心事如塵茶食亭 (活@KCC) (已結業)

叫呢間餐廳三次 全部都係外賣頭兩次都係餐廳叫，然後係全面等。因為都要等一陣所以第三次我轉叫外賣自取。11:35左右落單，揀12:00攞外賣。點知12:05我落到去都未有，等到12:20先有⋯食物質素ok，但外賣自取都咁耐真係接受唔到

今日去左KCC 呢間獎外賣為主的餐廳買了個燒雞扒烏冬 一試，味道來說無味同清淡係一線之差，叫無味精又清唔上，配菜又唔夠，得幾片海草加一個烏冬，呢個湯味道我家工人妹妹神還原，$12店或者AEON超市買一枝烏冬汁加一包乾海藻就可以煮到十幾廿次🤭主角雞排太薄，仲要切得太幼無乜口感，更什至乎食唔到雞味，仲要有勁多雞皮，同埋得燒汁既甜字廸議可以加番啲栗米、兩片烏門魚旦及半棵旦，至少加番啲份量，另外雞排則要換供應商吧😔

揀呢一間外賣或多或少都係打住對阿麈ge好奇心，難得因為公事嚟呢到呢一區，咁當然去 想試試啦。 叫咗個lunch set有咖哩牛肉烏冬仲有杯嘢飲（愛玉好茶）添。杯上面當然唔少得有阿麈啦。食物質素不過不生不過，lunch呢個價位連杯茶，收貨㗎喇。

「心事如塵茶食亭」💕呢度係我同男朋友嘅秘密基地，當我哋想傾吓計嘅時候，就會嚟呢度飲杯嘢傾吓計。我一直都係 dustykid嘅fans，如果你都係，你一定會好明白望到佢哋嘅書同精品，會有一種豁然開朗嘅感覺。當然！佢哋嘅飲品亦都好好味😍🔥左邊嘅係芝士奶蓋四季春（$36）芝士嘅味道好濃郁，配合埋清清地嘅四季春，味道好夾之餘亦唔會好飽。🔥右邊嘅芝士奶蓋茉莉綠茶（$36）茉莉味香濃，飲完之後後面仲有一種淡淡的茉莉味💕適合係食完飯之後飲！

我去過葵興嗰間分店,食物都ok,但係個別員工好唔掂,就是嗰個女身男相嗰個人,服務態度好惡劣,問她多啲食物資訊，或點菜慢她就會十分不耐煩之後喝返你,經常用十分惡劣嘅態度對顧客!唔通佢更年期!個樣都似嘅!這個態度對顧客都唔炒好可能是有股份的.所以我奉勸各位如果係這個短頭髮男人頭的店員。請切勿幫襯！因為我們係幫襯他們！唔係嚟受氣！(其他正常男女店員，服務態度好好有禮貌！)希望有關店舖會跟進這個問題！如果各位讀者懷疑我說謊可以親身試吓！記住就得一個短頭髮男人頭女人身的店員！

灼燒雞扒烏冬 - 味道濃郁大件灼燒雞扒 + 海草做配菜，湯底新淡唔會搶過雞扒嘅灼燒味，如烏冬可以「彈牙D」更加正！塵仔牛肉烏冬 - 簿簿牛肉片同樣海草做配菜，湯底烏冬同出一轍….想食得清清淡淡嘅朋友仔可以一試！飲品杯上印有塵仔logo 令人格外放鬆

買野飲，落單時候講左要 走冰 收到單時都有望清楚 係有落到走冰的因為平時都有甩甩流流所以我都會望吓張單等左一陣，野飲到 我見到有少少冰我就同返個收銀職員講跟住佢拍左一下枱講：點都有幾粒冰架wo, 你唔要冰就少d茶我覆ok! 佢攞返杯茶去後邊廚房收銀職員：佢話唔要冰喎廚房職員：幾粒碎冰咋喎收銀職員：幾粒都唔要呀大聲到我企出邊都聽到其實我平時一直都有係佢地到買野飲叫開走冰 一直都可以雖然平時的待客態度稱唔上好，但今日直頭係差劣如果真係唔可以走冰嘅收錢嘅時候已經要講唔係杯嘢飲揸到手有少少冰然後覺得個客少少冰都接受唔到

天氣轉熱，行到身水身汗就諗住去買啲凍嘢飲補充下體力。經過見到呢間茶飲店都幾多人排隊，應該唔會唔好飲掛😆嗌咗一杯港式奶茶底嘅黑糖珍珠奶茶。見到Menu有呢個選擇，覺得幾特別，因為通常黑糖真奶嘅茶底都係台式奶茶，比較重奶味，而港式奶茶就比較着重茶味，咁特別，一於試一試。估唔到港式奶茶同黑糖珍珠都幾夾，兩者幾balance，飲到茶味之餘都有啲黑糖嘅焦香，甜度亦啱啱好，珍珠算幾有咬口。難得凍熱竟然同一個價錢，如果再經過必定會再幫襯👍🏻

一直都想試心事塵茶💛 今日空閒但心情唔好就行去買杯飲😛 叫左熱黑糖珍珠奶茶 ($36) 要港式奶茶底🤤 熱飲外賣杯來講就冇咩特別 不過個熱杯紙套真係好靚😍 「咕嚕咕嚕... 哈~」是轉變好心情的咒語。 見到都真係心情好唔少😆 暖暖嘅熱飲攞係手上感覺好好😙 不過心急飲就唔小心淥親條脷😂 於是就慢慢打卡等陣再飲🙈 飲落覺得奶茶味夠濃😋 不過略嫌黑糖唔夠甜😳 但珍珠好食😚

