德發牛丸粉麵

营业中

休息中

10年前黎過 10年後裝修完 今日同朋友專登出去尖沙咀海防道熟食市場打下卡 都知道入邊冇冷氣自己準備咗風扇 不過全場都有大風扇吹住唔覺得熱 朋友第一次黎 佢叫咗去得德發一定係叫牛丸既米粉食 自己就佢叫個牛雜撈麵 牛丸保持水準 多汁 彈牙反而要讚一讚個辣椒油 個人口味覺得同個撈面幾夾 ，牛雜又足料，辣油唔太辣得來又香 好味 加埋杯鹹檸七 同地道奶茶 大滿足本身諗住試埋呢佢地個西多，但係已經太飽啦 唯有下次再嚟啦懷舊歷史既老店需要值得支持 下次會再嚟

尖沙咀海防道熟食中心重新裝修之後，居然茶餐廳嘅質素都保持到，最最最重要嘅係價錢好相宜🥹 (重要嘅事講三次)牛筋牛丸米粉($40)：牛筋好入味，煮得好淋🤤而牛丸我哋食唔出佢係手打定係機做，不過佢嘅質感好彈牙，而且食落仲有陣陣陳皮香味，味道出奇地夾👍🏻牛雜墨丸粗麵($40)：牛雜份量都算正常，而且無異味，味道香而濃，不過如果可以多啲就仲正🤣。墨丸都好彈牙，食到墨丸嘅鮮味🦑 粗麵就冇鹼水味，不過不失啦！食佢哋嘅粉面就記住落幾滴佢哋自家製嘅辣椒油，味道會再上升另一個層次🤩咖吔鮮油多($22)：呢個價錢，俾到呢個質素都冇投訴㗎喇😮‍💨 咖吔味道唔會太甜，唯一挑剔嘅係牛油可以厚切啲🧈🤣天時暑熱入去呢啲熟食中心唔叫凍飲真係對唔住自己🤣❄️而且跟餐叫，嘢飲會平兩蚊雞🥹凍奶茶($18)：茶底唔錯，幾香，而且口感濃滑。甜度適中，飲完之後口腔仲有淡淡紅茶香氣。飲得出唔係用死茶嚟沖👍🏻奶茶紅豆冰($24)：茶底同凍奶茶一樣，我哋呢度唔累贅，估唔到嘅係紅豆冰加埋凍奶茶係好夾，不過食完都幾飽，女仔要留意☝🏻嚟呢度食炸豬扒，可能大家都食過，不過我哋發現除咗炸豬扒之外，其他餐廳質素都唔錯，有機會去試吓啦🙌🏻

今次嚟到尖沙咀海防道熟食中心因為係開放式熟食中心入面係冇冷氣，只有勁大風扇雖然天氣好熱，但係都不失人流入面有好多間好出名嘅餐廳無論係本地人，定係旅客都會嚟呢度食飯 🈵今次我就試咗合香園同德發牛肉丸合香園嘅沙嗲牛肉麵，花生味道比起出面嘅沙嗲重，鍾意花生味道重嘅沙嗲嘅朋友一定會好鍾意呢個沙嗲牛肉麵而牛丸真係好重牛肉味，好香又爽口彈牙，個湯底都好清甜，搞到人食唔停口 😍

海防道熟食市場裝修完畢, 重開之後成為旅客打卡熱點, 我還以為這些半露天的熟食中心, 坐得並不舒服, 沒有冷氣, 甚為炎熱的情況下, 他們也吃得津津有味, 我只能說這就是地道的香港故事, 比起高官口中說的更有說服力. 德發牛丸基本上就是這裏我最常吃的, 簡單一碗牛丸米, 在這百物騰貴的尖沙咀, 這裏就是糧尾恩物.裝修過後的牛丸的基本味道, 和原先沒有分別, 最有分別的也許就是𠄘載的碗比之前更為光鮮. 牛肉肉香港不錯, 肉汁豐富, 裡面夾著陳皮香, 令其味道更舒服, 口感彈牙, 就是比一般的牛丸, 在味道和口感上的強化, 個人以前很喜歡這風味, 現在則有點變化, 喜歡的是口感淋一點, 有點黏口和纖維感的牛丸.Tak Fai is one of the most famous beef meatball at TST. The texture is so spongy and the meat taste is really strong. Pricing is cheap so that it is good for us who have no money at the end of

