心之食堂 (裝修中)

兩個女仔intern後嘅晚餐飯聚，今次揀咗銅鑼灣的日本料理—心之食堂一坐下見到充電器，立刻加分。然後點菜係自行用筆喺牌上寫數量，既環保又方便，比我嘅first impression唔錯~餐牌上太多食物飲品了，怕浪費只好嚴選，經一輪研究後，終於選了“刺身-海膽及帆立貝”、“心之卷物-李小龍卷”、“主食-原條鰻魚石鍋飯”、“燒物-燒香草豬頸肉”及“一品料理-心動大阪燒”先來了“刺身-海膽及帆立貝”。帆立貝勁大隻好鮮味，特別一提是那盛盤是一迷你木枱，好得意，另外我本身是不好海膽，因經常都吃到是很腥的，但這個完全不會“心之卷物-李小龍卷”，係迷你木椅，望落好可愛呀。這個卷物很豐富的材料，口感很多層次“主食-原條鰻魚石鍋飯”。鍋好似比平時細，但看真是石鍋薄，但耐熱程度不差呀，裏面係有滿滿的飯，鰻魚又大條又好吃~~~~“燒物-燒香草豬頸肉”。勁香的香草味，豬頸肉燒得脆脆的，口感味道都一流，一定要試最後是“一品料理-心動大阪燒”。果然係心動，因為係心型架，內裏餡料十足，味道都好好哈，又一餐滿滿足足，充滿笑聲的開心時光

位於商業大廈內的日式家居感覺的小店、很有日本家的感覺☺️、這裡大約有20多個座位、座位寬闊、舒服、不限時。第一次來這店與朋友慶祝生日晚餐、環境幽靜、舒適乾淨、可以靜靜地聊天、慢慢享用。今次點了十多樣美食😬、直得推介👉🏽甜蝦、夠大隻、肉質鮮甜彈牙😋😋 另外、炸雞皮、爽口不油膩👍🏽👍🏽 還有、原條鰻魚石頭鍋飯、耐熱、食到尾還keep到暖、而且有少少飯焦、正👍🏽👍🏽 鰻魚有手掌🖐️這麼大、鰻魚汁好味😋、下次可以再試埋其他😬

今日去到銅鑼灣食日本野，平時都有去開京華中心食野，最近睇雜誌有介紹心之食堂所以就約埋朋友一齊去食，個環境幾安靜幾好，好有特色，牆上面掛左好多單車，仲要五多款既單車，好似去左台灣風味的日本餐廳我叫左炸雞肉軟雞粒$38 ，叫左吉列牛柳粒飯$88 ，又叫左心之火焰鐵板牛柳串$88，款款都好好味，炸雞肉軟雞粒好脆好香，小食黎講都算幾大份，點埋醬一流。去到主食，吉列牛柳粒飯份量好大，好好食，又五算貴，佢係吉列牛柳黎都有成6件甘多，個飯係心形嫁，上面仲有好多素飯，好香，配搭起上黎飯同吉列牛柳好夾，又夠熱! 終於到左心之火焰鐵板牛柳串，佢會係你面前點火，之後見到D火燒緊牛柳串，影起相上黎真係好誇張，D火燒起上黎令牛柳串都蠡得好熱同好香，好似燒甘樣!

今日相幾朋友係銅鑼灣 想去一間比較靜少少的餐廳食個晚餐 留意到係銅鑼灣百樂中心12樓有間日本餐廳-心之食堂💓 就打算同朋友一齊試下啦😎😎個名樂有日本feel之餘 裝飾都好有特式😚我同朋友可能早黎 冇咩人 餐廳燈光昏黃 亦有一些小植物和掛飾波波做裝飾品～餐牌係一本簿仔咁 客人點餐可以直接在餐牌些寫些所需的數目～ 環保又方便🤗🤗先黎打頭陣！我地點了這個原條鰻魚石鍋飯🍚 條鰻魚長過石鍋 上面鋪滿鰻魚汁 再配上芝麻同紫菜 香氣更加突出～鍋飯裏便嘅飯都有輕微炒過～ 有咸味 加上石鍋不釋放嘅熱力 令到石鍋裏面嘅飯keep住保溫 食到最後仲有飯焦😍😍😍 好好味！另外我哋仲叫咗一啲刺身：包括有三文魚、吞拿魚、八爪魚🐙 個人最中意食三文魚～因為非常之肥美鮮甜🤩🤩🤩而吞拿魚亦都唔錯👍🏻👍🏻👍🏻 令一樣值得欣賞嘅就係擺盆😝😝只係幾塊刺身用上咗用足做嘅架子～ 可見用心👏🏻👏🏻👏🏻刺身點少少豉油加Wasabi非常之提鮮！另外仲有海膽～ 係用個透明玻璃杯裝住好似飲cocktail 咁😽😽😽海膽亦都相當新鮮用嚟撈飯一流😍😍😍我哋亦叫咗一啲串燒～ 有牛舌同埋雞腎串燒🐂🐂🐥🐥我同朋友都非常鍾意食牛舌！牛舌非常之厚身～而

