德美壽司

营业中

休息中

這間日式料理門外常常有很多人等位，所以決定試一下。餐牌主食選擇不多，價錢亦偏高，但份量卻不多。小食、壽司、刺身等上菜速度很快，但主食十分緩慢。我們只點了主食，等了40分鐘還沒有來，侍應也只一直表示製作中，及主食需時是比較久云云。大家都等得十分肚餓，是想要人點小食、壽司等增加消費嗎？最後他們道歉並送上一點前菜，解釋廚師很忙，但真的，如果肚餓就選另一間吧，上菜真的太慢了。食物質素其實不俗，員工態度服務也不差，但如果可以更快就好了。

星期一至日都有Lunch Set 😍每個Set都有前菜沙律、主菜、麵䜴湯、蒸蛋、甜品，食到飽飽，勁滿足😋 性價比勁高！👍🏻小編成日都忍唔住返去再食🥰連肥仔男朋友都食到飽哂！😆————————三色魚生飯🍣$84三色: 三文魚、油甘魚、玉子燒成日好快就賣哂架，今次好難得有得食，所以要推介比大家知啦😆😎————————燒三文魚魚生飯🍱🍣$74三文魚又肥又厚，燒成半熟，好正😋平時d魚生飯都淨係得醋，但e既飯有不同既配料，例如: 蟹籽、熟三文魚鬆、木耳等等，完全唔覺好酸，仲好好食😋————————蒸蛋好滑，好香濃，入面仲有唔少配菜，有返唔少口感😚👍🏻甜品前排係柚子椰汁糕，近排係黑芝麻雪米糍，都一樣好食，口感清新作為總結！🤪

噚日(2-10-2019 Wed) 同男同事FCP farewell女同事CY食晏,FCP話嚟呢間,咁就嚟啦,我哋冇book位,就等咗近30分鐘至有位,重要安排我哋坐吧位,反而喺我哋後面嘅3人客,就可以坐4人枱方便傾偈.由於我哋喺等位嘅時候已經睇咗menu,所以好快就落單,而入座時,每人都已經有一碗雜菜沙律.食材都好新鮮,醋嘅份量都啱啱好.然後茶碗蒸蛋同味噌湯都到嚟,味噌湯都正常冇問題.茶碗蒸蛋算滑,味道唔會過鹹.而我要$94.00嘅海膽什錦魚生飯定食,同FCP要$84.00嘅北海道三色魚生飯定食都先到嚟.海膽顏色靚,味道甜,魚生有三文魚,唔知咩魚,一隻熟蝦同一片魷魚,味道係淡嘅,飯嘅口感同味道就啱啱好.最後甜品係雪米糍.CY要嘅係我上次食$92.00彩之刺身便當(上次食評: https://www.openrice.com/zh/hongkong/review/%E6%99%AE%E9%80%9A-e3430471)服務:其實去到等時,一路都有客人走,望入去,已經有好多位,但都遲遲唔俾人入去,原來佢哋安排一次過同一時間入晒咁多客人,咩管理嚟o架?坐吧枱已經唔係咁高興,個亞姐上3個茶碗

德美嘅午市其實好抵食，如果咁好彩食到角切魚生飯埋單都只係70幾蚊，又有湯又有燉蛋又有甜品仲想點。所以一到午市時段就要排隊，我見有不少附近嘅上班族會一早訂定位，不過我自己未試過。Btw如果訂咗位嘅記得一定要出現啊，因為我見到店員真係會幫你留起張檯唔俾walk-in客㗎。今日冇咁好彩食唔到最愛嘅角切魚生飯，咁就試吓食海膽魚生飯啦。魚生飯入邊分別有三文魚子、海膽、熟蝦、三文魚及應該係池魚。Menu上顯示仲有魷魚，不過今日魷魚就只有一塊， 唔知係咪唔夠貨呢。飯嘅份量都好足夠，男士都會夠飽。魚生都好新鮮，海膽有鮮味得來又唔會好腥，份量就適中啦。不過海膽魚生飯都唔夠角切魚生飯咁抵，除咗價錢有分別外，角切魚生飯嘅魚生種類非常多，每次都起碼有四五種。雖然魚生係頭頭尾尾又細細粒，但對於我啲鍾唔鍾意食魚生片嘅人來講絕對係我嘅適合不過。餐前小食係沙律、麵豉湯同埋蒸蛋。個蒸蛋非常好食，裏面有濃濃嘅蛋黃味仲有魚湯嘅鮮甜味，絕對唔係普通蒸蛋咁簡單。其實我同老公係德美嘅忠實支持者，早係九年前德美仲係紅磡一間只有300尺大嘅舖位，同一時間只係可以serve到六個人，嗰時我哋已經一個月食兩三次。到而家見到佢越開越多分店

