德美壽司

营业中

休息中

住咗大埔十幾年，以前經過見到呢間餐廳門外掛滿紅燈籠🏮，一直都想入去試吓，今日終於有機會約朋友去食晚飯。餐廳裝修有著傳統日本木系，坐位舒適。🍱 德美海膽魚生丼 $195（送麵豉湯、沙律）～大大碗超足料，有海膽、帶子、大蝦、鯛魚、油甘魚、三文魚、蟹籽、三文魚子、厚燒玉子，飯中伴入飯素。🦀 牛油果軟殼蟹卷 $85～超級巨型，比起其他餐廳大一倍，要分開先食到🤭。軟殼蟹炸到好酥脆嘅，冇油膩感覺，飯又多，好足料。🥗 和風三文魚沙律 $82～清爽的雜沙律菜，拌入酸酸地的醋汁，開胃又醒神。放上一朵刺身三文魚片整成嘅花，色彩繽紛。

又嚟到大埔梗係要搵好嘢食，之前行過成日經過呢間德美壽司都多人讚！今日終於可以試吓～兩個人7:00左右入去食晚市～不過今日就唔係太想食壽司，同朋友都好想食丼飯，加上見到佢個安格斯牛扒好似都唔錯，就試下🍣德美海膽魚生丼 $195刺身好鮮甜，海膽係好鮮味！仲特登燒咗「德美」兩隻字既玉子，飯嘅份量呢都比我預計既多，可以兩個人share一齊食！🍱安格斯牛扒定食 $138肉質好濃，食落呢都係比較軟身，濃濃嘅牛味！我同朋友都幾鍾意，而且呢個價錢又幾抵食，適合唔係太鍾意食刺身嘅朋友就可以試啦！🥚日式海鮮蒸蛋 $38食親日本料理，我都會叫茶碗蒸，呢個海鮮蒸蛋有驚喜！蛋味好濃郁，唔會好淡，海鮮又足料，配搭每一啖嘅滑蛋，鮮味滿滿！兩個主食呢都係會有沙律同埋麵豉湯，其實兩個人咁樣食已經好飽！朋友仲嗌咗杯日本啤酒$48慢慢嘆～總括嚟講，呢間日本料理都係一間環境舒適，適合幾個朋友聚會嘅地方！‼️好食指數9/10‼️推介指數9/10🍽 德美壽司(大埔)📌 大埔翠和里1號永發樓地下1A號舖☎️ 3446 1234⏰ 星期一至日 12:00 - 15:00 18

今次介紹一間已有一定日子的日式居酒屋🍯｜牛油果軟殼蟹卷｜HKD 85大件夾抵食,每個飯卷都好似拳頭咁大,香脆軟殼蟹份量足夠。🍯｜牛肉炒飯｜HKD 88石鍋渣渣聲,米飯粒粒分明,不會太乾或油膩。🍯｜汁燒原條魷筒｜HKD 98鹹香的醬汁令魷魚口感不會單調,魷魚彈牙。🍯｜燒原條茄子｜HKD 48茄子條外層焦脆的質感,而內裡卻是細緻柔軟的口感。茄子本身已經被煨煮得非常軟爛,但仍保留著適度的彈性和爽脆度。🍯｜三文魚腩壽司｜HKD 38三文魚鮮甜,發揮了正常的水準。

食過好多次嘅德美最欣賞佢有唔同價位嘅選擇，刺身、壽司、定食都有唔同選擇，而且有齊前菜甜品，俾人有一個好豐富嘅感覺-🔸前菜：沙律、麵豉湯、茶碗蒸沙律菜夠新鮮，麵豉湯唔會太淡或太鹹，味道啱啱好，茶碗蒸好滑，入面亦好足料🔸日式咖喱豬扒飯定食炸豬扒夠脆身，豬扒亦冇雪藏味，豬扒唔算好大塊，但一個人夠食日式咖喱濃度剛剛好，配菜薯仔都好入味🔸甜品：一粒雪米糍-總結💬平時去到都係食壽司或者魚生飯，出品係好新鮮嘅今次特登試佢嘅定食，一樣好出色

