影片
更多
2009-07-14
21 浏览
一個大好星期日，兩個大食懶毅然要瞓到日上三竿先起身。起左身，上上網，睇睇電視就搞到成三點先出去搵野食...。本來諗住去試一試新開的板長壽司，就算冇野好食，食十件三文壽司三十蚊埋單都好嘛。點知去到要等成五十張枱，四點都係咁真係冇野講...。太肚餓了，唔等得，唯有求其揀間食。見到Pizza Hut唔駛等，啲茶餐又平就衝左入去。茶餐大概十款，但係就冇樣令我特別有興趣...最後我地兩人叫左一個秘製雞鎚拼花生牛油多士同埋一個基度山多士（係咁上下名...）拼薯格。成日覺得「秘製」依個字眼好神秘，你又唔知係咩味，但又好似好吸引咁。很可惜必勝客的「秘製」雞鎚原來就係冇味的雞...好似原全無醃過咁，鹽都冇粒，而且炸到乾晒，不知所謂。一齊上的薯角更加恐怖，一啲都唔脆，仲要林batbat油淋淋，又切到好細舊，超難食。花生牛油多士凍左少少，但咁既野唔可以難食得去邊。個基度山多士真係未來到都唔知係咩野...原來係咸的西多士，入面有火腿同芝士，賣相幾靚仔的。但係蛋漿唔香，好似水咁，火腿炸到乾晒...雖然比個雞好少少，但都係好麻麻。西多始終都係甜的好食啲，更何況依度啲手準仲要咁。薯格係唯一接受到既野，幾脆，但薯肉好
茶餐大概十款，但係就冇樣令我特別有興趣...最後我地兩人叫左一個秘製雞鎚拼花生牛油多士同埋一個基度山多士（係咁上下名...）拼薯格。
成日覺得「秘製」依個字眼好神秘，你又唔知係咩味，但又好似好吸引咁。很可惜必勝客的「秘製」雞鎚原來就係冇味的雞...好似原全無醃過咁，鹽都冇粒，而且炸到乾晒，不知所謂。一齊上的薯角更加恐怖，一啲都唔脆，仲要林batbat油淋淋，又切到好細舊，超難食。花生牛油多士凍左少少，但咁既野唔可以難食得去邊。
個基度山多士真係未來到都唔知係咩野...原來係咸的西多士，入面有火腿同芝士，賣相幾靚仔的。但係蛋漿唔香，好似水咁，火腿炸到乾晒...雖然比個雞好少少，但都係好麻麻。西多始終都係甜的好食啲，更何況依度啲手準仲要咁。薯格係唯一接受到既野，幾脆，但薯肉好少，感覺似薯片多啲。而餐飲的凍奶茶淡而無味，得個甜字。
本來見到Pizza Hut的茶餐只係三十蚊覺得好抵，但味道差之餘其實份量又唔會好似椰林閣個啲咁多，唔係真係咁抵。例如雞鎚只係得兩隻，薯角都係個幾舊仔，對於我依啲諗住茶餐充午餐既人當然食完仲好餓。冇下次了。
张贴
