德發牛丸粉麵

营业中

休息中

無得去澳門。先去海防道德發牛丸粉麵嘆返個豬扒包沙律餐。豬扒包沙律餐加紅豆冰，售價$38。下午茶價錢，好抵食。個豬扒包新鮮出爐。塊豬扒好軟身。入口有咬勁。食得出屬上等食材。好美味。個沙律有點唔足料。得蔬菜，無薯仔。唔合格。杯紅豆冰好美味。建議行開尖沙咀，可以走入去海防道嘆返個下午茶。

作為香港人，嘆個下午茶餐，飲杯咖啡奶茶，係最正常不過嘅配搭！但係而家喺德發食下午茶餐，係唔包飲品嘅！？ 😵😵同老公在尖沙咀飲完茶後，四圍閒逛，突然好懷念德發牛丸，雖然仲飽，都專登過去，叫了碗牛丸米，再加個下午茶餐。原來平日食粉麵，仲有跟餐飲品優惠，但紅日就冇，這個有告示寫得明明白白，絕不會引起誤會。但吊詭的地方來了：我們同時點了一個下午茶餐，跟紅豆冰。但夥計阿姐拎杯紅豆冰埋嚟嘅時候，先同我哋講，話紅日不跟餐飲，要收正價$20 ！但餐牌上邊冇標明呀！而且睇勻全枱嘅告示牌，都冇下午茶餐紅日不跟餐飲這一項！我們先後問了三個夥計，他們只說這是新餐牌，紅日係唔包餐飲嘅，只係冇標明，遲啲會加返落去，即係冇寫明，任佢噏，死未💀💀！這是否不符合商品條例？ ！大家下次去食下午茶餐嘅時候，小心中招！我們巡視附近其他食肆，全部下午茶餐都包飲品，唯獨德發咁「與眾不同」！而佢嘅招牌牛丸，亦欠缺以前嗰種一咬落去彈牙爽口嘅感覺，令人失望！從此以後，我們去尖沙咀時，又少一個食嘢嘅落腳點，好傷心！😓😓

(舊照) 厘一碗德發牛丸都已經係十幾年前影😅😅😅 因為以前係手打關係😍😍😍😍😍 味道係好彈牙好有牛肉味😋😋😋😋😋 唔會太過味精👍👍👍👍👍 加埋佢個自製辣椒更加冇得輸😋😋😋😋😋不過最近睇到嘅食評都講話裝修完之後啲味道完全唔同曬🥲 聽樓面姐姐支吾以對話原因係以前係手打😍😍😍😍😍 而家已經轉咗用機器😑😑😑😑😑 所以質素點都有唔同嘅影響😔😔😔😔😔咁樣講如果要食番以前嘅味道 就要老闆自己改變返製作嘅方法先得 去令到嚟捧場嘅食客可以食番以前嘅味道🙏🏻🙏🏻有機會我都要去update返個味道😅😅😅

行入尖沙咀街市熟食中心，德發牛丸非常出名🫢最近佢哋新推出墨魚丸，即管試吓先😋老實講熟食中心搵位置係比較難，因為每檔有自己所屬劃分左嘅位置同枱，每檔得幾張唔多，所以好多時都要等位。夏天就辛苦啲，因為冇冷氣所以會有啲焗😢大部份人會選擇買外賣，買完可以返公司嘆住冷氣食，而且外賣去到先叫又唔洗等好耐。自從試過德發牛丸嘅墨魚丸之後，就返唔到轉頭😂牛丸拼墨魚丸米粉，基本上係我每次嚟都會叫，墨魚丸非常彈牙，牛丸出色就唔多講啦🤭先30幾蚊，平靚正！

