德發粥品專家

营业中

休息中

價錢ok.白粥,小食(淨腸粉,羅白糕,牛/叉腸,油器)$5-1x.食物種類ok.根據餐牌除左一般的粥,油器,炒麵/米,仲有一般糖水(紅/綠豆沙,豆腐花),蒸腸粉,糯米飯等.(實際上,晚上7點幾去到,無羅白糕,無糯米飯,唔知係生意好定心野原因.)食物質素.粥唔錯,夠熱,感覺無乜味精.炒米/麵唔係好得(唔夠熱同味道一般),試左碟蒸牛腸亦唔見得好食.另外,唔知點解柴魚花生粥,有好多碎豬骨.環環:尚算整潔.服務.差得離奇.兩個人去食,前後腳到,分別叫左一碗粥另加一隻粽,跟住食食下覺得唔夠飽,分別再叫左淨腸粉、炒米粉、豆漿.(每次叫一樣食物,因為食晒至覺唔夠飽).係最後一次叫野食時(豆漿),亞姐竟然講:叫幾樣野分成十次叫,唔係逐樣叫呀,洗少少錢做死人咩?............即時O咀,呢D乜野態度,食唔飽再叫野食好正常啫,無錯掛.為免加重亞姐工作量,一定唔會再去幫襯.

在四坡坊選購過年掛飾，結果買了兩個大燈籠，任務完成，就地用餐，因此處有好幾家餐廳。 提著燈籠著實不方便，見“德發龍”門口擺著兩張桌子，心想：把東西擱在地上，不就行了。於是就坐了下來，看看餐牌，有十多款粥，還有腸粉及炸物，選擇倒挺多的，愛吃內臟，便叫了個豬肝粥再加根油條，嘿，這倆可是最佳拍擋啊！ 今年的冬天特冷，此刻坐在戶外寒風陣陣，怪涼的，正思索著是否換到店內時，油條先到了。雖則是溫熱的，但也不失香脆，少少的咸味，加上麵粉的韌勁，好吃得我是一口接著一口，很快就消滅得一乾二淨了。這時粥也上場了，還冒著煙呢，沒吃都知道是滾燙的，於是我使勁地把粥撥來撥去，等它快點涼，好一會兒終於可以吃進嘴裡了，一股熱力瞬即傳遍全身，再也不覺得冷了，粥煲得綿稠，不會水汪汪的，淺咖啡色，有輕微的咸味，大概是豬骨粥底；豬肝有好多塊，熟得恰到好處，嫩中帶少許的爽，不過有時吃到筋，比“新香園”的出品稍稍遜色。

白粥超正！難得難得！無味精！油炸鬼脆脆，炸兩更正!及第粥D豬肚，豬粉腸，豬肝，肉丸都好好食喔。。。重有艇仔粥，田雞粥，菜乾豬骨粥，炒米粉，炒麵，又大碟又好味。。。蒸蘿白糕就唸唸囉！

尋日(3-12-2010 Fri)朝,同男友食個早餐,又趕趕地,都係o黎呢間,至多又唔食粥,我o地又o黎轉彎呢間..我一心諗住要食白糖糕同粉粿,就叫o左:1. $10.00四個o既粉粿上次男友食過,我冇食,所以叫,粉粿圓碌碌o既,食落,原來冇咩料,有花生同唔記得係咩o野添.味道淡淡吧.4. $5.00o既蘿蔔糕同樣大大件,但內裡冇乜餡,算吧啦.2. $3.00o既白糖糕呢個甜甜地,冇問題.3. $3.50o既鬆糕好大件,亦都幫我o地一分為二,呢個想用筷子分開佢係唔得o既,因為好煙韌,而且都唔鬆.5. $4.50o既豆漿我第一次o係呢邊飲豆漿,原來係唔甜,連微甜都冇,一啲都唔甜,唔好飲.男友話只差砵仔糕,否則今次我o地係食晒佢o地啲糕.衛生:今次唔係咁得喎,臨尾時有o野跌到我手臂,拍拍佢,原來係一隻蚊滋.