大埔日式餐廳🤤🤤👇🏻💥壽司魚生新鮮美味之選，餐廳已有多年的歷史，選用的食材也是相當有水準的！👍🏻壽司魚生也有很多的選擇，是日飛機貨也有一系列，喜歡吃魚生壽司的朋瘦一定會很喜歡。今次也點了壽司拼盤，賣相和味道也有水準和質素呢！《特上壽司拼盤》$308共有12款的壽司，包括有吞拿魚、三文魚、池魚、油甘魚、帆立貝、魷魚、甜蝦、海膽，三文魚籽、蔥拖羅茸卷、鐵火卷和玉子，非常豐富，新鮮食材，鮮味滿分，賣相亦很精緻！《鮮蔥吞拿魚腩茸山掛卷》$138餐廳人氣菜式之一，特大！特大！特大的鮮蔥吞拿魚腩茸山！超級多鮮蔥吞拿魚腩舖在上面！超級誇張！好吸引！口感啖啖鮮蔥吞拿魚腩！好正！《芥辣鐵板牛扒》$134很驚喜好好味的牛扒！可選熟度，是次選了五成熟，牛扒呈現粉紅色，肉質幼嫩，易咬少根，芥辣的味道不會太濃，就算不吃辣的朋友也能吃得到！好味！

餐廳以木系設計的日式居酒屋風格使用了很多日式和紙牆和燈籠融合了古今元素，用餐環境簡潔舒適另設卡位雅座餐目超級豐富，有刺身、壽司、丼飯、燒物、一品料理，嘆盡滿足一餐！三色魚生丼由油甘魚、三文魚和帶子所組成，不僅色彩艷麗，而且味道鮮美，原汁原味，口感细腻。米飯之間更有飯素和紫菜碎野菜牛肉鍋加烏冬材料豐富，除了蔬菜還有豆腐、菇等，牛肉嫩滑，至少有4、5塊，烏冬彈牙，吸收了清甜湯汁。煎鵝肝帶子卷大大件，面層有炸脆和帶子，飯卷包著鵝肝和青瓜絲，口感豐富有層次。清酒煮蜆蜆肉肥大鮮甜，吸盡清酒的精華，酒精揮發後的湯底更清甜。抹茶蕨餅最後以甜品為這一餐畫上完美句號。

德美壽司(大埔)地址: 大埔翠和里1號永發樓地下1A號舖遠遠已看見門外掛上一排橙紅的燈籠，日式木門設計，裝修很有傳統日本居酒屋格局，裝修簡潔又舒適，食物選擇很多而且高質，價錢亦非常親民，所以是家庭或朋友聚會既好地方。❤️牛油果軟殼蟹卷軟殼蟹炸得好香脆，配合牛油果及青瓜絲，上面再放滿蟹子及沙律醬，賣相一流，口感層次豐富！❤️活鰻魚朴葉飯份量十足，鰻魚新鮮肥美，厚身，燒得好香口，肉質彈牙，米飯用朴葉蒸出，有淡淡清香，配上濃郁既醬汁，滋味再大大提升！❤️鹽燒牛舌有我喜愛的牛舌，當然要試下啦，牛舌厚度適中，入口充滿彈性，爽口彈牙，香口惹味，令人一試難忘。❤️三文魚腩剌身揀了三文魚腩，有六大片，厚切，肉質細嫩且帶有油脂，入口甘香即化，啖啖都係享受！#德美壽司#大埔美食