今次見今日不太熱，去食海防道名物。德發牛丸，牛丸彈牛帶芫荽香氣，配合腍滑牛腩和濃香腩汁，好香！重點係環境相當有香港風味，難怪咁多遊客都要去呢個海防道，熟食中心食一碗牛丸麵。如果唔夠飽，可以加多士同一杯。熱奶茶，飽肚又感受到香港味道。不過天氣實在太熱，餐廳內並沒有冷氣，只靠風扇吹出涼風。阿女建議平日去食，因為人流較少，會坐得舒適。若然假日去，就要感受背脊貼背脊嗰種逼夾感覺。阿女都好推薦，自己都諗住，下次再去！

今日body check 完就約左朋友係尖沙咀食晏，其實又無乜特別想食，朋友話睇過介紹話熟食中心有幾間餐廳都唔錯，我經過過甘多年一次都無入去食過😂咁今日就試下啦。..常餐 $45叫左沙嗲牛肉麵配腸蛋加多士，正常發揮，多士烘到幾脆.雙拼 $40既然呢到出名牛丸就試下，朋友話想食埋牛筋甘就叫個雙拼，但我估唔到雙拼牛丸得兩粒😦我以為都有四粒😦牛肉普通，無d人講到甘好食😩牛筋我唔食，不過聽朋友講不過不失，總結係名大過實

上一次食應該十年前，當時未裝修，環境麻麻地，不過已經好出名時至今日新環境，原味道。時間大概係6:30周圍嘅舖頭都冇乜人，係呢一間坐滿晒，其實環境好似food court，但係有分唔同枱係屬於唔同鋪，所以坐位時要好注意好小心，點餐唔需要猶豫一定係牛丸，不過只係考慮會唔會雙併同埋叫乜嘢粉麵，最後併咗牛筋牛丸米粉，湯唔係清湯係腩汁，牛筋晶凝通透非常稔，牛丸一流👍，米粉有啲硬，整體好高質。另外叫咗西多，其實係隔離供應嘅，舊年都有食過👍走時買咗半斤生牛丸$150.一斤。

趁天氣熱之前，再黎到尖沙咀海防道熟食市場。有人喜新厭舊，有人鍾情懷舊，你屬於邊一種？！見好多人都話德發牛丸名過於實，差左好多…平心而論，比起以前未裝修前，係退步左…不過呢個地方依然係我時不時會諗起、會去食嘢。食風味，非口味！好多野往事只能回味，趁佢仲喺度，咪去感受下已改頭換面既港式口味。⭐️淨牛丸 口感彈牙有牛味，略為唔算好Juicy，配條菜菜同埋蔥！⭐️西多士不過不失 都係咁⭐️紅豆奶茶 & 熱奶茶就係凍奶茶加入左紅豆，紅豆煮得唔夠粉、林。熱奶茶偏澀味，係我鍾意的！

202302平日--德發牛丸粉麵地址: 尖沙咀海防道390號熟食檔年初七第一次到海防道熟食中心揾食，新年緣故，好幾間食店都未開，結果吃了中伏豬扒。當天再到訪，終於吃到德發牛丸熟食中心自行找座位點餐:牛腩河一碗($38)，放了兩棵生菜，賣相加分牛腩切得比較細碎、不過份量也多，炆得軟腍，牛腩牛筋牛味濃河粉細滑，粗幼適中淨牛丸($38)8粒大大粒牛丸幼滑得來帶少許根，爽口彈牙有牛味又有果皮味的牛丸埋單: $76不求環境、不求服務，只求味道的地方牛丸味道不錯，值得一試

一直都有聽過海防道既熟食市場，但由於尖沙咀實在有太多食店，加上商場林立，好多時都會遺忘左呢個熟食市場。今日下午茶時間終於諗起佢，係賣花區行入去，唔係好見到，問完人先知原來要行入啲。原本我地係想食沙爹牛既，但係初黎報到完全唔知要點搵位同叫野食。下午茶時段，坐無虛席，見到有位就坐低左，先知好似坐左食牛丸麵果間。緣份到了，咁就叫左碗牛丸麵、「新嘢」同凍奶茶。牛丸真係彈牙爽口，有牛味，好食😋！「新嘢」即係多士牛油同杯凍奶茶都係普通貨色😂😂

