必勝客 (黃埔天地)

营业中

休息中

暑假尾帶兒子去紅磡美國冒險樂園，途中經過必勝客，正好肚餓，進去試下。兒子想吃批薩，點了個薄批超級至尊，再點個肉醬焗意粉，等咗十五分鐘薄批先上，分咗六小塊，餅底很薄，上面鋪滿餡料，腊肉，雞肉，洋蔥，青椒，咬一口可以拉出好長芝士。 兒子大口大口吃，不一會兒四塊入肚，此時意粉也上了，上面滿滿的肉酱，熱辣辣，意面彈牙，唔錯，兒子吃了大半。這餐總體味道唔錯，但兩人只吃了七分飽，量再多點就更好了

今日下午突然又想食炸雞，結果就去咗附近Pizza hut果到食，叫咗個炸雞同沙律。 凱撒沙律：沙律菜新鮮加埋少少咸嘅煙肉乾好好味，但佢個麵包條好硬身，食咗一啖就無食。 炸雞薯條：薯條熱辣辣，外脆內軟加埋茄汁一齊食真係無得輸。而炸雞佢應該去哂啲骨嚟炸，令到食果陣好方便，而佢炸得唔太油亦保持到炸雞內嘅肉汁，好味道。

呢個煙三文魚意式蕃茄包作為一個下午茶黎講真係唔錯,首先入面塊三文魚就夠晒厚, 而且亦都有好多蕃茄,另外個麵包亦都烘得非常之脆, 好好食至於D薯條亦都同普通M記個D唔同, 入面真係有幾多薯仔同夠脆夠熱

今次去咗食 Pizza Hut，正價食都幾貴，所以揀咗下午茶時間去食，$55一個茶餐唔太抵食。下午茶餐有一個千層麵，另外仲可以揀一個湯或一杯熱飲。今次食咗個肉醬千層麵同意式風味Pizza。肉醬千層麵有好多肉醬同白汁，十分香濃。加上有薯蓉伴碟，令成個千層麵更特別。不過美中不足係覺得肉醬比較咸啲。意式風味Pizza 係細批，不過食咗個千層麵都夠食。Pizza 有菠蘿，雞肉，芝士...味道唔錯，油份唔算太多，食完唔會覺得滯。

今日難得假期就自己出左去周圍行下咁，跟住行下行下見有啲肚餓就開始搵野食，無幾耐就見到呢間必勝客，由於只係得我自己一個，唔會食到太多野加上好耐無食過必勝客，所以就叫左個海鮮寬條面黎搵番啲回憶，但係點知今次嘅回憶有點唔愉快囉。個面一上黎feel到佢夠熱，仲以為係正野，點知食落口好咸，而配料唔多，只有好少嘅海鮮粒同埋三、兩片蟹柳，真係差左啲喎。。。

今日同朋友兩個行街街，周圍行行下又見到必勝客，跟住朋友話想食，我心諗上次食左必勝客先中左伏，今次又去。。。但朋友堅持話想食，咁就唯一入去喇，點知又中伏了。由於得我地兩個人食個lunch，所以就單叫左個普通批，點知個批真係又令我一試難忘，食落唔夠熱都算喇，跟住個批啲料咸到真係想問佢地個廚師洗唔洗咁咸先，而且個價錢仲要成百六蚊。唉，只係可以說又中伏喇。。。。

前陣子朋友請我吃芝士火鍋,當知道是PIZZA HUT心想也不錯,看了餐牌小食配菜也不俗,但當開始吃後才感到受騙的感覺芝士火鍋味道雖然濃郁,但上台一會兒就有點點膿味了,而且芝士的味道不足薯條是又凍又林,相信是不知炸了多久的才拿出來,麵包和雞塊都是非常硬身,已經沒興致理會它的味道如何.唯一可取是雞翼夠脆和可樂夠凍呢....下次還是到一些特色店舖比較好

因信用卡換領免費晚餐.包括有:香蒜肉絲意粉,蒜蓉包,意式雞皇飯,夏威夷風光鬆厚批,煙肉菠蘿芝士酥,汽水香蒜肉絲意粉:香蒜味重特別野味,肉絲及火腿絲都好夠味,意粉煮得好滑唔乾身.蒜蓉包:包好淋唔硬,蒜蓉味重好好味.意式雞皇飯:白汁香滑夠cream,雞肉唔嚡幾夠味.夏威夷風光鬆厚批:用料普通,批底比較油,菠蘿香甜好味.煙肉菠蘿芝士酥:煙肉香口,菠蘿清甜,芝士味濃,酥皮香脆野味.整體:唔錯,可以一食.

