德發粥品專家

营业中

休息中

最近經常在荃灣出沒,朋友生病要吃得清淡些,所以來到德發粥品光顧這間店經常經過,好像很多人光顧,住荃灣的朋友都說他們的粥品不錯,所以都十分期待我對吃粥的要求都很高,因為街外甚少有靚粥吃,光顧過許多令人失望的粥店,因為每次去吃粥都很期待可以找到一間好吃的叫了最普通的皮蛋瘦肉粥和炸兩,皮蛋瘦肉粥粥底糊到適中,但很少米粥味欠奉,但皮蛋和瘦肉都很多,整碗粥充滿瘦肉味,瘦肉醃得夠咸夠「林」,$13尚算經濟至於炸兩,我吃粥最留意就是粥店的腸粉做得如何,因為許多粥店的粉皮都像吃毛巾一樣,這一間又是令人失望的,首先油條不脆,不過還可接受,因為好難吃到熱騰騰的油條,但連粉皮也是冷冰冰實是難以接受,粉皮冷了就會「癡」住隻碟,想吃到滑的粉皮也很難吧!!再加上淋得太多豉油所以很咸,雖然只是$6,但也可有誠意一些吧!!!這一餐吃到天一半地一半,雖然未至於難吃但不好吃是一定的,即使服務友善卻再也不會光顧吧!!

老闆很親切知道我從台灣來還跟我聊了一下蘿蔔糕好大一塊!!!跟台灣完全不一樣~便宜又好吃!!! Good~不過我不太喜歡牛肉腸粉碎末肉的口感不太習慣

自半年前此店在數步之隔的隔鄰開多一間分店後,不知是否人力和資源分散,發覺此店的食物品質,越來越差,分店出品一直都不及正店,如今連正店的出品也退步:腸粉不夠軟滑,而炒河粉和炒麵更為甚,又澀又"鞋",好幾檯叫了都食不完,怎搞!如此品質,如不改善,如何再臨!(只有粥底,尚可保持綿又滑,是唯一尚可取之處!)

由細到大~食開碎牛(免治牛肉粥)由深水埗的大排檔到荃灣的粥店可惜福來村嗰間~~易手後~免牛粥而不好味了~今次行過呢間~決定一試免牛粥 $11~好味~~~~~~~~~~~~~~~~~唔會太多炸粉絲~牛味好夠~花生夠脆冇燶味係好緊要的~then~腸粉就....好一般....比一般5蚊包嗰d or 7-11嗰d係好好多但比好味的粥店來說~差d而5蚊的蘿蔔糕~我食左3分之一都唔知有冇...冇食lu~好糊口呀~唔掂....不過我一定會再返嚟的~因為佢有我至愛的碎牛!!!

今早老公去了跑半馬, 我對跑步已放棄了...Knee joint...常發出警號, 超過一個鐘已不能繼續, 於是今天唯有做完機便吃早餐, 呢間德發位於雲貴川隔離, 唔知同隔幾個鋪既德發有沒有關係, 有待 OR Editor 去查證! 同樣是那麼多人, 沒有熱豆漿, 我只叫了炸兩, $7, 油炸鬼是硬脆, 腸粉皮凍凍的, 下次試試現包的叉腸吧!

舖面: 非常殘舊, 接近於不堪入目.清潔: 無, 接近於難以忍受.舒適: 難頂, 想快喲走.環境: 九流.服務: ?但: 我常常幫襯. 是否自己拿來賤 ? 是否有自虐狂?就是為了一碗靚白粥 :好綿 - 煮到開花.好滑 - 無煮過"龍".好香 - 純米的香味.好淡 - 無味精.好清 - 無槳粉.好正!一種好熟識; 又似曾認識; 但已忘記很久的感覺. - 家相信住荃灣的街坊都知道這間粥舖. 無論幾時都擠滿人. 舖仔細細, 伙記多多, 生意非常好, 24小時營業, 出奇!後話: 其他食品麻麻地. 以上純熟個人意見, 必無虛構.

