德美壽司

营业中

休息中

沙田花園城這一帶的餐廳,德美是最好食的，沒有騙你，若你有時間，我強烈建議你抽時間來試試這間餐廳. 餐廳中型size，餐廳每張枱算大，所以不覺得逼，坐得舒服，而且有一間獨立房間，可容納大約六-八人 ，關上趟門，自成一角，私隱度高，外面容易泊車。這間餐廳屬於隱世美食 ，平時好多人，建議訂枱.這間餐廳，我來過許多次，軟殼蟹卷是必食的， 是我暫時吃過最好食的軟殼蟹卷，軟殼蟹甘香鬆脆，配上牛油果和沙律醬，還有魚籽的口感，食過返尋味，有時真的想獨立叫一個自己品嘗，不想和人share，因為真的太好味了。再來一個炸生蠔壽司，配上沙律醬，生蠔新鮮 ，味道也不錯，大家不妨試試。親眼看見兩位師傅在壽司枱面前做壽司，有一名師父可能是學徒，他造了一碟大約十件的壽司，師父覺得整得唔靚。唔夠整齊，成碟掉咗，師傅重新做過。我欣賞他們不單止對食物 質素有要求，連賣相也很嚴謹。你看我拍照的角度就知道我坐在bar枱，目擊整個過程。芥辣八爪魚壽司,滿滿的,非常飽足,味道剛剛好,魷魚新鮮，芥辣味道剛剛好，調味有少少鹹但不會太鹹，壽司飯酸酸甜甜，加上紫菜是絕配，我極喜歡。再叫一個牛肉鍋配烏冬，份量十足，有冬菇、牛肉、菜、豆腐、大

曾經有一段時間經常和家人來沙田圍這間分店食午市套餐，因為呢度嘅食物質素高又坐得舒服，性價比很高！～～～🐨後來社會運動、疫症期間就減少咗嚟食飯。嗰晚我地去街去到很夜，打算食個簡單晚餐。因為食咗個幾豐富嘅下午茶，所以晚餐就只係點咗兩樣嘢就算啦。～～～🐨我地入到店裡，店員安排我地坐喺吧位，可以清楚睇到師傅好有心機咁擺刺身拼盤，捏壽司等。感覺就好似去咗日本高級壽司店食Omakase咁。好懷念啊！～～～🐨野菜牛肉鍋，啲湯甜甜地，牛肉非常嫰滑，因為端上嚟嘅時候仲係半生熟，所以火候啱啱好！好少地方有得食嘅帶子鵝肝反卷，帶子好鮮甜，鵝肝則入口即溶，兩者真係配搭得天衣無縫！～～～🐨搵日再嚟食午市套餐先得！

一直想黎幫襯好耐，5點打電話去訂位，好好彩6點果轉有位！！6點黎到已經有幾枱客坐緊，第一輪叫左三文魚腩刺身，同幾款壽司，侍應態度好好同埋上菜速度超快三文魚腩好鮮甜好新鮮，有6大舊，食完都有小小飽飽地壽司果方面都好高質，金目鯛係無令人失望😭好有咬口好新鮮。油甘魚都非常唔錯，反而𩶘魚就一般藍鰭吞拿魚都好味無乜根，火灸左口魚魚油唔算多，有小小失望最後叫左碗明太子茶漬飯，明太子得四分一條左右，雖然茶底好味但如果多啲明太子就更好

疫情由2020年頭開始肆虐, 返工一直都乖乖帶飯. 最近疫情稍稍放緩, 今日不如同同事出去食! 報復式食好啲! 報復式食豐富啲! 由office出發行20分鐘去德美壽司啦!我點咗德美刺身壽司便當, 最先上嘅係miso soup同沙律菜, 平平無奇. 再來茶碗蒸, 白果香味重, 蛋質滑溜入口即溶.重點來了, 琳瑯滿目嘅擺盤好亮眼! 先食壽司, 特別一提鯛魚壽司, 魚味好甜好新鮮. 再食三文魚, 刺身厚切, 師傅一啲都唔輕手! 三文魚魚子魚蓉卷物不過不失, 驚喜欠奉. 而今次MVP一定係醃漬魚乾合桃, 如果有一碗白飯我一定光速送飯清哂! 再來海鮮雜菜天婦羅, 唔知海鮮在哪裡, 但天婦羅外形完整, 味道惹味, 幾好食!而同事嗰個係壽司定食配牛肉細烏冬, 個招牌德美玉子燒好搶眼呀! 望落啲牛肉片肥同肉平均, 應該幾正. 呢個set有壽司又有暖暖嘅烏冬熱食, 下次試呢個.食到飽飽好滿足, 最後仲送上香芋味雪糕糯米糍, 感覺圓滿了🤗 (要返去開工了😫)