尖沙咀返工年代每周總有幾日幫襯，自轉戰其他地域已多年無重返舊地做坐上客。昨日經開見有啲時間會一會老店，可惜得「失望」。跟未裝修前食物質素相比簡直天同地。從前嘅牛丸確實彈牙有牛味，而家質素衰過求其搵間粉麵店。又唔想嘥食物唯有夾硬啃，最後用10分鐘完成埋單撇，就算幾想清都好，但無辦法真係入唔落口，結果都係食剩啲擺低。嗌埋時阿姐埋枱收錢，一路收一路話：咦！未食晒喎！點呀覺得我哋啲牛丸？我答：同以前比爭好遠，而家好難食。阿姐回應話無可能喎我哋個個客都讚好，我哋呢隻丸啲肉好滑㗎喎！我話係呀我之前尖沙咀返工經常嚟，根本都唔係從前質素，咬落腍bet bet一啲都唔彈。阿姐無出聲轉身去柜檯拎錢找，找錢時講咗句無呀去唔番以前你知唔知點解，以前粒粒係手打，而家全部機整，唔會再有手打喇！總括而言，質素低，汁咸，牛丸口感削，牛筋丸同牛丸差唔多，牛筋算叫做可以，但嗰手汁水味精太重手。翻看食評好多人讚好，究竟有無食過真正爽滑彈牙重肉味嘅牛丸！

食完一碗牛丸米粉- 必定要食一定要加少少辣椒油，牛丸牛味重今次唔夠喉，要多份三文治🥪 要咗 - 鹹牛肉蛋治 （烘底）三文治係厚多士，唔係普通方包蛋同鹹牛肉，熱辣辣，好足料，有啲想爆出嚟嘅感覺 雖然食完一碗牛丸米已經飽，不過熱辣辣嘅三文治🥪，咁足料又咁吸引，好難抗拒嘅誘惑⋯⋯牛丸米+三文治+2杯凍飲🥤= $106雖然價錢有少少貴，性價比未算最高，不過食到有啲情意結嘅感覺，只要每次經過想食嘢，都一定會嚟！⚠️⚠️⚠️雖然環境比之前已經有待改善，不過如果你着得太靚嚟到呢度，記住會大頭蝦經過你張枱時，批踭或用手袋👜打你個頭，所以一定要10分留神！下次都會繼續叫三文治+ 丸米 ！

#heaeat尖沙咀🥢未食過都聽過嘅牛丸🥢推介指數 ❤️❤️❤️❣️🤍海防道熟食街市隱藏不少 #平民美食 秘製豬扒、瓦煲奶茶、牛筋丸、自家製蝦米辣椒醬、豬膶鮮牛麵等等，有興趣可以睇 #heaeat尖沙咀 🥢牛丸牛腩米 HKD38✨單雙拼粉麵同價，為食又未食過嘅沒有不選擇雙拼嘅理由。牛丸牛味較輕卻牛脂味濃、牛腩的骰如一口牛，肉質唔鞋，屬價廉物美.··🚪#德發牛丸粉麵 🪑尖沙咀海防道390號熟食檔.··🔍 #heaeatwalk #heaeat港式

牛丸牛腩雙拼河粉 $38👧🏻：辣椒好辣！牛腩 碎濕濕 牛丸普通 👦🏻： 佇候牛腩嚟 濃味+鹹左啲個人就比較喜歡清湯腩 呢個肉質偏瘦又柴 筋膜令到整體較韌牛丸彈牙 入邊有啲芫荽 味道似酒樓牛肉球新野 $18👧🏻： 啱晒選擇困難症嘅人有花生醬㗎係呀同埋鮮牛油 但係有花生醬嘅地方就食唔到加央牛油鹹鹹 點綴了偏甜嘅多士👦🏻： 覺得麵包唔夠香脆可以焗耐啲有鹽牛油使到整體更加有層次都算幾Heavy最好兩個人開心share 

回憶殺.德發牛丸細細個屋企人已經帶我去食今日重臨舊地真係好多回憶，另外衛生情況都改變咗好多而家好乾淨.牛筋牛丸米粉$36碗粉一上到嚟，覺得有少少唔對路，湯嘅色水冇以前咁深，飲番啖試吓，好彩都有啲香味不過真係冇以前咁濃味，牛筋軟淋好食入味，牛丸就一般般啦，辣椒油一定要加同以前一樣仲係好香，乙醋落少少就夠啦因為好搶味.咖央鮮油多$18呢個就麻麻哋，咖央太簿食落冇乜味，做咗四舊每舊得一半有牛油另外果半就冇.Cp 值及夠飽: 我食咗$56,價錢以尖沙咀來講優惠，另外其實一碗粉都夠飽.翻啅:以回憶，味道，份量來講會再返嚟😂

