piaza hut真係間間唔同質數的呢~ 難怪呢間成日排長龍啦~~~~

喵家一行4人+君君B，一起去吃新出的咖喱扭扭批。叫左個4人餐咖喱扭扭批好好食，連喵媽一向唔好芝士，都吃了幾粒。個餐都算幾多野：咖喱扭扭批大批一個兩個飯/意 (喵挑了雜菌雞絲天使面 + 肉醬千層寬面)一個前菜 (喵挑了雞搥)幾好服務，君君B唔乖，倒瀉水服務生立即過來幫手，無黑面，重好快手就再整理現場！讚~

一行三人去 食 LUNCH , SAT 下午, 入位後見大把人等位 同行有個小朋友, PIZZA HUT 竟有小童 杯 + 餐具 (勁 CUTIE) <可能我太少同小朋友出街食野 >叫左果煙三文魚通粉 (淡到冇味)例牌叫 海鮮焗寬條麵 !仲有果小食 : 芝麻炸蝦餅 .... 勁冇蝦餅味囉 !由於有 COUPON ,所以平好多 !

外賣速遞左最新個個扭扭批餐,用東亞信用卡有優惠$216有扭扭批,小食格格拼,豬排意粉同2個湯個扭扭批有26粒雙色芝士,唔太"漏",都幾好食個批又可以扭d粒粒出黎食,幾好玩個批加左蜜桃好特別,唔錯既