今日下晝想食日式野，一路聽到我朋友講話呢間得你喺沙田好出名，尖沙咀都有分店。之前都有試過lunch time嘅時候嚟嘅但係就見到好多人排隊就放棄啦，今日見早啲出嚟食lunch就試吓有冇位啦，難得地唔係需要等好耐就有位啦！叫咗個壽司配牛肉烏冬，份量我覺得都OK嘅，因為我細食。啲壽司都好新鮮，同埋啲飯唔會一夾就散。另外牛肉烏冬好好味，份量可以再多少少就好啦！同埋佢一個餐有蒸蛋、沙律、味增湯，仲有食完晒嘅時候仲有個甜品-糯米糍餸！成個感覺非常之好啊好圓滿嘅一餐。價錢亦都配得上哩個價格。但係lunch time食來講就比較貴嘅。做嘢辛苦就豪一豪請自己食餐好啦。

因為咁岩經過沙田,見德美一直都係好評如潮,所以就決定黎試下, 因為係7點前已經入左座,所以就好好彩咁唔洗排!叫左一串 串燒雞皮,一串大蔥雞串,同埋一個鍋燒烏冬, 雞皮烤到脆卜卜, 鍋燒鳥冬材料相當多, 有炸蝦天婦羅, 竹輪, 菇, 嗚門卷,蟹柳, 湯底鮮甜。下次都會再幫襯!

同男朋友仔去唔到日本，都去個居酒屋飲飲食食返晚，搵返小小感覺先～金目鯛薄切$268一直好鍾意魚中之王之稱金目鯛，就試吓考刀法既高級魚生薄切。如果鍾意不油不膩白身魚，呢碟應該會係首選！如果有整條金目鯛就更完美啦～壽司方面，就試咗壽司店少見嘅深海池魚$45。份量十足，厚切得黎都保持到肉質細膩，充滿油脂香味，滿足口感。左口魚壽司有好筋，冇入口即溶嘅感覺。其他壽司中規中矩不失～戰鵝肝帶子卷$78，呢個卷其實唔係一個好選擇，不叫也罷。個人應為葵廣嘅鵝肝手卷，反卷都係同價位，但份量同味道都會比葵廣稍為遜色。

呢間都食咗好多次，沙田日本嘢嘅選擇唔多，我覺得呢間係性價比最高嘅。壽司都好多選擇，炙燒左口魚裙邊唔係度度都有，德美有得食！魚油香味好重，好好食。佢既玉子我都係次次都會叫黎食😋牛油果軟殼蟹卷，一上菜就見到好足料，軟殼蟹炸得啱啱好，壽司面頭鋪滿牛油果👍🏻👍🏻👍🏻自家製腐皮餃子，強烈推薦大家試吓，個人覺得好好食，炸腐皮好香口😗野菜牛肉鍋，不過不失啦普普通通咁。味噌大根牛舌，覺得淡口左啲，見到隔離枱食燒牛舌好似吸引啲，下次試吓先！鰻魚飯，冇得輸，賣相靚，一打開晒葉就會聞到勁香有啲鰻魚汁，唔會乾爭爭👍🏻炸雞粒冇乜特別😛😛每個定食都有沙律送👍🏻👍🏻好食食完仲會有一件小甜品！價錢來講唔算好貴。

今日突如其來好想食日本野 於是去我最愛的德美時間大約7:20分 只有幾台客 可能因為近期受疫情影響 好多人都唔敢出街食飯 但無損我地既心情難得先生話隨便叫 於是我地叫左好多野食1）三文魚腩和油金魚腩刺身掛住食野都唔記得左影相 好肥美的刺身 每一次去德美都必叫2）蟹子沙律本身冇打算叫 但係見到隔離枱叫左 好似好好味 結果都不錯3）軟殼蟹牛油果卷物又係另一款必叫的卷物 軟殼蟹脆卜卜 唔會覺得厭4）雞肉大蔥卷、牛舌、豬肉卷豬肉卷燒得好乾 雞肉大蒽卷又overcook 不過味道不錯5）炸雞軟骨炸得不錯6）吞拿魚茸7）天婦羅蛋雖然我地得兩個人 但係叫左好多野食 食完好滿足🥰