小妹熱愛日本菜，放工後同朋友過左去位於銅鑼灣百樂中心既心之食堂吃晚餐心之食堂主打串燒、刺身和壽司等日本菜。餐廳面積雖然不算很大，但佈置用心，適合情侶或閨蜜到來用餐由於天氣非常熱，我地先點左杯青蛙王子解渴，即係忌廉梳打加綠茶雪糕，兩者加埋一齊都幾match先點左刺身三文魚、帆立貝，同牡丹蝦🦐。帆立貝質素正常。三文魚肥美油潤，如果大塊d會更開心牡丹蝦都幾鮮甜邪惡包即是紫菜包著鮮帶子+鵝肝厚薄適中，油脂滿溢的鵝肝非常邪惡，我喜歡！鵝肝既香味蓋過左帶子既味彩虹卷七彩繽紛的彩虹卷面上其實是由蟹籽、紫菜碎和黑魚子醬所組成，內裡包裹著吉列蝦同青瓜，口感豐富，味道不錯甜蝦軍艦賣相不錯，質素正常心之蛋卷蛋卷面上擠上了心形的茄汁，別具心思！內餡係芝士和三文魚碎，芝士流心，味道不錯心動大阪燒大阪燒外脆內軟，呈心形，果然係用心製作。內餡主要係椰菜和煙肉碎，非常香口，口感豐富，好味道嚕

同個肥b一齊收工，行完街係銅鑼灣附近食飯，成棟大廈都食嘢，天氣咁熱，梗係食日本菜啦～ 海膽蟹籽杯 $68嘩！係肥肥海膽呀！加埋澎拜嘅蟹籽，口感好豐富！新鮮嘅海膽係個口到慢慢溶好幸福啊！蟹子沙律 $68好大盤，鋪得好靚，有好多蟹子成晚食好多肉，呢盤菜可以中和返蟹肉忌廉薯餅 $38Woohoo！好creamy！外脆內軟！超級正！不過真係好熱，要小心d食！芝士炸雞 $58鐵板上，熱辣辣，最鍾意！芝士可以一絲絲咁拉起！炸雞都juicy！兩樣都係我嘅至愛！厚燒牛舌心 $58一串有三塊，果然係「心」質地係好好，唔un又無痴牙！肉味一流！份量細咗d～心之蛋捲 $88一睇名就知係招牌菜！一切開，d芝士好似熔岩咁流出黎，好正！好豐富嘅口感原條鰻魚石鍋飯 $88成條鰻魚上，好開心！石鍋好熱，有dd飯焦，連埋d甜甜鰻魚汁，好好味！食咁多嘢都係$535，樓上舖係抵嘅！又可以訂台唔洗等位，亦都無限時進餐，餐廳服務又OK，環境亦都OK！其實行完商場，唔係淨係可以係商場逼同排長龍等位食飯嘅～

素來都知銅鑼灣有唔少上樓既食店，呢日行開ts就順路兜去後面既百樂中心睇下有乜好食。喺大堂水牌見到呢間「心之食堂」好似幾吸引咁就決定試下餐廳食物同日本居酒屋類近，都係以可以伴酒既小食為主，好適合收工後同三五知己黎食下野摸下杯底。反而裝修方面感覺似cafe多啲，牆上掛既壁畫同裝飾都偏向休閒文青。食物選擇都幾多，燒物、炸物、和風沙律、飯、壽司、刺身、卷物應有盡有。上菜速度有效率，落單十分鐘食物己經上枱吉烈牛柳粒炸粉薄而脆，只係薄薄咁裹在表面，食落唔會有粉感；裡面既牛肉質好鮮嫩，入口即化，一啲都唔乾唔韌，即使凍左仍然保持水準，推薦心之蛋卷以為只係普通既玉子燒，但原來夾住芝士、鮭魚、蟹籽做內餡！蛋卷濕潤綿密，一切開裡面溶化既芝士一瀉而出，流心效果好治癮裡面加左鮭魚碎為蛋卷增加左鮮味，配埋蟹籽食落口感豐富。原條鰻魚石鍋飯賣相加分，鰻魚雖長但偏薄，勝在肉質軟嫩無骨；飯色水係夠，但食落味道偏淡，宜配上鰻魚汁俾客人自己隨意加減；石鍋溫度控制得唔錯，擺耐左都唔會成個邊位燶哂，可以慢慢食。脆脆吞拿魚腩卷吞拿魚腩鮮美唔腥，醬汁加左柚子粒，食落好清新；卷物裡面夾住天婦羅脆脆，食起黎口感爽脆，幾特別既一款，表現不

