微酵烘焙 (已結業)

本身元朗人,早輪經過元朗廣場2樓行去搭西鐵,聞到好香麵包味,走過去睇下,原來開左間台式飲品加麵包!見下價錢都唔平,加上趕時間就冇再留低!點知尋晚放工經過,見到好多人排隊,八掛睇下,原來呢幾日做緊Promotion,飲品買一送一,麵包兩個以上88折,咁又好似幾抵,買幾個返屋企都好!野飲可以一杯一路行一路飲,一杯拎番屋企嘆!正!講番麵包,最注目一定係髒髒包,雖然$35個,但係好大個,比起其他鋪頭出既大成倍!價錢都算合理!即刻拎左先!再睇下其他款,可能做緊Promotion,好多包都得番幾件,見到個法式吞拿魚好似幾靚,又拎左先!見咁多人係度,即刻排隊先!講左咁耐都未講味道,因為我第二日先當早餐食!個膠袋有晒回烤方法!好體貼!叮幾分鐘就聞到香氣四溢,屋企人都係咁話!食落當然冇失望!就算下冇Promotion都會再幫襯,當然有就最好XD!

※本文以用餐當日的環境、服務和食物質素為準，口味亦因人而異，文章只作參考之用。-近來風摩一時既台灣茶飲連麵包店，同屬Sharetea茶飲店既Share le Pain一口氣黎到香港連插三旗。之前係台北都有飲過佢地旗艦店出品既飲品，味道唔錯，比糖漿出品有誠意多了。而今次吸引人之處莫非係多款特別既台式麵包登場，完全岩晒麵包控！飲品亦都同平時既Sharetea完全唔同，所選用既食材都升級左唔少，當然價錢都比較貴。三間分店分別位於銅鑼灣、旺角同元朗，最方便我的一定係元朗店，就在元朗廣場內！有自設麵包工場，仲有沖製飲品的位置，環境比平時的麵包店大。飲品餐牌麵包款式六點多去到某些款式已經賣完，驟眼睇其實好多款都想試下呢！飲品分別叫左珍珠鮮奶茶 $36 同爆爆水果茶 $35，帶有漸層效果的鮮奶茶用上日本明治4.3特濃牛奶，底下的黑糖珍珠，珍珠煮得唔錯，煙煙韌韌富咬口，成杯飲品唔會過甜，如茶味可再重返少少會更好；而水果茶有不少水果在內，味道酸酸甜甜，味道清新，飲落唔會覺得甜到膩，這款夏天飲不錯。髒髒包系列 $35麵包款式網上討論得最熱門既應該係佢地三種口味既髒髒包系列，有士多啤梨、朱古力和抹茶味，每一

元朗對於小弟黎講算是偏遠地區，難得三五知己相約到元朗掃食，便順便逛逛街。沿途經過元朗廣場，見到一間新開既飲品店，朋友們話想試下喎，咁我地就便異口同聲咁，就試飲一下，順便解解喝。向揀飲咩既途中，先留意到呢間係Share La Pain，唔知係咪高級版既關係，見佢裝潢都格外醒神，而且仲有麵包買，包既款式唔多，咁岩見到佢有賣髒髒包！呢個包聽就聽得多，食就真係未食過，眼見呢個包份量頗大，我呢啲細食既梗係同朋友仔一齊開心share！結帳時刻！諗左段時間，最後揀左杯「極濃法式可可」加一個黑色朱古力既髒髒包！極濃法式可可：佢分別有三層，上層係芝士味、中層係朱古力味、下層係奶昔，味道對我來說頗為新鮮，因為中層的略帶有朱古力苦味感覺，不得不可以與上層芝士及下層奶昔打成一片，令味道更好，整體來說係唔錯！髒髒包：名乎其實，食完呢個包，成個嘴都係朱古力既痕跡，食落去好鬆軟，裡面有芝士既，朱古力味道唔會特別重，可以食得出包裡不同既味道，好食就好食，但價錢就對我來說確實略貴。有機會再試下呢間野其他種類，可能有更好飲更好食既款式。