呢間性價比都相當高嘅日式餐廳，我同成班同事都好鍾意過嚟食午市套餐，有魚生飯亦都有便當🍣🍱都有好多選擇蔥吞拿魚腩蓉飯，調味同配搭都做得好好，呢個套餐真係食極都唔厭！佢哋分別仲有跟麵豉湯、沙律同甜品(雪糕糯米糍)另外一款刺身便當，啱晒想瘦身嘅同事。

午餐大概有十幾款，前菜有雜菜沙律、麵豉湯同埋茶碗蒸蛋。蒸蛋都幾滑，湯夠熱又唔會太咸。壽司刺身幾新鮮，海膽唔腥，但又未至於甜。魚類不過不失，無筋，厚薄適中，飯唔會散。軍艦塊紫菜仲未淋嘅，算係即叫即製。如果部分套餐有埋手卷更好，就會飽啲囉。整體唔錯，但又未至於好高質，可能食材產地有關。埋單比起元氣貴啲，不過呢度weekend都有lunch set。🤔🤔睇你鍾意支持小店抑或連鎖店無妨。當日大概等左10-15分鐘。

今日入沙田有野做,門口睇到已經係好日本式好靚,晚飯時間決定入黎試下店員親切,主動最後揀左個新香卷同埋鰻魚飯,上菜時間唔算快亦唔算慢首先搶閘出爐ge係新香卷捲得好靚,食落好有日本味,簡單一個小卷都食得出水準,平時唔食薑ge我都食曬啲醃薑,食完成身暖曬之後壓軸出場ge係燒鰻魚飯有塊葉包住,但唔知係咩葉,請原諒我孤陋寡聞一打開出曬煙熱辣辣,賣相超靚蛋絲切得超靚,飯粒粒分明,口感一流,有葉ge香味,最後比我食到一粒都無剩鰻魚調味都恰到好處價錢都合理,有質素ge美食店

推薦指數: 🤩🤩🤩🤩Overall水準唔錯😍嗌左幾款壽司。油甘魚、海膽墨魚、我個人覺得最正的係炙燒左口魚壽司🤩油脂好香口，燒到左口魚微暖，壽司大細剛好，一口過，滿足感爆發。😮❤️ 另外驚喜之選牛肉壽喜燒鍋🍲高水準，牛肉肥瘦均勻、配料又多、壽司燒湯底甜味岩岩好，唔會太咸抑或太甜👍🏻重點加隻生雞旦，但可以加錢配個稻庭烏冬！必加手打烏冬！配搭完美呀🤗仲有其他刺身、卷物同丼飯都唔錯！德美水準幾好值得一食😊👌🏼

假日如果唔出街，最鍾意就係中午食德美，原因無他：性價比高！中午食定食免加一（晚市要加一），附蒸蛋、味噌湯、沙律和甜點，大部份定食$100有找，而且啲野食仲好好味！個人推介角切魚生飯，魚生夠新鮮，而且絕對係魚生多過飯，次次食到最後淨返嘅唔係飯，係魚生！但想食呢個飯要趁早排隊入座，因為通常限定得5份，試過午市開始唔夠一分鐘就沽清，手快有手慢無！另外推介有貴少少嘅銀鱈魚西京燒定食，啲銀鱈魚燒得好好味，唔會太乾，好滑！

估唔到5:30pm book枱都可以book到即日7:00晚飯😆 因為平時一定無位同要等好耐，所以為左慶祝一番，今晚叫左好多野食☺️今次坐壽司bar枱，望住三位壽司師傅好俾心機整掌壽司🍣 感覺好治療！ 首先當然要先食我最愛的魚生，今次揀左三文魚腩同油甘魚腩！嘩！超新鮮同好肥美！入口即溶😍 不過我地兩個人食，每人食左三塊三文魚腩同油甘魚腩，有少少膩😛跟住叫左兩個卷物。每一次必叫既牛油果🥑軟殼蟹卷（我周圍望好似每一枱都會必叫），雖然次次都有叫，但仍然有驚喜，下次繼續叫！另一款卷物係蟹仔xx卷，個名唔係好記得，我只係記得加左$10有吞拿魚溶😂壽喜燒亦都係每次必叫。雖然牛肉好味，但我比較鍾意食配菜，即係金菇、菜、豆腐，好入味！我地仲加左個烏東最後師傅話每一日都有飛機貨返香港，極力推介我地試燒秋刀魚，結果我地無問價錢就叫左。價錢有點兒貴，要$180，不過試過就算了！