今日(26-11-2010 Fri)同男友起身去又去食早餐,今次佢叫我食粥,因為我都有少少被佢傳染.上次(前日)因為佢仍有啲咳,而同佢o黎呢o度,今次被佢捉一次.佢話試吓轉彎入o黎呢間,啊,好吖.我就要:1. $11.00o既牛肉粥食第一啖,好滑喎啲弼,好過向馬路o個間.而碎牛都冇乜問題.味道: 4.5分2. $11.00o既蔥花腸大大碟,蔥花又多,好香,好正.味道: 4分男友要:3. $3.00一件o既粉粿見佢圓碌碌,我冇食到,問男友好唔好食,佢答OK同多餡.味道: 3分4. $3.00o既砵仔糕晨早流流食甜品,呢個係紅豆o黎,我亦冇食,男友亦冇投訴.5. $11.00o既蝦米腸同樣有好多蝦米,我都食啲先,味道好濃,但男友話好鹹.味道: 3.5分6. $4.50o既凍豆漿男友飲o既,我冇飲到.環境:呢間闊落啲,感覺亦都光猛啲,不過靜好多.服務:呢o度回應人好啲.

11-11-2010(Thur)同男友起身後去食早餐,已經唔使問佢想食咩o野lu,因為我o地重未試勻呢間o既o野食不過我決定o左要炸兩同炒河,唔食粥.o黎到,我就叫呢兩樣同一杯凍豆漿畀男友,點知佢叫兩杯.好快所有o野o黎齊,炸兩係$7.00一碟,有我想像中咁大碟,油炸鬼仍脆亦唔太油,唔差.炒河算大碟,我估佢都係$7.00,涼涼地o既,都係有韭菜,芽菜呢啲啦,呢個亦冇問題o既.凍豆漿,上一篇次都講過,唔再講喇.之後見有人買燒賣,於是問男友要唔要?佢答好吖,叫o左,原來係魚肉燒賣,我o地有啲失望,唔係茶樓o個種.呢隻一碟有七粒,食落,皮薄魚肉多,都OK o既,我貪玩蘸麻醬食,又幾得意喎,佢啲麻醬好鬼死香o架.呢餐共$29.00,我估計:炒河$7.00,豆漿$6.00杯,燒賣$3.00.其他:次次都唔記得講,呢o度枱上面有齊同種調味料,真係唔錯.

8-11-2010(Mon)同男友起身後去食早餐,問佢想食咩o野,佢答呢間.好.o黎到我都唔記得想食咩o野好,佢話要白粥腸粉,我都跟佢叫白粥啦,不過要牛腸,點知佢轉呔叫兩碗白粥,一碟牛腸同炒麵,我問佢點解咁叫?佢答既然大家都係腸粉,不如只叫一種.然後叫另一樣.啊.好,白粥先到,好熱好熱亦幾稀,之後係粉麵,粉麵有成座山咁高,佢都唔太油,口感適中.而牛肉腸等o左好耐至有,大大碟,腸粉厚度亦適中唔太薄,牛肉都算多.之後男友要杯凍豆漿,係好夠凍,但豆香冇乜o既.呢餐共$31.50.食完走人時,聽到原來呢o度有粉粿食,上次已經發現有糖水o架啦,下次又要試吓先.

尋日(29-10-2010 Fri)同男友起身後去食早餐,荃灣兆和街至沙咀道o既幾乎被我o地食勻,諗唔到食咩喇.一係去川龍街唔記得咩名o既,一係去美食軒食點心,一係呢o度有間食粥.男友話去金銀島.行過呢o度我指畀佢睇呢間,佢睇見有白糖糕就心郁郁,佢最後決定都係呢間.我o地入到去,好彩都重有位.我見有$11.00o既蔥花腸粉,就想試,於是我要埋$11.00o既牛肉粥,男友要$4.50o既白粥同$2.50o既白糖糕.兩個粥最快到,粥幾綿,之後蔥花腸粉到o黎,幾大條吓,好香,好味.而男友o既白糖糕重未到,我就再叫一次先至有.白糖糕得一件,微甜少少粘口,唔差o既.男友食完o野見人o地o既蘿蔔糕好似唔錯,於是又叫,呢樣$5.00.蘿蔔糕好大件,係蒸o既,見到有啲蝦米,男友話有蘿蔔絲幾香.嗯,蘿蔔味係有,但略嫌冇其他料,唔多滿足咁.我幫男友計,佢o個份早餐只係$12.00,佢就話咁好抵喎,其實佢朝早食白粥同蘿蔔糕已經好夠.服務:好舊式,如果諗住斯斯文文叫人應你寫o野係冇人會理你o既,只要求求祈祈大聲要咩就得喇.叫o左佢o地都唔多認得邊張枱叫,求祈大叫,係客人叫o既出聲回應就得喇.