店舖以小塵埃為主題 再配合不同嘅打氣字句不自覺療癒人心靈 又再充滿力量去面對生活🥰四季春茶FRESH得嚟帶點回甘 但茶味唔算濃郁奶蓋較稀唔算濃厚 預期會CREAMY小小🥺下次再支持其他飲品先 希望有新驚喜喇💛

老老實實，我每朝都喺隔離買麵包做早餐，見到呢間嘢咁少女，真係冇乜信心。不過食嘢悶到一個點，就試下呢間嘢，睇個店名真係唔知佢賣乜囉～今日叫咗 好似吉x家牛肉飯，同事叫咗個未來豬肉飯食慣味精嘅人一定覺得淡，但係慢慢食，咬耐啲，其實呢啲先係食物原味。跟餐嘅湯，或茶竟然都有驚喜。我以為呢啲少女店會唔飽，份量竟然夠，個粟米湯唔係罐頭湯，似係足料blend完再煮，一定好過樓上啲用粉開嘅粟米湯同事叫左黑糖珍珠，佢話唔係最好飲，但係三十幾蚊都幾抵。香港人，試下畀條脷休息下，諗下你要嘅係味精定係食物呢

知道有3pm-5pm買第二杯有半價嘅優惠已經有一段時間，見優惠剩番最後四日，所以吸引倒我幫襯。當日喺5點前落單，本住試伏野嘅精神買咗兩杯伏野飲：凍抹茶紅豆牛奶(原價$36)、凍桃膠胚芽米奶(原價$35)，總消費$53.5。結果好失望，比預期更伏。！！同樣價錢值得有更好嘅選擇！！唔買餐牌推薦嘅黑糖珍珠奶茶係因為之前啱啱新開張嘅時候有飲過，覺得珍珠偏硬身，口感唔好，所以唔敢再試。//凍抹茶紅豆牛奶//紅豆硬，唔甜又冇沙，抹茶味偏淡，如果用同一價錢嘅話，大家值得去飲出面茶餐廳、冰室或者快餐店更平或者差唔多價錢嘅紅豆冰/配紅豆嘅飲品，例如係華田/抹茶/奶茶嘅紅豆冰。一定會好飲過呢杯好多！//凍桃膠胚芽米奶//係有清新健康的味道。可能因為米奶本身冇咩味，所以整體飲落較淡。另外桃膠係一種本身冇咩味嘅食物，要靠配搭嘅飲料出味，所以如果個野飲唔太有味嘅話配出黎都係比較淡味啲。如果鍾意清淡淡味嘅話可能會啱你，而我個人就覺得麻麻地。//總結//阿塵嘅飲品真係貴喺個商標，飲品質素冇想像中咁好。如果唔係有阿塵同埋優惠，我應該唔會由開舖至今一共幫襯佢三次。今次係最後一次幫襯，以後應該唔會再幫襯，阿塵呢個品牌嘅野

KCC呢一層有好多細細間嘅食肆所組成， 呢間心事如塵除咗飲台式飲品之外，仲有啲沙律啊、茶包啊、曲奇啊🍪等等嘅嘢食! -黑糖珍珠抹茶豆奶（4/5）其實平時好鍾意飲黑糖類型嘅台式飲品🥰但大多數舖頭嘅黑糖飲品都唔俾更改甜度😟所以好多時都冇飲😭-但今次呢一間竟然可以走甜💘侍應哥哥都有講清楚話其實好難走甜🙈因為黑糖珍珠本身都已經甜，但佢話盡量幫我走！-嘢飲嚟到嘅時候見到抹茶、豆奶，同埋黑糖嘅分層，非常之靚！🤤飲落味道都幾和諧，飲完唔會話有太膩嘅感覺！

之前偶然吓食過呢個品牌既咖啡味曲奇，印象深刻，好香濃咖啡味！今日經過就試吓其他產品^^飲品點了熱桃膠杞子梨子蜜大大片梨乾，唔太甜，岩我口味，滋潤又天然～呢間茶飲仲有小食果乾提供，係其他同類鋪少見既～$40/3包自己係綠茶控，綠茶曲奇當然要試啦。綠茶味夠濃今次試埋鍾意既菠蘿菠蘿乾薄薄一片，好似一朵花，差啲唔捨得食一包有三片，口感好得意應該冇添加糖，甜度岩岩好，帶少少酸，好開胃又試埋中秋限定既月餅：高知抹茶紅豆&黑麥朱古力蓮蓉抹茶紅豆既紅豆蓉相對較甜，其實出面既紅豆蓉都係甘甜，下次如果出低糖我會更喜歡

［葵興］心事如塵茶食亭 好耐無來葵興連呢度開左個新商場都唔知但係星期六唔係好多舖頭有開行到咁熱見到有飲品店就當然幫襯吓啦.芝士奶蓋四季春食剩指數:10/100芝士奶蓋味道幾平衡有芝士味得嚟唔會太奶少少咸味剛好四季春茶底就甜左少少如果茶味再濃啲同少甜就更好呢間店係試業中仲有改善空間～.芝士蛋糕食剩指數:0/100份量好細件但係15$都合理可接受芝士好厚實真材實料係好濃好實淨既芝士蛋糕可以一試.見到現場都有好多餅賣下次有機會再食