德懿屋

红磡出名好多隐世小店，今次同朋友无意中发现呢间台式外带小店，见佢个名好得意，装修简约舒适，充决定喺呢到买外卖上去朋友屋企食！呢到只做外卖，即叫即整！食物款式好多元化，主打台式便当、小食、饮品同埋甜品🤤依家仲有埋韩式便当添～呢到嘅便当一啲都唔马虎，除咗主菜之外，配菜都好丰富，有半只卤水蛋、菜脯、粟米同埋香菇肉燥🤤菜脯够惹味，大大粒好脆口，提升咗成碗饭嘅口感～ 肉燥好香，啲汁用嚟捞饭一流！盐酥鸡粒便当 💰HK$53睇落细细碗，但面头铺满鸡粒，啲鸡粒就算系外卖隔咗一阵先食都冇出油，外皮仲系好酥脆，里面嘅肉质嫩滑，唔会干身！台式香肠便当 💰HK$49另外仲叫咗个充满台湾风味嘅都台湾肠，台湾肠个皮好脆，充满甜味，用嚟送饭一流！奶盖四季春 💰HK$21 & 奶盖清香乌龙 💰HK$21茶底本身想叫店员帮我走糖，点知原来啲茶底都系预设咗系冇添加糖，奶盖四季春饮落去系好清新嘅绿茶，配埋带有咸香嘅奶盖，感觉一啲都唔会漏，仲好解渴！另外淡淡清香嘅乌龙同奶盖嘅味道都好夹！呢到嘅手抓饼都好出名，下次嚟开红磡呢头一定要买嚟食下🤭…查看更多

今次嚟到呢间位于土瓜湾嘅台式便当外卖店，一入到去纯白色设计都几光猛。睇睇餐牌嘢食嘅选择都好多除咗煮食仲有饮品同埋台式芋圆。今次就嗌咗佢招牌嘅盐酥鸡饭。盐酥鸡层粉比较厚身同埋硬，如果钟意呢种口感嘅朋友就啱晒。饭入面除咗有鸡仲有肉燥同埋菜甫。几夹珍珠奶茶估唔到珍珠奶茶都几大杯，份量一流。不过唔知系咪饮筒嘅大细唔系好啱size，一路饮嘅时候珍珠都卡系饮管中间，饮起上嚟都几费力。奶茶甜度，啱啱好唔会太甜。…查看更多

呢间台式小店在红磡区，只做外卖，店面以木色为主色调，装修简约干净，通风系统做得好，就算开放式厨房，都唔会有油烟味。食物方面有台式手抓饼、肉燥饭、拌面、夜市小食、九份甜品等；饮品方面有经典奶茶、醇鲜奶茶、奶盖纯茶、果香萃茶，茶底可选红茶、绿茶、乌龙，仲可以自由组合配料、甜度、冰块量。台式便当包括半只卤水蛋、肉燥、主菜、配菜、及白饭或拌面。卤水牛肉：牛肉炆得够腍又入味，卤水汁调教得非常好，捞饭一流。盐酥猪排：台湾盐酥猪排，无骨啖啖肉，炸得酥脆干身，金黄色既外表，香气扑鼻。古早珍珠鲜奶茶：珍珠烟韧Q弹有咬口，鲜奶茶味道香浓，入口顺滑，绝对系台式饮品之冠。香芋鲜奶茶：每一口都喝到软绵绵既芋头蓉，好足料，味道又不会太甜，配上优质醇香既台式奶茶，饮完想再encore。总结，台式小店食物好味，出餐快，服务诚恳，值得推介。…查看更多

今日同朋友嚟到红磡呢边行街，行行吓去到土瓜湾呢边，我哋好肚饿啦，就拣咗一间小店，德懿屋，系食台湾嘢嘅，手抓饼同我最钟意嘅珍珠奶茶。舖面细细，但选择多多！我同朋友一人一个主食，一杯嘢饮。全部嘢都系即叫即整，热辣辣又好快手。盐酥鸡粒饭朋友钟意食炸嘢，叫咗个盐酥鸡粒饭，新鲜出炉，我试左d，盐酥鸡粒炸得金黄香口，一啖炸鸡一啖饭，好味。芝士烟肉鸡蛋手抓饼我自己就叫咗个芝士烟肉鸡蛋手抓饼，呢个真系好正，手抓饼软绵绵，烟烟韧韧，口感好！烟肉配芝士，加鸡蛋系绝配，分咗少少俾朋友，都话好好味，佢话下次要试哂成个手抓饼😂特浓黑糖珍珠鲜奶 食住啲干嘅嘢食，当然要配返杯正正嘅台式珍珠奶茶啦！冻嘅特浓黑糖珍珠鲜奶好大杯，走甜，黑糖珍珠嘅甜味，令到成杯嘢饮味道啱啱好，加上珍珠好足料，冰冰凉凉，最啱夏天饮！奶盖芋圆桂花乌龙奶茶另外仲叫咗一杯奶盖户县桂花乌龙奶茶，透明嘅芋圆都好好味，奶盖香浓好滑口，桂花味都好唔错！…查看更多

今日去红磡揾朋友house warming，上去之前谂住买啲外卖上去佢到食，咁就系附近揾左间都几靓既台式食品店呢到主打外卖台式饮品同野食，成间餐厅用左木系装修，望上去劲舒服野食方面系劲多选择，基本上所有台式野食野饮甜品都有齐晒：台式肉燥饭、芋圆、手抓饼、台式手摇饮品、小食，样样都齐，一次过可以满足晒所以愿望呀今次我叫左个比较特别既柳橙芦荟清乌龙，入面有粒粒灯肉同芦荟粒，饮落唔会太甜，饮得出有茶既甘香夹杂住少少橙汁味，间中食到啲芦荟粒又几有口感，唔错难得有手抓饼食紧系要试下唔系好多地方有得食靓既手抓饼，今次叫左芝士烟肉鸡蛋手抓饼，煎既时候有整松饼底，外皮好酥脆唔会好实，入面啲料同酱汁亦落得好足，食到停唔到口！…查看更多