久聞德發牛丸大名，奈何要在街市吃。一次提起勇氣去吃，撞正星期三休息！所以去吃飯真的要刨熟各食家評論和資料。再找一天去，穿過了一列花店和羊肉店，來到了熟食區。點了馳名的牛丸河。牛丸彈牙，一定花了很多工夫去打丸。 別有風味，值回票價。 

好耐冇來食啦，裝修完都冇來過，夏天會好熱，凍凍地食就岩晒！今次叫咗個雙餸，牛腩牛筋面，牛腩好靭，牛丸都好食，唔係太大陣牛肉味，應該加左陳皮，價錢真係唔貴，但係野飲好貴，好似一杯凍奶茶/凍檸茶要$18杯，真係好貴，而且并冇咩特別好飲，如果可以，就盡量唔好叫，性價比即刻拉低左，唔飲就好抵食好多啦我地星期五6點鐘食，唔係好多人，阿姐同阿哥都好服務，唔會明明有吉枱都要迫你搭枱，由其依家疫情，真係唔想坐太埋！唔會怕麻煩，值得讚！

今日假期無乜嘢做，就同老公去咗尖沙咀行街，但行左一陣就肚餓😂因為諗唔到有乜想食，老公突然間諗起好耐好耐無去過尖沙咀街市個邊食嘢，我仲好記得多年前返尖沙咀做Sales時，老公曾經帶過我去呢一到食嘢！原來而家已經裝修左，唔同左，以前呢到係好迫同好焗，今次黎到都無呢個感覺，環境比以前好左好多了。今次去左食牛丸米同牛雜米加咖央多士🤤由於真係太耐無黎過，重溫番以前同老公拍拖既時候😚食物方面係唔差嘅，黎呢到必食<咖央多同牛丸>😋好食嘅👍🏻🤤

🍴咖央牛油多士 $18麵包經過烘乾 入口脆咯咯咖央既椰味香濃 咖央醬好香滑 甜度適中最抵讚既系每一塊麵包都會有一大塊牛油熱辣辣既麵包夾住牛油 令牛油半溶化 入口更加順滑同香濃👍🏻🤤🍴淨牛丸 $36牛丸並唔系潮州既醬爆爽口牛丸德發既牛丸質感彈牙 比較紮實😯而且特別之處系會有輕微既陳皮味 有提鮮作用😌但對比潮州牛丸 德發既牛丸牛味會比較淡令牛丸更上一層樓既系湯底 好清甜既牛骨湯底😚絕對五系味精湯 飲完都五會覺得口渴🤣

前陣子朋友約我吃午飯， 他約我來這個熟食市場吃出名的豬扒飯。 這裏馳名的豬扒飯我從未嘗試過。 而這檔馳名的牛丸，十多年前吃過一次， 但沒有印象了！ 今次來吃豬扒蛋飯的同時，朋友去德發叫你一碗淨牛丸來品嚐。 淨牛丸牛丸尚算彈牙， 但我略嫌牛味不重， 一碗淨牛丸有八粒， 亦有一塊唐生菜， 我最欣賞是他的湯頭， 喝後不會覺得口渴 ， 應該不會是味精湯， 欣賞這個湯頭裏有些中國芹菜粒和芫茜， 感覺清新！ 值得推介！ 我還是會再來的 ，下次想嘗試他的牛腩河。

📍德發牛肉丸📍#饅頭去尖沙咀#饅頭的港味道------------------------------牛丸河($36)呢度嘅牛丸係用咗肉腩、水展同肉眼3種部位人手打發而成，食落去嘅口感比較扎實，並唔係爽脆爆汁嗰款，但係會感受些少牛肉味同陳皮甘香平衡翻鹹味😋，算係呢度嘅特色之一；湯底就係牛骨湯，講真就冇話好濃牛肉味，入囗比較清新，叫做唔係滾水，重口味人士建議加佢哋自家炒帶鮮香嘅辣椒醬，搭上蔥香，成件事會惹味好多🙈，至於河粉軟滑而不糊，味道正常。------------------------------整體評分：7.3/10小編回頭率：6.5/10