德美壽司

营业中

休息中

今日去大埔翠和里食經常食嘅日本餐廳，點左個燒汁雞排定食。一來到就有個沙津，茶碗蒸同面豉湯。每樣野份量都好好。沙律同面豉湯正正常常，無咩特別。而個茶碗蒸係最出色，滑得黎又有蛋香，入面仲有d 冬姑肉同雞肉粒。 食完前菜湯埋碗湯就上燒汁雞排定食。 今次雞排燒得有少少濃，但唔影響味道。本身雞排都醃得好入味，配埋白飯食夠哂飽肚。 最尾仲有粒雪米糍做甜品，非常滿足。午餐黎講咁多野食都係$66蚊，同茶記差唔多價錢真係無得投訴啦。

朋友訂左大埔翠和里既德美壽司，我地大概7點半到，店員立即為我們安排座位。店外掛滿紅色橙色燈籠，感覺好似置身於電影裏江戶時期既日本，加上店內以木色為主調，每個角落都散發著濃厚既日本風情。食物方面，我們點了什錦天婦羅、大蝦天婦羅卷、德美玉子燒、牛油帶子串、七味燒墨魚咀、燒雞翼及牛肉炒飯。什錦天婦羅有兩隻大蝦、茄子、青辣椒、南瓜及蕃薯，特別係大蝦天婦羅新鮮爽彈，鋪上金黃色炸醬鬆脆美味。大蝦天婦羅卷米飯包住紫菜青瓜絲同大蝦，上面再加上天婦羅脆脆、蟹籽同沙律醬，多重口感配搭一流。玉子燒蛋味濃郁好香甜，燒物都燒得唔錯，外面微微焦香，內裏juice，而且用料新鮮有鮮味。日式牛肉炒飯用石鍋上非常有誠意，珍珠米用日式醬汁炒而且好多牛肉粒，好香牛肉味，作為主食最好不過。最後還送上兩件和果子做甜品。我同朋友食得好開心。

好耐都未黎過嘅德美 兩個人都有得坐靚靚卡座正🤩私隱度幾高 同frd子默默斟嘅perfect night✨️ ✢ 北海道甜蝦帶子魚生丼 $148嗰丼材料都唔少又新鮮！帶子大大粒幾鮮甜 魚生紋理幾靚 飯量恰好 同啲魚生夾埋食就剛好 topping再有唔少嘅青瓜絲又健康啲~ 成個丼包埋味噌湯+前菜 一人食哂都幾full😂 ✢ 煎鵝肝帶子卷 $85朋友大推呢個encore之物！上面舖滿了脆脆之外 帶子同鵝肝入口百感交集😍幾有層次感！鵝肝量都唔少 係夾起時最好成件擺入口 散咗就cryyy xd ✢ 芝士鰻魚卷 $70好似兔子耳朵嘅芝士片😂好彩芝士撞上鰻魚時 兩者味道同樣濃烈😎無話邊個喧賓奪主 灑上蟹籽同芝麻粒再靚咗！ ✢ 免治雞肉棒 $22外層醬料燒得好香😍唔少軟骨咬落好有口感 ✢ 大蔥雞肉 $28好鍾意一大口雞肉再一啖葱香嘅食法🤤一串都唔細 ✢ 雞皮串燒 $20非常脆口 再加點醬料味道會更昇華

成日經過見到店外有好多燈籠🏮，好靚。今次終於book枱試下啦。早兩日book，星期五晚食晚餐。book左6:30，去到時餐廳都仲有位。但食完約7:30，餐廳都差不多滿曬人，可能因為星期五晚。我地4人食，點左一個二人set，再散叫其他食物。之前見都有唔少人話店員態度差，但我見全部店員都有禮貌，仲有都會主動加茶。食物都幾好食😋2人餐份量都幾多，我地4個人最後只係再點左碟刺身同埋加州卷。食到好飽了。

