呢到嘅便當一啲都唔馬虎，除咗主菜之外，配菜都好豐富，有半隻滷水蛋、菜脯、粟米同埋香菇肉燥🤤菜脯夠惹味，大大粒好脆口，提升咗成碗飯嘅口感～ 肉燥好香，啲汁用嚟撈飯一流！
鹽酥雞粒便當 💰HK$53
睇落細細碗，但面頭鋪滿雞粒，啲雞粒就算係外賣隔咗一陣先食都冇出油，外皮仲係好酥脆，裡面嘅肉質嫩滑，唔會乾身！
臺式香腸便當 💰HK$49
另外仲叫咗個充滿台灣風味嘅都臺灣腸，台灣腸個皮好脆，充滿甜味，用嚟送飯一流！
奶蓋四季春 💰HK$21 & 奶蓋清香烏龍 💰HK$21
茶底本身想叫店員幫我走糖，點知原來啲茶底都係預設咗係冇添加糖，奶蓋四季春飲落去係好清新嘅綠茶，配埋帶有咸香嘅奶蓋，感覺一啲都唔會漏，仲好解渴！另外淡淡清香嘅烏龍同奶蓋嘅味道都好夾！
呢到嘅手抓餅都好出名，下次嚟開紅磡呢頭一定要買嚟食下🤭