今日終於有得睇久石讓音樂會yeah!!!!🙏同朋友喺銅鑼灣行街有個姐姐派傳單，外貌似樓上Cafe，不過係日式料理。耀華街伯樂中心12樓，又近地鐵站。即係劈酒个條街，時代廣場行唔使2分鐘到😗。食完(心知食堂)更可以朋友丫一家人落去飲酒食糖水🔫就腳丫 裝修也很似日式居酒屋，顏色簡樸，簡簡單單就好了。食嘢最緊要色香味俱全！空氣很清新，座位很寬闊。不過有點搞笑，咽氣管掛住樹葉和波波，好似聖誕節咁樣😂有個吧枱空間可以坐四至五個人。鋪頭雖然不算很大很大，但是設計感官很好👌同場客人也很斯文，不會吵吵鬧鬧。我偷望個廚房，內面乾淨企理。 食物種類很多，真係超多！ 佢哋好環保，落單係Menu到就OK。好多人叫完嘢食唔記得咗自己叫咩食丫嘛😂 員工態度很有禮貌很舒服。邪惡包 值得紫菜加生菜包住帶子和鵝肝鵝肝唔會食到有臭味㗎，做到外脆內軟帶子能夠所鎖住肉汁水份，很新鮮甜嘅 厚燒牛舌心 58$ 本人覺得係值得很多餐廳都達不到水平，一係就食泥，一係就食香口膠，一係就雞辦牛。他達到个功夫比正常也不錯了🙂 鐵板豆腐 值得有四舊豆腐，無呃您，擺咗20分鐘，夾起時仲出煙👍👍👍個汁就比較濃，食落口又唔會鹹，因為豆腐

上星期五晚接完好姊妹機，出到銅鑼灣已經9點幾，於是我地就去左一直人氣高企既心之食堂Love Cafe試試。一去到門口就見到充滿日式風情既裝修，門外有唔少櫻花佈置，激起我地既少女心haha > <頭盤方面，我地分別點左三文魚刺身同黑松露帶子刺身。三文魚刺身厚身，而且肉質幾肥美，咬落去十分滿足，岩哂友人口味。上碟既裝飾亦十分精緻，幾得意。全場最有驚喜既係依個黑松露帶子刺身串！帶子好新鮮亦好鮮甜，厚度夠，仲要大大粒。最驚喜既地方係諗唔到帶子刺身原來同黑松露既味道係咁夾，絕對值得encore！小食方面，我地點左香草燒豬頸肉同埋甘栗紫薯薯餅。好濃郁既香草味配上好爽口既豬頸肉，食過咁多間串燒黎講，依個配搭可算係天作之合。身為紫薯忠實fans既我當然唔會放過任何一個食到紫薯既機會啦！甘栗同紫薯幾襯，甘栗既甜味同紫薯既味道互相配合，唔會太甜又唔會平淡無味，雖然係炸物，但又唔覺得好油好肥。蒲燒鯖魚係我個人既喜好之一，我幾中意餐廳所選用既燒汁，鯖魚唔會燒得太老，可以連皮食。主食方面，我地揀左蒲燒鰻魚飯，無諗過條鰻魚原來咁長！個飯炒得幾乾身，過左一陣仲可以食到飯焦，而且份量都幾大，兩個人食岩