叫咗個皮蛋魚片粥+腸粉。個皮蛋魚片粥唔係好大兜，但足料，皮蛋冇澀味，魚片雖然唔滑，但係都有魚味，個粥底都幾滑，有味(個人認為鹹咗少少，兼有味精味)。個腸粉麻麻地，唔滑，但好在D醬放喺外面，可以隨個人口味添加。街坊粥店嚟講都OK啦，不過如果病咗想食碗粥，就唔係好啱喇，因為味道重咗D。不過D服務態度就真係要改善吓。

係荃灣搵野食~見好耐冇黎德發所以就去幫襯下平時多數都係外賣不過今次就坐底慢慢食~鋪頭入面好舊，不過好在夠冷氣，夏天食都唔怕會好熱叫左一碗皮蛋瘦肉粥同埋一個炸兩。皮蛋瘦肉粥 : 好多料，啲瘦肉醃得好入味，啲弼夠滑夠綿同埋叫左個呀姐多蔥佢真係俾左好多好多蔥炸兩 : 啲炸兩一早整好左，不過依然好脆如果係岩岩整起既話應該會更加好食個粥$13+炸兩$7=$20好抵食，下次會再幫襯

本人之前睇過其他人既post,以為好似先去,大約晚上7點30到,鋪頭都算乾淨企理,見之前有人話佢個炸兩好食,咪叫左一個,我就食碎牛粥,我女友就食搖柱栗米粥,叫左唔洗3分鐘,第一碟就係炸兩,皮好似幾薄咁...但一夾都知奶奶地野...點解...佢咁好人士...條油炸鬼,咁多粉既..一食就知中左招...條油炸鬼好似隔夜咁...唔脆都算...第一次食到咁難食既炸兩...跟住我個碎牛到...諗住都算正常啦呱...點知食左7成先知又中招...點解可以咁水既...老細..你覺得成本高,你加價我唔介意...洗唔洗粥都落咁多粉丫...食完仲要胃痛....第一次因食粥而胃痛...頂...我女友碗粥算正常...可能係廿蚊既關係...粥底似返d粥,下次唔會再幫親呢間咁既垃圾鋪頭...我都知夜晚食炸兩,你既油炸鬼唔脆都唔出奇...但係油炸鬼本身已經唔好食...唉...第一次因為難食,而浪費食物...ps...食緊果陣隔黎枱個阿叔叫左碟牛肉腸,佢見d牛肉勁粉紅,就問阿姐熟未..點知阿姐咁答佢:熟嫁啦...熟唔熟你都分唔到...有冇攪錯..

今天經過這間粥鋪，上了上面樓上吃。食左一碗白粥和一條油炸鬼。白粥麻麻，油炸鬼就真系唔錯，熱辣辣，又香又脆，真系好好味。於是又叫多條油炸鬼，總共都唔使$15蚊。

放工諗住去四陂坊「川味美食」食薯粉~無奈去到時外面排曬隊~唔想等~於是去附近的德發記麵店食~只因當時呢間唔使排隊~入到店裡~搵左個角落坐~點左淨腸粉($5)同炒米粉($7)~諗住便便地試下無妨~唔使五分鐘~食物已送黎~腸粉表面看似很滑，吃了一口，無什麼味道可言~而且好「林」。米粉也不夠味~若對食較挑剔的人來說，此店應不是好的選擇~不過值得一讚的是：抵食且份量足!!!

琴日同左同事去左呢間店到食晏,呢間店算叫做老店,都開左好多年啦,冇裝修可言,不過質素唔錯,叫左個炒米粉,燒賣同炸兩,一定要試炸兩,脆到得人驚,就算成舊浸落去d豉油到都唔會變淋,做得好好,今餐加埋都係$20,呢個真係街坊價,值得一試.

今日做完野，經過荃灣德發粥店，見到無位，就上左閣樓食。上面環境都不錯，但卻很奇怪，居然有只大貓，令我食欲大減。我先叫了碗瑤柱粟米粥，瑤柱像絲般幼，吃了一口，毫無香味。吃完后覺得有點熱，就叫左碗凍芝麻糊，吃落又香又滑，芝麻味極濃，值得一試。個阿姐好nice，又有禮貌，真系唔錯。