岩岩週日睇完戲凍凍地, 去咗食粥, 之前都有來開這裡叫咗:腸粉皮蛋痩肉粥皮蛋艇仔粥炒米粉 (好大碟)共 $38同區粥店佢ge質素同價錢都ok之前試過佢d生滾粥 (及第) 就普通, 如要求不高, 這店真的可以一試

十元吃到個下午茶，邊到有，就係尼間粥店，叫個白粥和豬腸粉，加埋都係9.5元，白粥熱辣辣，又軟又眠，腸粉即叫即做，這裡天天爆滿，出貨品質有保証。

某日到荃灣辦事, 突然想吃腸粉,記得這裡全天候有腸粉供應,決定多走幾步到這裡一試。典型街坊粥店格局,幾位阿姐為堂食和外賣忙過不了,看到阿姐落力地在斬炸兩,先來一碟炸兩,見到竟有菜乾豬骨粥也來一碗。阿姐將炸兩送上時不忘說了句:炸兩好呀,脆卜卜架! 一試之下果然很脆!很久沒吃過油條仍是脆的炸兩了,那一刻真有點高興的說 腸粉大得足夠包裹整條油條,不會像坊間有些會用上較細的腸粉造炸兩,結果弄至甩甩漏漏好難看。腸粉帶點軟糯厚薄適中,難怪很多街坊都來一碟齋腸了,水準不錯的腸粉;配上外脆內軟的新鮮油條,真的很好吃!! 唯一缺點是醬油不多,剛剛澆在腸粉上層而已,像我這樣的豉油怪就有點不滿足了。菜乾豬骨粥顏色似乎有點不對路?!先吃一口....粥底沒有菜乾那種香氣哦!,吃來很像吃白粥哩,煲得未夠時間乎??豬骨骨肉分離,有好幾顆骨頭也有好幾件純肉,味道原汁原味皆因沒有用鹽醃過。總括來說這碗不是心目中那些老火菜乾粥味道,有點失望。離開時看到炒麵/炒油麵頗對眼,門口也有一群年青人買燒賣,有機會再試這些。

食粥一向都不是我的喜好，每次見到我去食粥，就知道唔慌係好野。病倒了！沒有出街，也不想出街，就點我老豆回來既時候買碗粥俾我食。是皮蛋碎牛粥，加一份腸粉。粥底幾杰身，皮蛋也爽口，碎牛味道都唔錯，仲有些少蔥花，確是不錯。起碼不像是病人食那些淡茂茂的粥。至於腸粉，有豉油又有甜醬，味道就夠，不過腸粉唔滑，感覺一般。呢排成日好似唔多妥咁，希望快點好番，大把美食等住我去試呀！

見有即炸的油條，腸粉也是熱辣辣出爐，唔洗諗即刻霸個位坐。咪睇少地痞粥舖，堂食經常爆滿，外賣的人亦不少，長駐著伙計的半開放式廚房應記一功；粥的選擇不多，艇仔同牛肉粥兩味，簡單地叫了白粥、炸兩，白粥粥底頗綿，沒下味精也沒加銀杏或腐皮，吃得出淡淡米香，不錯，配件熱辣辣的炸兩，腸皮包著不至於會掉下碎粉，可惜油條雖然外脆，但吃落黏黏實實，可惜了一點，偶爾路過想吃清淡點，也會再幫襯的。

一向覺得抵食夾大件,琴日買咗我屋企最鍾意的三碗粥(及第,肉丸,鯪魚頭)同腸粉.雖然腸粉依然滑漏,但D粥就唔掂,三碗粥完全冇味,同以前比相差好遠.可惜,可惜.

週日飲得茶多改食粥,喜歡這店的原因是粥底夠綿，腸粉夠滑，尤以蝦米腸($10)為甚，因為這是有單才做的腸粉。食落幼滑又夠熱，不用落其它醬料，只點鼓油，原汁原味非常好食。粥類中個人喜愛及第粥($16)，有魚丸,粉腸,豬肚,豬潤,肉片各兩件。料新鮮，粥底滑又綿，好食。炒粉麵中,個人偏愛炒粉($6),炒得夠乾身,又不黐埋一舊，加些芝麻和辣椒醬,伴著芽菜仔咬幾爽。剛剛才知道此店有一樓上舖,在閣樓,叫咪落樓下上食物。

今早唔太舒服, 去完physical 出一身汗就走黎食碗白粥同叉燒腸, 白粥幾綿, $4, 不過我都食唔哂, 叉燒腸係即拉, $10...個皮幾厚, 切完之後大大條, 叉燒唔太件...鋪頭細細, 但人流多!

有肚餓又想去做gym 尷尬時間, 今次唔揀美心清蛋糕, 選擇買個芝麻砵仔糕, $2.5, 講真我對砵仔糕都唔係太過喜歡, 不過見食評有人讚就黎試下! 芝麻以外還有粒粒紅豆, 我覺得唔夠煙韌, 芝麻味淡淡, 唔太吸引, 可能我應該買原味!