夜晚7:00 ，諗唔到食乜，於是決定去海防道街市試吓呢一個聲稱係王牌牛丸嘅粉麵檔試吓。一坐低職員好似趕收工咁，明明好多枱都安排我哋要同人地一齊楚。原來真係趕收工，早知就唔去啦！食到趕喉趕命我叫咗一碗牛丸牛筋米粉，米粉份量適中個湯都好有濃郁牛肉味，但係牛丸份量就真係少得可憐， $35一碗得兩粒……食落同自己去街市買$30一磅嘅牛丸冇分別！牛肉味唔濃！一定有加味精同埋粉…..男朋友就叫咗牛丸牛腩米，都係得兩粒….牛腩不過不失冇咩特別……都唔需要再黎！完

一去到又話借旁邊位，旁邊位又叫你坐番德發度，經已不悅其後落單又等等，取東又等等，追單又等等😒以前一條友去可能起身拂袖而去，不必相送。雙拼麵自然不多，牛丸只有三四粒，份量不多，粒狀不大，看似爽身，但不覺特別彈牙，小嬰吃得爽脆牛雜反而比以前吸引，辣油辣而夠香，香口不太嗆辣；牛雜夠鮮，鮮而顏色帶白，不像黑沉沉那種鹵水牛雜的湯底般，牛肚、牛腸均比平日的牛雜白色，但沒有牛肺就較可惜。不過我幾次在現場說，這牛雜挺鮮，確實又唔黑，又唔太濃鹹，鮮香而呈白色的牛肚，難得一見「新嘢」，哥哥仔都說都是多士加牛油、花生醬煉奶，委實不新，不過再有少許咖吔醬，小嬰也嚷著要吃多啖。翻新後座位更少，卻又集中在中間像飯堂的位置，沒像以前黑暗中又拐彎又找椅子，不過疫情下隔開坐也挺寬闊，未算太差，卻亦非想常到的。

已經記不起什麼時候來過這間老字號粉麵檔了，只記得以前很大牌檔feel, 現在已是很乾淨的熟食檔。記得以前，在YMCA游泳後，必定過來吃一碗招牌牛丸河，今天有終於有機會順道過來吃返一次。先喝湯頭，清淡牛肉湯，有些香菜葱花，很不錯，接著牛丸也很爽口彈牙，不太硬那種口感，河粉偏軟林的那種，還可以，只是吃了有一點點口渴，相信係加了“師父”，以前不太介意，但今天就有些怕怕，回來再吃只是50,50。畢竟系歷史老店，支持支持

以前喺尖沙咀返工成日食德發牛丸裝修完之前第一次再去食入到去街市 唯一唔洗拉客嘅就係德發張張檯都滿晒*牛丸墨丸河*同朋友一人叫左一碗老老實實, 真係有d失望, 水準大不如前牛丸個味係唔錯, 但口感完全唔彈牙, 變得同街市d丸差唔多墨丸就更加唔洗講, 個人認為仲差過街市果d個湯好淡味 (可能要叫返加腩汁)*牛丸牛膀粗*朋友叫左粗麵, 麵質好彈牙牛膀睇落好靚, 而且好粉, 一咬落去就散開, 完全唔un唯一唔好係食落去太咸, 分唔到係太入味定係咸牛膀整體比牛丸好!雙併同單併價錢一樣, 都係$38, 野飲另外加錢小店黎講其實已經算係咁不過佢以前名氣實在太大, 令人成日有所期望分唔到佢而家係手打定係機打不過牛丸始終係招牌希望可以做返好d啦

今日又係食熟食市場啦,見未食過後面閒德發就特登去試下,我就嗌咗個常餐沙爹牛肉麵加厚多士炒蛋,牛肉麵就未到普通比較鹹,炒蛋唔錯七成熟,我最欣賞係佢塊多士整得好脆但係又唔係太燶！