好耐無見既朋友約我食飯 話要帶我試下一間好味日本菜於是上星期一收工即刻去試左依間位於銅鑼灣樓上舖既日本料理店好近地鐵站 好易位一上到去已經覺得佈置好日本風入到去環境好溫馨 比人好舒服既感覺最甜心係有充電線比人充電 !!!首先我地叫左一個紫薯薯餅外脆內軟 真係好有紫薯味 好好食然後叫左汁燒牛肉飯牛肉汁好鮮甜 成碗飯都充滿住牛肉既鮮味個碗望落唔算大 但有好多飯 好充料仲叫左個香草豬頸肉烏冬香草味真係好惹味 豬頸肉肉質好軟同香草味好夾 再叫左個鹽燒大啡菇我一向好鐘意食菇 依首大啡菇果然無令我失望菇上面灑上目魚 令到大啡更加香咬落去有啖啖菇汁流出來而且完全保留到大啡菇既鮮味之後同朋友再order左個蟹肉忌廉薯餅一咬落去 表皮脆卜卜 入面既蟹肉加左忌廉好滑食到唔同層次架！真係好好食 ！最後我地試多個日式蟹籽沙律份量好充料 蟹籽都好多撈完之後都啖啖蟹籽 好正同朋友食得好滿足 一定會再其他朋友去試埋其他菜式！

今天晚上來到了心之食堂~最愛的日本料理耶~ヾ(◍°∇°◍)ﾉﾞ心之食堂就在銅鑼灣燈籠街附近一上到店就感覺是精品小店的感覺~店里位置不算多~但在熱鬧的銅鑼灣和情人伙朋友上來食個chill的晚餐也很不錯看看餐牌~雖然有加一，但是一眼看過去價錢算是很平民有燒物，炸物和主食~ヾ(ｏ･ω･)ﾉ我們點了鐵板豆腐，鰻魚茶漬飯，京蔥雞肉串，蘆筍海老牛肉卷，甜蝦刺身4只，推介的李小龍卷，心之魚生飯，飲品方面也是選了大推的青蛙王子~lstart !(ﾉ´▽｀)ﾉ♪鐵板豆腐做為第一道菜打頭陣很不錯，外脆內軟，吃下去有點像客家豆腐煲的感覺，醬料是偏甜的~鰻魚茶漬飯，以為是很大份的,但到了是一小碗的份量，但我和朋友也叫了很多小食，所以不怕會撐爆肚皮ヾ(ｏ･ω･)ﾉ鰻魚嫩滑，略嫌茶漬飯的茶味並不夠重，但喜歡清新的少女一定也會喜歡京蔥雞肉串淋上甜香的燒汁，京蔥很厚實，喜歡吃蔥蒜類的我表示很滿足嘻嘻~雞肉也燒得很嫩滑；另外是蘆筍海老牛肉卷，想不到蝦跟牛肉這個配搭還挺刺激味蕾的｡◕ᴗ◕｡給串燒們的唯一意見是覺得東西不夠熱~~串燒要有燙口的感覺彩滿分呢(*￣︶￣)甜蝦刺身是最出色的~! 很香甜~愛吃刺身的朋友們一定必點！

早幾日, 有朋友介紹我黎 “心之食堂” 試下, 話呢度啲晚飯相當唔錯, 所以琴日就特登黎食下。以食物方面, 有好幾樣食物都做得好出息, 非常值推介。第一樣介紹既食物, 就係呢間餐廰既刺身。我哋叫咗三文魚、吞拿魚以及帆立貝 刺身。所有刺身都好厚好大塊, 非常抵食。而係鮮味方面，啲刺身都有真正喺日本食到嘅水準。而且放刺身嘅架亦設計得好特別。所以下次絕對會想再嚟食多次。第二樣都覺得值得一提嘅菜式，就係原條鰻魚石鍋飯。鰻魚好香，醬汁亦非常充足。而最鍾意就係石鍋底部既飯, 脆得黎又唔會太亁。呢個質素並唔係度度都有。所以可以話係呢間餐廳必食既；如果係冬天嚟食既話，就更加係強烈推介喇～另外，亦叫咗一個小食：芝士炸雞。炸雞同芝士嘅配搭真係好夾。我朋友更因為覺得啲芝士好好味, 就刮埋個底，務求食曬啲芝士為止 XD食完嘢, 緊係要飲返杯野飲啦。我就叫咗熱檸檬果茶。飲落去, 有淡淡嘅蜜糖香味同檸檬清香。份量亦唔會太少, 唔會好似一般既餐廳咁, 一兩啖就飲完。與此同時, 係適中嘅冷氣、舒適嘅環境下, 嘆呢杯咁潤喉嘅飲品, 真係冇得頂!總括黎講, 食物質素佳, 味道不錯；環境舒適, 裝修亦好靚, 牆身仲掛咗部特