呢間德美我又係幫襯過好多次，每次質素也不錯，好穩定，搬咗嚟沙田幾年，最感動嘅係搵到呢間好食嘅日本料理，啲職員都幾醒目，夜晚長期都有人排隊，所以入邊啲師傅同埋職員做嘢都要好有效率。如果講最好食嘅食物，就係不同時節嘅刺身壽司同埋鹽燒三文魚頭，都值得推介，我最鍾意叫原版海膽，因為佢啲海膽好新鮮好甜，暫時未食過難食嘅刺身壽司，早前我食咗去中午嘅定食，不過唔記得影晒成個飯出嚟，因為我集中食咗鹽燒三文魚頭同埋一版海膽，你中午食嘅時候就會有湯同埋茶碗蒸，茶碗蒸味道可以湯就一般，通常我都係夜晚去有時會一家人一齊去咁就可以買好多唔同嘅食物，不過一定要訂位，因為一定爆埸，下次再影多d 美食照片

星期六晚飯時間搵食，路過從店外望進鋪，看見四位白帽師傅在忙碌著，即興光顧一試。桌面頗細，全堂坐位也迫。欣賞餐具紙巾齊整。炸蝦一咬入口，勁重油益味，不但只不香，油益味也蓋過了基乎沒有的鮮蝦味，實物同上鏡也一様不好看。友人客氣向侍應反映，侍應也欣然指會向廚房報告改善一下。脆口但難食20分四舊鰻魚，肥美，量少略咸。75分這個泡菜豬肉鍋，只有豬肉新鮮放面稍為合味道，其餘菇菜麵底都浸軟到極度咸，我有衣食才免強盡量食多少少，最尾幾啖越食越怕傷腎㖔不下去。10分整個進食其間，不時聞到從廚房陣陣飄來的油益味，充斥著店廳。啤酒🍻好味，服務幾好。

今天晚上和朋友第一次嘗試德美壽司，因為在沙田區附近所以便光顧連鎖壽司店，餐廳雖小人很多食物質素也很高壽司定價商議，性價比非常的高。定價商議，性價比非常的高。壽司種類齊全，基本上日本餐廳所有類型的壽司都可以點，我最喜歡的帆立貝壽司，帶子新鮮而且份量也很足夠，並且很鮮味。另外火炙左口魚裙邊，也是我喜歡的壽司之一，配上香蔥，火炙後的左口魚更有風味，這都是我喜歡的味道。赤背也是新鮮無極限的，所以我比較推薦貝殼類的海鮮作為壽司。整體而言這是一間性價比非常高的日本餐廳，如果預約或提早晚飯會比較好一點。

之前係沙田翻工，每個禮拜都要黎飯堂最少一次，lunch hour黎最好一早book定位因爲星期一至日lunch都好full什至要排隊。黎十次我有九次都係叫佢呢個6件壽司+牛肉烏冬餐$89唔好睇佢個樣好似好唔吸引，其實每一舊都好新鮮好好味，特別係呑拿魚蓉，諗起又流口水啦，另外仲有熟蝦三文魚三文魚腩帆立貝玉子同油甘魚，全部都好好味㗎！跟餐仲有沙律，湯，牛肉烏冬同甜品。佢個沙律醋酸酸甜甜好開胃，個蕃茄每次都好甜好味！茶碗蒸好滑好滑，裡面有菇有雞肉有蟹柳，好足料🥰呢個就係每一次都令我大讚既牛肉烏冬牛肉半生熟，熱湯慢慢浸熟，牛肉嫩滑有牛味，有係日本食和牛既感覺呀！烏冬煙韌有彈性，第一次食呢個烏冬真係令我好驚喜呀！89蚊呢個set真係性價比勁高！每次都會食到捧住個肚🤰🏻

之前有事又去河畔，入咗去德美。去嘅時候比較早，剛過十二點，唔係好多人，所以無訂位都有位坐。我地坐咗係大門口的屏風後面。 一坐低就放咗碗沙律同茶，沙律味道都Ok。之後落order, 麵豉湯同蒸旦好快就上，旦Ok，湯一般。個牛肉得d洋蔥煮埋，味道一般，比吉野家失色。咖哩吉列豬扒⋯⋯ 豬扒好多筋，d咖哩入面有嚿不明物體。 我地食到一半，熱到出晒汗，佢地至開番個冷氣 。 仲有個餐未到喎⋯⋯ 追咗回覆話條魚要燒⋯⋯ 咁又等等等，由order到上枱要大半個鐘。中間仲有插曲，就係廚房入面炒大鑊，聽到鬧交掟爛玻璃。全店d客都靜晒。之後店員不停講唔好意思。跟住就出我地最後個餐。好啦講番d食物，呢塊豬好d，無咁多筋。但條魚呢就失敗咗，劏的時候應該割穿咗個膽，搞到d魚肉有苦味。最後未食完就上三粒雪糕糯米滋，仲想收走d食物😔。 其實如果你係一齊上菜，就唔使咁去趕客。咋咋林食咗就走，唔好咗其他人。最後想提提間鋪，個屏風好多麈。