之前經過元朗廣場已經知道開咗間麵包鋪但冇特別留意～近排見到網上多左介紹有少少心動就走去試一試！小妹都好熱愛蛋類食物，奄列、流心蛋、太陽蛋、蛋包飯都好鍾意食所以比起髒髒包，小妹反而係二話不說奔向義式歐姆蛋！佢個名都幾特別，上網查先知歐姆蛋好似係指Omelet，但睇個樣又唔太似＄28對小妹而言有點小貴，還好佢味道都算不過不失！拎返屋企叮一叮好似好食D味道而言佢唔係純粹鹹多士，甜甜地又有D蕃茄火腿咁如果有多D有蛋嘅包就正喇～

呢晚去朋友家邊爐前，特地黎到呢間新開的台灣過江龍麵包店，因為聽講這是sharetea的高級版，而我平時又好喜歡飲他們的水果茶..這家在元朗廣場2樓，一上來已經見到唔少人排隊了店面幾優雅清新，亦都幾多staff，好快就揀完比錢。我買左杯水果茶，揀左3個包！（最出名的髒髒包真係超級吸晴，有整個頭咁大，但我怕吃不完所以都係揀左較輕型的三款包包...）黑眼豆豆：三款之中算是最甜的。內餡有朱古力醬及朱古力粒，一定要叮熱食！會流心D，好食勁多！合桃提子：麥包的texture是我喜歡的！乾爽自然的味道。合桃充足，有提子乾伴上一點點甜味去balance番，好岩做早餐的感覺~抺茶紅豆：紅豆蓉唔會死甜，抺茶味不算很濃但一定吃得出。新意不多但這配搭就是好食啊。爆爆水果茶 $35（少甜）：叫左少甜真係少甜，抵讚 水果份量都好足夠啊，有一大片菠蘿，其他蘋果香橙什麼的都各有兩三片~茶味清新唔苦，既酸又甜的層次味道，是我喜歡的那種茶。同埋要讚係店員會比埋竹籤你吉d水果黎食 總結我是會再黎的，下次要試下其他麵包同埋日式綠茶鮮奶，因為我見人地個杯好靚呀~

-🦄Share Le Pain-爆漿珍珠軟歐 Hkd15Rating🌕🌕🌕🌑🌑-終於都食到近排好出名既微酵烘焙🥯雖然每一款包都各有特色🤤都好吸引😆特別係髒髒包😨冇諗過佢實物係咁大份😂但最後都簡左個熱門既珍奶包💕🤔-橫切面切得樣衰左唔好意思🤥🤥呢個包買完隔左3個鐘先食🙈所以好明顯珍珠變得唔太煙韌珍珠比較軟爛😅😅食落口感比想像中差然後吉士醬用左紅茶調配🥃但茶香唔太出只係食到淡淡既紅茶味 整體都比較甜如果唔加紅茶咁咪甜到糖尿？🤣但吉士既質感都幾Creamy幾滑做得比較輕盈唔會過於膩👌🏻呢個不錯但可能只係岩岩開業 所以有好多野都要改善下期望食到個更好既珍珠軟歐🤭🍞🥯-

