微酵烘焙 (已結業)

睇到好多media報導，行過元朗廣場見到呢度已經開左喇，咁岩要買早餐不如今日就黎試下！！大約12nn，見到剛剛呢幾個髒髒包上架，決定一連三種味買哂，返去同同事share。另外可能時間尚早，珍珠包仲有啊（上網睇好多人話好早買哂😂）所以順便買黎試下。以前食果d髒髒包係酥皮既，但呢度呢種係好有回彈力，裡面有cream cheese既，完全有種唔同既感覺！初初以為咁多朱古力脆皮會好漏，但呢個完全無呢種過份甜膩既感覺，可能係因為cream cheese 種淡淡酸香中和了，也因為朱古力的%較高，回甘味道好唔錯！抹茶味同草莓味我都各試左少少，so far都係無死甜既感覺，絕對可以回頭的！至於珍珠包竟然有好香既茶味！亦是我覺得好驚喜呢！