🏮德美壽司不嬲都有唔錯嘅評價平日夜晚街外幾靜 但一入到熱鬧滿座嘅德美成對比🐠三色魚生丼新鮮三文魚 吞拿魚🐟帆立貝 每大片都厚切蓋住蔥花珍珠米🍚撈埋日本溫泉蛋汁飯更香 清新沙律粒蕃茄咬落去超爽口🍅仲有碗味噌湯🍤大蝦天婦羅即叫即炸熱辣辣又脆口金黃炸粉完全無油溢味同日本食到一樣4條大蝦比我手掌仲要長呀🍲野菜牛肉鍋有冬菇 金菇 娃娃菜🥬日式小棠菜？嫩滑豆腐彈牙蒟蒻麵吸收晒湯底精華 好入味重點當然係有口感嘅牛肉啦🐮🍣壽司想叫刺身 又想食卷物 款式都幾多最後加多碟三文魚🐙八爪魚壽司 份量剛剛好酒menu都有各式各樣清酒選擇 見隔離檯生日仲開幾支慶祝添

德美旁邊的日式料理店休息，所以這個平日晚來到德美候位都花了一段時間。平時在公司附近的德美，中午食刺身丼比較多，這次是第一次在大埔德美食晚飯，試其他菜式。生蠔 ($58/隻) 雖不算大隻，但蠔肉夠肥美鮮嫩，鮮甜多汁。石垣鯛薄切，鯛魚切得夠薄，透光，有光澤。魚肉緊緻有彈性，味道鮮美。德美甜玉子燒，厚實的玉子燒，不會煎得過火，味道微甜，不錯！野菜牛肉鍋，另加$30配烏冬。鍋物上桌時，牛肉仍未全熟，所以可按個人喜好的灼至合適的熟度。牛肉大片，鮮嫩帶點牛味，配料豐富，有大量蔬菜、金菇及粉絲，粉絲吸盡湯底的香甜精華，另加的烏冬夠爽滑。明太子茶漬飯，明太子的份量足，茶漬飯的味道甘香濃厚。和暖的茶漬飯，配上微辣鹹香的明太子，幾好味！大蝦天婦羅卷 ($69)，加$20配吞拿魚腩茸，大蝦天婦羅的香脆配合鮮味柔軟的吞拿魚蓉，口感豐富。溫泉蛋天婦羅，外層脆，溫泉蛋仍好流心！但沒有調味，所以只嚐到蛋香～～～再加上一客什錦天婦羅與一串安格斯牛肉串，飽肚又滿足！

大埔德美，唔會再食，等位態度差，摞籌時講好唔坐吧台，跟住話40分鐘後交台俾我地，先氹你等位40分鐘鐘後，就話交唔到台，都係要坐吧台，但其實d台係我地等左20分鐘後已經俾曬人數有4個或以上既客坐左先，我亦唔知佢地係唔係遲過我地摞位，如果等左20分鐘同我講都係冇台，我都仲可以接受，等左40分鐘個時間唔上唔落，當下真系覺得倍感無奈，人地要咁樣做生意，我地都唯有勉強接受。我地得三個人，坐吧台難傾計，share食野亦好唔方便，最無奈係坐落吧台後，我地係度交談講起某d魚，分享下之前食過，並沒打算同餐廳任何一個職員打算落單，點知有個吧台既魚生師傅(著黑衫)極度冇禮貌咁突然插嘴話我地某某魚今晚冇貨，有咩係黑板寫左，全部飛機貨，當時覺得好愕然，又覺得極度打擾，然後過程之中不停眼望望我地，都好不適，仲要俾我見到呢個師傅打左個噴嚏後冇洗手繼續整魚生俾人客跟住食完後朋友話，之前對香港日本餐廳印象都幾好，服務態度都唔錯，點解呢間咁，我都無言左，真系覺得食物質素唔錯先帶朋友過黎食，點知留低左個唔好印象，真系好失禮

德美壽司位於大埔翠和里1號地舖裝修非常日式6點鐘晚市開業用既檯椅都係用木製有一間廂房係長走廊有兩人檯或4人檯仲有睇到廚師整壽司既吧台晚餐有定食，2人餐，仲有主餐牌主餐牌有著各種美食圖片沙律，前菜，壽司，刺身，串燒等等帶子刺身丼$148帶子相當大片仲有肥美三文魚平時食壽司都係白飯呢度既壽司飯加左三文魚鬆帶點鹹香非常美味芝士鰻魚卷$60以飯包住芝士，鰻魚，紫菜相間食到多種層次鰻魚肥美芝士用片更加濃郁鍋燒烏冬$80烏冬彈牙蔬菜鮮甜天婦羅蝦脆卜卜粉漿厚度適中海膽魷魚壽司$60係魷魚上加海膽魷魚爽脆加埋海膽鮮甜令人回味晚餐既用餐時間得一個半鐘間中有職員黎加茶夠晒貼心