中午12點入座，侍應不停催促我地落單，我地落左先，然後等另一朋友來到再加單。朋友12：25來到，侍應同經理不停講“快d 落單喇，你地1點要交枱”，我當場下左一聲，經理好似訓導主任咁話我“係呀，lunch食一個鐘”。我地話“我叫嘅餐仲未到，你又催我1點交枱訂，我點食得切”，跟住朋友即刻落一個餐。5分鐘後，嗰兩份餐同步上枱，經理黑口黑面好無禮貌咁講“即刻比你喇，而家食得切啦”我地好快咁食，佢地12：50清枱，12：53遞張單比我，然後我地12：55離開。全程好似我地做錯野咁、我地唔應該入來消費、唔應該比$388叫四個午餐、唔應該要經理同侍應做野。經過今次，真係唔會再去。

大埔太和翠和里街角呢間📍德美壽司📍 經過咗好多次，一直都好想試，呢晚放工終於有機會！店內環境吾算細，座位濶落，燈光柔和舒服，每日都有啲時令飛機貨✈️。我哋要咗鰻魚、玉子、甜蝦和三文魚壽司，每樣食材都好新鮮，特別係鰻魚同三文魚，前者肉質肥厚鮮甜，後者入口味道清淡，細嚼後就感受到三文魚嘅鮮味，我嘅最愛🥰海鮮炒飯大大碗，飯粒分明香𨍥，配上蝦、饅魚、三文治和蛋粒，口感和層次好豐富💕鹽燒鯖魚燒至外脆內嫩，燒牛舌調味足夠，爽彈惹味。最後送埋蕨餅😘呢度食物和店員都好高質，用心招呼，吾錯👍🏻

第二次晏晝過嚟大埔德美食飯，唔係呢一區嘅街坊，放假都特登嚟食，因為午市套餐性價比真係好高兩個人食都唔使$300，包有沙律、蒸蛋、同麵豉湯❤️蒸蛋真係好滑，正正正我自己就叫咗一個10貫壽司午餐🍣，除咗一般有啲三文魚壽司，竟然仲有海膽壽司，都唔使$150，仲要有埋前菜，真係好抵食，質素亦都唔錯，至少自己嗰區搵唔到呢個質素，所以成日放假都心心念念想嚟食🥰 另外我哋都叫咗一個西京燒銀鱈餐，兩塊大大塊，配沙律醬好滿足🫶🏻

💥野菜牛肉鍋牛肉鍋熱辣辣份量十足裡面有超淋同索曬味嘅娃娃菜仲有3-4塊牛肉喺面同埋煙韌嘅寬粉幾抵食😽💥三色魚生井有三種魚生，三文魚、帶子、油甘魚每款都幾大片同厚切魚生色澤鮮豔 食落幾新鮮加埋中間的溫泉蛋撈飯充滿蛋香 大滿足😍💥芝士鰻魚卷好大件的卷物鰻魚搭配半融化的芝士好夾中間嘅青瓜絲好青爽外層灑上芝麻粒同蟹籽一啖食落好有層次💥三文魚牛油果卷三文魚同樣好鮮甜 內裡有青瓜蟹柳同牛油果上面仲有啲三文魚子同沙拉醬口感非常豐富

鮮味十足🎏高質日式料理店🇯🇵心血來潮想食日式料理，第一時間就諗起由細食到大嘅「德美壽司」。店舖門外掛上一排紅紅的燈籠🏮餐廳入面嘅木系裝橫好有日式風味，好似真係去左日本咁🥰🍣牛油果軟殼蟹卷好大份，一卷一啖食吾哂🤤軟殼蟹炸到岩岩好，金黃酥脆，再配埋牛油果和青瓜絲，食落無咁油膩🦀最鐘意卷物上放左蟹子，係口中爆開嘅感覺好正！🐟鹽燒三文魚頭經過鹽燒後，三文魚頭的魚油甘香釋放哂出嚟，外皮香脆，裡面肉質保持鮮嫩，尤其係魚頭面珠墩塊肉真係好滑好正🍤什錦天婦羅揀左呢個搭配豐富多樣既天婦羅，有大蝦、茄子、香菇、南瓜和青辣椒，外皮炸粉一啲都唔厚好酥脆，炸到金黃金黃的，配上蘿蔔泥和天婦羅汁，越食越爽口🍱活鰻魚朴葉飯打開蓋子就聞到朴葉的清香，鰻魚燒得好香，肉質嫩滑肥美，鰻魚汁調配得幾好，甜度適中，配上蛋絲和白飯一齊食，好美味🍢安格斯牛肉串呢度既串燒都好正，牛肉粒和大蔥燒完後仲好多汁，完全吾會乾爭爭