當想食日本菜, 好多時都會諗起佢, 總覺得佢地無論壽司或熱食嘅食物質素都好好 (起碼壽司係有師傅即時製作, 性價比極高)今次叫左壽司拼盤, 燒鯖魚, 太卷及燒牛舌 (不過因為太喜歡食燒牛舌, 所以食完先記得要影相)佢啲壽司唔似一般連鎖店, 食完成日覺得好口喝, 要不斷飲水, 而且佢地食材都好新鮮. 不過我最欣賞都係呢間餐廳嘅燒物,燒牛舌真係冇得頂, 咸咸香香, 味道一流.  至於燒鯖魚就外脆內嫰, 魚香濃郁.

同老婆拍拖試了這間有點日本風情的餐廳。門口滿天燈寵隨風搖曳，有點舍意走進門關，有bar 枱和鮮櫃，師傅即叫即整，感覺新鮮閒日，有set dinner 可選，點了牛肉煱套餐，有飯丶沙津、湯和甜品附送，牛肉煱都ok,不過不失，其他附送的一般吧。另點了燒魚頭丶玉子燒和帶子鵝肝卷物，魚頭香口丶口感嫩滑，玉子印上餐廳的名字，視感不錯丶味道也ok！卷物，鵝肝味道較淡、帶子尚可，整體也不錯！這餐未真嘗枱前的魚生，期待下次試試

人氣❣️🍱彩の刺身弁当$92🍱之前聽過有foodie大推這家日本料理🤔今天終於有機會嘗到了🤪果然高質啊❤️❤️❤️剛坐下不久就送上沙拉🥗生菜蕃茄都很新鮮，味道不錯👍🏻跟餐還有麵豉湯跟茶碗蒸，正正常常不錯吃😂之後就到了主角上場！是很足料的弁当🍱左邊是軟殼蟹天婦羅🦀炸到香脆帶一點點甜香❤️配酸酸甜甜的醬汁，吃完一點都不覺得膩😍中間是刺身，有兩塊三文魚、兩塊帶子、一隻蝦🍣全部都很新鮮，味道鮮甜不腥😍身為一個不喜刺身的人，也覺得肉質很好👍🏻右邊是五味壽司醋飯，裡面有香菇😯吃下去還可以，偏淡口味，我自己倒很多醬油下去🤣最後，還有附餐的甜點🍮是牛奶布甸之類的東西~.整體來說，這家👍🏻👍🏻👍🏻高汁抵食~大推❤️❤️❤️大食量的人也一定會飽🤣而且沒有加一服務費！$92還包了這麼多種類的食物😍.食物質素: 🌕🌕🌕🌕🌘食物顏值: 🌕🌕🌕🌕🌑性價比: 🌕🌕🌕🌕🌘回頭率: 🌕🌕🌕🌕🌘

住喺沙田區嘅朋友仔都一定知道河畔有好多好嘢食😄 今次食嘅係一間出晒名性價比高嘅日本餐廳🍴🍱 lunch set平日/假期都有😀 包沙律🥗 蒸蛋🥚 甜品🍮 有好多選擇😄 拉麵🍜 飯🍛 壽司🍣 刺身丼🍙 便當🍱 咩都有🤤  今次食嘅係德美刺身壽司便當🍱 有3件壽司🍣 三文魚、帆立貝、甜蝦刺身😋 再加卷物🍙 燒玉子🐣 同忌廉薯餅🥔 好大份，男仔都唔會食唔飽☺️☺️ 提一提餐廳比較細🙈 好多時lunch time都要等位😵(平日/假日都係🤦‍♀️) 想食就早一日打電話去book位啦☎️

壽司師傅即叫即握，推薦晚市二人餐，可選擇牛肉涮涮鍋，牛肉味道濃郁，而且價錢合理。另外，魚生飯亦是推薦之選，魚生新鮮、沒有腥味，但要較早訂位，否則經常無位，或需輪候較長的時間。

估唔到再入翻嚟沙田區，竟然發現德美壽司店仲喺度，呢間壽司店雖然唔係話最好食嘅壽司店，但人情味十足，歷史悠久，做咗10幾年都仲喺度證明佢都有佢嘅價值喺度，經過都值得一試