呢間德美我好多年前喺大埔返工已經成日食😋~佢嘅午餐抵食,啲魚生又新鮮🐟~而家喺港島返工,唯有趁夜晚嚟食個晚餐🥢~先嗌咗一個蟹子沙律🥗~清爽嘅青瓜絲同蟹柳絲撈咗沙律醬🦀~配埋面頭滿滿嘅蟹子,份量比想像中大🤩~另外散點咗啲壽司,例如呢個大蝦天婦羅卷~新鮮製作,脆卜卜嘅炸蝦🍤,卷喺軟綿綿嘅壽司飯入面~另外仲散點咗個三文魚壽司🍣,魚肉幾新鮮,色澤唔錯~我就揀咗三色魚生丼,除咗有三文魚,仲有油甘魚同帶子🦪~油甘魚同帶子都好鮮味~而佢嘅飯底唔係白飯🍚,係用菇類煮嘅🍄~仲有啲芝麻,香味十足~最後想食啲熱食,所以叫咗個野菜牛肉鍋🐮~除咗牛肉,仲有好多蔬菜同埋豆腐🥬~底下嘅粉絲吸咗湯汁,但仍然保持彈牙~呢間店真係咁多年嚟都好好食👍~而且價位親民,真係好受歡迎~無訂位就可能要等位啦~Klook 3%優惠碼: HELENCKLOOK

大埔人又出街搵食喇～1️⃣北海道甜蝦帶子丼 $148🍣🍙呢個係晚市套餐 價錢已包沙律+麵豉湯+甜品🍧個set有好多魚生toppings! 好抵食 又夠新鮮👍壽司set🍣都要三舊幾 食丼飯一樣咁多魚生但平一半🤫2️⃣銀鱈魚西京燒定食 $148🐟🍱一樣係晚市定食 銀鱈魚真係好滑💕 好好食～3️⃣燒牛舌 $404️⃣免治雞肉棒 $22🐥呢兩款串燒都好正🙌🏻 牛舌有成4舊！ 好juicy ~免治雞肉棒都好有咬口 係爭再冇生雞蛋🍳點黎食 ！Overall都好抵食 環境唔錯😌

早排食過 河畔 德美🇯🇵暖暖的家鄉風味擺設、裝修🎎精緻的餐盤、加上用心炮製的料理🪭睇我心目中留下美好的印象🎏想再Encore ～但今次試下 另一間分店又係好多人會 揸車黎 有泊咪錶位既大埔店～德美壽司落車前 你已經會俾佢外觀十幾盞嘅日式燈籠所吸引🏮滿滿嘅日式和屋感🪟拉開木趟門～🚪是 一塊日式 屏風 ✨在玄關擺放著 擋住入門的視線為內部先添幾分神秘感🪄再走進內 被安排座在 和室位置感覺 柳暗花明又一村🌸叫左兩個日式定食Set🍤天婦羅烏冬（冷烏冬、熱湯任選） $95配 麵豉湯、沙律🥗、甜品-天婦羅🍤新鮮炸起、沙律醬料份量剛好、調味得宜、烏冬彈牙、湯有淡淡的鹹味🐟銀鱈魚西京燒定食 $148配 麵豉湯、沙律🥗、白飯、甜品🍱-雖然鱈魚喺香港應該係要用雪藏、但呢個係帶有鮮味嘅鱈魚！餐廳有確保足夠新鮮甜品係綠茶糯米糍 🍵🍣蟹籽軍艦$32-爆炸式嘅蟹籽份量🥑牛油果軟殼蟹壽司$85-份量多到開心死、原隻全個軟殼蟹都在這個碟上，牛油果🥑有好多塊每一嚿壽司大概有兩三塊