叫左:超級至尊迷你必勝批,香蒜大蝦炒意粉,千層肉醬闊麵,西班牙咖啡,辣味雞翼配花生醬多士菜湯:酸味十足,開胃非常.超級至尊迷你必勝批:香脆可口,用料十足.香蒜大蝦炒意粉:今次炒得好野味,香辣味濃,大蝦爽口彈牙.千層肉醬闊麵:肉醬香濃夠味,配上千層闊麵絕對一流.辣味雞翼配花生醬多士:辣味雞翼特別喜愛,香脆味濃野味非常.粗粒花生醬多士:粗粒花生醬特別香口又有口感.間中一試都唔錯呀!西班牙咖啡:咖啡香濃,再加配雪糕,令咖啡更香滑甜美.整體:唔錯,好底食.

好多好多年無堂食pizza hut了，今次因為一次pizza hut在外賣方面處理欠佳，經提出意見後pizza hut送了金卡會籍給我。想不到吃什麼便來吃堂食。其實pizza hut送了金卡，表面上是感謝意見和表示歉意，實情是曲線引我幫襯，我又竟然上當。不過算啦，pizza hut由細食到大，性價比一向合理，有優惠的話其實真係抵食。帶阿囡出街食飯，一向都是把自己點的分一點給她。但今天突然想試試兒童餐menu，見就見得多，$48就點一客吧。兒童餐可選肉醬意粉或菠菜肉腸長通粉，我替女兒選了長通粉。除長通粉外，還有啫喱糖、烤雞尾腸和雞翼。女兒吃不完一整份，她吃了半份長通粉、全部啫喱糖。至於肉腸和雞翼，因為不太健康，就由我和老公吃了，沒有打算給女兒嚐試。雞湯菠菜，$50，純粹想每餐有啲菜食。出街食菜係一定貴的。因為有散點買一送一券，老公點了$78的香蒜片大蝦意粉（唔記得影相），便送一個相同或平啲的意粉，我便點了千層肉醬闊麵。千層肉醬闊麵我覺得是水準之作。金卡優惠加上買一送一券優惠，三個人吃都不用$200，唔錯！

叫左:香蒜肉絲意粉,咖哩雞翼三重奏,香蒜芝士白汁蜆肉薯蓉香蒜肉絲意粉:蒜香野味,足料味美.咖哩雞翼三重奏:咖哩香濃足味,可惜有小小over cook.配原味雞翼一流,肉丸彈牙有口感.香蒜芝士白汁蜆肉薯蓉:好多蜆肉都幾鮮味,個薯蓉焗得剛剛好,好creamy.整體質素可靠,有時間會再去幫襯.

叫左:菜湯,西班牙海鮮炒飯,迷你三文魚沙律三式拼盤,辣味雞翼,超級至尊迷你必勝批,香蒜大蝦炒意粉菜湯:酸味十足,開胃非常.西班牙海鮮炒飯:香口美味,份量十足,大蝦幾多幾新鮮,辣肉腸香辣野味,帶子彈牙,魷魚唔嚡.迷你三文魚沙律三式拼盤:迷你三文魚沙律+原味雞翼+朱古力木糠芭菲,三文魚沙律冇咩特殊,原味雞翼香口野味,朱古力木糠芭菲好好味,creamy香滑.辣味雞翼:雞翼入味又濃味,香辣野味.超級至尊迷你必勝批:香脆可口,口感一流.香蒜大蝦炒意粉:蒜味足,蝦肉新鮮彈牙,微辣幾好味.整體唔錯.