銅鑼灣有著不少日式餐廳，而心之食堂算是走較新派的路線。這裡的裝潢簡單舒適，牆上掛上單車、宣傳鐵板等作裝飾，滿有特色。蟹肉忌廉餅 $38上桌時剛炸起很新鮮熱燙，炸漿不會太厚，內裡的蟹肉忌廉香軟順滑，有淡淡蟹味。芝士他他炸蝦 $58半溶的片裝芝士是滿滿的他他醬，配搭炸得香脆的炸蝦，熱氣驟減亦更覺美味。厚燒牛舌心 $58牛舌的牛味十足，沒有多餘調味，口感軟中帶彈性，有咬感。燒香草豬頸肉 $48聞上去陣陣香草味，豬頸肉肥瘦剛好，有油香但不肥膩，肉質軟稔。燒雞皮(3串) $38 雞皮燒到脆卜卜夠香口，不會太乾硬，亦不會太油。彩虹卷 $68這樣的賣相真的很可愛，未吃已加分。卷面有紫菜碎、魚鬆粉、芝麻，鋪上墨魚子和蟹籽，內裡有炸蝦、青瓜和牛油果，除了味道夠豐富，咬下去同時有香脆、爽脆及軟滑等多重口感。海膽蟹籽杯 $68海膽形狀分明，入口沒有腥味，口感creamy，配上卜卜蟹籽和新鮮青瓜，配搭清新。原條燒菠蘿 $48最尾來個原條燒菠蘿，雖然吃得有點狼狽，但菠蘿酸酸甜甜夠多汗，解膩又消滯。用心經營的小店，值得多多支持呢。

今次第一次試呢間日本餐廳， 位置都幾好搵唔算偏僻， 上到去餐廳雖然唔算好大， 但都算容納到好多人， 最特別嘅係， 餐廳入面有桌上遊戲同埋書應該係提供畀大家挽， 今次我哋叫咗大部分炸物同埋少少刺身，分別有南瓜薯餅、芝士吉列炸蝦同埋紫薯甘栗薯餅，而刺身我哋就叫咗蝦同帆立貝， 南瓜薯餅超有南瓜味，唔會好假， 甜度都唔會好似出面嘅南瓜薯餅咁好甜， 甜度適中， 宜芝士吉列炸蝦好有驚喜， 本來預咗喺出面食炸蝦就係食出面好脆皮， 但呢間唔會，佢既脆皮整得好薄， 完全唔會覺得真係喺度食炸粉， 蝦都好鮮甜， 配埋佢加入酸瓜嘅沙律醬超夾， 因為加入咗酸瓜仲可以中和芝士既膩， 佢用嘅係出面超級市場買到片裝嘅芝士， 但我覺得反而夾過用pizza嗰啲碎芝士，大推!! 而紫薯甘栗薯餅 雖然冇乜栗子味全部都係紫薯味， 但係入面加咗栗子嘅粒粒口感， 當你咬到栗子粒嘅時候都係食到栗子味， 同樣佢都唔會死甜， 而兩款刺身都勁鮮甜勁爽口， 佢擺蝦既方式仲好得意，啲蝦排排坐，好有少女心， 刺身嘅價格都唔會好貴，都幾合理，希望下次再去試下。

朋友話有心事想搵人傾下，我就約左佢黎呢間自己都幾鍾意既日式小店食飯傾下計。店舖面積雖然唔大，用上好簡單既裝飾，但正正係因為咁好有家庭feel，仲有中學時期好流行既漫畫書。食物方面，我地首先要左2款刺身，分別係帆立貝同甜蝦。帆立貝係珍寶size，入面夾住一片青瓜，十分新鮮。甜蝦一碟有4隻好鮮甜，排排坐喺一張好似木椅既器具，貌相可愛。刺身之後當然係壽司，我地今次要左李小龍卷。其實入面係有炸蟹鉗、牛油果同青瓜，而外面就有好多蟹子，食落脆卜卜，上面仲有魚子醬，聽到都想像到有幾豐富。然後就到鹽燒大啡菇，個人認為咸左少少，但燒過既菇的確好香，而且仲好juicy。之後就要左2個邪惡包，佢亦係我黎呢間店既主要原因! 其實係紫菜包住帶子再包鵝肝。煎到半熟既珍寶帶子包住入口即溶既鵝肝，真係十分邪惡，十分美味! 接住就有另一個呢度出名既心之蛋卷。甜蛋卷入面有芝士、三文魚肉同蟹子，而且蛋煎得好嫩滑，真係好值得一試!最後要左個蒜片牛柳粒石鍋飯，用石鍋呈上保持住熱度，但一直熱住既牛柳粒一D都唔un。而飯入面有大量蒜片，真係好香，加埋個汁甜甜地撈飯一流。今次再黎食仍然都保持到水準，食得出廚師既用「心」。