德懿屋

今次嚟到呢間位於土瓜灣嘅台式便當外賣店，一入到去純白色設計都幾光猛。

睇睇餐牌嘢食嘅選擇都好多除咗煮食仲有飲品同埋台式芋圓。

今次就嗌咗佢招牌嘅鹽酥雞飯。

鹽酥雞層粉比較厚身同埋硬，如果鍾意呢種口感嘅朋友就啱晒。飯入面除咗有雞仲有肉燥同埋菜甫。幾夾

珍珠奶茶
估唔到珍珠奶茶都幾大杯，份量一流。不過唔知係咪飲筒嘅大細唔係好啱size，一路飲嘅時候珍珠都卡係飲管中間，飲起上嚟都幾費力。奶茶甜度，啱啱好唔會太甜。