元朗廣場新開嘅麵包店，原來係Sharetea旗下，有得食軟歐包又有野飲! 麵包店都幾有人氣，我730pm去到竟然要排隊俾錢，仲有好多款都已經賣曬，食唔到店內招牌嘅爆漿珍珠包, 不過試咗幾款都好高質素，值得一試😛.Share le pain有幾款髒髒包, 我揀咗「羞羞之胖」（$35），麵包入口軟熟，而且加入草莓乾同忌廉芝士，味道完全唔寡，表面有層撒滿草莓粉嘅朱古力脆皮，酸酸地好食! 一個包都幾大個，食一半做早餐都飽!! .粉紅色嗰個少女心之戀($22)都唔錯，麵包鬆軟有彈性，入面有紅莓同埋朱古力醬，甜而不膩🍓..極濃乳酪（$26）即係三個圓形嗰個，我最鍾意就係呢款，夾住creamy 嘅乳酪芝士醬，好惹味🧀..德式香腸（$18）條脆皮腸好脆，加埋mustard好夾，個包亦唔會焗到好乾，但$18就略為貴🤑.鋪頭仲有飲品賣，但兩杯都唔係我杯茶啦! 極濃日式抹茶芝士奶蓋嘅抹茶太過濃，我又揀佐少甜，結果偏苦; 曼越莓蘋果個味都麻麻地...

琴日收工經過元朗廣場，咁岩比我發現開左間新既台式飲品店，仲有麵包賣。Share le Pain 呢個新牌子真係未聽過，一於買杯飲品同麵包試下。珍珠個D飲品本身都麻麻地鐘意，於是就嗌左杯芋頭奶同買個包食下。熱既芋頭奶($36) 芋頭好香 走左cream  有D似飲緊芋頭椰汁西米露咁 好飲 歐母蛋包 ($28) 入面有火腿 蕃茄 芝士 個味幾好食 不過可能我收工去買 所以個包凍左 差少少 個人黎講會比較推介呢間野D飲品，下次有機會會試下其他茶飲。

提起元朗，真係隨意都可以見到不同的茶飲店，而最近就發現有一間新開係元朗廣場2樓的Share le pain，決定去試一試。店舖係朗屏站直通元朗廣場的位置，一眼就見到，十分方便。至於麵包，每一款都好有份量，今次同朋友就試左「義式歐姆蛋」麵包，因為真係一眼就吸引左。麵包咬落去鬆飲，又帶有火腿餡同蛋香，我同朋友都直接食完一個！至於茶飲方面，我選擇左藍芝士墨沏烏龍，朋友就揀左墨沏烏龍香緹。由於店舖開放式格局，一眼就睇到店員由茶萃機沖茶調茶既過程，又吸引又乾淨。當然，要現沖當然要等待一陣，全個過程都不需五分鐘。拎到飲品，厚厚的芝士奶蓋就吸引住我，由於藍芝士係帶咸味，而烏龍茶底香濃，真係十分之夾。落order過程中店員仲好細心提醒番有甜芝士或者藍芝士選擇，又問需不需要甜度少冰的選擇，值得一讚。所以，麵包同茶飲都相當好評，下次再黎仲想試試其餘麵包，或者店舖都有既水果茶。

台灣人氣麵包茶飲店以為只在銅鑼灣有, 原來已開到元朗, 今天在家人剛好經過, 可以買幾個包, 一同分享, 試試不同口味。既是茶飲店, 又怎可不喝杯飲品, 我比較喜歡奶類的, 不是用奶精沖出來, 較天然, 而且還可選熱的, 合養生。鮮醇芋頭奶$36: 冬天飲杯暖笠笠的芋頭奶, 是幸福的, 奶頗甜, 有點像煉奶, 我忘了叫少甜, 下次可試試, 而芋頭味也不少, 而且在底下有一件件的芋頭, 喝的時候偶然吸到來吃。髒髒之胖$35: 台灣大熱的髒髒包, 還是第一次吃, 大大個包, 加上質感是實在的, 不是空氣包, 十分飽肚, 外皮是70%比利時松露朱古力, 味道十分香濃, 裡面夾有一些忌廉芝士, 香滑而邪惡。羞羞之胖$35: 因為只剩一個, 像在召喚我買它, 它的士多啤梨味很清新, 又有點像糖果香味, 頗適合小朋友吧。極濃乳酪$26: 也是鬆軟的麵包, 可以分三件吃, 吃到裡面原來有一個球, 是奶油芝士的味道, 蠻特別的。紅莓吐司$30: 一袋有6片, 輕輕打開袋子, 已聞到好香的味道, 原來有覆盆莓醬, 蔓越莓乾, 麵包鬆軟, 粒粒莓乾是濕潤的感覺, 麵包中也加了忌廉, 口感味道比一般白麵包豐