. 📍#德美壽司今次嚟到呢間內外都好日式嘅壽司餐廳，有紅色嘅燈籠同埋內部以日本木裝修為主，成個氣氛出晒嚟😚食住日本嘢都開心啲。🍣牛油果軟殼蟹卷 $85牛油果新鮮無苦味，軟殼蟹好脆口，整個飯卷食落好fresh，口感豐富。🍣特上壽司拼盤 $308呢個壽司拼盤主角係海膽，海膽新鮮甘甜，而且油甘魚、帶子、吞拿魚等等魚生冇雪味，玉子燒都好嫩滑，呢一款拼盤較為CP值高。🍜熱牛肉烏冬$80最後點咗一個熱嘅牛肉烏冬暖吓胃，肥牛份量都幾多，湯底主要係鰹魚汁，大大碗幾抵食。最後送上一個蕨餅甜品作為完美總結，口感煙煙韌韌好滿足🥰**需另收加一服務費**——————————————- 📍 德美壽司🏠 大埔翠和里1號永發樓地下1A號舖#hkfoodstep#hkfoodstep 大埔#hkfoodstep日式#hkfoodstep壽司 #hkfood #hkfoodie #hkcouple#大埔美食

大埔呢間居酒屋最初係由黃埔起家，結果都已經開咗幾間分店！主打性價比高嘅日式料理，選擇豐富。未去到晚市都已經爆場。餐廳仲有房間間隔，人多可以有私隱地方～
🫧上壽司拼盤每樣壽司都咁吸引，一時三刻唔知揀乜嘢好揀壽司拼盤就最適合！壽司非常新鮮，有八款唔同嘅壽司，一次過滿足晒八種願望！🫧 秋刀魚大蔥燒有豐富嘅魚油包住大蔥，爽脆嘅大蔥同埋魚肉包埋一齊，口感好有趣！🫧 野菜牛肉鍋個鍋份量十足，好夠熱！有多種蔬菜，仲有牛肉喺面，最後食埋粉絲，吸收曬啲精華！有兩只大蝦，仲要剝埋蝦殼，方便食用。蝴蝶粉個汁好特別，好易入口！

德美一直係我地私藏嘅日本菜食物保持到高質素又唔算好貴成日都會念念不忘啲卷物Lunch set仲好抵食添今次就約左朋友係大埔分店食晚餐連平日都坐滿就知幾高人氣🍣煎鵝肝帶子卷每次黎德美必叫item✅上面係炸蒜脆脆加鮮甜帶子入面就係充滿油香嘅鵝肝肉最重要有清爽嘅青瓜絲 即刻中和左成件事有埋燒汁提鮮 一點都唔油膩des🥑牛油果軟殺蟹卷另⼀好鍾意食嘅口味牛油果生熟程度岩岩好大大隻炸軟殼蟹雖然好邪惡但加埋青瓜蟹子蛋黃醬真係好夾🍶清酒煮蜆 份量都唔少 每隻蜆肉都大大粒肉質彈牙新鮮除左濃郁清酒味之外 仲有昆布加多左份層次感🐮燒牛舌🍢牛油燒帶子串 $35牛舌厚度適中 調味僅僅用左鹽調味所以仲好食到牛舌嘅甘香同脆爽帶子都好香甜 但就稍為overcook左少少🤏🏻但性價比都好高🍲鍋燒烏冬 $88好有家庭嘅風味嘅湯烏冬首先有隻巨型天婦羅蝦 唔係得層皮 係真材實料之後有温泉蛋 菇類 同蔬菜好岩兩三個朋友share如果冬天就正