會員卡就到期要用清D分,所以請朋友食TEA.叫左:超級至尊迷你必勝批,香蒜大蝦炒意粉,肉醬意粉,大蝦蜆肉焗飯,蒜茸包,西班牙海鮮炒飯,葡汁雞皇焗飯,原味雞翼,辣味雞翼.超級至尊迷你必勝批:香脆可口,本人覺得比普通批同大批好味.香蒜大蝦炒意粉:好淡,所有取消了此意粉,轉了西班牙海鮮炒飯.肉醬意粉:肉醬香濃夠味,可惜油左小小.大蝦蜆肉焗飯:好多蝦同蜆肉,蝦肉新鮮彈牙,蜆肉細細粒都幾鮮味.個汁似肉醬意粉一樣,只係冇敢重味.蒜茸包:味道可以,不過太燶.西班牙海鮮炒飯:香口美味,有大蝦,辣肉腸,帶子,魷魚.大蝦都係份量多,幾新鮮,辣肉腸香辣野味,帶子彈牙,魷魚唔嚡.整體幾好味.葡汁雞皇焗飯:個汁香滑味濃,雞肉幾滑.原味雞翼,辣味雞翼:本人特別喜愛,必食之選,雞翼入味又濃味,好香口.水準唔錯會再去幫襯.

搬到紅磡後，到pizza hut很容易。黃埔花園地鋪很多我喜歡的食店，裝修光鮮靚麗又好吃，選擇多多，不會悶到我的黑洞級肚子（我像黑洞一樣見到食物就級進去，因為很喜歡吃！）到此吃下午茶，52元一份肉丸菠蘿pizza, upgrade 10元到芝心批，包汽水無限添喝，不過如果選擇茶水/湯就不會無限添喝。AMAZING: 芝心批一直是最愛，鹹味芝心像半融的黃色棉花糖一樣慢動作流出，加上抱住芝心的面包皮是有點甜的，熱辣辣一口一口送到我的「黑洞」中，讓我一再染上難以根治的芝心批毒癮。雖然科學家有說黑洞會將所有吸進去的信息永遠消磨掉，不會留下任何殘渣，不過芝心批會在我的黑洞肚子留下永不磨滅的幸福烙印。另外批上的豬肉丸子做得很入味，很多黑椒，吃的我很滿足。會再來吃下午茶的威爾斯奶油批，39塊，要加一。English version: The molten salty cheezy stuffing and slightly sweet crust is sooooooooooo amazing, the flarvour as well as its smell make you so happy.

夜晚大約6點幾去到，吾洗等位，一行4人被安排坐係落單機正旁邊，以為可以方便落單，但竟然發生不愉快事情。第一位女服務員態度很好，佢尊重客人時，我地都會尊重佢。落單叫左個扭扭PIZZA的精選2人套餐，$228。包2杯汽水，2碗湯，1份普通SIZE扭扭PIZZA，1份葡國雞王飯。然後我地另外叫左1份雞柳配薯條、1份蒜香肉絲意粉。係傾計途中，上左汽水同湯，第一位女服務員態度仍很好。然後上薯條同意粉，意粉味道其實係好淡，連味道都無，仲以為係因為飲左忌廉湯，但原來不是。到扭扭PIZZA上台時，SIZE真的令人覺得無奈，不過之前未試過，就算啦。食左所有菜，再傾左大約半小時，個飯仲未到，當時已是8點多接近9點。落單機係旁邊，我地問當時企係到的第二位男服務員，我地一路麻煩佢落單，佢就一路好輕佻甘哼歌，哼完佢果PART先答"好丫"然後佢去催單之際，我地4人已經覺得個服務員有問題。再等左15分鐘，再問佢，佢就話"等8分鐘，你地等吾等?!"語氣吾良好!過左半小時，仲未上，我地再催，佢先慢慢拎個飯，好無禮貌地放係台邊就走左。我望住佢行入傳菜個位，佢一個好吾專業的樣子挨係架旁邊。到埋單，由第三位男男服務員拎本簿黎