搬來大埔住了一個多月，發現周邊好多餐廳都沒試過，尤其經常經過翠和里巷仔見到呢間門外掛了很多燈籠的德美壽司，今晚一於入黎吃下晚飯。餐廳面積不算大，但座位寬敞，坐得都幾舒服，不論門外門內都有濃厚的日式居酒屋佈置。餐廳品牌都有相當規模，包括大埔這家店，總共有六家。餐牌食物種類亦相當豐富，壽司、刺身、鍋物任君選擇，還有多種清酒可選。今次點了︰1) 上壽司拼盤A ($238)這個拼盤共有九款壽司、兩件寫上"德"和"美"的玉子燒，魚生刺身，包括吞拿魚、三文魚、帶子等都是厚切大塊的，與壽司飯合在一起比例匹配，顯得飽滿。壽司飯是手握，米飯夠粘，不會一夾就散，味道新鮮。熟食方面，鰻魚壽司也不俗，鰻魚充滿香濃醬汁，肥而不膩。2) 三色魚生丼 ($130)這個丼是附送味噌湯和沙律的，飯前吃這兩個特別開胃。至於這個三色魚生丼相當足料，三文魚、吞拿魚、帶子都是厚切的，非常鮮甜，飯旁還有一隻溫泉蛋，混在飯裡，特別滋味!!3) 牛油果軟殼蟹卷 ($85)每次吃壽司必點的一道菜，軟殼蟹炸得恰當脆而鬆化，加上軟軟帶清香的牛油果，口感相當豐富又脆又淋。兩個人吃這三道菜都足夠了! 相當滿足。

聽說位於大埔的德美壽司很有名，坐無虛席！目測人流的確多，餐廳留位只留5分鐘😵餐廳門面裝修確有日本feel 🏮🌸 德美海膽魚生丼擺盤漂亮✨刺身有海膽、三文魚、魷魚、帶子、油甘魚、大蝦、鯛魚、三文魚籽、蟹籽等🍣刺身新鮮，魚鮮味甜～滿滿一大碗👍🏻跟餐附送麵鼓湯、沙律🌸 野菜牛肉鍋牛肉滿滿鋪在碗面，配上其他配料如豆腐、東菇、娃娃菜等💕鍋底還有粗身粉絲，另追加了烏冬，很豐富✨🌸 鹽燒鯖魚鹽燒鯖魚一大條，啖啖肉🌸 汁燒原條魷筒魷筒整條多汁、肉質算嫩✨

日式裝潢令人放鬆，食材新鮮，服務亦非常周到。✨⭐️ 油甘魚腩刺身 ⭐️油甘魚腩刺身切得薄厚適中，肉質彈牙，絕對是刺身愛好者的最愛！🥢💖⭐️ 火炙海膽壽司 ⭐️海膽的鮮甜在火炙過後更添香氣，入口即化的感覺讓人想一口接一口！🔥😋⭐️ 三文魚腩壽司 ⭐️三文魚腩鮮嫩多汁，搭配醋飯的酸甜，真是一絕！每一口都讓人沉醉。🐟❤️⭐️ 池魚壽司 ⭐️這款池魚壽司口感滑嫩，魚肉新鮮，讓人感受到海洋的味道！🌊✨⭐️ 帆立貝壽司 ⭐️帆立貝的鮮味十足，帶著海的氣息，搭配米飯，每一口都令人愉悅！🌟😍⭐️ 大蝦天婦羅卷加吞拿魚腩茸 ⭐️外脆內嫩的大蝦天婦羅與鮮美的吞拿魚腩茸完美結合，口感層次分明，簡直是味蕾的盛宴！🦐🍣⭐️ 天婦羅烏冬定食 ⭐️天婦羅外酥內嫩，搭配滑順的烏冬，令人滿足的定食選擇！🍜🥢➡️最正宗的日本味道！🍣💯

响open rice見食評唔錯，所以決定同朋友在這店慶生。電話book 枱時話只留枱5分鐘，已覺有點mean, 去到落完單後，第一道菜已很快送上，當然邊傾邊食。點知有位男店員（應該係老闆/店長）立刻叫我們快點食，有限時！於是詢問限時幾耐，回覆90分鐘，所以我們覺得無問題，可以食完。在整個過程中，他們不斷回收枱上面食完的碟都算，怎料那店長還拿起我們一碟炸物說：你地是旦一個食埋佢，等我收咗佢！當時真是O咀，心想：使唔使咁？好急咩？我們入座是18:15，但食到19:20時，聽到店長同等候的人講，19:30有位㗎啦，佢地就走！心想，唔係咁嘛，我19:45先夠90分鐘，枱上還有幾樣食物未食完喎！最終我們難敵佢的無形壓力，已無mood再食下去，於是算啦，提早走人，交返張枱比佢做下一輪生意。這店食物質素係唔差的，但整個過程都有好大壓迫感，加上不斷地被打擾（因佢不斷回收碗碟），根本無可能好好享受整頓晚餐，幾好食都唔會再回頭‼️