一月上旬·晴這一天來大西北工作，先在冬菇亭吃了叉燒燒肉，見有一點點時間，才這個商場閒逛。在二樓發現這間店子，該是新張不久吧。上個月才在台灣試過這裡的台茶及麵包，又來試試香港的如何？來一杯招牌的民國捌零珍奶，用上專用的萃茶機，沖出來的茶是香味特濃。可以選擇加入奶精或鮮奶，只差幾元當然要了後者。香味更濃之餘，口感也更滑。坦白說，個人而言不是珍珠的粉絲，只吃一點，這裡也有在台北本店吃的水準。除了珍奶，店子跟台北本店一樣也有麵包賣。店子的軟歐包是吉士及珍珠做餡，味道香甜而好像吃「包版」的珍奶，是有其特色的。夏天來，會飲果茶。

lunch時間經過元朗廣場，諗住同同事發掘一下食咩好西一入去就見到Share le Pain呢間麵包鋪，即刻比佢吸引咗收銀已經有好多人等緊，應該有唔少回頭客入去望一望，麵包種類暫時未係好多，但感覺都幾特別首先一定會俾三色髒髒包吸引，呢舊包分分鐘大過你塊面，我同同事見到都呆咗hahaha最後揀左羞羞の胖＄35（士多啤梨味髒髒包），原來佢表面係士多啤梨脆皮，士多啤梨味勁香！咬落去入面唔似以前食個d髒髒包有太多餡，反而食到適量cream cheese同士多啤梨乾分佈係麵包裡面，令麵包唔會變得好膩，抵讚當然咁大舊我自己係食唔哂，拎咗返公司同同事開心share先食得完現場仲有鬆餅個類，都有三隻色，好治癒haha最後買咗全麥鬆餅（＄8）同抹茶鬆餅（＄8）做第2日早餐，叮一叮加熱都幾香口感屬於比較實個類，食完一舊已經好飽肚下買完包，順便買杯野飲解下口渴本人其實唔太好芋頭，見同事買咗呢杯鮮醇芋頭奶，隻色咁靚佢又係咁說我飲，就俾面佢試下點知真係一試就愛上！不得了，攪勻底部芋頭泥再飲，啖啖都係芋頭香，真係幾清甜連我都忍唔住飲完再飲幾啖～下次一於再買佢先！

元朗廣場新開一間烘培店， 仲有特色飲料麵包又好吸引吸引到我買左～冏冏之胖-抹茶味（$35）抹茶麵包表面有層白朱古力及抹茶粉內有吉士，紅豆粒好肥丫😂😂飲品-墨切烏龍藍芝士奶蓋（$35）烏龍茶真係同奶蓋好夾， 奶蓋用藍芝士， 好特別， 平時出面奶蓋帶些甜， 藍芝士有些咸

睇到好多media報導，行過元朗廣場見到呢度已經開左喇，咁岩要買早餐不如今日就黎試下！！大約12nn，見到剛剛呢幾個髒髒包上架，決定一連三種味買哂，返去同同事share。另外可能時間尚早，珍珠包仲有啊（上網睇好多人話好早買哂😂）所以順便買黎試下。以前食果d髒髒包係酥皮既，但呢度呢種係好有回彈力，裡面有cream cheese既，完全有種唔同既感覺！初初以為咁多朱古力脆皮會好漏，但呢個完全無呢種過份甜膩既感覺，可能係因為cream cheese 種淡淡酸香中和了，也因為朱古力的%較高，回甘味道好唔錯！抹茶味同草莓味我都各試左少少，so far都係無死甜既感覺，絕對可以回頭的！至於珍珠包竟然有好香既茶味！亦是我覺得好驚喜呢！