必勝客 (已搬遷) 新店位置

依家星期二、四會入一入馬鞍山教班。教班後，男友過黎馬鞍山搵我食 Lunch，入左黎 pizza hut。唔知點解，馬鞍山既人係咪好鍾意 pizza，定係馬鞍山冇其他野食？因為閒日 lunch 居然要等位囉。叫左兩個一人套餐，有少少將貨就價的感覺，詳細食評如下 羅宋湯: 只屬半暖，同埋唔濃蕃茄味。雖然佢好深色，但好似飲水咁。 蒜蓉包: 呢間分店的蒜蓉包好搽左好多牛油，同時蒜蓉味好香。 牛肉粒菠蘿迷你必勝批: 呢個真係好「將貨就價」囉。首先，佢個面真係得好少好少牛肉粒同埋菠蘿，只有一層簿到紙咁既芝士，而個批邊又好濶。雖然個味道係唔錯，但覺得佢都幾小家。 吞拿魚蘑菇白汁意粉: 都 ok，但唔夠熱。白汁都夠，意粉腍左少少... 吞拿魚和蘑菇既配搭尚算不俗。每人 $40 ， 包餐湯蒜蓉包汽水算唔錯。但如果因此而太過慳皮的話，比人既感覺就唔係咁好。